MayUr SS: Kabhi Sath Na Choote C 12 pg 36 - Page 8

Originally posted by: Irum.

very nice update.

Tu akhir Nupur ko apni ghalti ka ehsas hai or who os ki islaah bhi krna chati and for that she needs a chance and I hope ose yeh chance jld mil jaye ga q k Mayank aj bhi ose apni zindagi mein wapis lana chata hai,Who aj bbhi ose chata hai.

Thnx for suggesting and Pming tihs FF pami.

Chapter 5

Next Day

Mayank der se uthta hain. Wo turant taiyar hokar breakfast karne neeche aata hain. Jiyana bhi breakfast ke table pe achhi bachhi ki tarah dudh pee rahi thi.

Mayank : Are wah!!! Aaj koi dudh peene ke liye shaitaniyan nahi kar raha hain?

Jiyana : Papa ab me good girl bananewali hu. Pata hain aapko kal na mere school me mumma aayi thi. Unhone mujhe huggie bhi ki aur kissie bhi ki. Aur sabse badi bat pata hain aapko unhone mujhe promise kiya hain ki wo kuch hi din me humare sath rehne aaniwali hain.

Mayank ye bat sunkar Gayatri ke taraf dekhta hain. Gayatri usse sirf fade smile deti hain.

Jiyana : Kitna maza aayegana papa jab mumma yaha aayengi. Aap me aur mumma bahot maze karenge. Hain na papa?

Mayank : Uff..oh..beta. Ab jab mumma ne hi tumhe bola hain to ab wo jarur pakka aayengi. Chalo ab jaldi jaldi khana khalo fir school bhi toh jana hain na.. Aur wo Jiyana ko khilata hain..aur fir usse school chodta hain.

Kuch din bad bahot barish ke karan Jiyana ka school band hota hain. Jiyana uske friend Anuja ke ghar khelne jati hain. Mayank usse subah chodta hain. Uss din bhi bahot zor se barish hoti hain. Jiyana aur Anu barish me mana karne ke bad bhi bhigte hain. Ghar wapas aane ke bad Gayatri Jiyana ko bhigi hui dekhti hain..

Gayatri : Are ye kya? Tum bhigi barish me? Papa ne mana kiya tha na bhigne se fir?

Jiyana : Dadi papa ko me mana lungi. Lekin dekho aaj mere sath kaun aaya hain?

Gayatri : Kaun hain beta?

Aur wo bahar aati hain aur shock hoti hain.Usko lagta hai jaise phir se vohi jaana pehchaana toofaan uske ghar mein waapas dastak dene aaya hai.

Jiyana : Dadi kya hua? Dekho Mumma aayi hain mere sath..

Gayatri Jiyana ko change karneko bolti hain aur servant ko Jiyana ko khana khilane ko bolti hain.

Gayatri Nupur ko ander bulati hain aur usse dekh kar uski sari bharas bahar nikalti hain.

Gayatri : Tum?? tum yaha kaise aayi?

Nupur Gayatri ke pair chukar aashirwad leti hain.

Nupur : Wo...mummy ji...wo Jiyana mujhe yaha leke aayi...

Gayatri :(lekin Gayatri usse bolnehi nahi deti) Kyun aayi ho tum yaha Nupur? Ek bar mere bete ki zindagi ko tumne narak bana diya hain na fir wapas kyun aayi ho tum?

Nupur : Mummyji..me sach keh rahi hu. Me janti hu mujhse bahot badi galti hui hain 5 saal pehle. Lekin me sach keh rahi hu mujhe iss bat ka bahot pachtava ho raha hain. Me uss bat ki saza abhi bhi bhugat rahi hu. Mujhe Jiyana ke bare me kuch nahi pata tha. Mujhe ye nahi malum tha ki wo meri aur Mayank ki beti hain. Wo aaj me apne saheli ke ghar gayi thi. Maine waha Jiyana ko dekha aur fir mujhe sab pata chala ki wo Mayank Diwan ki beti hain. Tab mujhe bahot bada shock laga mummyji..Fir Jiyanahi mujhe yaha leke aayi. Me sab sach keh rahi hu mummyji..

