ff-KumkumSumit(Tu Mile Dil Khile)Upd20/05 - Page 15

very great janu cont soon wating 😳

awww such a niceeeee sweet part jaanu 😳 😳 😳

Chalo bhaiya Sumit ki tabiyat bigad gayi aur Kumkum apni tabiyat ko chhod Sumit ke liye jaagi kya is baat ka asar Sumit par hoga aur uska reaction kya hoga, aap janna chahte hai? To usi pyar bhare safar par chaliye mere sath ...........................................

Kumkum Sumit ki khayal rakhte huve raat me Sumit ke kandhe par hi sir rakhkar so jaati hai aur baad me jab subah hoti hai to sabse pehle Sumit ki aankhe khulti hai aur jab apne kandhe ki or uski nazar jaati hai to usse ehsas hota hai ki Kumkum raat me uska khayal karte karte aise hi so gayi hai aur woh apne aap se baate karta hai.

Sumit: Ye Kumkum bhi naa. Mera khayal rakhte rakhte ye khud bhool gayi ke usko bhi rest karna hai, sach me shayad main Kumkum ke kabil nahi hoon. Mere parivaar aur muje Kumkum ne is tarah sambhala hai ki agar ek second ke liye bhi woh kahin chali jaaye to naa jaane hamara kya hoga. Bhagvaan ne Kumkum ko bahot hi fursat me banaya hoga jo woh itni khoobsurat hai aur jitni woh khoobsurat hai usse kain guna zyada uska dil khoobsurat hai jisme woh sabko basa leti hai aur kisiko paraye hone ka ehsas nahi hota, usse dekhkar aisa lagta hai ki bhagvaan ka doosra roop uska doosra naam hi Kumkum hai. Aur usse main janmo janmo se janta hoon aur woh har janam me meri ho jaaye.

Par usi dauran Kumkum ki nind ud jaati hai aur woh Sumit ki baate soon leti hai magar Sumit ko iska pata nahi chalta aur tab Kumkum uthakar.

Kumkum: Sumit.

Sumit: Are, tum uth gayi.

Kumkum: Haan, tum ab kaisa feel kar rahe ho?

Sumit: I'm OK now.

Kumkum: Magar ye sab abhi tum kya keh rahe the ki tum mere layak nahi,

Sumit: Woh to main aur tumne soon liya.

Kumkum: Haan, maine sab soon liya aur aaj bole so bole aaj ke baad aisa kabhi mat bolna ke tum mere kabil nahi ho aur main bhi yahin manti hoon ki hamara janmo janmo ka naata hai aur aage bhi har janam me tum hi mere jeevansathi bano. Banoge naa?

Sumit: Nahi.

Kumkum: Kya?

Kumkum ki aankho me aansoo aa jaate hai.

Sumit: Are, kya huva tumhe?

Kumkum javab nahi deti. Sumit samaj jaata hai.

Sumit: Are, main to mazak kar raha tha. Aur tum rone lagi.

Kumkum: Sumit, mazak me bhi kabhi ye baat naa kehna varna tumhari ye Kumkum apni jaan de degi.

Sumit ki aankho me bhi ye soonkar pani aa jaate hai.

Sumit: Itna pyar karti ho mujse?

Kumkum sharma jaati hai aur wahan se jaane ki koshish karti hai. Magar tab Sumit uska hath pakad leta hai aur Kumkum ki dhadkane tez ho jaati hai, usse Sumit ke sparsh ka ehsah hota hai aur uska dil aisa mehsoos karta hai jaisa usne aage kabhi nahi kiya tha aur ye ehsas uske man ko chhu leta hai aur Sumit,

Sumit: Banda apne jeevansathi ko dukh pohchanewali khatake liye maafi mangta hai, magar samne woh aap se pyar bhi to karta hai.

Kumkum: (Sharmate huve) Apki ye khata khata nahi thi magar hume bhi to aap tak apne pyar ki gehrai pahunchani thi.

Sumit: Bahot khoobsurat hai ye aankhe tumhari bana dijiye ise kismat hamari.

Kumkum: Usse aur kya chahiye zindagi me jisse mil gayi ho mohhobbat tumhari.

