Fanfiction: Yun hi koi mil Gaya tha - Page 2

Chapter-2

Aj Kalyani ka Radio Goonj ki intern ke taur par pehla din tha. Kalyani khush thi ki ab vo bhi kahaniyan likhegi, pyar par, dosti par aur zindagi par, theek vaise hi jaise RJ Malhar sunata hai har raat nau baje. Vaise hamari Kalyani ke paas job offers ki kami nahi thi, magar fir bhi usne vo sab chhori...sirf ek sawaal ke liye...ki jiski kahaaniyan dil ko teer si beendh jati hain, jiski awaz mein sawan ki ghaneri raat ki tarah Kashish hai, vo RJ Malhar akhir hai kaun?

"Hello pretty lady," ek lambe se ladke ne Kalyani ka raasta rokte hue kaha.

"Sorry, magar aap kon hain?"

"Aap pakka mazaak kar rahi hai na," us ladke ne haste hue kaha, "RJ Atharv ko kaun nahi janta? After all, I'm the best RJ in Delhi aur Radio Goonj ke trustee ka beta bhi hoon."

Pata nahi kyon, Kalyani ko Atharv kuch ajeeb laga. Kalyani ne uska show sunne ki koshish ki thi magar uski baaton me ek banavtipan sa tha. Tabhi ek ladki daudti hui darwaze se bahar nikli. Atharv uske peeche chillaya, "Are Sampu suno to."

"Wo ro rahi thi kya?" Kalyani ne darwaze se jhaankte hue kaha.

"Kar bhi kya sakti hai bechari, us RJ Malhar ne kapde ki gudiya ki tarah khelkar use fenk diya, jab usse jee bhar gaya to."

Jab shaam ko Kalyani ghar lauti, to kahin kucch toot sa gaya tha, par kya ye Kalyani nahi jaanti thi. Ab jankar bhi kya karna tha use, tukdon se haathon ko kharonch hi lagti hai. Usne soch liya tha fir kabhi RJ Malhar ko nahi sunegi par pata nahin kyon khud ko rok hi nahi payi...

"Kalyani, tumne bahut koshish ki hogi khud ko rokne ki magar tum to meri saans ke har dhaage se bandhi hui ho. Tum kahin bhi ho, samay ke kisi bhi chhor me, meri awaz tumhari udaasi aur hansi ke nishaan dhoondh hi legi.

I wish ki meri life me bhi koi Kalyani hoti, tab tak aap listeners aur is kahaani ka hi sahara hai. To fir apni Kalyani ghar ke andar gayi aur usne dekha uske Baba alag alag falon ki jelly laye hain. Kalyani khushi se ucchal padi.

Maharajin ne tashtariyan sajaai. Kalyani ke muh me paani aa raha tha magar kya kare, jab tak Atul pehli jelly na kha len, tab tak vo unhe haath bhi nahi lagayegi. Akhirkar, Atul ne ek hare rang ki jelly khai. Kalyani ne raahat ki saans li kyonki use to apne pasandeeda fal annanas ki jelly khani thi aur use vo kisi se nahin baant sakti thi, apne baba se bhi nahin. Jeebh ko hothon ke cchor par firakar usne annanas ki jelly ki taraf apna haath badhaya hi tha, ki Dr. Malhar ne jelly uthai aur gap se use kha gaye. Kalyani ne kisi tarah apne man ko dilasa dekar doosri jelly khani chahi, par Dr. Malhar ne use bhi kha liya. Ek ek karke Dr. Malhar ne saari Annanas ki jelly kha li. Kalyani man hi man kudkudakar reh gayi. Usne ab us doctor ko sabak sikhane ki thaan li. Khaane ki mej se vo kuch is tarah uthi ki apni jootiyon sahit Dr. Malhar ke pair par khadi ho gayi. Dr. Malhar ke muh se naa chahte hue bhi ek karah nikli.

"Annanas ki jelly kaisi lagi apko?" Kalyani ne badi masoomiyat se Dr. Malhar se poocha.

