Har roj ki tarah veer purvi ko cycle per college chodne gaye. Campus me aate hi dekha ki aaj chahal-pahal kuch jyada hai. Sab students k haath me parchi thi. Pur ko bhi wo parchi mili.
Veer: yo ke hai?
Pur: V'day party ka invitation hai.
Veer: kab hai party?
Pur: are! V'day hai to party 14 Feb ko hogi na.
Veer: manne ke pata. Yo sab hamare time nahi hota tha.
Pur hanste hue sir niche kar leti hai.
Veer: manne pata hai tu kyu hans rahi hai. Jaroor tujhe tere tau ki yaad aa gai hogi, nahi? Aur waise bhi tumlog padhne aate ho ya party karne.
Pur kuch kahne ja rahi hoti hai, tabhi veer use bich me tok deta hai.
Veer: ab tu kahegi, padhai k saath party bhi zaroori hai. Jaise bacchon ke liye kaha tha, padhai ke saath nautanki bhi jaroori hai.
Ib ander jaa. Mai tujhe shaam ko lene aaunga.
Haweli me, pur bacchon ke saath hoti hai aur unhe party ke bare me batati hai.
Juhi: haathi, tum party me kya pahnogi?
Pur: dress code to red hai. Per abhi kuch socha nhi hai.
Prakashi: purvi, idhar aaja, kuch kaam hai.
Pur chali jati hai. Aur dono bacche apne baba ke paas jate hai.
Manas: baba, v'day aa raha hai, aap haathi ko kya gift doge?
Mukhi: mai use gift kyu dunga.
Juhi: are baba! V'day per husband wife ek dusre ko gift dete hai. Aapko bhi dena hoga.
Mukhi: yo ke jabardasti hai.
Dono bacche zid karte hai.
Mukhi: accha thik hai, per gift kya de?
Juhi: humne soch liya hai. Haathi ke college me party ka dress code red hai. Aap unhe ek acchi se red dress gift kijiye.
Mukhi: jo hukum mere nanhe shaitano.
Next day
Juhi pur ko uske room me lati hai jahan manas aur mukhi pahle se the.
Juhi: aao na haathi, tumhare liye surprise hai.
Purvi k aane ke baad mukhi kuch nahi kahta. Tab manas apna sir pitkar mukhi ke kaan me kahta hai
Baba, gift to do aur wo jaroor bolna jo maine aapko sikhaya tha.
Veer pur ko gift deta hai aur kahta hai
Happy valentine day, baawri. Yo tere liye.
Purvi ko vishwash nhi ho raha tha k mukhi ji uske liye v'day ka gift laye hai. Wo gift kholti hai. Veer ne use ek bahut sunder red saree gift ki.
Mukhi: yahi pahankar apni college party me jana.
Pur: Thankoo mukhi ji. Ye to bahut sunder hai
Party wale din purvi apne room me ready ho rahi thi. Aur door puri tarah se lock nahi tha.
Mukhi phone pe baat karte karte room me achanak ander aa jata hai, ye jane bina ki purvi taiyaar ho rahi hai. Purvi mukhi ko dekhkar chaunk jati hai.
Pur: mukhi ji..
Tab mukhi ka dhyaan pur ki taraf jata hai. Wo pur ko dekhte rah jata hai.
Pur: mukhi ji, hum thik thak to lag rahe hai na. Wo kya hai na, hamen saree ki aadat nhi hai.
Mukhi abhi bhi purvi ko nihare ja raha hai. Aur uska phone kaan me laga hua tha.
Dusri taraf se aadmi zor se chillata hai:
Mukhiya ji aapko hamari awaz aa rahi hai?
Tab mukhi ki neend khulti hai.
Mukhi: mai aapse baad me baat karta hoon. Aur phone cut karta hai.
Pur: bataiye na, hum thik to lag rahe hai na?
Mukhi: tu aise college jaigi?
Pur: aapne hi to kaha tha ki ye saree pahankar party me jana. Kyu acchi nhi hai? Aur apni saree thik karne lagti hai.
Mukhi: (sochte hue) : bawri, mai tujhe kaise kahun ki tu bahut sunder lag rahi hai.
Haan, thik hi lag rahi hai. Per thoda sambhal kar rahna. Bhul mat jana ki 2 bacchon ki maa hai tu.
Ye kahkar muskurata hua mukhi wahan se chala jata hai.
Pur: muskurate hue aaine ki taraf mudti hai aur kahti hai
Aapne to kaha nahi per hum samajh gaye.
Purvir jab haweli se baahar aate hai to car khari rahti hai.
Purvi: to kya hum aaj gaadi se college jainge?
Veer: to tu ke chahti hai. Cycle per raste bhar log tujhe ghurte rahe.
Purvi mukurane lagti hai. Driver aakar piche ka darwaja kholta hai.