Itna kehkar Kumkum chali jaati hai fresh hone aur Sumit apni shadi ki photo ko dekhta rehta hai, thodi der ke baad Kumkum fresh hokar aati hai, tab usne red colour ki sari pehni hoti hai, uske baal gile hote hai aur jaise koi swarg ki apsara ho aisi khoobsurat woh dikh rahi hoti hai, Kumkum dressing table ki or jaati hai aur tab Sumit ka dhyan uski or khincha jaata hai, Sumit Kumkum ko taiyaar hota dekh raha hota hai, Kumkum sabse pehle apne baal savarti hai baad me apne mathe par red bindi lagati hai, hatho me chudi, pairo me payal, gale me mangalsutra pehnti hai. Kumkum jahan baithi hoti hai uske samne aina hota hai usme Sumit usse nazar aa raha hota hai, Sumit ko bhi ye baat pata hoti hai, phir Kumkum ghoomkar Sumit ki or dekhti hai aur sindoor ki dibiya apne hath me lekar apne sir par sindoor lagati hai, baad me Sumit aine me ishara karta hai aur Kumkum bahot soondar lag rahi hai aisa aine me ishara karke kehta hai, Kumkum ye dekhkar sharma jaati hai, tab Sumit kehta hai

Sumit:Chand bhi dekha, phool bhi dekha, badal bijli titli joognu, koi nahi tere aisa, tera husn hai jaisa.

Ye kehkar Sumit apne bed se uthne ki koshish karta hai magar achanak usse zor se chakkar aa jaate hai, uske samne kala andhera chha jaata hai aur ye Kumkum aine me dekh leti hai aur Sumit ki or bhagti hai, yahan Sumit girnewala hota hai magar Kumkum aakar usse pakad leti hai aur usse bed par letati hai.

Kumkum: Sumit kya huva?

Sumit: Woh zara sa chakkar aa gaya.

Kumkum: To uthne ki kya zaroorat thi? Doctor ne tumhe rest karne ko kaha hai.

Aisa kehkar Sumit ko letati hai magar tab Kumkum ke baal Sumit ke chehre paar aa jaate hai aur Kumkum ka mangalsutra Sumit ki kafni ke button me fas jaata hai aur Kumkum wahan se jaane ki koshish karti hai magar fasne ke karan Kumkum Sumit ki or khinchi chali aati hai aur Sumit ke upsr jaa girti hai aur Sumit usse pichhe se pakad leta hai, Kumkum uthne ki koshish karti hai tab Sumit uske hath se Kumkum ki zulfe hatata hai aur gardan ke pichhe chhuta hai aur Kumkum ki aankh band ho jaati hai, Kumkum ko ye sparsh apna sa magar bahot accha lagta hai, uski saanse ruk ruk kar chalti hai, uska dil Sumit ke liye dhadkne lagta hai aur dhadkano ki raftar tez ho jaati hai, tab Sumit kehta hai.

Sumit: Meri nigahon ne ye kaisa khwab dekha hai, zameen pe chalta huva mahathab dekha hai.

Kumkum andar se khush to hoti hai magar uski aankho me haya ki lali dikhai padti hai aur ye dekhkar Sumit uska hath le leta hai aur Kumkum uthne jaati hai tab Sumit usse rookne ke liye ishara karta hai aur woh mangalsutra nikalta hai, uthne ke baad Kumkum sharmakar doosri aur chali jaati hai magar aaj woh apne man se bahot khush hoti hai, baar baar usse jo huva usika ehsas hota hai, yahan Sumit bhi usi khayalo me ulja huva hota hai, tabhi kisika phone aata hai aur Kumkum wahan aati hai, Sumit phone par baat kar raha hota hai, baat khatm hone par Sumit Kumkum se kehta hai.

Sumit: Kumkum.

Kumkum: Hummm.

Sumit: Main jaa raha hoon.

Kumkum ye sunkar chonk jaati hai.

Kumkum: Kahan?

Sumit: Woh Mr.Khanna ka phone tha, hamare farm house ke baajoo jo jagah thi usse kharidne ki deal sign karne aur wahan ke project ka kuch kaam hai uske liye. Main aaj dupahar ko hi jaa raha hoon.

