FF:NAJAAYEZ.Part 17Page24,17/03/10 - Page 17

Created

Last reply

Replies

173

Views

45.6k

Users

19

Likes

25

Frequent Posters

jeenal20 thumbnail
19th Anniversary Thumbnail Stunner Thumbnail + 2
Posted: 15 years ago
hey ananya
that was a good part
ghosh there are so many misunderstanding btween JB
THEY BOTH NEED TO SPEAK
AND NOT KEEP QUITE OR BLAME EACH OTHER
I THINK THIS WILL SURELY EFFECT BANIS HEALTH
AND BANI THIK HI KEH RAHI THI JAI SE
ki jis din tumhe sachai ka pata chalega, tum pachtage
thats y bani is not letting simi meet her
plzzzzzzzzzzzz cont soon
Zaara91 thumbnail
17th Anniversary Thumbnail Voyager Thumbnail
Posted: 15 years ago
Hey ananya
that was nice updat...but yaar one request...please can you clear thier misunderstanding....its really killing me ....probably coz i am used to writing short storys where i wrap up everything quickly....please dont get me wrong...
the story is very nice and interesting i have to say...
yakkudimag thumbnail
18th Anniversary Thumbnail Dazzler Thumbnail + 3
Posted: 15 years ago
Thanks to jeenal and Meena..and to all silent readers..




yakkudimag thumbnail
18th Anniversary Thumbnail Dazzler Thumbnail + 3
Posted: 15 years ago



PART 16


"Get out of my life.."..Jai ne kaha..jab Bani ne usko aur drink karne se roka..kaha ,"Kyaa hua tumko?Kyun khud par aur mujh par is tarha zulm kar rahe ho..mera kasoor kyaa hai?"

"You are free Bani..tum jaa sakti ho meri zindagi se...tum mujhse pyaar nahi karti..tum jaa sakti ho uske paas jisse tum actually pyaar karti ho..ussike paas jaao..main divorce papers bhijva doonga..now..please..get lost.."..Jai ne kaha..

Bani ne ab tak bardasht kia tha sab kuchh..ab aur bardasht karne ki uski dimagi haalat nahi thi..usne kaha.."Achha hai..main toh tumse shaadi nahi karna chaahti thi..zabardasti shaadi ki tumne mujhse..tumne samajh kyaa rakha hai mujhe?Jab chaaha mujhse shaadi ki..jab chaaha mujhe dhootkara..ab yehan se jaane k lia keh rahe ho...main kyaa karoon? Batao..kahan jaaoon..tumhe meri haalat nahi dikhti..mera khayal nahi..kya apne bachche ki lia bhi koi fikar nahi tumko?Ek bachcha pahle hi mar chuka hai..kyaa chaahte ho..yeh bhi.."..Bani baat puri nahi kar paai..ro padi..

"Par ab tumhare kahne se main nahi jaoongi..main ja rahi rahi hoon..apni marzi se..fir kabhi na laut kar aane k lia..meri kismat toh nahi badal sakti..thokar hi likhi hai..kitni bhi koshish kar loon..Dad..tumhare Dad..Ajay Bhaiya..in sab ko dekh kar mujhe yakeen ho chala tha..k har admi Nishikant Dixit nahi...but I was wrong Jai..tum..jo sab se zyada zaroori ho mere lia..tum bhi Nishikant Dixit k jaise ho..I can't take this..this is not justified." ..Bani ne kaha..


"Nishikant Dixit ne tumko nahi apnaya..iski bhadaas tumne saari duniya par nikala..sab se zyada mujh par..maine tumse pyaar kia..tumne kabhi mujhse pyaar nahi kia Bani.." Jai ne kaha..

Bani ne kuchh aur baatein kahi..Jai ne dhyaan na dene ka natak kia....woh chali gayi... bina kisiko kuchh bhi bataye...Uday aur Krishna baahar gaye the..ghar aa kar unhone dekha Bani jaa chuki hai..Uday chidh gaye the puri tarha se..unhone koi baat nahi ki.. Krishna se kaha ,"Sab ki apni zindagi hai..main kuchh nahi kahoonga.."

***************************

Bani ko gaye hue ek hafta ho gaya tha..Ajay ne kuchh bhi batane se inkar kar dia k Bani hai kidhar..ek din Walia Mansion me kuchh papers aaye..jinke mutabik Bani k naam jo property kar dia tha Uday ne..woh sab kuchh Bani ne Jai k naam par transfer kara die..