Mukhi: chabhi manne de, gaadi mai khud chalaaunga.
Aur driver seat ke bagal ka darwaja purvi ke liye kholta hai aur baithne ka ishara karta hai. Dono ek dusre ko bade pyaar se dekhte hai aur purvi car me baith jati hai. Dono college ke liye nikal jate hai.
Pur: aapko pata hai, aaj V'day ke saath fresher's day bhi hai.
Veer: ab yo ke bala hai?
Pur: bala nahi hai. New students ko unke seniors welcome party dete hai, wahi hai.
Per mukhi ka dhyaan to kahin aur hi tha. Wo apni baawri ko aaj akele nahi chodna chahta tha. Per kahe kaise?
Mukhi: mai ke soch raha tha ki aaj panchayat na jana manne aur tere principal bhi bahut din se mujhse milna chah rahe the. To ye kaam bhi aaj nipta loon.
Purvi (tana maarte hue) : waise to aap itne dino se hamen college chodne aa rahe hai. Per aaj hi aapko kaam yaad aaya?
Mukhi: bahas na kar mere te. Gaon ka mukhiya hoon me, saikaro kaam hote hai mujhe.
Mukhi apni nazren pur se pher leta hai,jaise kahin uski chori pakri naa jaye.
Purvi mukhi ko dekhte rahti hai. Dono college pahunchte hai. Pur darwaja kholne ja rahi hoti hai.
Veer: rook
Aur khud purvi ke liye darwaja kholta hai.
Purvi use dekhte rah jati hai. (Sochte hue) aaj mukhi ji ko ho kya gaya hai, agar wo isi tarah acchi acchi chijen karenge to hum unhen kroor singh kaise kahenge.
Mukhi: chale Madam.
Car se auditorium tak na jane kitne ladke purvi ko dekhe ja rahe the. Mukhi ki nazar sab per thi. Unka paara aasmaan chu raha tha.
Usne pur ka haath pakad liya.
Pur: kya hua aapko?
Veer: kuch na! Bas tu jaldi jaldi chal.
PART-2
Mukhi purvi ka haath pakad leta hai aur use jaldi party hall tak chalne k liye kahta hai.
Auditorium me
Pur: aap principal sir se mil lijiye, hum jaakar apni saheliyon se milte hai.
Jab mukhi principal se baat kar raha tha tab uske kaan me awaz jati hai.
Yaar tune aaj purvi ko dekha? Kya lag rahi hai.
Dusra student: mujhse to ruka nahi ja raha. Dil kah raha hai abhi jaakar kah doon. Aur puchun- mere saath ghar chalegi kya?
Aur sab thahake lagane lagte hai.
Mukhi ki aankhen gusse se laal ho chuki thi. Wo us ladke ko maarne ja hi raha tha tabhi
Principal: Mukhiya ji, aaiye mai aapko kuch faculty member se milwana chahta hoon.
Mukhi ka man to nahi tha per
"Haan chaliye", mukhi ne piche mudkar dekha, wo ladka abhi bhi purvi ke bare me baat kar raha tha.
Sab students enjoy kar rahe the. Pur apne saheliyon k saath buzy thi aur mukhi ki aankhen bas purvi ko dekhe ja rahi thi.
Tabhi Mr. Fresher aur Miss. Fresher ka Announcement hota hai.
Miss fresher banti hai hamari baawri. Sabke saath Mukhi bhi taaliyan bajakar purvi ka hausla badhata hai aur Mr. Fresher wahi ladka banta hai jisne pur k bare me galat baat ki thi. Mukhi k haath achanak ruk jate hai.
Wo sochta hai, inhe aur koi na mila.
Tabhi teacher announce karte hai
" Ab mr. & miss fresher ek saath dance karenge".
Purvi mukhi ki taraf dekhti hai. Wo samajh gai ki mukhi bahut gusse me hai.
Pur ka maan to nahi tha per dance start hota hai. Dance ke bahane wo ladka purvi k nazdeek aane ki koshish kar raha tha. Pur uske irade bhaap gai.
Kabhi wo pur ka haath kas kar pakad leta tha to kabhi uski kamar. Pur uncomfortable feel karne lagi.
Mukhi ye sab dekh raha tha aur ab sab bardaasht ke baahar tha uske liye.
Mukhi stage per aata hai aur sabse pahle purvi se us ladle ko dur karta hai. Ek haath se uska gardan pakarta hai aur dusre haath se us haath ko marorta hai jisse usne purvi ko chua tha. Phir ek joordaar mukka uske naak pe maarta hai. Wo ladka khoon se sane hue chehre ko lekar wahi zameen per gir jata hai.
Purvi to bas dekhte rah jati hai. Usne mukhi ji ka ye roop abhi tak nahi dekha tha.
