December ki kuwase wali kanpkapati subah ke 5:30 baje they...uninda kasba apne nind ke giraft se dheere dheere azaad ho raha tha..chidiyo ne kalraw gaan aarambh kiya tha'ikka-dukka log sadako par nikal rahe they..
Nidhi ne Khidki khol ke dekha'Doodhwala besuri awaaz mein uss anchal ki lok sangeet gaate huye aa raha tha..Darwaze par dastak huyi' Doodhwala aur bharti saath hi aaye they..Bharthi Ne doodh liya aur Chai banane chali gayi'
"Bharti Ab tak akhbaar wala nahi aaya..Chai bana ke akhbaar le aao'"'Nidhi ne khidki bandh kar diya'
Raviwaar ek lamba boriyat wala din'Prathmik chikitsa Kendra mein koi apaatkalin stithi huyi tab usse bulaya jayega..kendra ke peeche hi kuch kamre hain..jinme se ek main Nidhi aur dusre mein Dr Ashutosh rehte hain'.
Darwaze par phir dastak huyi'Dr Ashutosh they..Thand se hathon ko masalte..Gehri khoyi khoyi shaant spasth..bhawnawihin aankhein'Dr Ashutosh ke antarman ki udwelna ko safaltapurwak dhank leti hai unki aankhein'Ye jaaduyi kaarnama bahut saalon mein seekha hai unhone..
Unki aankhein dekh kar wo behad kamzor pad jaati hai'saari shakti'saara pran..sharir se bahar behne lagta hai'dil hahakaar karne lagta hai..Laut chalo Nidhi'Lucknow'Piyush Tumhara hai..sweekaar lo tumhe uski aawashyakta hai'tumne toot ke ussi ko chaha hai'khud se bhagna bandh karo..
Nidhi se saha nahi gaya'Wo kursi ko pakad ke baith gayi.."Dr Nidhi aaj akhbaar wala nahi aaya..aapke yahan aaya hai kya??"
Jawab dene ke liye wo shabd dhund rahi thi..Andar bahar sannata goonj raha tha'
"Dr Nidhi Aap theek hai??"
"mere yahan bhi nahi aaya Dr ashutosh..Bharti jayegi Akhbaar lene..aapke liye bhi le aayegi"
"Ji shukriya..Chalta hoon"
Halki dhoop nikal aayi thi..kuwasa thoda chant gaya tha..Chai ke saath wo akhbaar padh rahi thi..
Akhbaar ko samet kar rakha'
23 ghante bina kuch kiye bitane hai..khamoshi se ghire tanha akele'
maine tanhaai ko swyam chuna hai'sabse kat kar door'yahan aa gayi hoon'kyu kar rahi hoon mai khud ke saath aisa??..kaun khush hua hai mere iss kadam se??..nahin sochna hai mujhe'saari zindagi aise tanha akeli rahungi kya main.??..Nahin nahin khud par aisa ghinona jurm nahi karungi..Piyush ko achcha.nahi lagega...
"Nashta laga doon"'
Nidhi ektak bharti ko dekhti hai..Akeli kahan hoon main bharti to hai'ek nischal muskaan uske hothon par aati hai'Piyush ki naraazgi se bach gayi main...
"haan laga do'usmai baba se phone pe baat kar ke aati hoon'phir mai aur tum bazaar jayenge..thik hai "
"ji chalungi'"
Ghar ki phone ki ghanti baj rahi thi'.Baba ne phone uthaya.."Hello"
"Hello baba.."Awaaz bhigi huyi thi..
"Nidhi..Meri Bachchi..kaisi hai?"
"Theek hoon baba..aap kaise hai.?"
"bas Tere bina kaisa ho sakta hoon..Wapis aa ja Nidhi"
"Baba aapne promise kiya tha na.."
"Nidhi Mujhe le chal'"
"babaaa'Anji uncle aunty kaise hai'Chote sarkar dadi Bua?
