Chapter 44
Next DayIndira Rishi ko phone lagate huye neeche aati hain. lekin uska phone nahi lagta. wo bahot pareshaan hoti hain. Shekhar Indira ko dekhta hain "Kya bat hain beta? Bahot pareshaan lag rahi ho. "
Indira : Kuch nahi papaji. Dekhiye na Rishi ka phone hi nahi lag raha. Kal ratse main try kar rahi hu.
Shekhar : Rishi ne tumhe phone nahi kiya?
Indira : Nahi. Kyun?
Shekhar : Ye ladka bhi na...pata nahi isse kya hua hain.
Indira : Kya hua papaji?
Shekhar : Rishine mujhe phone kiya tha aur bataya ki interviewme uska nam short listme laga hain aur isiliye usse waha ek hafte ke training ke liye rukna hain. Indira yeh sunkar shock hoti hain par wo normally bat karti hain. Kya? Rishine mujhe kuch nahi bataya. Chalo koi nahi. Aapko batayana bahot hain aur wo wahase jane lagti hain par Shekhar usse rokta hain. "Indira beta jara yaha aana. Mujhe tumse kuch bat karni hain." Indira uske pass aakar beth jati hain."Beta tumhare aur Rishi ke beechme kuch hua hain kya? I mean to say Rishine itni badi baat tumhe nahi batayi isiliye mujhe aisa laga."
Indira : Nahi papaji. Aisi koi bat nahi hain.
Shekhar : Agar aisi koi bat nahi hain toh achha hain. Par Rishine tumhe ek phone karke batana chahiye tha. Tum biwi ho uski. Kher chodo yeh bat tum donoke beech ki hain. Jao beta tum jakar ready ho jao warna tumhe office jane ke liye late hoga. Indira wahase chali jati hain.
Shekhar bahot tense hokar Nalinike pass aata hain. "Kya bat hain Shekhar bahot pareshaan lag rahe ho?"
Shekhar : Pata nahi maa par mujhe Rishi aur Indira ke bareme bahot tension ho raha hain. In dono ke beech me pata nahi par kuch toh bat jarur hui hain.
Nalini : Matlab kya hua hain? Thikse bataona. Shekhar Nalini uske aur Indiraki beech ki sari bate batata hain. Dekh beta shayad aisa bhi ho sakta hain na ki Rishine Indirako phone kiya ho par uska phone nahi laga hoga. Shekhar manta hain. "Haan maa shayad aisahi hua hoga. "
Nalini : Haan yahi hua hoga warna Rishi aisa nahi hain. Aur Indirabhi bahot samajdar ladki hain. Wo bhi samaj gayi hogi. Ab tum jao. Tumhe bhi toh office jana hain. Shekhar wahase chala jata hain.
Ek hafte baad
Ghar ke sare log Rishike aaneka intezar karte hain. Par Sameer aur Indira dono akelehi wapas aate hain.
Simmi : Kya hua? Rishi kaha hain? Sameer Indira dono ek dusre ke taraf dekhte hain. Kya hua tum dono aise chup kyu ho? Batao na kaha hain Rishi?
Sameer : Maa Rishi nahi aaya.
Simmi : Nahi aaya matlab?
Sameer : Maa hum air port pe gaye the. Rishi ki flight aa gayi par usme wo nahi aaya.
Priya : Sameer kya bol rahe ho tum? Ho sakta hain wo dusri flightme betha ho. Tum logonko waha rukna chahiye tha na.
Sameer : Priya hum waha ruke the. Uske flight ke bad do aur flights thi par wo usme bhi nahi tha.
Simmi yeh sab sunkar bahot pareshaan hoti hain. "Tum kya bol rahe ho yeh? Aise kaise kaha jaa sakta hain Rishi? Usse phone karo na."
Indira : Mummyji humne phone kiya tha par uska phone nahi lag raha hain. Simmi iss bat se khadi nahi ho pati. Priya, Indira, Sameer usse sambhalte hain. Mummyji sambhaliye apne aapko.
