Shayri ( My Collection)

Page

Next Last

Hussain

@.Hussain.

Stunner

Posted: 12 years ago

Kab Uska Visaal Chahiye Tha?
Bas Ik Khayal Chahiye Tha
Kab Dil Ko Jawab Se Gharaz Thi?
Honton Ko Sawaal Chahiye Tha
Ek Chehra Saada Tha Jo Hum Ko
Be Misl-O-Misaal Chahiye Tha
Ik Qarb Main Zaat-O-Zindagi Hain
Mumkin Ko Muhaal Chahiye Tha
Main Kya Hoon Bas Ik Malaal-E-Maazi
Us Shakhs Ko Haal Chahiye Tha
Hum Tum Jo Bichar Gaye Hain Hum Ko
Kuch Din To Malaal Chahiye Tha...!!!

Edited by AttitudePrince - 12 years ago

Quote

Frequent Posters

Hussain

@.Hussain.

Stunner

Posted: 12 years ago

Duniya Ne Ham Pe Jab Koi Ilzaam Rakh Diya

Hamnay Muqaabil Uskay Tera Naam Rakh Diya

Ik Khaas Had Pe Aagayi Jab Be-Rukhi Teri
Naam Uska Hamnay Gardish-E-Ayyaam Rakh Diya
Main Larkhara Raha Hoon Tujhay Dekh Dekh Kar
Tu Ne To Meray Samnay Ik Jaam Rakh Diya
Kitna Sitam Zareef Hai Wo Saahib-E-Jamaal
Usnay Diya Jala Ke Lab-E-Baam Rakh Diya...!!!

Edited by Alone_Prince - 12 years ago

Quote

Looks like you are new here. Register for free, learn and contribute.

Hussain

@.Hussain.

Stunner

Posted: 12 years ago

Gehrayi Alag, Lehron Ka Phelao Alag Hai

Sahil Se Magar Maujon Ka Takraao Alag Hai

Likkhay Hue Har Lafz Ki Taseer Se Barh Kar

Bolay Hue Alfaaz Ka Pathraao Alag Hai
Jo Khud Ko Sametay Hue Saalim Hai Bazahir
Us Tootay Hue Shakhs Ka Bikhraao Alag Hai
Ho Jis Main Samandar Ka Safar, Us Ke Muqabil
Lagti Hai Kinaray Se Jo, Wo Naao Alag Hai
Ye Jaal Alag Hath Main Bunti Hain Lakeerein
Qismat Ke Sitaaron Ka Uljhaao Alag Hai...!!!

Quote

Hussain

@.Hussain.

Stunner

Posted: 12 years ago

Goshay Badal Badal Ke Har Ek Raat Kaat Di

Kacchay Makaan Main Ab Ke Bhi Barsat Kaat Di
Wo Sar Bhi Kaat Deta To Hota Na Kuch Malaal
Afsoos Ye Hai Usnay Meri Baat Kaat Di
Halan Ke Hum Milay Thay Badi Muddaton Ke Baad
Auqaat Ki Kami Ne Mulaqaat Kaat Di
Jab Bhi Hamein Chiraagh Mayassar Na Aa Saka
Sooraj Ke Zikr Se Shab-E-Zulmaat Kaat Di
Dil Bhi Lahu Luhaan Hai, Ankhein Bhi Hain Udaas
Shayad An'a Ne Shehrag-E-Jazbat Kaat Di
Jadugari Ka Khel Adhura Hi Reh Gaya
Darvesh Ne Shabeeh E Tilismaat Kaat Di
Thandi Hawayein, Mehki Fiza, Naram Chandni
Shab To Bas Ek Thi Jo Teray Sath Kaat Di...!!!

Quote

Hussain

@.Hussain.