Vir: ladkiyon ki izzat karna sikh le. Agar meri patni se dubara Badtamizi ki to mere te bura koi na hoga. Jaan le lunga teri.
Kisi ki himmat nahi ho rahi thi ki us ladke k paas jakar use dekhe. Aakhir mukhiya ne mara hai. Kuch to galat kiya hoga usne.
Mukhi gusse se purvi ka haath pakadta hai aur wahan se chala jata hai.
Raaste bhar dono koi baath nahi karte.
Mukhi ka gussa abhi shant nahi hua tha.
At night
Pur: aapne aisa kyu kiya? Kya jaroorat thi use maarne ki.
Veer: jab baat na pata ho to nahi bolna chahiye.
Pur: hum sambhal lete aur kya nahi pata hai hamen? Ab hum college kaise jainge. Sab hasenge hum per ki purvi apne saath bodyguard lati hai.
Mukhi: bodyguard na hu, pati hu tera. Aur mere se ye bilkul sahan nahi hoga ki...
Mukhi apni baat beech me chodta hai.
Purvi : ki kya?
Mukhi: kuch na. Ab tu meri baat dhyan se sun. Aage se tere college me aisi koi bhi party hui to usme jane ki jaroorat na hai.
Pur: agar yahi tha to hamara admission kyu karwaya. Party enjoy bhi nahi karne diya.
Ye kahkar pur gusse me kamre se bahar chali jati hai. Purvi ki naarazgi dekh mukhi thoda shant hota hai.
Mukhi: (sochta hai) isme bawri ki ke galati hai? Ib kaise manaun use?
Kuch der baad purvi room me aati hai, tab mukhi jo darwaje ke piche chupkar purvi ka intezaar karta hai, darwaaza ander se band kar deta hai. Purvi piche mudkar dekhti hai.
Veer lights dim kar deta hai aur ek romantic song play karta hai, " Manga yahi duawa main, channa tu mainu mil ja. Tainu na bol pawa mai, tu aape hi samajh ja."
Dim lights me purvi us red saree me aur khil rahi thi.
Purvi ye arrangements dekhkar dil hi me bahut khus hoti hai.
Mukhi pur ki taraf aata hai aur dance k liye apna haath badhata hai.
Dono dance suru karte hai.
Mukhi apni baat kahta hai.
Mukhi: humdono abhi jitne nazdeek hai, utna hi wo ladka tere kareeb tha aur tujhse Badtamizi bhi kar raha tha, dekha maine tu kitni pareshaan lag rahi thi. Aur maine khud suna wo tere baare me gandi baat kar raha tha. Itne per bhi tu chahti ki mai sab kuch chup chaap
dekhta rahun.
Purvi mukhi ki aankhon me dekhti hai, use pahli baar laga ki veer ko jalan ho rahi hai aur wo jalan uski aankhon me dikh rahi thi.
Pur: hamen nahi pata tha ki wo hamare bare me galat bol raha tha, hamen maaf kar dijiye.
Mukhi: jab se maine tujhe is laal saree me dekha hai mai.....
Apni baat bich me chod deta hai.
Mahaul shant ho jata hai. Phir mukhi apni baat se hatkar dusri baat chedta hai
Manne laga hi tha ki aaj mere haathon koi ladka pitega. Mukhi ki ye baat sun purvi muskurati hai aur dance beech me chodkar jane lagti hai.
Veer purvi ko piche se pakad leta hai aur apne haathon ki majboot pakad se pur ko rokta hai. Mukhi ki garm saansen purvi ke kaanon se hote hue uske dil ko kamjor kar rahe the. Purvi apni aankhen band kiye apni tez chalti dhadkan per kaabu pane ki koshish kar rahi thi. Per uski ye koshish bekar thi kyunki veer uske behad nazdeek tha.
Veer ne bade pyaar se bahut dheere se purvi ke kaanon me wo teen shabd kahe.
I LOVE YOU
aur purvi ke gaalon ko chuma.
Purvi ne palatkar veer ko jakad liya.
Dono ne ek dusre ko paa liya. Dono k chehre pe raahat thi kyunki na jane kitne dino se isi pal ka intejaar kar rahe the dono.
Mukhi: Happy Valentine's Day mukhyani.
Purvi: Happy Valentine's Day mukhi ji.
Per humne to aapko koi gift diya hi nahi.
Mukhi: tu mil gai. mujhe jeevan me aur kuch na chahiye.
Purvi apna sir mukhi ke sine se laga leti hai. Mukhi bhi use baahon me bharkar aankhen band kar leta hai.
Purvi mukhi ke majbut baahon ke beech apne aapko surakshit mahsoos karti hai aur mukhi bhi purvi ke pyaar aur saath ke saath apne aapko khusnaseeb pata hai.
Thankyou
Mannat Har Khushi Paane Ki
Cricket