Simmi : Kaha jaa sakta hain Rishi?
Shekhar : Sameer tumne Hyderabad air port pe enquiry ki?
Sameer : Haan Dad. Jab humne Delhi air port pe enquiry ki tab unhone Hyderabad ke air port pe call kiya tha tab pata chala ki Rishi ne wahase board hi nahi kiya. Dad maine uske sare dostonko bhi phone kiya par kisiko kuch pata nahi hain.Rishi se kuch contacthi nahi ho raha. Ab mujhe lagta hain ki hume Hyderabad chalna chahiye. Simmi bahot rone lagti hain. Priya usse sambhalti hain. Indira chup chap apne kamreme jati hain. Sameer bahot pareshaan hota hain. "Aisa kaisa ladka hain Rishi? US janeka itna bhoot sawar hain ki yeh tak bhul gaya ki uske pariwarwale kitne pareshaan honge." Tabhi waha Payal aati hain. "Mamaji, Mamiji Rishi bhai ka bhabhi ke phone pe call aaya hain. Jaldi aayiye." Sab log turant Indirake room me aate hain.
Simmi : Kya...kya hua Indira? Kaha hain Rishi? Wo thik toh hain na? Batao na.
Indira : Maa... maa sab thik hain. Rishi Hyderabadme hi hain. Wo darsal uska training achha hua issi khushi me uske dostonke sath usne kal party ki aur sab log so gaye toh janab ki neend khuli hi nahi subah. Ab wo kalki flight se aane wala hain.
Sameer : Kya?? Aur hum yaha pe sab pareshaan huye the. Isko ek phone nahi karneki akal nahi thi kya?
Indira : Wo bhaiya... uske phone ko network nahi mil raha tha. Sameer sirf apna sar hilata hain.
Chaliye mummyji hum khana khate hain.
Simmi : Indira tum thik toh hona? Mera matlab...
Indira : Haan mummyji me thik hu. Aur waise bhi jiss insaan ko kisiki parvah nahi hain, jo insaan party karke so raha hain uske liye hum kyun pareshaan ho? Ab wo kal aanewala hain na toh thik hain aur wo wahase washroom me chali jati hain.
Next Day
Indira office me Rishi ke bareme bahot sochti hain tabhi uska phone bajta hain. Hello
Rishi : Hello Indira me Rishi.
Indira : Haan bolo. Tumhara nam dekha hain maine.
Rishi : Wo maine...maine phone isiliye kiya tha ki me ghar pahuch gaya hu.
Indira : Ok
Rishi : Tum jaldi nahi aaogi?
Indira : Kyun me jaldi kyu aau? Aur waise bhi mujhe bahot kam hain yaha. Me rakhti hu phone.
Rishi : Ok... Bye.. Dono phone rakhte hain.
Indira office se thora jaldi ghar aati hain. Simmi usse batati hain ki Rishi apne roomme hain. Indira roomme aati hain. Rishi ko dekhte hi wo bahot khush hoti hain par usse kuch nahi kehti. Rishi Indirako smile deta hain. Indira apni bag jagah pe rakh kar fresh hone jane lagti hain. Rishi usse peechese rokta hain. Indira turn karti hain. Rishi turant uske muh me uski favourite chocolate dalta hain. "I am sorry Indira. I am really very sorry. Mujhe pata hain mere behaviourse tumhe bahot gussa aaya hain."
Indira : Mujhe... mujhe gussa nahi aaya Rishi. Par tumhe ek bar apne family ke bareme sochna chahiye tha.
Rishi : Haan mujhe momne bhi bahot data hain. Par Indira me tumhara bhi doshi hu. Me aise achanakse nikal gaya, fir tumhe mere training ke bareme bataya bhi nahi aur kal toh bahot badi galti kar di.
Indira : Chodo na Rishi. Ab jo ho gaya usse bhul jao.
