OS: Words and Promises.

Kaise kahun ke tum mere liye kya ho.

Kaise samjhaaun kisiko ki tum mere liye kya ho.

Meri hasi, meri khushi, mera rona sab tum hi to ho.

Mere saans lene ki wajah tum ho aur saanse bhi tum ho.

Aur un saanson ke faaslon mein bhi tum ho.

Mera jeena marna tum ho. Aur meri tadap bhi tum ho.

Mera dard tum ho. Us dard ki dava tum ho.

Mera aaina tum, aur aks bhi tum.

Apne aap se anjaan tha main. Tumne mujhe mujhse milaya.

Khud se ek nayi pehchan karvaayi.

Khuli aankhon se sapne dekhna sikhaya.

Jhuthi hasi ko sachi khushi mein badal di.

Khwaabon ko pankh diye aur udna sikhaya.

Chup chap mere dil me chali aayi aur wahin apna ghar bana liya.

Ab tum mere dil mein rahti ho.

Meri soch mein, meri zuban se kaheti ho.

Meri dhadkano mein dadakti ho. Meri ragon mein lahu banke daudti ho.

Mujhe zindagi de kar meri zindagi ban gayi.

Mujhe jeena sikha diya. Ab mujhe marne ka salika bhi sikhaado.

Kyunki tum bin na jiya jata hai aur na hi marte hain.

Aur log kahaten hain ki tum meri nahi ho.

Ab inhe kaise samjhaaun ki jeene ke liye tumhara haath thaamna zaruri hai.

Kaise samjhaaun ki andheron mein ghira huya hoon, Raoshni ki kiran tum ho.

Inhe lagta hai ki tum mera pyaar ho.

Kaise samjhaaun, ki tum mera pyaar nahin mera joonun ho, mera pagalpan ho.

Mera wajood tumse is kadar juda hai ki, aankhon ke bina bhi tumhe dekh sakta hun.

Tumhe mehsoos kar sakta hun.

Khud ki dadkane sunai de ya nahin. Par tumhari dhadkane pehchan leta hun.

Bina kahe, bina sune tumhari aawaz mujh tak pohonch jati hai.

Tum mein is kadar samaaya hu ki khud ko bhul gaya par tumhara ehsaas har pal hai mujhko.

Tumhaara hun. Tumse hun. Tumhare liye hun.

Aur log kahte hain ki tum meri nahi ho.

Nimmi🤗

I wrote this for Vividha, but thought that it will fit for your Suraj as well. He is that beautiful. Heart and soul. Thank you for fulfilling our dream. For I am sure many of us wish see this Suraj on screen.

Yours stories and write ups give such immense pleasure to my heart that sometimes it just leaves me speechless and overwhelmed. I wish I knew how to write more for you.

Love ❤️

Geet