Jai aaj kal raatein office me hi beetane laga hai..ek raat Jai fir se apne office me baith kar kuchh files check kar raha tha..Bani k bina Jai us ghar me..us kamre me reh nahi sakta.. kitna gussa karega..jisko aankhon se door jaane nahi de sakta..woh aaj nahi hai..ghar me.. kahan gayi hai..yeh bhi Jai malum nahi kar paa raha hai..Jai ki nazar achanak se apne table me rakhi Bani ki tasveer par padi..kuchh yaad bhi aaya..issi office me dono k beech kitna kuchh ho chuka hai.."Ek baar mujhse pyaar toh kia hota Bani..tumne pyaar bhi nahi kia..naa hi mere pyaar par yakeen kia..tumse door rehna bardasht kar bhi loon..par mere saath rahte hue tum kisi aur k khayalon me khoyi raho..kaise bardasht karoon.."..Jai ne
kaha..Bani ki photo ko dekh kar...

Bani ghar chhod kar jane se pahle ....us waqt ki baat yaad kar raha hai Jai...aankho k samne woh pal aaj bhi saaf saaf ata hai..

Bani--Main ja rahi hoo..par aaj ek sawal kar rahi hoon...

Jai--Kyaa?

Bani--Kya meri paidaish k lia main zimmewar thi..ya fir tumhare Baap ne mujhe sahara dia ..usme mera haath tha..main 15 din umar ki thi..kuchh samajh ne k layak na thi..main kisi ko kya bahela sakti thi..har bar tumne mujhko hi doshi mana??

Jai--Kyaa kahna chahti ho??

Bani--Apne Maa Baap k dosh me main doshi nahi hoon....jo tumne mere sath kia..agar main tumhari honewali aulad k sath kuchh aisa waisa karoo....to fir kya woh doshi hoga?dosh mera aur tumhara hoga...hai na..sach sach jawab do...


Jai khamosh rah gaya....

Bani--Rishta jayez aur najayez hota hai Jai...aulad nahi...sirf isi kasoor k lia tumne mujhe thukraya..na?


Jai--Yeh wajah nahi thi Bani..par tumko maine..isi lia chhoda kyonki tumhara najayez rishta hai....mujhe ab koi fark nahi padta tha k tum kisi ki jayez ya najayez aulad ho ya nahi..fark padta hai..mujhe tumhari imaandari par shak hai..

Bani--Fine...ab age koi bhi baat nahi karni..kyonki kahne layak tumne mujhe chhoda nahi.. khush rehna..humesha..main jaa rahi hoon..kabhi na wapas ane k lia...


Jai neend se jaag gaya....woh sapna dekh raha tha..Bani ki baatein yaad kar raha tha.. chair me baithe baithe hi so gaya tha Jai.Usko achanak yeh ahsaas hua..k jo sach janta hai Bani ki paidaish k bareme..jo woh barbar dahurata aya hai...Bani ne us hakikat ko jeea hai..us ghum ko usne jhela hai...achanak Jai k ankho me asoon bhar aye..aajkal yeh nayi bimari hai Jai ki..Bani ki baatein yaad kar k ro padta hai...


***************************

Subha Jai waapas aaya..ghar..dekha ek admi baitha hai..kaafi umar ho chuki hai unki.. wheel chair me hain..Uday baith kar baatein kar rahe hain..Jai saamne aaya.."Yeh hai Jai..aapka damad..Jai..yeh tere sasoor hain..Mr. Nishikant Dixit.."..Krishna ne kaha..Jai chauk gaya...aur bhi chauk gaya jab usne ussi admi ko dekha jisko Bani k saath dekha tha
London me..."Yeh Pushkar hai..tera Sala..Bani ka saga Bhai..Pushkar Dixit.."..Jai baith gaya sofa par..

"Ab kyaa karne aaye hain aap log?Uski zindagi par sawalia nishan laga kar...ab kyaa lene aaye hain aaplog?Aapne jo kia..uski wajah se Bani yakeen nahi karti..kisi bhi rishtey par.. kyaa karoon main?I am suffering every minute.."..Jai ne kaha Nishikant se..dono study room me the..sab ne undono ko akela chhod dia tha..