Kumkum: Magar main tumhe nahi jaane doongi tumhari aisi halat nahi hai ki tum wahan jaa sako.

Sumit: Muje jaana hoga, tum baat ko samaj nahi rahi.

Kumkum: Magar wahan koi aur bhi to jaa sakta hai, tumhi kyon?

Sumit: Woh isliye ki woh sab mere naam par hai isliye legal formalities ke liye muje hi jaana hoga aur woh bhi akele.

Kumkum: Nahi tum aise akele nahi jaaoge, main tumhe kahin jaane nahi doongi.

Sumit: Baat ko samjo, mera jaana bahot zaroori hai varna main tumhe chhodkar aise jaata kya?

Kumkum: Nahi. Main kuch nahi janti.

Sumit: Kumkum, suno to sahi. Main jaldi aa jaaoonga.

Kumkum: aaoge to tab naa jab main tumhe jaane doongi.

Sumit: Kumkum, please. main kisiko bhi sath le jaata magar koi aisa nahi hai jisse bhej sakoon yaa sath le jaa sakoo.

Kumkum:(Achanak ye baat sunkar uske dimag me strike hoti hai) Sumit, tum muje to le jaa sakte ho naa?

Sumit ye baat sunkar confused ho jaata hai aur baad me sochkar

Sumit: Thik hai. Tum chal sakti ho. Apna packing karlo aur main gharwalo ko batakar aata hoon, tum bhi chalo.

To be continued.........................................

........................................................
❤️ I love Juhiji very much. ❤️

Wah Wah, jawab nahi aapka. It was a mesmerising part. Wishes ki koi sachme aapki yeh kahani padh raha ho, aur Juhi Hussain ko leke serial bana de.

Simple Superb. 👏

janu tht ws reli sweet bahut pyaara 😳 😳

that was really sweet continue soon

what happened next in this story? plz reply soon. i like this story very much. 😊

Chalo, ab Sumit-Kumkum eksath ghoomne jaa rahe hai magar kya gharwale maan jaayenge chaliye dekhte hai.

Sumit aur Kumkum dono bahar aate hai, naste ke table par sab taiyar baithe hote hai aur wahan Kumkum-Sumit ko aate dekh sab khush ho jaate hai aur dono apni jagah baithte hai.

Dadaji: Beta, accha huva tum dono aa gaye.

Veenaji: Ab kaisi hai tabiyat tum dono ki?

Kumkum: Acchi hai mummyji.

Dadima: Aur Sumit tumhara bukhar utar gaya?

Sumit: Haan dadima. Ab main poori tarah se thik hoon.

Kul: Sumit, tum aaj office.........

Veenaji bich me hi rok leti hai.

Veenaji: Kya aap bhi. Abhi abhi uski tabiyat thik hui hai aur aap office ki baate lekar baith gaye. Thik se usse nasta to kar lene dijiye.

Sumit: Maa, aap fikr mat kariye aur hume isi baare me kuch baat karni hai.

Dadaji: Beta, tumhe fikr karne ki koi zaroorat nahi, tum ghar par aram karo aur Kumkum ka bhi khayal rakho.

Dadima: Haa, tumhare dadaji sahi keh rahe hai.

Sumit Kumkum ke samne dekhta hai aur Kumkum usse baat batane ke liye aankho se ishara karti hai. Aur Sumit apne apko sambhalte huve

Sumit: Dadaji, papa.

Kul: Haan, bolo beta.

Sumit: Aaj subah Mr.Khurana ka phone aaya tha.

Dadaji: Haan, kya kaha usne. Office me jo bhi kaam ho woh tumhari tabiyat se zyada important nahi hai, tum usse sab kaam sambhalne ko bol dena.

Sumit: Dadaji, aisi koi baat nahi. Kaam yahan ka nahi hai.

Kul: Matlab tum kehna kya chahte ho?

Sumit: Woh hamare farm house ke bajoo me jo jagah hai naa.

Kul: Haan, woh to hum kharidna chahte hai.