"Hmmm..sab thik hai Nidhi..sab ke bahut saare sawaal hai jiska jawaab main nahi de paata.."
"Baba yahan bahut thand hai..Lucknow me bhi hogi hai na'"
"Nidhi Baat ko ghumane se sawaal nahi badalte'.unka saamna tujhe karna hoga nidhi"
"Baba aap nahi baba'"
"Nidhi Chote sarkar ki shaadi hone wali hai..Tujhe nahi bataya na'Dadi buaa ne dhundhi "
"Sach baba.." aur wo hansi khilkhila ke'"chote sarkar ko shadi ka kitna shauq hai..unki shaadi bhi ho jayegi.."
"Tujhe Bhi to Shaadi ka shauq tha Nidhi'Teri Gudde ki shaadi anji ke gudiya se huyi thi..Yaad hai anji kitna royi thi..Pura din royi thi'"
"haan baba 'Aunty uncle ne phir pag phere ki rasm karayi thi..taki anji Gudiya ko dekh sake..Kya Din they na wo'.Aur Baba yaad hai piyush ne kaha tha Wo gudiya ke badle Mujhe'.." wo ruk gayi..Jis raaste wo jana nahi chahti thi..khud hi uss ka mod le liya..
"Nidhi'Parso Piyush ki shaadi ho gayi.."baba ne Dheeme swar mein kaha'Nidhi ne phone kaat diya tha'Issi baat se wo bachna chahti thi..nahi sunna chahti thi'aur wahi baat pighle seeshe ki tarah uske andar pahunchi'
Ankhon me labalab aansoo they..Raasta nahi dekh paa rahi thi..kamre ke andar gayi'Piyush ki shaadi ho gayi..yehi to chahti thi main'Nahiii jhuth hai..main ye nahi chahti thi..To kya chahti thi main???...Jawaab mujhe pata hai..par main Nahi Bol sakti khud se'.ek zinda laash ho rahin hoon"
"Bazaar jayengi??...aap phir ro rahin hai??"..
"Nahii'." Nidhi khidki ko pakad ke khadi ho gayi'
Bharti chupchap andar chali gayi'
13 saal ki nidhi apna maths ka homework le kar anji ke ghar gayi'
"Anjiii anjiii'"
"Haan idhar hoon kamre mein Nidhi.."
Bistar par dono saheliyaan ludo khel rahi thi' ..Ekagrata se dono ghotiyon ko dekh rahi thi..koi chal na kare'.
Tabhi kisi ne Nidhi ki choti peeche se khinch di.."Piyush mat karo aisaa aunty ko shikayat kar dungi"
"Kar do Maa se shikayat..Tum ladkiyo ko rone aur shikayat karne ke siwa aata kya hai??"
"Bhaiya Nidhi ko pareshan mat karo'Tumhare doston ko to main tang nahi karti"
"Chup raho tum Nidhi ki chamchi'."
"Maaa'.Bhaiyaa humeh tang kar raha hai."
"Anjiii rehne de Piyush ko bhi hamare saath khelne dete hai.."
Anji aur Piyush Stabdh ho Nidhi ko dekh rahe they'
"Piyush phir tum mera Maths homework kar doge na.."
"Ohh to isliye Mujhe khelne de rahi ho apne saath'waise tumhe meri yaad nahi aati bas Anji ki aati hai..par jab kaam ho to meri yaad aati hai tumhe Bandariya"
"Bandariya mat bolo..tumhekab aati hai meri yaad jab tumhe kisi ko pareshan karna hota hai..kyu.."
"Nahi mujhe tumhari yaad sirf tab nahi aati"
"To phir kab aati hai?"
"Hamesha aati hai"
Uss din pehli baar Dil badi zor se dhadka tha Nidhi ka'chehre ki shiraon mein rakt prawaah Tez thi'Kuch ajeeb ho raha tha uske saath'..
