OS-Guzra huaa kal ch-2 page 3 - Page 3

Originally posted by: rabzonedge

Thankoo..😳

Originally posted by: debaparna77

now..update kar..😳

Ch-2...😳

Piyush ke mukh ki or nazrein nahi utha paa rahi thi..hatheliyaan aur talwe thande ho gaye they…deh mein vidhyut ki lehrein daud rahin thi…Sabkuch Anjana Naya naya sa tha…

Piyush hairani se Nidhi ko dekh raha tha…"Bandariya Hathath itni chup kyu ho gayi…??"

Nidhi Ne kuchh nahi kaha…

"Bhaiya sab tumhari wajah se..tumne meri saheli ko dukhi kar diya.."

"Nidhi Kuch bologi..Hua kya tumhe??"..Piyush ke liye Nidhi ka aisa bartaw asahniya tha…Nidhi sher par sawa sher hai..Hajirjawaab aur abhi wo muh phulaye khadi hai…

Piyush ne apna akhiri hathiyaar upyog kiya…Nidhi ki choti kheenchi "Aaahh Piyush meri Choti chorooo"

"to bolti kyu nahi ho?"

"Maine kaha meri choti choro nahi to Main apni choti katwa dungi.."

"Nahi katwaogi tum choti..mujhe tumhare lambe kesh pasand hai.."..Bol ke Piyush ne uski choti ko chor diya…

Nidhi ne Piyush ko dekh ke apni Jeebh bahar nikali.."Meri Maths Homework kar doge to Baal nahi katwaungi.."

"Shaitaan ki nani ho tum..Thik hai homework kar deta hoon parantu ye antim baar hai"

"Bhaiya pratyek baar aap Nidhi ki homework karne se pehle yahi kehte ho..aur har baar uski home work kar dete ho"

"Tujhse kuch bola maine anji…Jaa ke apna Ludo khelo"

Nidhi haule haule muskura rahi thi…Piyush Apni chori pakdi jane se baukhla raha tha…

Piyush nidhi ki Homework le kar kamre se bahar chala gaya…uske jaate hi Anji Nidhi par baras padi.."Tujhe Bhaiya ki shikayat maa se karni chahiye…Par tu nahi karegi..Main karungi abhi"

"Nahi Anji piyush ki shikayat mat karna kabhi…"

"Kyonn??"..Anji Ne chikhte huye pucha..Wo Nidhi ki Bewkufi par krodhit thi..

Nidhi ne Haule se kaha.."Nahi pata..Bas mat karna….Ludo khelna hai ya nahi?"

"Khelna hai..khelna hai..Bas …."

"Bas kya?"

"Bhaiya na aaye…."..Anji ne ye keh kar Nidhi ki Taraf Dekha…Nidhi Ruhansi ho rahi thi…Par Kyu??

………………………………………………………………………………………………………………………………………………..

Bharti Ke haathon Dr Nidhi ne akhbaar bhijwa diya tha…Hindi aur angrezi Dono bhasaon mein…Angrezi akhbaar nikhri khilkhilayi patrika ke saath susajjit thi…hindi akhbaar rukhi sukhi besahara…aseem samay kachuye ki chaal se beet raha tha..Dr Ashutosh ek hi khabar ko do-do baar kaant chant kar padh rahe they…

Umr ki ek dashak lucknow mein bitane ke baad …Dr Ashutosh 3 mahine se kasbe ke prathmik chikitsha kenrdra se jude hain…

Kendra ki awastha jharjhar thi…karyakartaon ki kami..bhautik zarurataon ke vastu bhi nahi they…Shehar ka bada doctor aise chote Kendra mein aaye..tab Kendra ki soyi Kismat angdaayi le kar jag uththi hai…15 din ke andar Sarkar ne kendra ki kaya palat kar di…Naveen jeevan daan mil gaya Kendra ko…

Kasbe wale Dr ashutosh ko bhagwan ka darja dete hain…Dr ashutosh karmnisht insaan hai..sayyamsheel aur jhujhadu…Chikitsha jagat mein Unke saalo ka anubhav kam sadhano ke bawjood marijon ki Beemariyon ko jad se meetane mein unke sahayak hote hain..

Ek Mahine pehle Dr Nidhi ke Kendra mein aane se..karya aur sucharu dhang se chalne laga hai…

Dr Nidhi ne takriban saari zimmedariyaan ka karya bhar le liya hai…swayam ko kaam mein duba diya Hai…Dr ashutosh ke liye Dr Nidhi ek abuhjh paheli hai…Ek mahine mein unn dono ki aupcharik baatein huyi hain bas…

"Namaste Daaktar sahib" Hariya ne kaha.

"Hariya Kya hua tabiyat kharaab hai??"

"Nahi daktar sahib tanik milne chale aaye..Amma bolin daktar aur daktarni ji ko saal ka pahila Gud chahupa(de) dene..wahi lei ke aaye hai.."