"Kiran..Vinay Walia ka naam japti rehti din bhar..kyaa karta main?Bani jab uske pet me thi..Kiran ka pagalpan aur badh gaya..pata nahi..kyun..usko yakeen ho gaya k Bani uski aur Vinay ki Beti hai..bar bar Vinay ko phone karti thi Kiran..uski pagalpan ki wajah se.. mujhe bhi gussa aane laga..dheere dheere main Kiran k pet me jo ajanma bachcha tha.. usse nafrat karne laga..ek din Kiran ne had kar di...sab k saamne batane lagi..k maine zabardasti usko apne ghar me kaid kar k rakha hai..kyaa karta main?Maine socha yeh bhi ho sakta hai k humara doosra bachcha mara hua paida ho..ho sakta hai uski wajah se Kiran ka pagalpan theek ho...par Bani paida hui..mujhe malum tha..k Kiran Uday se contact rakhti thi..Uday ne chhanbeen shuru ki..main kyaa karne wala tha..Uday bhaanp gaya tha..main jaanta tha Uday mere ghar pe nazar rakh raha tha...Kiran ko labour pain hua..main jaanta tha Uday follow karega..hospital tak..Bani paida hui...maine usko fek
dia..par usdin maine dekha tha..k Uday ne us dustbin se utha lia tha..Bani ko..agar usdin Uday nahi uthata..toh main bhi Bani ko marne k lia nahi chhodta...mujhe ehsaas ho chuka tha k Uday khayal rakhega Bani ka..maine bhi pata kia..k Avinash Juneja ne meri Beti ko adopt kia hai...Jai..maine ghalat kia..par us waqt mujhe aur kuchh nahi sujha.."
..Nishikant ne kaha..


"Iske ilava aur koi rasta nahi tha?Kyun kia aapne aisa..?Ek bachchi ko aapne is tarha andhere me dhakel dia..Mr. Dixit..uske baad ek bhi din..aapne Bani ki khabar li?Ek pal k lia yaad kia usko?".
.Jai ne puchha...

"Bani kaunse school me gayi..kaunse college me..London gayi padhne..har taarikh yaad hai mujhe Jai..aulad hai woh meri..Bani ko samhalne k lia toh sab the..main kisse kehta apna dukh..?Ek pagal Biwi..ek Beta..jo bahut chhota tha..kyaa karta main?Kyaa lagta hai tumko..agar Bani Kiran k paas hoti..humare paas hoti..toh normal zindagi hoti uski?Sure hokar keh sakte ho k Bani victim nahi hoti..Kiran k pagalpan ka?Uske illusion ka?Maine apni Beti ko thukraya..kyunki main chaahta tha k woh apni Maa k pagalpan ki shikar na bane..uske paida hone k baad hi maine usko door kar dia apne se..main jaanta tha..zyada der rakhoonga apne paas toh usse khud se alag nahi kar paoonga..I know..how it felt Jai.. maine Bani k dil me yeh ghalatfaimi bane rahne dia..k maine usko thukraya..varna woh aa jaati mere paas..jo main nahi chaahta tha..."..Nishikant ne apni baat khatam ki...


Pushkar khada tha..usne sab kuchh suna..woh daur kar aaya..Nishikant k gale lag gaya..."I am sorry Papa...I am sorry..main samajh nahi paaya aapko..I am sorry..aapko chhod kar kahin nahi jaoonga Papa..I am sorry..."

"Pushkar se Bani ki mulakat hui London me..Pia..meri Bahu ka operation karane gaya tha..Pushkar.."
..Nishikant ne kaha...

Sab kuchh aaine ki tarha saaf ho gaya Jai k saamne.."Bani mere wahan hai..Delhi me... bhut buri haalat me aai thi mere paas..raat k 3 baje..maine darwaza khola..Bani ko saamne paaya.."..Pushkar ne kaha..


Achanak Jai seene me haath rakh kar baith gaya..Pushkar ne kaha.."Kyaa hua..Jeejajee?.. Hua kyaa?"

***********************************

"Unke dil me bahut sara bojh hai Mr. Walia..it was not a gas problem..it was a severe cardiac arrest..seedhi tarha kahoon toh heart attack...abhi se savdhan nahi hue toh..yeh cardiac arrest baad me jaanleva saabit ho sakta hai.."..Doctor ne kaha..

"Heart attack?Abhi uski umar hi kyaa hai..kyaa keh rahe hain aap?"..Krishna darr k maare chilla uthi..


