na pooch

kitni mushkil se kati kal ki meri raat na pooch

dil se nikli hoi honton mein dabi baat na pooch

main jis k wastay larh jaun gi Khudai se

mujhay khud se hai pyari yeh kis ki zaat na pooch

woh kis ada se mere samne se guzra abhi

kis tarha maine sambhala mere jazbaat na pooch

waqt jo badlay tu insan badal jate hain

kya nahi dikhlatay yeh Gardish-e-halaat na pooch

woh kisi ka ho bhi gaya aur mujhe khabar na hoi

kis tarha us ne mujhse churaya hai haath na pooch

kis tarha pal mein us ne begana kar diya

kis tarha apnoun se khai hai meine maat na pooch

ab tera pyar nahi tu sanam kuch bhi nahi

kitni mushkil se banai thi dil ki yeh kainaat na pooch...