** aaj tumhari saalgirah hai **

AAJ TUMHARI SAALGIRAAH HAI

jalti shamein roshan chehre

kamni ladiyaan nazuk sehray

nargis,bela,motia,lala

juhi,champa aur banafsha

har koi shaad hai naa

aaj tumhari saalgirah hai

dekho hum ko yaad hai naa

hum tou sirf duago log

khaak o maher ka kya sanjoug

paas rahein ya door rahein

wehshat se ranjoor rahein

mehfil tou aabaad hai naa

aaj tumhari saalgirah hai

dekho hum ko yaad hai naa

tark e taaluq khoob kiya

dil per kari waar saha

nouch di konpal chahat ki

aas na rakhi raahat ki

dil meho e fariyaad hai naa

aaj tumhari saalgirah hai

dekho hum ko yaad hai naa

kaise kaise khwaab bunay

rang brange khwaab chunay

saalgirah ka cake katey ga

haath pe un ka haath rahe ga

khwaab har aik barbaad hai naa

aaj tumhari saalgirah hai

dekho hum ko yaad hai naa