Sumit: Haan, wahin main kehna chahta hoon ki woh hamare naam ho gayi hai aur us par kal engineers se baat karke kaam shuru karvana hai aur uske liye muje wahan jaana hai, bahot zaroori hai.

Veenaji: Nahi, koi bhi zaroori kaam kyon naa ho main tumhe aisi halat me jaane nahi doongi.

Sumit: Maa, main akele nahi jaa raha hoon.

Dadima: Magar tere sath to office ke admi hi hoge naa, ghar ka koi sadsya nahi hoga teri dekhbhal karne ke liye, isliye tum nahi jaaoge.

Dadaji: Beta, woh kaam dealy nahi ho sakta.

Kul: Main un logo se baat karta hoon.

Sumit: (Apne man me) Yaar, Kumkum ke sath waqt bitane ka isse accha mauka nahi milega, kisi bhi tarah in logo ko manana hi hoga.

Veenaji: Are, Sumit kahan kho gaya.

Sumit: Woh aap samaj nahi rahe hai, main to Kumkum ko sath le jaana chahta hoon.

Dadima: Kya, tera dimag to nahi ghoon gaya naa? Kumkum ki tabiyat bhi kharab hai.

Veenaji: Haan, tum dono kahin nahi jaaoge.

Sumit Dadaji ko aankh ke ishare me sabko manane ke liye request karta hai aur

Dadaji: Thik hai, tum dono jaa sakte ho.

Veenaji: Magar, bauji.

Dadima: Kya aap bhi.

Dadaji: Muje mere baccho ki sujbuj par bharosa hai aur woh dono jaa sakte hai.

Kumkum: Aur aap sabka aashirwad to hamare sath hai hi.

Sumit: Haan, Kumkum sahi keh rahi hai, jab tak aap logo ki duvaye aur aashirwad hamare sir par hai hume kuch nahi ho sakta.

Kul: Haan, tum sahi keh rahe ho aur tum jaa sakte ho.

Veenaji: Magar tum kab nikalnewale ho.

Sumit: Bas abhi packing ho jaaye to phir. Kumkum.

Kumkum: Hummm.

Sumit: Tum apna packing karo, main apna packing baad me kar loonga muje pehle office se woh files lani hai

Sumit files lene office jaata hai aur Kumkum yahan packing kar leti hai aur taiyaar ho jaati hai, tabhi Sumit aa jaata hai. Kumkum wahin kamre me hoti hai aur Sumit packing ke liye apni almari kholta hai magar wahan usse apne kapde nahi milte. Aur woh confused hokar

Sumit: Kumkum, mere kapde?

Kumkum: Woh to maine pack kar diye aur sab saman Madhav ke sath bahar car me rakhva diya hai. Main tumhara hi intezaar kar rahi thi, ab chale.

Sumit: Kumkum, tum bhi naa.

Kumkum haskar mandir ki taraf jaati hai Sumit uske pichhe jaata hai.

Sumit:(apne aap se) Yaar, ab maza aanewala hai, kaam to sirf ek ghante me khatm ho jaayega phir Kumkum ke sath hi apna waqt bitaoonga. Magar Kumkum bhi, mera bhi packing kar diya, I love you Kumkum.

Woh dono mandir me jaakar bhagvaan ke darshan karte hai aur baad me sab bado ke aashirvaad lene jaate hai.

Dadaji: Dono apni sehat ka khayal rakhna.

Dadima: Khana thik se khana waqt par.

Kul: Phone karte rehna.

Veenaji: Aur Sumit sirf apne kaam me hi ulje mat rehna meri bahoo ka bhi khayal rakhna.

Kumkum: Mummyji, woh to meri har waqt fikr karte hai aur aap sab hamari chinta mat kijiyega aur dadaji aap mithi chize nahi khayenge, maine aap ke liye sugar free sweets bana di hai wahin khaiyega, dadima apke sonth ke ladoo bhi apke kamre me dibbe ke andar rakh diye hai, daddyji aap har roz time par khana kha lijiyega, mummyiji apki sab dava rakh di hai lena mat bhooliyega.

Veenaji: Are, tum har waqt sabki fikr me hi rehti ho, tum ab apna dhyan rakhna.

