FF: Pighalta Aasmaan [Epilougue,28/01/09 PAGE 46]

Pighalta Aasmaan

Kabhi kabhi do insaano k raaste is tarha mil jate hai..k bas jaise iske alava aur koi rasta hi nahi raha..

Zindagi bahut hi ajeeb hai..iske pichhe bhaagte raho..haath me nahi aayegi..par jis pal aapne isse muh ferne ka socha..yeh kuchh aise karname dikhayegi..k aapko lagega..k haa..zindagi abhi shuru hui hai..jee lete hai isko..jee bhar k..

Jay aur Bani k saath bhi aisa hi hua..

Jayjeet sareen aur Bani Sachdev..inki mulakat to pahle hi hui thi..par pyaar ka ahsaas ..kab jaga..yehi kahani hai..

Lead role:-

Ram Kapoor as JayJeet Sareen

Prachi Desai as Bani Sachdev

THE SUPPORTING ACTORS:-

CAPTAIN PARAMJEET SAREEN

Dosto..is forum me mera pahela fic hai..please..co-operate

Originally posted by: siumi

Please don't use mayuscule word, it's considered like you're shouting or screaming, please use miniscule letters 😊
As for the ff, looks nice 😊

"kabhi hai ishque ka ujala..kabhi hai maut ka andhera..

batao kaun bhes hoga..main jogi banoo ya lootera..

kai chehre hai is dil ke..

na jane kaun sa mera..

maine dil se kaha ..dhundh lana khushi..

nasamajh laayaa ghum to yeh ghum hi sahi.."

Dhiraj--JJ..bahut ban chuka tu Devdas..arre bhul jaa usko..yaar..bahut milegi uski jaisi..come on..aur ho sakta hai..usne bhi apni zindagi k lia dusra koi humsafar chun lia ho...tu dil chhota mat kar..

JJ--mera dil mere bas me nahi...

Dhiraj--tere parents bol bol k thak gaye..par tu shadi k lia raazi nahi hua..aur tujhe ek aisi ladki se pyaar hua..jiske bare me sochna..JJ this is not right..

JJ--yaa ..I know..but I can't control my feelings for Bani..mere nas nas me sama chuki hai ..

Dhiraj--Jay..yeh raaste par tu jis manzeel ko payega..waha par sirf dukh hi hai..woh tujhse pyaar nahi karti..

JJ--hmm..main kyaa karoon?khud ko pyaar karne se rok nahi pata..

JJ..urf Jayjeet Sareen and Dhiraj Sahni..close friends..

abhi dono baithe hai Mumbai k 'Someplace Else' me..

waqt hai 09:00PM..Date--12 July,2006..

usi waqt..

Ek ladki..Delhi me..apne ghar me ..apne kamre me baithi hai..

"Bani,
abhi main Baramullah me hoon..Shrinagar se 2 din pahle lauta hoon..I swear..khubsurti kisko kahte hai..koi Kashmir ko dekh kar samjhe.Har waqt jaan hatheli me lekar ghumna padta hai..par khubsurti to khatarnak to hoti hi hai..jagah jagah base camp banata fir raha hoon..pata nahi kab shelling hogi ya firing hogi..par yeh jo pal hai..main bayaan nahi kar sakta..kaash tum yeha hoti..

maut k dahleez par aake zindagi itni khubsurat lagti hai mujhe malum nahi tha..yeh vaadian..yeh pahad..yeh gehri khai..lagta hai..is dunia ka hissa hi nahi..fir jab goli chalti hai..samajh me aata hai..k haa..hum isi dunia me hai.. pata nahi Bani..itni khubsurat jagah kaise itni tabahi ki wajah ban gai..jo inko khoon se rangte hai..unko bura nahi lagta..is khubsurat vaadi ko is tarha badsurat bana rahe hai woh?
khair..abhi mujhe jana hai..March Past k lia..take care..give my love to all..
yours..

Param.."

Bani is khat ko roz padhti hai..

bahar zor ki bijli kadak rahi hai...baarish hone waali hai..

Shadi k dusre hi din Param ko jana pada..emergency duty par..Kahsmir

bas Param k khat ka hi sahara hai tab se..

Param k sare khat woh samhal k rakh deti hai..jab man bahut kharab hota hai..tab akele me in khato ko padh leti hai..

fir kuchh aansoon..kuchh aahen..bas..haal-e-dil aise hi bayaan kia jata hai..

