ff-KumkumSumit(Tu Mile Dil Khile)Upd20/05 - Page 10

Chaliye ab aage Kumkum ko goli lagi hai kya usse kuch hoga yaa phir Sumit ka pyar usse ek dhage me sabse jode rakkhega dekhte hai.....................................

Goli chalne ki awaz ke karan sab gharwale Kumkum-Sumit ke kamre me aa jaate hai aur wahaan goli chalanewala insan bhaag gaya hota hai Sumit Kumkum ko apne hatho me lekar uska sir apne pairo par rakhta hai.Goli lagne ki wajah se Kumkum ki saanse rukne lagti hai aur usse pain bardast nahi ho raha hota hai.Kumkum Sumit ka hath pakadkar usse kehti hai

Kumkum:Sum...Sumit....Sumit.

Sumit:Haan. Kumkum

Kumkum:Tu..tum thik .....thik to ho na....

Sumit:Kumkum, tum meri fikr chhod do muje kuch nahi huva hai, magar tumhe

Kumkum:Sumit, Sumit

Sumit:Kumkum, pehle hum doctor ke paas chalte hai.

Kumkum:Nahi, Sumit. Usse pehle agar muje kuch ho jaaye main tumse kuch kehne chahti hoon.

Sumit:Kumkum, tumhe ye Sumit kuch hone nahi dega, tum aisa kuch mat kaho aur hum......

Kumkum:Nahi, Sumit. Aaj meri saanse agar rook jaaye to bhi kuch nahi magar main tumhe ye kehna chahti hoon ki tumhare sath guzaara gaya har ek lamha aaj agar muje kuch ho jaaye to main apne sath yaado ke roop me le jaa rahi hoon aur har janam me muje tum hi miloge aisi bhagvaan se prarthna karoongi aur main tumhe pyar karti hoon Sum..Su...Sumit............................

Itna kehkar Kumkum behosh ho jaati hai aur Sumit chillata hai.

Sumit:Kumkum, aankhe kholo Kumkum, please, Kumkum.

Sab gharwale kamre me aa jaate hai.

Veena:Beta, Sumit. Ye Kumkum ko.

Dadaji:Woh sab baad me pehle Kumkum ko hospital le jaate hai.

Sumit bahot rota hai aur woh Kumkum ke khoon se ranga hota hai.

Dadima:Sumit, sambhal apne aapko aur ishwar pe bharosa rakh woh Kumkum ko kuch nahi hone denge.

Kul:Haan, Sumit tum Kumkum ko le aao main gadi nikalta hoon, doctor ke paas chalte hai Kumkum ko kuch nahi hoga.

Sumit Kumkum ko apne hatho me uthakar gadi me bethta hai aur Kul car drive karke hospital jaata hai. Baad me Kumkum ko operation theatre me le jaaya jaata hai aur doctor operation karte hai. Sab gharwale aa jaate hai aur Kumkum ke gharwalo ko bhi bulaya jaaata hai, yahaan police ko is ghatna se ittela kar diya jaata hai aur woh apni chhanbin shuru kar dete hai, Sumit ko Kumkum ke sath goozara gaya harek pal yaad aata hai aur woh bahot rota hai aur apne maan se baate karta hai.

Sumit:Aaj Kumkum ki ye halat meri wajah se hai, Kumkum ne meri jaan bachane ke liye ye sab kiya hai aur woh mere karn aaj maut se jooj rahi hai aur main yahaan bebas hokar uski ye halat dekh raha hoon, he ishwar ye sab kya hai. Meri Kumkum ne to koi paap nahi kiya phir usse aisi sajaa kyon de raha hai aur agar usse kuch ho gaya to main bhi apni jaan de doonga. Abhi to hamare sapne ekdoosre ke sath kya joode ek pal me hi tune mujse usse chhinne ki baat kardi magar main meri Kumkum ko kuch nahi hone doonga. tuje bhi jukna hoga hamare pyar ke samne aur jab tak Kumkum thik nahi ho jaati tab tak main ann to kya pani ki ek boond bhi apne mooh me nahi daloonga. Karle tuje jo karna hai Kumkum ko main kuch hone nahi doonga.