Sumit: hum ab chalte hai.

Dadaji: Thik hai.

sab bahar Kumkum-Sumit ko vida karne jaate hai aur dono farm house ke liye nikal jaate hai.

To be continued.........................................

........................................................
❤️ I love Juhiji very much. ❤️

it was a lovely part
continue soon

Chalo Sumit Kumkum to farm house chale gaye magar woh akele thodi gaye hai, woh dono to hum sabko sath lekar gaye hai to chalo unki is journey me kya kya ho raha hai unke gavah bankar unki love story ko aage badhne me unka sath de.

Sumit-Kumkum Wadhwa House se farm house ke liye ravana hote hai, raste me Sumit Kumkum se baate karta hai.

Sumit: Kumkum, main aaj bahot khush hoon.

Kumkum: Main janti hoon. Tumhari aankhe sab bayan kar rahi hai.

Sumit: hamari shadi jin halat me hui un halat me kuch bhi kehna mushkil tha aur shadi ke baad bhi musibate aayi magar tumne hamesha mere liye sab accha kiya hai, aaj tumhari tabiyat kharab hai aur phir bhi mera khayal rakhne ke liye tum mere sath aa rahi ho. Sach me main bahot khuskismat hoon ki tum muje mili.

Kumkum: Nahi, main tumse zyada khushkismat hoon ki tum mere ho.

Sumit: Magar shadi ke baad to aise hum pehli baar jaa rahe hai, kyon?

Kumkum: Haan, magar ghar par.

Sumit: Kumkum, tum bhi naa. Tum yahan ho mere sath magar tumhara dhyan ghar par hai.

Kumkum: Haan, kyonki tum aur mera parivaar meri jaan ho aur aap sab hai tabhi to Kumkum ka ye payar bhara bandhan hai, aur Sumit tum ho isiliye mera jeevan ek aise atoot rishte me bandh gaya jahan har rishta ishvaar ka roop hai.

Sumit: Magar tum sabki madad karti ho, tumhe sab pata hai ki koun se waqt kisko kya chahiye.

Kumkum: Sumit main tumhari patni hoon isliye tumhari har zaroorat meri zimmedari hai aur parivaar ki zaroorat ko poora krna mera farz kyonki main Wadhwa khandan ki bahoon jo hoon aur koi apna dhyan nahi rakhta isliye unhe kehna padta hai aur isbaar to naa jaane kya hoga?

Sumit: Kyon aisa kya honewala hai?

Kumkum: Are woh sab 19 November ki taiyaari kar rahe hai.

Sumit: Kya?

Kumkum: Haan. Magar tum itna chonke kyon?

Sumit apne maan me kehta hai ki us din to mera birthday hai, janta hoon ki aisa woh log kya karna chahte hai.

Sumit: Magar us din hai kya?

Kumkum: Tumhe nahi pata?

Sumit:(apne aap se) Kumkum ko bevkoof banata hoon ki muje woh yaad nahi.(Kumkum se) Nahi.

Kumkum: Haan vaise tumhe yaad bhi kyon hoga?

Sumit: Magar kya ye to batao.

Kumkum: Woh us din karvachoth ka vrat hai.

Sumit: Aur?

Kumkum: Aur aur kuch nahi.

Sumit:(man me) Shayad Kumkum mazak kar rahi hai. (Kumkum se) Tumhe nahi lagta ki us din kuch aur bhi hai jo khas hai.

Kumkum: Haan, woh mera pehla karvachoth hai to khas to hoga hi naa?

Sumit: Magar us din date kya hai aur us din kya hai.

Kumkum: Kya tum bhi us din iske alawa kuch nahi hai.

Sumit: (apne aap se) Shayad ye bhool gayi.

Kumkum: (apne aap se) Sumit, I'm sorry. Tumhe tadpa rahi hoon magar muje yaad hai ki us din tumhara birthday hai.

Thodi der ke liye khamoshi chha jaati hai, kuch der ke baad Kumkum apne khoole balo ko bandhti hai, tab Sumit dheere se usse bandhe huye baalo ko phir se khol deta hai.

Kumkum: Sumit, ye kya kar rahe ho?