Rishi usse smile deta hain. "Thank god Indira. Mujhe laga tha ab tumhe manane ke liye mujhe kya kya karna padega. Par tum toh bahot sweet ho. Aam ladkiyonki tarah nahi ho isiliye mujhe tum sweet lagti ho. You are sweet heart Indira. Agar tumhare jagah koi aur ladki hoti na toh pata nahi mujhese kya kya karwati , meri puri jeb khali hoti usse mananeme, mujhe uske per pakadne padte, uske samne snake dance karna padta. Achha hain tum typical biwionki jaisi nahi ho." Indira usse fade smile deti hain aur jaane lagti hain. "I miss you. I miss you a lot." Indira jerk se Rishi ke taraf dekhti hain. Wo apne pillowko hath me leta hain aur usse bat karta hain. "I miss you a lot. Tumhare bina mujhe bilkul neend nahi aayi. I miss you." Indira yeh dekh kar thori sad hoti hain aur wahase chali jati hain.
Indira fresh hokar dressing table ke samne tool pe beth kar bal bnane lagti hain. Rishi apne bed pe let kar mobile pe game khelne lagta hain. "Indira tumne mujhe miss kiya?" Indira jerkse Rishi ke taraf dekhti hain. "Maine...maine... tumne kiya mujhe miss?"
Rishi : Haan maine tumhe miss kiya aur pata hain jab me raat ko sota tha na tab mujhe tumhari bahot yaad aati thi.
Indira : Kya??
Rishi ko realise hota hain ki usne kya kaha. "Mera...mera matlab hum jhagdte hain na light off kare ya nahi nahi uss bat pe mujhe tumhari yad aayi."
Indira : Hmm..aur kab aayi?
Rishi : Jab me mera saman unpack karke wardrobe me rakhta tha na tab bhi tumhari yad aayi.
Indira : Hmm..aur?
Rishi : Aur...aur... sochta hain...pata hain har baat pe tumhari yad aati thi. Jab me bed pe towel aisehi rakhta tha, jab me apna phone bhul jata tha tab bhi aayi.
Indira : Hmm... Rishi yeh sab... yeh sab normal hain na?
Rishi : Matlab?
Indira : Aise tumne mujhe miss kiya...wo... wo sab normal hain na? Hum...hum involve nahi ho rahe na ek dusre me?
Rishi jerkse uth jata hain. "Haan...haan Indira normal hi hain. De...dekho na jaise hume humare college ki, friendski yaad aati hain waisehi hum ek dusre ko miss kar rahe the. Matlab... tum... tum samaj rahi ho na... jaise humare dost alag hote hain humse tab hum unhe miss karte hain waisehi yeh sab tha...hume...hume aadat hain na ek dusreki isiliye...isiliye humne miss kiya..."aur wo kuch sochne lagta hain.
Indira : Hmmm... you are right. Normal hain yeh sab...hain...normal hi hain...Rishi...
Rishi apne hosh me aata hain "Haan...haan Indira normal hain..." wo turant apne phone pe game khelne lagta hain.
kuch din bad
Indira aur Rishi ek dusrese bahot ajeeb behave karne lagte hain. unka relation dostise badhkar aur kuch hota hain par dono iss bat ko samjhte nahi ya yeh kehna achha hoga ki undekha kar rahe the.
Ek din sham ko Indira office se wapas aati hain. Rishi balconyme desturb hokar khada tha. Indira usse awaj lagati hain par wo kuch reply nahi karta. Indira uske pass aati hain. "Kya hua Rishi? Aise kyun khade ho?"
Rishi : Indira... Indira sab khatm hua...sab khatm hua.
Indira : Kya hua Rishi? kya khatm hua? Thikse batao na.
Rishi roomme aata hain. Me...me uss interview me reject hua...mera...mera sapna tut gaya...me...me...aur wo kuch aage bol nahi pata.