Gayatri : Ab toh tum jan chuki ho na ki wo tumhari aur Mayank ki beti hain. Aur tumhe ye bhi pata hoga ki wo apni maa ko kitna miss kar rahi hain. Lekin tumhe iss bat se kya farak parta hain Nupur? Tum toh apne jindagi me bahot khush ho na. Ab to tumhe apni pehchan bhi mili hain, tum bahot badi model bhi bani ho. Ab tumhe kya farak parta in sabse?

Nupur ko ye sari batonse bahot dard hota hain.

Nupur : Mummyji me janti hu aap mujhpar bahot gussa ho. Lekin sach kehti hu jab maine wo faisla liya na tab mujhe bhi bahot dard hua aur wo dard me ab tak sehen kar rahi hu. Mujhe meri pehchan mili, stardom mila lekin...lekin mummyji mujhe ab samajh me aaya hain ki ye sab char din ki chandani ki tarah hain. Meri asli pehchan toh mere Mayank ke pass hain aur humari bachhi ke pass. Me sach keh rahi hu mummyji..mujhe bahot pachtava ho raha hain..In 5 salonme maine bahot kuch saha hain, bahot sare dukh jhele hain. Aur wo Gayatri ko sari bate bolti hain. Mummyji me ye bhi janti hu ki Mayank ke zindagi me ab mere liye koi jagah nahi hain. Lekin agar ek bar sirf ek bar mujhe mauka milena toh me firse wahi zindagi jeena chahti hu jo 5 sal pehle thi.

Gayatri ye sab sunakar shant hoti hain aur usko bahot bura bhi lagta hain.

Nupur : Me abhi bhi Mayank se utna hi pyar karti hu mummyji..aur Jiyana se toh ek alagsa lagav hi hua hain. Humari mulakat toh jyada nahi hain lekin jab usne school me mumma kaha tabhi mujhe alagsi hi khushi mili. Wo khushi jo maa ko apne bachhe ke muh se pehli bar maa kehte hue milti hain.

Maine bahot kuch miss kiya hain mummyji. Please ab aap hi meri madad karo na please...

Gayatri : Nupur...Shant ho jao beta...abhi tumne jo bhi kuch kaha yakeen nahi ho raha hain ki tumhe itne mushkilonse guzarna pada hain.Me toh humesha Mayank ke baremehi sochti thi lekin tumne bhi kuch kam nahi saha hain. Lekin beta..tum yaha rahogi ya na rahogi ye to sab Mayank pehi depend karta hain..Mera matlab hain ki...

Nupur : Main samajh sakti hu mummyji..Mayank ka faisla kuch bhi ho mujhe wo manzur hoga. Kyunki maine usse bahot jyada dard diya hain. Mummyji me aapse ek request karti hu kya aap har roz sirf ek bar meri bat Jiyana se karwayengi please. Ye ye mera no hain...aur wo usse contact no deti hain..please mummy ji..

Gayatri Haa karti hain. Nupur jane ke liye nikalti hain tabhi Jiyana waha aati hain..

Jiyana : Mumma aap kaha jaa rahi ho? Aapka kam abhi tak khatm nahi hua?

Nupur : Beta..Mumma ka kam ab thori din me pura hone wala hain. Isiliye mumma ko abhi jana hoga. Tabhi toh mumma jaldi aayegi na...

Jiyana : Thik hain mumma..lekin aap thori der ruko na..papa aane ke bad jao na aap..me abhi papa ko bulati hu..

Nupur : Nahi beta..aaj papa ki important meeting hain..aur meri papa se bhi bat hui hain. Abhi mujhe jana hoga beta..

Jiyana : Thik hain mumma. Lekin ab aap jaldi aana..

