Ju’s intv...HT ..thanks Ekta

hi

Ekta, our friend at hk group has very kindly translated ju's intv for all of us to read. thanks eksoo

intv from the below link:

http://epaper.hindustandainik.com/artMailDisp.aspxarticle=13 _04_2006_201_006&typ=1&pub=324

thanks to shaira for the link-(it's in hindi)

Kumkum se logon ke dilon mein jagah banane waali Juhi Parmar ab isi serial mein ek aisa kirdaar nibhati nazar aa rahi hain, jisse career ke iss daur par bahut kam log karna chahenge. Serial Kumkum ki kahaani 20 saal aage badhne se, Kumkum ab 3 bachchon ki maa bani nazar aa rahi hain, jo lag-bhag unhi ke umr ke hain. Haal hi mein Juhi ne Vandana Verma se baat-cheet ki..

Career ke iss mod par aisa padav mehnga toh nahin padega?

Main ek actor hoon. Main 20 saal ki ladki ke saath saath 40 saal ki aurat ka kirdaar bhi behter nibha sakti hoon. Yahi toh mera kaam hai!

Pehle patni aur ab saas banna kitna mushkil lag raha hai?

Mehnat toh karni padti hi hai, lekin mushkil jaisa kuch nahin hai. Maine apni neeji zindagi se jude aas-paas ke logon se acting karna seekha hai. Jaise pati-patni ka kirdaar main apne mata-pita ke rishte se prerit hokar nibha rahi hoon.

Kumkum aur Preity Zinta mein kya antar hai?

Log Kumkum ko apne ghar ka sadasya maante hain, Preity Zinta ko nahin!

Aapke zindagi mein sabse zyada ehmiyat kis cheez ki hai?

(Hanste hue) Mere mobile phone ki! Kyunki ek yehi toh hai, jo ghar se duur hone ke bawajood, parivaar se baandhe rakhta hai.

Romance ko lekar aapki kya soch hai?

Romance ke maamle mein meri soch 'Chandni' ki Sridevi ki tarah hai, jisme chanchalta, alhadpan aur pavitrta hai.

Aapka first crush?

Mera first crush Salman Khan hai! Uss samay main 9th mein thi.

Yeh reel life ka hai. Real life ka crush bataiye..

Uss taraf sochne ka kabhi mauka hi nahin mila. Main hamesha se hi apne baare mein bahut clear rahi hoon. Mere liye pyar ka matlab shaadi hai. Yeh nahin ki chalo 4 din saath chalkar dekh lete hain, phir jo hoga dekha jaayega.

Aapke reel life pati Sumit (Hussain) ki toh shaadi ho gayi hai..

Ab toh mera peechha chhod do! Pata nahin mujhe aur Sumit ko saath kyun joda jaata hai! Hussain aur Tina ko saath dekhkar khushi hoti hai.

Apne liye kis tarah ka ladka chahti hain aap?

Woh mere kaam ki izzat kare aur usmein sense of humour gazab ka ho! Uski shakal bhi Abhishek Bachchan jaisi honi chahiye!

Jab shooting se samay milta hai toh kya karti hain?

Mujhe dance karne ka bahut shauk hai..so jab bhi samay milta hai, toh shuru ho jaati hoon!

Aapki sabse badi khaasiyat kya hai?

Main sense of humour ki badshah hoon! Jiske saath bhi baith jaati hoon, woh hasta rehta hai!

Aapki sabse badi kami?

Main bahut jaldi react karti hoon aur issi wajah se mujhe kayi baar nuksaan uthaana pada hai.

Kis tarah ke outfits pehna pasand karti hain?

Mujhe saree bahut pasand hai..lekin main jeans mein sabse zyada comfortable mehsoos karti hoon.

Kaunsa serial dekhna pasand karti hain?

Mujhe 'Sarabhai' dekhna achcha lagta hai.

Aapke purse mein hamesha kaunsi cheez rehti hai?

Perfume mere purse mein hamesha rehta hai.

Aapka din kahan se shuru hota hai aur kahan par khatam?

Mera din brush karne se shuru hota hai aur alarm lagane par khatam hota hai!

Zindagi se koi shikayat?

Yehi ki mere paas apne liye samay nahin hota hai!

norzar

thnks sooo much for sharing Juhi must b the only real shareef girl on TV wid no Bf's or rather i shud say widout a million Bf's....so sweet 'pyar ka matlab shaadi'..

thanks for the article yaar

omg thats great juhiz ur every day average person and she likes Abhishek!!thats wicked, she likes dancing hehehe!!! Thanx for sharing!!! 😆

Thanks alot. The way she answered the questions shows her intelligence. Great Post.

thanx alot 😊
nice interview 😃

is kumkum only 20 yrs. old...................

Thanks a sharing this sweet interview of juhi, i must say she has a very good style of answering questions just like our hussain 😊..

Friends u know wat is soo funny in this article 😆 .That even after hussain marriage ppl still talk bout both of them together hahaha yaar r these media ppl off their head hussain is married already haha becharri juhi she though that ppl will not talk bout this anymore hahahaha..

thnks 4 sharing...norzar

ju is so sweet n traditional.....love means marriage...wow beautiful concept...i appreciate tht thought of her👏

hi

even i love ju's thoughts

norzar