Tabtak operation khatm ho chuka hota hai aur doctor bahar nikalte hai.

Sumit:Doctor, sahab. Ab Kumkum kaisi hai.

Doctor:Mr.Wadhwa. Khoon kafi beh chuka hai aur unki halat bahot hi nazook hai,main adtalis ghante tak apko kuch nahi keh sakta. Agar us dauran usse hosh aa jaaye to thik hai varna.

Sumit:Varna kya doctor.

Doctor:I'm sorry to say you but ya to woh comma me chali jaayegi yaa phir ...let's hope for better.

Sumit ke pair fisal jaata hai aur woh zameen pe beth jaata hai aur bahot rone lagta hai.

Mr.Sharma:Beta, Kumkum mere bhi jigar ka tookda hai aur maine uska hath tumhare hath me diya tha. Magar muje ye nahi maloom tha ki aisa hoga. Woh tumhare sath bahot khush thi aur muje tumhare pyar par poora bharosa hai ki woh Kumkum ko tumse door nahi jaane dega.

Dadaji:Haan, Sumit. Ishwar unhi logo ki pariksha karte hai jiska maan hamari Kumkum aur tumhari tarah saccha aur pavitra ho.

Kul:Kumkum ko kuch nahi hoga. Meri bachhi laut ke zaroor aayegi.

Dadima:Haan, Kul sach keh raha hai. Hum usse aise hi thodi jaane denge.

Veena:Woh to rishte me pyar ka bandhan hai, usse agar kuch ho jaaye to Wadhwa parivaar ki neev hil jaaye isliye ishwar aisa kuch nahi karega.

Mrs.Sharma:Haan aur hum ab jab tak woh thik nahi hoti tab tak akhand path karvayenge.

Rahul:Sumit, tum Kumkum ke paas baitho.

Priya:Apka pyar Kumkum ko kuch nahi hone dega aap fikr mat kariye.

Sab log prarthna karne ghar jaate hai aur Sumit Kumkum ke paas baithta hai aur uski yaado me ulja rehta hai. Doctors 47 ghante ke baad Kumkum ko chech karne aate hai.

Sumit:Doctor. Ab Kumkum kaisi hai. Usko abhi tak hosh nahi aaya.

Doctor:(Bahot hi dukh ke sath)Mr.Wadhwa. Sumit

Sumit:Haan kahiye naa. meri Kumkum thik ti ho jaayegi naa?

Doctor:I'm extremely sorry. Magar jiska dar tha wahin huva.

Sumit:Apka kehne ka matlab kya hai?

Doctor:Unki pulse low hoti jaa rahi hai aur ek ghante me unki jaan chali jaayegi.

Sumit:What?

Doctor:Ji haan, aap apne karibi rishtedaro ko bula lijiye 😭

oh! no 😭 😭 what next? what happens to kumkum.she cannot die. plz update fast.

very emotinol 😛 .
i sure nothing would hapen to kk 😛 .
cont soon 👏

Hi good update, ya even I think Kumkum ko kuch nahi hoga. Please dont want a double role of Kumkum, like if she dies some lookalike of Kumkum and then slowly Sumit and Kumkum fall in love. We want love between this Kumkum and Sumit.

Eagerly waiting for the next part.

nothing will happen to kumkum
continue soon

Chaliye hospital me kyonki doctors ne sab logo ko bula liya hai magar kaisa hai Sumit ka haal uski Kumkum ki aisi halat dekhkar chaliye jaate hai wahaan............