Indira : Rishi...yeh kya...tumhe kaise pata chala?
Rishi : Mujhe unka mail aaya hain. Usme saaf saaf likha hain. Aur wo gusse bed pe beth jata hain. Sab... sab khatm hua... maine kya kya socha tha... ab me buri tarah fas gaya hu.
Indira : kya matlab fas gaya?
Rishi : Me iss shaadi me fas gaya hu Indira. Mujhe tumse shaadi nahi karni chahiye thi. Shittt...maine kya kar diya?
Indira : Rishi yeh kya bol rahe ho tum? Tum aise kaise bol sakte ho?
Rishi : Toh me aur kya karu? Humne decide kiya tha na ki hum contract marriage karenge. Maine socha tha ki ek bar... ek bar me US chala jaunga fir hum divorce le lenge aur fir idhar formality chalti rehti divorce ki. aur jab 6 mahine pure ho jate tab me yaha aata aur humara divorce ho jata.
Indira : Toh kya hua Rishi? Humne legally contract kiya hain na? Ek saal bad hum divorce lenehi wale hain na?
Rishi : Off oh Indira agar humne divorce le bhi liya na toh ye jo humare gharwale hain na kaise bhi karke hume convince karenge. Aur tum bhi yeh bat achhese janti ho ki ye sab log emotional karke humse abhi tak bahot kam karwa chuke hain. Shitt yar...mere pure planning ki wat lagi. Waise Indira kuch bhi bolo tumhe koi problem nahi hogi na ab. Tum apni married life aaramse ji sakogi ab. Indirako iss baatse bahot gussa aata hain. "Yeh...yeh tum kya bol rahe ho Rishi? Tumhe yeh baat achhese pata hain ki mujhe shaadi ke bandhanme nahi bandhna hain aur issi wajahse maine tumse yeh contract marriage ki thi. Aur tum nahi fase Rishi... fas toh me gayi hu. Tumne ek bar bhi nahi socha ki jo tum bol rahe ho uska mujhpe kya aafect hoga. Jo muh me aa raha hain wo bole jaa rahe ho tum."
Rishi : Shut up Indira. Jo sach hain wahi me bol raha hu. Aur yeh jo job mere hathse gayi hain na uske liye tum sab jimmedar ho. Tum log hi nahi chahte the ki me US jau. Tum sabne mere aas pass negative environment banaya aur ussi wajahse me reject hua hu.
Indira : What the hell?? Rishi tum reject huye ho iska ilzam humare upar mat lagao. Hum waha nahi aaye the jo tumhare aas pass negative environment bane. Tumsehi koi kami reh gayi hogi isiliye tum reject huye ho. Aur tumhe toh kisi ki bhi nahi padi thi. Aise subah uthkar chal diye aur aane ke bad ek bar bhi tumne yeh samjhna jaruri nahi samjha ki humare upar kya neeti thi. Jab tum uss din time pe ghar nahi aaye the tab humari halat kya hui thi yeh tak tumne nahi pucha. Aaye aur sabse formality ki sorry bolneki. Aur sabne tumhe isiliye maf kiya kyun ki sab tumse pyar karte hain. Par tumhe iss batse kya? Tumhe toh bas US, Us aur US ki hi padi hain.
Rishi : Haan... haan...mujhe sirf US ki hi padegi kyun ki US jana mera passion hain, sapna hain mera. Aur tum... tum hoti kaun ho mujhe batane wali? Me apne family walonse kaisi bhi bat karu, unke sath kaisa bhi bartav karu, tum kon ho jo mujhe bata rahi ho?
Indira : Rishi me... aur wo chup ho jati hain.
Rishi : Batao... kon ho tum? Indira kuch nahi bolti. Nahi hain na jawab. Toh please mujhe advice dene ki koshish bhi mat karna. Samjhi na. Aur wo room ka darwaja jor se laga kar baharchala jata hain.
Anupamaa
Iss Pyaar Ko Kya Naam Doon