"Kyu taqlif kar rahe ho..Jao gud ko bazaar mein becho…"..Dr ashutosh ne muskura kar kaha.
"kaisi baatein karo ho daaktar sahib…Pahile Ishwar ko bhog Chadawe ke hota hai phir insano ko"

"Hariya hum sab Insaan hain yahan…"

"daktar sahib Bahas ka kachu ant nahi hai..Aap gud lei lo..aur Daktarni ji ko bhi dei diyo..bazar ke liye Deri howat hai"

"Tum Bahut ziddi ho hariya..Thik hai Thoda gud de do..thoda matlab thoda samjhe"

"Daktar Sahib saal ka pahila gud hai..uchak ke khaiye aur Daktarni ji ko bhi boliyega khane..Amma jab gud ki Mithayi banawegi..wo bhi lei ke aawenge Aap logan ke liye"

Shehar mein yahi nirmalta vilupt hote jaa rahi hai…aise bhole bhale log hai yahaan..inke beech meri khoj,meri talash asaan rahegi ya katheen??

"Chalta hoon daktar Sahib Namaste"

"Achcha Hariya Namaste Apna dhyan rakhna"

……………………………………………………………………………………………………………………………………………….

Nidhi Ab bhi Khidki pakad ke khadi hai…Klant gumshum khamosh gatiheen stabdh ….

Bharti usse dekhne kamre mein aayi…"Nashta karengi??"

"Nahi.."

Nidhi ne tez se ek hichki li…Khidki ko kas ke pakda ..Bahut der se ruki huyi rulayi behne lagi hai..

Nidhi Piyush ki parso shaadi ho gayi….Baba ke shabd mujhe tadpate rahenge..main ab kabhi so nahi paaungi…ratjaga mera naseeb hai ab…kaash kuch pal ke liye main apne dimag ko bandh kar pati..apne maji(past) ko kahin dafna pati..yahan se bhi kahin aur jaane ka man kar raha hai..jahaan ye yaadein ye smritiyaan bahut peeche chuth jaayein…aisi kaun si jagah hai iss prithvi par??..kitna bhagoon main??

"pani pee lijiye"

Nidhi ko abhaas huya wo sach mein bahut pyaasi thi…Bharti ne kaise jana.??..Ek Mahine mein bharti ne usse bas kaam karte aur gumshum khidki se bahar dekhte dekha hai…Ek insaan ko janne ke liye sayad itna kafi hai…

"Dr nidhi…" Dr ashutosh aaye they..

"Ji..Kahiye"

"Maaf kijiye aaj aapko dusri baar kasht pahuncha raha hoon.."

"Aise mat kahiye..Aapka swagat hai.." Sapat awaaz thi…

"Dhanyawaab Darasal..hariya gud Laaya tha aapke aur mere liye..Mujhe de gaya ki aap tak pahuncha doon"

"Gud "

"Ji Saal ka pehla Gud"

Nidhi phir se sannato se ghir gayi…har chij usse uski maji(past) se jodti hai…kahin koi bachao nahi hai..

"mujhe gud aur gud ki mithayiyaan bahut pasand hai"- nidhi ne budbudaya

"bahut achchi baat hai..agli baar Hariya gud ki mithayiyaan bhi layega"

Nidhi ne chehra palat liya..khidki ko kas ke pakad liya….

5 min chup chap khade rehne ke paschat..Dr Ashutosh Apne kamre mein laut aaye…

………………………………………………………………………………………………………………………………..

"Tumhara kitchen set,seepiyaan aur 3 gullak mujhe Dahej mein chahiye"-Nidhi ne elaan kiya

"Tumhein apni Radha doon aur saath mein itna dahej..Nahi kabhi nahi"-anji ne pratirodh kiya

"Mat Do mere mowgli ke liye Gudiyon ki kami nahi hai."

"Radha ke rehte tum Mowgli ki shaadi kisi aur gudiya se karaogi?"

"Thik hai…Kitchen set aur seepiyaan de do...ab isse kam mein main nahi manne wali"

"Apni gudiya ke liye maan rahi hoon tumhare hathile maang..nidhi tum bahut nishtoor ho"-Anji ne Gusse se kaha

"Anji tumne radha ki shaadi Karishma ke gudde se tay kar di thi..jab usne jyada dahej manga tab mere mowgli ke liye aayi ho..mujhe sab pata hai…"-Nidhi ne bhi apne tewar dikhaye…

"Achcha chalo..mujhe manzoor hai..shaadi ki taariq socha hai?"

"Tum dono apne gudde-gudiya ki shaadi kar rahi ho?"-Piyush ne aate aate poocha.

"Haan shaadi ki tariq soch rahein hai"-Nidhi ne bataya…

"Tariq tum log sochna..bas main do baat bata dena chahta hoon…ek main baraati rahunga..aur dusra shaadi mein sirf Gud ki mithayiyaan honi chahiye"

"Bhaiyaaa tum baraati kyu rahoge??"

"Kyuki Nidhi baraati hai…Aur main Dulhe ka papa hoon"

"aur Gud ki mithayiyaan hi kyu?"

"kyuki Nidhi ko pasand hai"

Nidhi sar jhukaye zameen ko tukur tukur dekh rahi thi….

Originally posted by: debaparna77

Jaanu, excellent continuation !!

yeh tere liye

ye mere liye 😛

Originally posted by: rabzonedge

Originally posted by: debaparna77

😭 kya kare yaar?

chal gnsd..❤️