"Aaj kal bimari umar k hisab se nahi..bal k insaan k stress aur tension par depend karti hai..aisa kuchh bhi naa ho jo unko dukh pahuchaye..kisi bhi tarha woh tensed ya guilty naa ho..unka stress..yaa unki koi bhi guilty feeling..waapas unko issi ICCU me laa sakta hai Mrs. Walia..".
.Doctor ne kaha...



"BANI KO BULAO..USKO ABHI BULAO...USKO AANA HOGA..MERE BETE KI ZINDAGI KA SAWAL HAI..USKO AANA HOGA..WOH AAYEGI HI..."..Krishna chilla uthi...

"Krishna..chup karo..kyaa kar rahi ho..".
.Uday ne samjhane ki koshish ki..

"Main kuchh nahi jaanti..usko bulao...har baar main ya mera beta nahi bhugtenge, nahi... Bani ko aana hoga..usko bulao.."
..Krishna ne kaha...

"Bani pregnant hai..bar bar journey nahi kar paayegi.."..Uday ne kaha..

"Uska bachcha abhi aaya nahi hai..mera Beta...paal pos kar itna bada kia maine..main nahi dekh sakti usko is haalat me...Uday..Bani ko aana hoga.."..Krishna ne ultimatum de dia..


Edited by yakkudimag - 15 years ago
jeenal20 thumbnail
19th Anniversary Thumbnail Stunner Thumbnail + 2
Posted: 15 years ago
you know whay
jai really deserved that heart attack
has he only wanted to beleve what he saw or heard
kabhhi dimaag se socha hi nahi usne
and hops bani is fine now
and dose not come so easily to jai on krishnas request
and krishna is also a very selfish lady
jab dekho usse apni ya apne bete ki padi rehti hai
dusre insaan nahi hai kya?
bani let jai suffer more
and good taht jai now knows the truth about pushkar
plzzzzzzzzzzzzzz cont soon
kuttu thumbnail
19th Anniversary Thumbnail Voyager Thumbnail Engager Level 1 Thumbnail
Posted: 15 years ago
Hi
Just tell me where is the guys brains. I know love is blind but can it be so stupid. He brought this fate on to himself. And now his mother wants Bani back in his life so things become good for her son. Why doesn't anyone think of what Bani wants. I thought at least some where at the back of his mind Jai had thought about her. But he failed when he sent her packing away and she was expecting his child. So now what is Bani's heart big enough to forige him and come back to him. Wondering if she will do it.
Bye
yakkudimag thumbnail
18th Anniversary Thumbnail Dazzler Thumbnail + 3
Posted: 15 years ago
Thanks to all readers and silent readers.




yakkudimag thumbnail
18th Anniversary Thumbnail Dazzler Thumbnail + 3
Posted: 15 years ago




PART 17



"Bani..jo hua bura hua..tere saath bura hua..pata hai..but purani baaton ko yaad kar k is tarha dukhi hone se kuchh haasil nahi hoga..Jai ko maine dekha hai..jis tarha woh geera tha mere saamne,Doctors ne jo kaha hai..uske dil par bahut zyada bojh hai Bani..tu usko ek baar mil..agar tujhe aisa lagta hai k tere hone se yaa naa hone se usko koi fark nahi padta..toh tu chali aana wahan se.."..Pushkar ne kaha..

"Usko cardiac arrest hua hai na?"..Bani ne poochha..

"Haan..it was a major attack Bani.." Pushkar ne kaha..

"Main nahi jaoongi..I am not a Doctor k uska ilaaj karoongi,uski family hai wahan..I am out of it..." Bani ne kaha..

"You are his wife Bani..tujhe ho kyaa gaya hai?"..Pushkar naraz ho gaya..

"Wife..sach me..Biwi..jisko usne beizzat karne me koi kasar nahi chhoda..jisko usne zindagi se tab nikala..jab woh Pregnant thi.."..Bani ne gusse me kaha..


"Jai ne ghalat kia..maanta hoon..but..Bani tu bhi ghalat karegi toh kaise chalega? How can you be so heartless..?Maine Jai ko ICCU me dekha hai..kitni takleef me hai..main jaanta hoon.."..Pushkar ne kaha..


"Main nahi jaoongi..and that's final.."..Bani ne kaha,..

Par jo next flight Mumbai k lia mila..Bani ussime baith kar Mumbai chali gayi..yeh keh kar gayi "I really want to see him to suffer..takleef me woh kaisa lagta hai yehi dekhna hai mujhe.."