Sumit: Tumhare baal aise khoole zyada acche lagte hai. Phir tumhari marzi tum bandh bhi sakti ho.

Kumkum: Sumit tum aisa kar rahe ho jo muje pasand aaye to tumhari bhi koi icchaye hogi jo muje poori karni hai aur agar yahi tumhari pasand hai to muje mere baal khoole rakhne me koi dhikkat nahi.

Baad me Sumit tape on karta hai, usme Dhadkan film ka gana baj raha hota hai, " Naa naa karte pyar oy me kar gayi" ye sunkar.

Kumkum: Pata hai Sumit ye gana muje bahot pasand hai.

Sumit: Kyon koi khas wajah.

Kumkum: Haan.

Sumit: Woh kya?

Kumkum: Is gaane ke shabd meri zindagi ki kahani bata rahe hai.

Sumit: Matlab? Main kuch samja nahi.

Kumkum: Tum kuch din baad sab samaj jaaoge philhaal to main yahin kahoongi ki naa karte huve muje bhi tumse pyar ho chuka hai.

Sumit: Kya, phir se kaho.

Kumkum: (Sharmakar) I love you Sumit.

Sumit: (ekdum khush hokar) I love you, too. Kumkum.

Yahin baate karte karte farm house aa jaata hai.

Sumit: Kumkum tum to shayad yahan pehli baar aayi ho naa?

Kumkum: Haan.

Sumit: To ye hai Valsad. Aur isse 2 kms. par Segvi me hamara farm house hai, jiske samne Tithalbeach hai jo hume ghar ke picchhle hisse se dikhayi deta hai.

Kumkum: Sumit, abhi to sham hui hai to kya tum muje beach par le jaaoge?

Sumit: Haan, kyon nahi. Magar pehle saman rakh ke aate hai aur vaise bhi kaam to kal hai.

Kumkum: Thik hai jaisa tum kaho.

Dono farm house par apna saman chhod aate hai aur beach par tehlne nikalte hai, beach par tab koi nahi hota, us dauran Kumkum ke baal khooli hava me lehra rahe hote hai magar uske baal ki ek lat uske chehre par aakar usse pareshan kar rahi hoti hai Kumkum kai baar usse pichhe rakhne ki koshish karti hai magar woh baar baar uske chehre par aa jaati hai, Sumit ye dekhta hai phir ek baar woh apni ungliyo ko Kumkum ke chehre par rakhta hai, Kumkum ki aankhe band ho jaati hai aur Sumit uske chehre se woh lat hatakar uske kaano ke picche kar deta hai. Baad me Kumkum Sumit ki aankho me aankhe dalti hai aur dono ekdoosre ko dekhte hai, dono ki aankho me pyar ki khushi hoti hai aur ekdoosre ke liye dhher sara pyar jinme woh dono kho jaana chahte hai.

Sumit: Qayamat hai apki har ada, magar har waqt hume zinda karti hai apki ye muskan. Hum to apke pyar e doob chuke hai bas usse kinare par to apko hi lana hoga.

Kumkum: Apka har roop lagta hai hume pyara magar ab bhi hai maujood bich me ye fansla. Chahte to hum bhi hai isse mitana kyonki thode waqt ke baad hume ho jaana hai apka.

Yahin baate chal rahi hoti hai tab Sumit ki aankh me ret udkar chali jaati hai aur uske aankh se pani nikalne lagta hai aur woh thik se dekh nahi pata, Kumkum ye dekhti hai aur dheere se uske paas jaakar uske chehre se uska hath hatati hai aur apne hath Sumit ke galo par rakhkar aankh me phhonk marti hai aur woh ret hatati hai,

Kumkum: Ab kaisa lag raha hai Sumit?

Sumit: Bahot accha.

Kumkum sharma jaati hai aur doosri or dekhne lagti hai.

Kumkum: Bahot der ho chuki hai ab hum chale?

Sumit: Thik hai.

Do no jaate hai dinner karte hai aur aanewale kal ke suhane sapno ke sath so jaate hai.

To be continued.........................................

........................................................
❤️ I love Juhiji very much. ❤️