Stunner

Posted: 12 years ago

Meri Rooh Jaisay Kuchal Gaya

Koi Shakhs Aisay Badal Gaya
Ye Kis Ka Harf-E-Dua Raha
Ke Main Girtay Girtay Sambhal Gaya
Teri Yad Jab Anay Lagi
Mera Dard Jaisay Behal Gaya
Meri Qismaton Ka Qaafila
Kisi Aur Jaanib Nikal Gaya
Tumhein Dekhtay Hain Besabab
Koi Khwab Mera Machal Gaya
Mera Pattharon Sa Ghuroor Tha
Magar Teray Aagay Pighal Gaya...!!!

Quote

Hussain

@.Hussain.

Stunner

Posted: 12 years ago

Hum Nazuk Nazuk Dil Walay

Bas Aisay Hi To Hotay Hain
Kabhi Hanstay Hain Kabhi Rotay Hain
Kabhi Dil Main Khwab Pirotay Hain
Kabhi Mehfil Mehfil Phirtay Hain
Kabhi Zaat Main Tanha Hotay Hain
Kabhi Chup Ki Mohar Sajatay Hain
Kabhi Geet Labon Par Latay Hain
Kabhi Sab Ka Dil Behlatay Hain
Kabhi Khud Hi Tanha Hotay Hain
Kabhi Shab Bhar Jaga Kartay Hain
Kabhi Lambi Taan Ke Sotay Hain
Hum Nazuk Nazuk Dil Walay
Bas Aisay Hi To Hotay Hain...!!!

Quote

Hussain

@.Hussain.

Stunner

Posted: 12 years ago

Mohabbat Dushman-E-Jan Bhi

Mohabbat Yaar Hoti Hai
Mohabbat Jeet Bhi Shayad
Mohabbat Haar Hoti Hai
Kabhi Aisa Bhi Hota Hai
Mohabbat Paas Dikhti Hai
Magar Us Paar Hoti Hai...!!!

Quote

Hussain

@.Hussain.

Stunner

Posted: 12 years ago

Ap Ki Baat Man Li Hamnay

Apnay Hathon Hi Jan Li Hamnay

Aj Se Bhool Jayengay Khud Ko
Aj Se Ye Bhi Than Li Hamnay
Ronaqon Se Bhara Hua Tha Nagar
Teray Gham Ki Dukan Li Hamnay
Aa Giray Dhap Se Sakht Mitti Par
Bin Parro'n Ke Uraan Li Hamnay
Khud Farebi Bhi Ho Gayi Mushkil
Jab Haqeeqat Hi Jan Li Hamnay...!!!

Quote

Hussain

@.Hussain.

Stunner

Posted: 12 years ago

Mujhsay Milnay Ke Wo Karta Tha Bahanay Kitnay

Ab Guzaarega Meray Baad Zamanay Kitnay

Main Gira Tha To Bahut Log Rukay Thay Lekin
Sochta Hoon Mujhay Aaye Thay Uthanay Kitnay?
Jis Tarha Mainay Tujhay Apna Bana Rakha Hai
Sochtay Hongay Yehi Baat Na Janay Kitnay
Tum Naya Zakhm Lagao Tumhay Ijazat Hai
Bharnay Walay Hain Abhi Zakhm Puranay Kitnay...!!!

Quote

Hussain

@.Hussain.

Stunner

Posted: 12 years ago

#10

Janay Kyun Shikast Ka Azab Liye Phirta Hoon

Main Kya Hoon Aur Kya Khwab Liye Phirta Hoon
Usnay Ek Bar Kiya Tha Sawal-E-Mohabbat
Main Har Lamha Wafa Ka Jawab Liye Phirta Hoon
Usnay Poocha Tha Kabsay Nahi Soye
Main Tabsay Ratjagon Ka Hisab Liye Phirta Hoon
Uski Khwahish Thi Ke Meri Ankhon Main Pani Dekhay
Main Tabsay Ankhon Main Sailaab Liye Phirta Hoon..!!!

Quote

1 2 3 4 5 ... 94

Shayri ( My Collection)

Related Topics

Explore Topics