*******************************

Krishna Jai k paas baithi thi aise me Uday aaye andar..Bani ko lekar..Krishna daur k Bani k gale lag gayi...aur buri tarha rone lagi..kareeb ek maheene ho gaye hain Jai ko hospital me admit hue..par haalat me koi sudhaar nahi..Krishna ko lekar

Uday baahar chale gaye...Bani baithi rahi Jai k paas..


"Bani..Bani..ek baar maaf kar do..aakhri baar..main kabhi kuchh nahi maanngoonga ..fir kabhi tumko takleef nahi doonga..I am sorry Bani.."..Jai neend me badbada raha tha..duty nurse aai..Jai ko medicine dene..ussi se pata chala..peechhle ek
maheene se aise hi hai Jai..aksar neend me aise kehta rehta hai...Doctors issi lia usko hospital me rakh rahe hain..koi risk nahi lena chaahte woh..kareeb ek maheene se Jai admit hai..ek hafte tak ICCU me rakh kar..Jai ko cabin me shift kia
gaya hai..


Bani ne Jai ka haath pakda...woh yehi soch kar aai thi k Jai ko aur takleef degi.. par Jai ki haalat apni aankhon se dekh kar Bani ki saari narazgi door ho gayi..is bimar insaan pe kyaa gussa dikhayegi Bani?Jai pehchan me nahi aa raha tha.. chehra safed pad gaya hai..honth bhi safed lag rahe hain..is insaan ko dekh kar koi nahi kahega k yeh wahi Walia Groups ka MD ,Jai Walia hai..ek hi jhatke me dus saal umar badh gayi hai Jai ki..Bani rone lagi.,..Jai se kitni bhi narazgi ho..Jai ko is haalat me nahi soch sakti Bani..


Jai ne kuchh mehsoos kia apne honthon par..kisi aur k honth..Bani k honth...Jai ne apni baahon se Bani ko ghera..Bani uthna chaahti thi..par Jai ne nahi chhoda.. Bani k aansoon Jai k gaal ko bheego rahe the..

*********************************

"Thank you Bani..fir kabhi tumko takleef nahi doonga..".
.Jai ne kaha...apne kamre me baith kar..Bani k lautne k hafte bhar baad me hi Jai ko discharge kar dia gaya tha..

"It's okay..tumhare Dad k itne ehsaan hain..main kaise nahi aati.."
..Bani ne kaha.. Jai ki haalat dekh kar Bani ne jo apne upar control kia tha..woh ab nahi raha..

"Oh...yeh sab Dad k lia..mere lia nahi aai tum?".
.Jai ne puchha..

"Tumko vaakei me lagta hai k tumne jo kia..uske baad main tumhare lia aaoongi?" ..Bani ne kaha...


"Chalo..maan li tumhari baat...tum jo keh rahi ho ab yeh bhi sach hai..aur peechhle dino tum jo kar rahi thi hospital me..woh bhi sach hi hoga..dono par yakeen hai mujhe.."..Jai ne muskurate hue kaha..


Peechhle dino..Jai ki kismat saatve aasmaan par raha...hospital k cabin me hi.. Bani ne itna pyaar barsaya hai..Jai ne kai baar kaha,"Bani..koi aa jaayega..and you are pregnant..yeh sab theek nahi..."..par Bani sune tab naa!!..


"Woh sab is lia..kyun k.."..Bani kahte hue rook gayi.."Main sun raha hoon..bolo.." ..Jai ne kaha..

Ajay Bani ko milne hi aa raha tha..achanak usne apne kadam rok lie..aur kamre ki taraf peeth kar k khada ho gaya..Bani Jai k gale lagi hui thi..Jai usko smooch kar raha tha..Bani k pet me Jai k haath ghoom rahe the.."Itna pyaar aa raha hai ek doosre par..toh darwaza bandh kar lena tha.."..Ajay ki baaton se dono chauk gaye ..Bani buri tarha sharma rahi thi..

"Tum dono me se kisiko sharam nahi aati?Ek abhi cardiac arrest se baahar nikla hai..ek pregnant hai..zyada excitement achhi nahi hai..."..Ajay ne kaha...


Bani chali gayi wahan se...

"Waise tera chehra kaafi sudhar gaya hai Jai..jaanta hoon aisa kyun hua hai..par meri Bahen ka khayaal kia kar.." Ajay ne kaha...