Dr. Malhar muskurae aur kaha, "Bahut acchi."

Kalyani muh bichkakar chalne lagi to Dr. Malhar ne kaha, "Hee mulgi vedi ahe."

Kalyani ne palatkar kaha, "Me vedi nako."

Dr. Malhar sakpakakar bole, "Tumhe Marathi aati h?"

Kalyani boli, "me Marathi mulgi ahe. Mujhe kyon nahi aegi Marathi?"

Kalyani apne kamre me gayi to use ek neela jhola mila. Jhola khola to usme kai dibbe the. Kalyani ka man to nahi tha kuch bhi karne ka rone ke sivaay magar fir bhi usne ek dibba khola. Usme annanas ki jelly thi. Kalyani ne har dibba khol dala. Sabme Annanas ki jelly thi.

"Zaroor Baba laye honge mere liye."

Udhar Malhar nischint tha ki uska Uphaar Kalyani ke chehre par ek muskaan zaroor le ayega.

Isi ke saath suniye ye gaana. Jaane kya chahe mann baawra.

Pragya, this is outstanding...I have never read anything like this...

It's so beautiful 🥰 kalma in an entirely new avatar 💕💕💕 🤗

Please please continue 💕 I m in love with this story already

Originally posted by: Kalma18

Pragya, this is outstanding...I have never read anything like this...

It's so beautiful 🥰 kalma in an entirely new avatar 💕💕💕 🤗

Please please continue 💕 I m in love with this story already

Thank you so very much Minnie. It means a lot.

Very very different plot line.

It's really interesting.

Awesome Pragya.

Originally posted by: rekha_crm

Very very different plot line.

It's really interesting.

Awesome Pragya.

Thanks a lot Rekha ❣️

Got another update
This is too good

We are going to get 2 stories in one FF

That’s cool

Awesome job pragya 👏

Waiting for next update impatiently 😆

Chapter-3

"Sir, Maine aapse kaha na hamare show ko kisi aur writer ki zaroorat nahin h. Main hoon to kahaaniyan dhoondhne ke liye aur unhe likhne ke liye."

"Theek hai na. Mujhe bhi inke saath kaam nahi karna. Mujhe RJ Atharv ke show ka writer bana deejiye."

Uski awaz me vahi akdupan, vahi saafgoi thi. Malhar ko uska chehra dekhne ki zaroorat nahi thi lekin jaise hi muda, aisa laga jaise kisi ne ek kitaab par jami saalon ki dhool ko ponch diya ho.

Malhar ne kaha, "Haan Sir. Inhe RJ Atharv ke show me hi likhne deejiye. Mere show ki kahaniyan likhna inke bas ki baat nahi."

"Aisa kon sa chandrma me jaakar apni kahaniyan dhoondhte hain aap? Vo Kalyani aur Malhar ki kahaani, jaahir hai aap jaise cheap, matlabi insaan ne to vo kahaani nahin hogi, kahin se dhoondi hi hogi vo kahaani. Bataiye kahan se dhoondi thi apne vo kahaani?"

"Vo main tumhe kyon bataun? Sir aap jaiye, main inhe kaam samjha doonga."

Production manager chala gaya.

"Vaise tum Atharv ko kaise jaanti ho?"

"Aapko usse kya?"Kalyani ne chidhkar poocha, "Hee mulga veda ahe."

Malhar ne palatkar kaha, "Me veda nako."

Kalyani boli, "Aa...Aapko Marathi aati h?"

Malhar ne muskurate hue kaha, "me Maratha mulga ahe. Mujhe kyon nahi aegi Marathi?"

"Aapne Sampada ke saath kya kiya tha?" Kalyani ne dheeme se poocha.

"Shaam ho gayi, Kalyani. Tumhe ghar pahunchne me der ho jayegi. Tum niklo. Mujhe apne show ki taiyyari karni hai."