"bechara kaha jaanta hain..khalish hai yeh kyaa khala hai..

shaher bhar ki khushi se yeh dard mera bhala hai..

jashan yeh raas naa aaye..maza to bas ghum me aayaa hai..

maine dil se kaha..dhoondh laana khushi..nasamajh laya ghum to yeh ghum hi sahi.."

"Jee haa dosto..jinhone ghum ko apna saaki aur saathi bana lia hai..unhike lia yeh gaanaa hai.."maine dil se kaha.."par dosto zindagi waise hi chhoti hai..isko khush hoke beetaana chahie..so guys time to listen some more songs..but after a break..so stay tuned with radio mirchi.."

Bani ne radio bandh kar dia..

chali gai bahar..baarish me bheegne k lia..

Bani ne aaj solah shringaar kia hai..Laal saree..mahendi..maang me sindoor.. choodian..

12 July ko hi Bani ki shaadi hui thi ..

zor ki baarish ho rahi hai...

baarish me naach rahi hai Bani..

hosh kho k...naach rahi hai..

naachte naachte uske pairo k tale kankar..patthar..sab aaye...

pair se khoon nikalne laga..

"Bani..Bani..yeh kyaa paagalpan hai...?"

ek aurat ne Bani ko pakda..

Bani ka har shringaar..baarish k pani me dhul gaya hai..uski maang se sindoor dhul k uske chehre pe laal rang fail gaya hai..

Bani ko andar le gai woh aurat...

usi waqt Mumbai me..

Jay apne ghum ka fasana suna raha hai Dhiraj ko..

Dhiraj--kum se kum 50 baar sun chuka hoon..yeh kahani..face the reallity JJ..woh teri nahi hai..

Jay--jaanta hoon..Arz kia hai

"mere man ki yeh aag..is pighalte hue aasmaan k niche is tarha zinda hai.. jaise zinda rehti hai registan k paani ki ummeed..jaise zinda hai is zindagi k baad bhi ek dusri zindagi ka khwaab..ishque ka surroor hai..jo rehta hai dil me ban k jalta hua Aftab.."

Dhiraj--waaaaaaaaaahhh..abhi bahut hui shayari..abhi chal tujhe ghar pahuchata hoon..saale tu 37 ka ho gaya hai..yeh chonchle to College k ladko k hote hai..is umar me ...

Jay--Pyaar umar ki badha nahi maanta...

Dhiraj--pata hai..chal kal subha jayenge Mithibai College Campus...1st year k students se shuru karenge...jo tujhe pasand aayegi..usiko utha layenge.. abhi..mere baap..ghar chal..tujhe ghar pahucha kar mujhe ghar jana hai.. varna teri bhaabhi mujhe kamre me ghusne nahi degi..

Jay--chal chalte hai....

car me Dhiraj aur Jay..

Dhiraj--sun..tere lia koi 33 ya 34 ki ladki dekhta hoon...sharafat se usse shadi kar..to har mamle me parda pada rahega..Bani ka khayal chhod de..

Jay--impossible...mujhe kisi nirdosh ladki ki zindagi barbad nahi karni..

Dhiraj--I think Bani is a criminal..

Jay--nahiii..

Dhiraj--to tu uski zindagi barbad karne pe kyon tula hua hai?tu jo kar raha hai..kabhi socha hai tune..k usse uski zindagi par kyaa asar hoga?

Jay--mera aisa koi irada nahi hai..

Dhiraj--par tu wahi kar raha hai...badnami hogi Jay..

Jay--I don't care..

Dhiraj--may be you don't..but itna to maanta hai k woh kisi aur ki biwi hai..aur woh admi koi aur nahi..tera saga chhota bhai hai..

Jay--I know..

Dhiraj--come on Jay..tu Jeth hai Bani ka..Jeth aur Bahu k rishte ko daagdaar bana raha hai..

Jay--par Paramjeet ne usse kabhi pyaar kia hi nahi ....

Dhiraj--magar tu bhi to thik nahi kar raha hai...aisi galati mat kar yaar

Originally posted by: Pooja_fren

Wow I am attracted to it.
So jai's Bani's jeth and Bani's husband is gone for army
Waiitng for next one
Thanksssss

A humble request to the Modrators..I have a serious problem in my near vision..if you allow me to write in little bit bold font..my eyes wil have a less effort to edit..and do the needful about the fic..please..

font size will be 3 as per IF standards and bold..please allow me..