Hospital me sab log aa jate hai aur sab Kumkum ke sath bitaye huve waqt ko yaad karke ro rahe hote hai, Sumit ekdum toot jaata hai aur Kumkum ke bed se door hokar hospital ke us kamre se bahar nikalta hai aur sab log uski or jaate hai magar woh apni hi dhoon me Kumkum ko yaad karta huva entrence ke paas aa jaata hai aur Kumkum ke sath guzare huve un lamho yaad karke rota hai, usi bich woh ek bahot chhoti si ladki se takrata hai. Woh ladki gir jaati hai aur Sumit usse uthata hai, woh ladki Sumit ko dekhti hai aur Sumit use

Sumit:Beta, I'm sorry. Mera dhyan nahi tha.

Ladki:It's OK uncle koi jaan buchke thodi kisise takrata hai.

Sumit:Beta, aaka naam kya hai?

Ladki:Mera naam Tvisha hai aur apka.

Sumit:Mera naam Sumit hai.

Tvisha:Magar uncle aap ro kyon rahe ho?

Sumit:Beta, chhodo un sab baato ko.

Tvisha:Nahi, uncle batao naa.

Sumit:Beta, tumhari aunty ko goli lagi hai aur woh hum sabko chhodkar jaanewali hai:

Tvisha:Uncle, aap roiye maat. Main bhi bhagvaan ke paas jaanewali hoon kyonki doctor uncle bolte hai ki muje blood cancer hai aur main jab upar jaaoongi to bhagvaan se kahoongi ki woh aunty ko kuch naa kare.

Sumit uski baate sunkar usse gale laga leta hai

Sumit:Beta, apke mumapapa?

Tvisha:Woh dono ghar gaye hai. Magar uncle chaliye yahan bhagvaan ka mandir hai wahan hum aunty ke liye prarthana karte hai.

Sumit:Chalo.

Dono mandir jaakar Kumkum ke liye prarthna karte hai.

Tvisha:Bhagvaanji, aap muje to ek din upar boolanewale ho to muje jaldi boola lo magar aunty ko thik kardo.

Sumit:He, bhagvaan. Mujse zyada Kumkum aap ko manti hai to phir aap uski jaan meri joli me daal do, mere liye nahi to is masoom bachhi ki prarthna sunkar bho usse bachalo. Aur agar Kumkum ko kuch ho gaya to mere liye tumhara astitva is duniya se mit jaayega, aaj mera nahi magar apka imtehaan hai ab aap ke hath me hai sab kuch.

Tvisha:Uncle, aap aunty ke paas jaiye, woh zaroor thik ho jaayegi.

Sumit Tvisha ke sir par kiss karta hai aur Kumkum ke paas jaata hai, aur tab tak adtalis ghante poore ho chuke hote hai aur doctors Kumkum ko check karte hai.

Sumit:Doctor kya huva? Aap ne check kiya?

Doctor:Haan, kiya.

Sumit: Kuch kahiye naa.

Doctor:Sumit, I'm sorry. Kumkum is no more. 😭

To be continued.........................................

oh no! 😭 😭 this cant happen. kumkum cant die. plz update next part soon.

Chaliye chalte hai aage ab kya hoga Kumkum ka...........

Doctor Sumit ko Kumkum chali gai hai ye bata dete hai(Sumit ke baare me baad me) Baad me woh bahar jaate hai, jahan gharwale unko bahar nikalte dekhte hai.

Dadaji:Doctor sahb.

Kul:Kumkum ki tabiyat ab kaisi hai?

Dadima:Woh thik to hai naa?

Mr.Sharma: Haan woh hosh me aa gayi?

Mrs.Sharma:Hum san usse milna chahte hai.

Veenaji:Kya hum usse mil sakte hai.

Rahul:Doctor kuch kahiye naa.

Priya:aap sab unko kehne to dijiye vaise bhi Kumkum thik hogi, kyon doctor.

Doctor:Ji, aap nahi?

Veenaji:Hum usse kyon nahi mil sakte?

