IQBAL:"Neha! Ye kya mazaak hai...main yahaan shooting karne aata hoon...tumhaare saath chhupa-chhupi khelne nahiin...kahaan rakha hai mera lunch-box?"
NEHA:"Dhoondte reh jaaoge! Mere expressions aur meri aawaaz ka mazzak banaate waqt kuuch socha tha kya tumne...aaj tumhe khana nahiin milega."
AMIT:" Neha...ye kya bachpana hai! Tumne Iqbal ka lunch chhupa diya?...bachpane ki bhi hadd hoti hai."
IQBAL:"Thanks Amit...lekin is chuhiya ka dimaag to South-India ke studios mein hi reh gaya hai.....bhookh ke maare mujhe itna gussa a raha hai ki ab lagta hai Neha par hi ketchup daalkar kaam chalana padega."
NEHA:"Iqbal! Tum mujh par ketchup daaloge?...to main kya tumhe chhod doongi? Shot over hone do...tumhe Sambhar-vade mein drown kar doongi."
AMIT:" Chal yaar...baju mein ek naya Udipi dhaba khula hai...wahaan chalte hain...waapis aate hue tumhaari is chuhiya ke liye ek lollipop le aayenge...kum se kum iska munh to bandh ho jaayega."
IQBAL:"Lollipop ka kauna flavour pasand karogi, Neha? Karela ya neem?"
NEHA:" Strawberry, samjhe Eiffel Tower? ye lo chhutte...agar mujh par ek atthani bhi kharch karoge to saat janam tak sunaate rahoge."
AMIT:" Bewakoofon! Pehle apna shot to poora kar lo...director chillaate-chillaate behosh hone wala hai."
IQBAL:" Wow! Reel-life mein mere liye marne ke liye tayyaar ho gayi aur real-life mein mujhe bhookh se maar rahi ho."
NEHA:" On-screen tumhe romance karne ke liye mujhe pay-cheques milte hain...aur tumhara lunch-box to main muft mein gaayab kar rahi hoon....accha hi hai, vaise bhi non-veg kha-kha kar tum football hi ban rahe ho."
IQBAL:" Chalo, ab gale lago aur phir peechhe hato.....arre Neha ro kyun rahi ho...rona to mujhe chaahiye, I hate your deodrant."
NEHA:" Accha? Phir to mujhe tumhare gale lagne ka lamba shot dena chaahiye taaki tum saara din studio mein chheekein maarte phiro."
NEHA:"Arre, mera gala hi daba doge kya?....ye director cut kab bolega?"
IQBAL:"Kabhi-kabhi to mauka milta hai tumhe torture karne ka, to kya aise hi chhod doon?....director cellphone par apni biwi se daant kha raha hai...at least 5 minute tak to woh cut nahiin bolega...hahahaha."
Mangal Lakshmi