"Main koi zabardasti nahi kar raha tha..Bani k pregnancy hormones bahut sar chadh k bol rahe hain aaj kal..mujhe dekhte hi..kabhi bhi..kahi bhi..emotional ho jaati hai..it happens..tu tension mat le..aur bata kyaa haal hai?" Jai ne kaha..

"Bani ko bataya tune?Mr. Dixit k baare me..k woh aaye the tujhse milne..Pushkar ne itna hi bataya hai k woh tujhse mila tha..Bani ko is baat ki khabar tak nahi hai..tu Mr. Nishikant Dixit se bhi mila hai..".
.Ajay ne bataya..

"Darra mat..batana toh padega..Bani k dil me jo kadvahat hai unke lia..usko door karna padega..unke paas jeene k lia zyada waqt nahi..usse pahle agar yeh baat sulajh jaaye..Ajay..main actually me chaahta hoon k sab theek ho jaaye..hospital me jab main tha,din raat sirf yeh nahi sochta tha k Bani ko kaise waapas laaoon.. par maine is baare me bhi socha..k kaise logon k beech jo kadvahat hai..usko mita sakoon..Ajay..it's a high time when I make up all my mistakes.."..Jai ne kaha..


Avinash was extremely worried about both Jai and Bani..both have a bad physical condition.

"Dad...Jai jo keh raha hai..ghalat nahi hai..par Bani ko kaise samjhaye?"..Ajay ne puchha.."Nishi Uncle ka koi bharosa nahi..unki tabiyat aise stage par hai..kisi bhi din.."

"How can you say that Ajay?Ek bachchi jo 15 din ki thi..maine tab se usko paal pos k bada kia..apne seene se laga kar rakha..aaj koi admi aakar uske Baap hone ka dava karta hai..aur tum log uski side le rahe ho?Khoon ka rishta itna bada ho
gaya?What about me?Maya k jaane k baad..main jaanta hoon..Bani ki kis tarha paala hai maine..aaj woh Nishikant Dixit aa kar zara si meethi baat karta hai..aur ek hi pal me..Bani uski Beti ho jaati hai..how can you say that?"..
Avinash ne kaha..


"Dad..Bani aaphiki Beti hai..woh meri hi Bahen hain..aap hi uske Dad hain..kyunki aapne paal pos kar bada kia hai usko..aap uske Baap hai..but think about Nishi Uncle..dil par patthar rakh kar unhone Bani ko khud se door kar dia..kyunki uski Maa ka pagalpan kahin usko koi nuksaan na pahoochaye..apni bachchi k bhalai k lia apni bachchi ko jo khud se door karta hai..woh bhi Baap hota hai Dad...Bani ko toh shuru se pata hai k humare saath uska khoon ka koi rishta nahi..par kabhi bhi
usne koi sawal kia?Dixit Khandan k baare me?Woh aaphi ki Beti hai Dad..but Nishi Uncle..ab tak woh jin takleefon se guzre hain..hum agar unko nahi samjhenge..toh bekaar gayi unki har takleef..think about it Dad...".
.Ajay ne kaha..


"Get lost Ajay...just get out from my sight..main kuchh soch nahi paa raha hoon..." .
.Avinash toot pade..Ajay unhike paas baitha raha.."Waqt aa gaya hai k hum sachchai ka saamna kare Dad..Bani k baare me sochiye..humhe hi uski himmat
badhani hai.."
..Ajay ne kaha..


jeenal20 thumbnail
19th Anniversary Thumbnail Stunner Thumbnail + 2
Posted: 15 years ago
bani really loves jai a lot
as usko aisa ahaalat dekhkar woh pigal gayi...
i agree with what ajay said...
bani is avinashs daughter only...
but somehwre nishi has also sacrificed a lot...
so jai u have to tell bani that you met nihikant
plzzzzzzzzzzzz cont soon
kuttu thumbnail
19th Anniversary Thumbnail Voyager Thumbnail Engager Level 1 Thumbnail
Posted: 15 years ago
Hi
So finally Bani couldn't keep herself away from Jai. And hope this time Jai doesn't loose his cool. And when is he going to talk about Nishikant. I hope this time at least they will do things together not behind one anothers back. So waiting to see Bani meeting up with her father.
bye

Related Topics

Top

Stay Connected with IndiaForums!

Be the first to know about the latest news, updates, and exclusive content.

Add to Home Screen!

Install this web app on your iPhone for the best experience. It's easy, just tap and then "Add to Home Screen".