Doctor:Aap muje galat samaj rahe hai kyonki Kumkum aap sabko chhodkar jaa chuki hai.

Aur doctor chale jaate hai.Dadaji kamzor pad jaate hai aur dadima nirash ho jaati hai.

Dadaji:Kya? Ye kaisa keher toot pada.

Dadima:Hamari us bacchi ko kya ho gaya?

Kul aur Mr.Sharma ekdoosre ko pakad kar rote hai

Kul:Woh to hamare ghar ka ek aisa phool hai jo sirf mehek failata hai.

Mr.Sharma:Bahot mushkil se usko khushi mili thi aur aaj woh.......

Veenaji aur Mrs.Sharma ke hosh ud jaate hai.

Mrs.Sharma: Ye kaisa anarth ho gay, meri ladli jo sabko sambhalti thi aaj wahin hume akela chhod gai.

Veenaji:Bahot hi sukun bhar diya tha usne kuch hi dino me hamare aur Sumit ke jeevan me, uski adat pad chuki thi hum sabko, bhagvaan ne beti di thi aur aaj...

Rahul aur Priya sabko sambhalne ki koshish karte hai.

Rahul: Har rakshabandhan par isi kalai par rakhi bandh ke muje uski umar lag jaaye aisa kehti thi aur aaj.

Priya:Are, hamara thik hai magar socho Sumit ka kya hal hoga hum agar kamzor pad gaye to Sumit ko kaise sambhalenge?

Kul:Tum thik keh rahi ho beta.

Dadaji:Magar hum us bacche ka samna kaise karenge?

Yahan sab ekdoosre ko sambhal rahe hote hai, aur usi waqt Sumit Kumkum ke paas hota hai aur woh Kumkum ke mathe par ek kiss karta hai aur uska hath apne hatho me le leta hai.

Sumit:(Kumkum ke paas baithkar, uska hath apne hatho me dabakar) Janti ho Kumkum shadi ke waqt kitne sapne sajaye the, tumne meri jaan bachakar apna farz nibhaya magar tumhe ye maloom nahi ke ye Sumit uski Kumkum ke bina kaise jiyega. Main tumse pyar karta tha aur tumne ikraar kiya phir tum un sapno ko todkar muje aisa akela chhodkar nahi jaa sakti aur agar tumne aaj meri baat nahi maani to main bhi tumhare sath upar chala jaoonga.

Ye aakhri shabd Kumkum ke kano me padte hai aur woh apna doosra hath uthakar Sumit ke mooh par rakhti hai.

Kumkum:Sumit, maine kaha tha naa ki kisi bhi din aisi baat mat karna.

Sumit:Kumkum.

Sumit Kumkum ko zinda dekhkar bahot khush ho jaata hai aur

Sumit:Kumkum I love you.

Kumkum: I love you ,too.

Sumit:Main bahar sabko batata hoon aur doctor ko boolata hoon.

Kumkum:Sumit, tumhare bharose ne hi muje doosra janam diya hai, gharwalo ko batado magar ab muje doctor ki nahi mere pati, mere jeevansathi ki zaroorat hai.

Sumit gardan hilakar haan bolta hai. Usi dauran sab gharwale andar aate hai aur Kumkum ko hosh me aate dekh sab khush ho jaate hai aur sabki aankho me khushi ke aansoo hote hai.

To be continued......................................

Kumkum ki wajah se hi main hoon to agar usse kuch ho jaaye to to sab kuch barbad ho jaaye isliye usse kuch nahi hoga, don't worry & be happy aur ho jaao reddy kyonki pyar ka izhaar ho chuka hai magar kya Kumkum-Sumit ke fansle kab khatm hoge ye bhi to dekhna hai naa....................................................

Bilkul dekhna and we all are ready and sure that you wil bring their romance very nicely with your great writing skills. Waiting Eagerly.

bilkul sahy kha 😛
nothing happened to kk.
cont soon 👏 👏 fab eps 😳 👏