Nupur usse bye keh kar waha chali jati hain. Jiyana Gayatri ko hug karti hain.

Originally posted by: hasiniangel

hope mayank accepts her.. waiting for their reunion 😃

Originally posted by: -Meri-

myank nupur ko ek kar do

Chapter 6

Sham ko Mayank office se wapas aane ke bad Gayatri Mayank ko Nupur ke aane ke bare me aur uski firse unke sath rehneki ichha ke bareme bolti hain. Mayank usse turant mana kar deta hain. Lekin Gayatri usse bahot samjhane ki koshish karti hain. Mayank is sabse bahot pareshan ho jata hain aur irritate bhi hota hain. Tabhi waha pe Jiyana aati hain. Aur Mayank ko Nupur ke bareme puchne lagti hain aur unki aaj ki mulakat ke bare me batane lagti hain. Mayank in sab batonse pak jata hain aur wo sari irritation uski Jiyana pe guuse se nikal ti hain.

Mayank : Bas karo Jiyana. Har bar mere samne aakar humesha mummy ke bare me puchtach mat karo. Har roj ek hi sawal puchti rehti ho ki maummy kab aayegi? Ek bar bola na maine ki mummy apne kam me busy hain toh ye bat tumhe samaj me nahi aati? Jao apne room me ja ke padhai karo. Jao...

Jiyana Mayank ko itne gusse me pehli bar hi dekhti hain. Wo jor jor se rone lagti hain aur apne kamre me jati hain. Ye sab dekh kar Gayatri Mayank ke upar chillati hain.

Gayatri : Yeh sab kya tha Mayank? Tum uske sath aise kaise bat kar sakte ho? Are bachhi hain wo.

Mayank : Maa please. Ab aapbhi mujhe hi mat boliye. Mujhe bahot bhuk lagi hain Maa. Aap khane ki taiyari kariye. Me abhi fresh ho kar aata hu. Aur wo apne room me jata hain.

At Dining Table:

Mayank : Ye kya Jiya kaha hain? Wo abhi tak nahi aayi? Aapne usse nahi bulaya maa?

Gayatri : Me gayi thi uske kamre me. Usne aane se mana kiya hain. Wo boli ki wo tumhare sath khana nahi khayegi.

Mayank : Thik hain. Aap usse bad me khila dena. Waise bhi wo bahot ziddi hote ja rahi hain. Aur wo khane lagta hain.

Gayatri Mayank ki taraf disbelievely dekhti hain. Mayank ek nivala khane ke liye hath uthata hain tabhi uski najar Jiyana ke kursi pe jati hain. Wo turant wahase uthkar kam karne ke bahane apne room me jata hain. Room me jate waqt wo Jiyana ke room ke pass jata hain. Aur Jiyana ki awaj sunta hain. Wo dheerese room ka darwaja kholta hain aur ander dekhta hain ki Jiyana ne apne sare khilone neeche jameen par feke hain aur wo bed pe Nupur ke photo ko hug karke usse bat kar rahi hain.

Jiyana : Pata hain mumma aaj papa ne pehli bar Jiyana ko aise data. Aur wo bhi maine kuch bhi nahi kiya tha fir bhi data. Mumma aap please aa jao na mere pass. Aaj mujhe aapki bahot bahot yad aa rahi hain. Me ab papa se katti hu. Me unse bat nahi karungi. Mumma please aap aa jao na.

Mayank ko ye sab sunke bohot dukh hota hai aur usko ehsas hota hain ki usne Jiyana ko khamkha data. Wo dheere se Jiyana ke pass aata hain aur uske samne beth jata hain. Lekin Jiyana turant apna muh ghuma leti hai.

Jiyana : Mujhe aapse koi baat nehi karni hai papa.Main aapse katti hu.

Mayank : Are bapre itna gussa!!! Wo bhi apne papa pe?

Jiyana koi jawaab nehi deti.Tab Mayank uske thora paas aata hai.

