Posted:
Anand ne kaamwali bai ko phone kiya aur bol diya ki hum yeh rishta tod rahe hain.
Bai shocked par Anand ne yeh na bataya ki aap ne sapole ko janam diya hai isliye aisa kar rahe hain.
PreeNa happy.
Anand ne teenon shaitanon ka shukriya ada kiya aur N ko officially adopt kar liya.
Preeti ne calendar pe 21st Aug ko round kiya aur bola ki aaj se hamara independence day hai yeh.
( if you see earlier epi, this calendar mark was already there. I was wondering why? ab jaa kar samjha woh scene baad mein shoot huye the jo pehle air huye, Ne Waah!)
"tujhse badi aazadi mujhe mili hai warna saari umar uss ullu gadhe ko jijaji bolna padta.
( tujhse badi aazadi hamain mili hai Preeti warna uss BKC MCP ko kuchh aur epis jhelna padta)
Preeti ke andar Surma Bhopali ki aatma ghus gayi aur bol rahi hai Jai Veeru ki tarah BKC ki bhi dhulai karti.
( tum toh rehne do Preeti, saanp ke jaane ke baad lakeer peet kar koi faayeda nahi hota)
Anand aur Bela ne Sam ka naam na suna, abi tame hai uss mein phir N ko laga aadha ghanta ho gaya hai toh bharat milaap ka time ho gaya hai.
Sam ka role reversal aur N ke sangat ka asar ab dikhne laga hai. On BG tere mere honton pe dreaming abt their home and nameplate as 'Naina & Sameer Maheshwari '(degree : donon sapnon ke saudagar)
(Kisi achchi jagah aur bade wala ghar dekhta Sam sapne mein, lagta hai N ne training theek se nahi di hai, chalo koi nahi BFM banke properly seekh ke aana, okay?)
Sam VO talking abt maths mein pehle se kamzor tha
( maths hi kyun beta har subject mein padhai mein kamzor hai tu phir bhi commerce liya, manna padega)
Phir kismat naya hisaab likh rahi thi bole aur woh hamain baad mein pata chal hi jaayega. ( sirf ek hisaab word use karne ke liye maths mein kamzor hone ka ref, good going CVs!)
Idhar, Taiji ka Lalita Pawar avatar aur donon bhai ko Anand Bela ke khilaaf bhadkate huye, par end mein jo hua usse achcha shayad Bela ne sapne mein bhi na socha hoga. Tauji ne rishta tod diya.
( ise kehte hain blessing in disguise, ab Anand Bela ke andar mahaanta ka jinn mat ghusa dena CVs)
Next morning, Preeti ko cable lagwana hai ghar pe.
(ab toh Taiji bhi nahi aane wali Preeti, mauja hi mauja)
Naina ko laga naya din shuru ho gaya hai toh uthte hi Anand papa ko gale lag ke Thank You bolne ka time ho gaya hai.
Naina ne poem likhi Anand papa ke liye jo prose jaise lagi.
( poem ko Sam ke liye chhod do Naina, tum prose likho yeh ahsaan hoga hum par kyunki poem pe reactions OTT milte hain yeh CVs ka puraana tareeka hai)
Idhar college mein Swati ko Naina ne raat hi bata diya aur Munna (typical step mummy jaise behave kar kara hai) ka anokha avatar, Ponga aur Swati ko bolne se rok raha hai.
( yeh loverboy banke pagla jaata hai, isko Swati ke aas paas bhi rakhna khatre se khali nahi hai)
Phir Pandit ne bata diya ki asli ponga Munna hai aur Sam ko bol hi daala N ka rishta toot gaya hai.
Sam ne ' khao peeyo aur aisss karo' poster ka sahala liya support ke liye.
( iss mein symbolism mat dhundhne lag jaana dosto, har baat mein symbolism ho aisa zaroori nahi hai, aur agar ho toh batana zaroor *coughs*)
Phir Anand ghar pe jaldi aa gaya aur Bela ke saath do jawaan betiyon ke baap wala romance kiya
( ab yahi bacha tha dekhne ke liye, Samaina romance maanga toh ShefJun, Anand Bela, SwaMun,SamSu sab mil gaya par Samaina na mila aur abhi yahi TP romance se dil behlana padega shayad)
Phir N ki FD karayi toh woh bataya.
( pehle yeh batao FD Naina ki sign ke baghair hoti hi kaise hai?)
Aur N ko surprise dena hai bole toh N ke room mein gaya chhupane ke liye.
( Anand jab bhi iss room mein jaata hai N ka raaz pata chalta hai, isse pehle woh admission fee ka raaz pata chala tha na)
Aaj Sam ka letter mila woh bhi Dilli ke time wala jo Naina ne already thikane laga diya tha par Anand ke liye bahar nikal ke rakha hua hai.
Precap... Anand papa ko ghussa aaya aur N ki jasoosi karne college aa pahunche, ab dekhna hai kya pata chalta hai inhein! (N ke chachaji, bharosa, pyar nahii nahii dosti haan haan wale dialogues toh bante hain)