"Par..." Kalyani ki baat adhuri reh gayi. Metro me use yaad aya usne to Malhar ko kabhi apna naam bataya hi nahi tha.

"Raat ke nau baj gaye hain aur main RJ Malhar fir hazir hoon apke liye Kalyani aur Malhar ki kahaani lekar. Magar aaj ham baat karenge Sampada ke baare me." Kalyani ne jaise hi radio par Sampada ka naam suna, vo chaunk gayi. Use zara bhi andaja nahin tha ki RJ Malhar apna listener count badhane ke liye is tarah apni personal life ka istemaal karenge."

"Sampada, vo jheel ka shaant paani nahin, jwaarbhata ke samay samudra ki vo lehar thi jo apne saath sab kuch baha le jati hai. Din ab lambe hone lage the. Manav angon ki sanrachna ki jatiltaon ko college me samajhte hue din aur shaam ko Deshmukh ji ke ghar unse desh duniya ke muddon par charcha karte hue aur unki beti ko chidhakar Malhar ke din kaise beetne lage, use pata hi na laga. Aj vo Bandyopadhyay bookstore me surgery ki kuch aur kitabein lene aya hua tha. Gramophone se Aaiye Meherbaan geet ki dhun aa rahi thi. Bookstore me ghup andhera tha.

"Koi hai?" Malhar ne kuch thithakte huye poocha.

Andhere me ek ladki ki awaz goonji, "Jaane kyon patange ko zid hai raakh ho jane ki, shama ki pyaas to sau patangon ki khaak se bhi na bujhegi."

"Ji?" Malhar ko ab ajib sa dar lagne laga tha.

"Aam ki bauren pakkar surkh ho gayi hain, aur janaab is shaayri ka matlab bhi nahin jaante. Kisi ne sahi kaha hai ki ladkon me kewal marne maarne ka dimag hota hai, nazakat aur nafasat ki baaton se unka koi talluk nahin hota."

"Maaf keejiyega, magar Bandyopadhyay ji kahaan hai? Mujhe...mujhe kuch zaroori kitabein leni thi."

Vo ladki zor se hansi aur boli, "Main hoon Sampada Bandopadhyay, is dukaan ki maalik aur Banaras ki sabse mashhoor shayra."

Malhar kitabein dhoondhne me laga tha magar jab jise jitni jaldi ho, vo kaam utni hi der se hota hai. Sampada uske bagal me khadi ho gayi aur uske kaan me phusphusate hue boli, "Kya hua? Ghar jaane ki itni jaldi hai?"

Malhar se na Haan bola jaye na naa.

Sampada andar gayi aur kitabein le ayi. "Ye rahi tumhari kitaabein."

Malhar ne jaldi se unhe liya aur apni cycle aise daurai jaise koi nishidak uska naam lekar bula rahi ho. Par jo bhi hua usme galat kya tha? Sampada bahut sundar thi...use to khush hona chahiye tha ki itni sundar ladki ne usse is tarah baat ki. Koi baat nahi? Deshmukh ji ke ghar jakar vo Kalyani se zaroor poochega iska matlab. Aur Malhar chal diya, Kalyani ki soorat apne dil me basaaye jaise jeth ki dhoop se jalti dharti chandrma ka swapn apni har shwaas mein basaye rehti hai.

Isi ke saath chor hara hoon apki is haseen nagme ke sath: https://youtu.be/ZG-m3EHwikA

Originally posted by: Priyapriyu

Got another update
This is too good

We are going to get 2 stories in one FF

That’s cool

Awesome job pragya 👏

Waiting for next update impatiently 😆

Thanks a lot Priya. I've updated the next chapter.

Arre waah

Meri bullet rani 😘

Kitni jaldi update di hai tumne 👏

Sampada ka 1948 character ek dum mast hai

Shayara 👍🏼

Aap apne lekhan se Hume us daur ki yatra par le jati hai

Adbhut 🤗

Loved it

Pragya apni FF ko index me bhi add kar dena

It will be easy to find them