Mayank : I am sorry..Papa really very sorry..mera bachha. Papa ko maf nahi karoge aap? Aur wo apne kan pakarta hain.

Jiyana turant muh banaati hain. Mayank apne kan pakarkar Jiyana ke samne ghutno pe beth jata hain.

Mayank : Sorry..Please maf kar do.

Jiyana : Lekin mujhe aapse bat nahi karni hain.

Mayank : Please beta papa se bat karlo na. Fir papa ghar me kis se bat karenge? Aur fir papa doll, chocolates kisko lake denge?

Jiyana dall aur chocolates ka nam sunkar pighal jati hain lekin wo gussa hone ka natak karti hain. Mayank ye sari bate samaj jata hain.

Mayank : Thik hain fir. Ab papa ki ladli hi papa se bat nahi karna chahti hain toh papa bhi kisise bat nahi karenge aur nahi khana khayenge. Aur jo chocolates papa laye hain na wo wapas de denge dukandar ko. Aur wo room se jane lagta hain. Tabhi jiyana usko bulati hain.

Jiyana : Papa..

Mayank ruk jata hain aur Jiyana ke taraf dekhta hain. Jiyana apne kan pakrti hain aur sorry bolti hain. Mayank turant Jiyana ke pass aakar usse gale lagata hain. Wo dono bahot rote hain. Jiyana Mayank ke aansu pochti hain aur kehti hain ki wo ab mumma ke bareme har bar nahi puchegi. Mayank bhi usse sorry bolta hain aur usse dinner karne ke liye neeche lata hain. Aur wo sare dinner karte hain.

Agle din

Rat ko Mayank office se late niklata hain. Raste me uske car ke samne ek aurat aakar behosh hoti hain. Mayank turant bahar nikal kar uss aurat ke pass aata hain. Wo aurat aur koi nahi balki Nupur hi hoti hain. Mayank idhar udhar dekhta hain tab usko kuch goons Nupur ki taraf aate huye dikhte hain. Mayank un sabke sath fighting karta hain aur Nupur ko uthakar car ke peechlewale seats pe leta deta hain aur ghar aata hain. Bahot rat hone ke karan Gayatri aur Jiyana dono so jati hain. Mayank Nupur ko apne kamre me le jakar leta deta hain. Aur fresh hokar hall me aakar so jata hain.

Agle din Gayatri uthkar neeche hall me aati hain aur Mayank ko sofe pe soye huye dekhti hain aur uske pas aakar Mayank ko jagati hain aur sofe pe sone ki vajah puchti hain. Mayank rat ki sari bate batata hain. Gayatri Mayank ke kamre me jakar dekhti hain ki Nupur abhi tak soyi hoti hain. Wo uske pass aakar sar pe hath ghumati hain tabhi usko pata chalta hain ki Nupur ko bahot tej bukhar hain wo turant Mayank ko upar bulati hain aur batati hain.

Gayatri : Mayank isko toh bahot tez bukhar hain. Tum turant doctor ko phone karo.

Mayank turant doctor ko phone karta hain aur Nupur ke tabiyat ke bare me batata hain. Tabhi Gayatri aur Mayank dekhte hain ki Jiyana waha aati hain. Wo Nupur ke dekh kar bahot khush ho jati hain. Aur Gayatri ke pass daudkar usse hug karti hain..

Jiyana : Dadi dekho mumma aayi hain...Aur wo Mayank ke pass jati hain. Papa aap laye ho na mumma ko? Bolo na papa. Lekin Mayank usse kuch nahi bol pata.

Gayatri : Haa beta..papa laye hain tumhari mumma ko..

Jiyana : Dadi..iska matlab ab mumma humesha ke liye humare sath rahegi na?

Gayatri sirf apna sar hilati hain. Jiyana bahot khush ho kar Nupur ke taraf daudti hain. Mayank sirf ek bar Nupur ke taraf dekhta hain aur Jiyana ke taraf dekhne lagta hain..