Aks......Sujal&Kashish.....Last Part....02/20 - Page 7

agle din Anurag, Prerna, Sujal, Rudra, Prem, Khushi, Shanta tai aur Maya sab log shagun leke Kashish ke ghar pahunchte hai........Rudra darwaze ki ghanti bajata hai..........Jab Mehek aake darwaza kholti hai.......Rudra bas Mehek ko dekhta hi reh jata hai.............

Mehek: jee aap sab log......yaha.........

Anurag: main Anurag Garewal hoon.......Sujal ka pita .......aur yeh sab mera parivar hai.....

Mehek: namaste........aap log andar aaiye......bethiye......main papa ko bulati hoon........

Mehek Harsh ko bulane andar jati hai..........Sujal, Rudra aur Prem ghar ke charo aur dekhte hi rehte hai........kyunki ghar ki her ek diwaro pe teeno behno ke bade bade photos lage huye hote hai......teeno jaise apne sapno ki duniya me kahi khoye huye ho.......

Shanta tai; dekh khushi....tere bhaiyon ko.....kaise muh khula karke ladkiyon ki tasvir dekh rahe hai.......

Khushi: lene ek bhabhi aaye the lagta hai ab teen teen lejayenge..........

Shanta Tai; chup woh dekho aa gaye.........

Mehek Harsh ke saath unse kamre me se aati hai aur Nandini, Heer aur Sampada ke saath kitchen me se aati hai..........

Harsh: are.......Garewal Sir aap.......aur woh bhi pure parivar ke saath.........

Anurag: Namaste..........pehle jaan pehchan nahi karayenge aap........

Harsh: maff kijiye..yeh hai meri patni Nandini.........yeh Sampada hai mere bhai ki patni..........yeh meri dusri beti Mehek hai........aur yeh sab se choti Heer.........

Anurag: ab aapne to apne parivar ki pehchan de di.......ab main bhi aap sab ko mere parivar se milate hai..........yeh hai meri patni prerna aur meri behen Maya..........yeh hai mera sabse bada beta Sujal.......aur phir Rudra........aur Prem.......aur meri beti Khushi....aur yeh hai Shanta tai.......

Heer (whispers): Dii...ab pata chala ....kashishdii fisalti kyun gayi...........yeh hai hi itne handsome.......

Mehek: heer....kabhi to chup raha karo.......

Harsh: lekin aap sab log yahan........is tarah achanak.........

Anurag: hum yaha Kashish se milne aaye hai.......

Prerna: kaha hai woh........main usse bahot naraz hoon.........

Nandini: meri beti ne kuch galat kiya hai kya........

Prerna: bahot badi bhool ki hai......mere Sujal ki sagai tod di hai.....aur uski wajah sirf Kashish hai.........

Nandini: Prernajee......aapko koi galatfemi huyi hogi.....meri Kashish to sapno me bhi kisi ka dil nahi tod sakti...........itna bada iljam meri beti pe mat lagaiye.........

Anurag: iska matlab aap kuch nahi jante .......usne aapko kuch nahi bataya.........aap nahi jante ki uski zindagi me kya ho raha hai......

Harsh: main sirf itna janta hoon ki woh aap ke liye sirf kaam karti thi........

Prem: aisa kaun kaam karta hai.....jo apne malik ko bachane ke liye khud ki zindagi ko khatre me dal de..........kya hakk hai unka mere Bhai ka dil dukhane ka..........

Rudra; aap log Prem ki baat shayad samje nahi........muje paheli bujana nahi aata........hum yaha pe apni Bhabhi ko lene aaye hai............

Nandini: bhabhi........

Anurag:Sinhajee...........hum aapse hamare bade bete Sujal ke liye kashish ka haath mangne aaye hai...........kya aapko yeh rishta manzoor hai........

Prerna: waise Kashish....kahi dikhai nahi de rahi............

Harsh: aap logo ne aane me zara dair kar di............woh ek ghante pehle hi yeh seher chod ke hamesha hamesha ke liye Banglore jane ko nikal gayi........

Sujal: nahi aisa nahi ho sakta....is bar woh muje chod ke nahi ja sakti......aaj main use kahi nahi jane dunga....agar aaj woh chali gayi to shayad zindagi bhar muje uska afsoos rahega.........

Heer: Dii....shayad abhi bhi Station per hi hogi...........

Prerna: jao.....aur le aao meri bahu ko........le aao apne pyaar ko.......jao.......

Sujal: kaun se station gayi hai woh.....

Mehek: Andheri Station..........

Sujal: tum dono mere saath chalo..........chalo jaldi se hum log use wapas leke aayenge........

Sujal Mehek aur Heer ke saath Andheri Station ke liye nikal jata hai..........aur dusri gari me Rudra, Prem, Shanta tai aur Khushi nikal jate hai............

************************************************************ *****************

Sab log Andheri Station pahunchte hai......lekin bahot hi khali hota hai.......

Sujal: suniye Bhaisaab.....woh banglore jane wali train.......

Person: woh wali.......aaj thodi dair se aayi.....lekin abhi panch minute pehle hi nikal gayi.......

Sujal: kya...........

Mehek: ab kya hoga......

Rudra: main dekhta hoon.........Prem chal mere saath.........

Prem aur Rudra Control Room me jate hai.......jaha pe ek sardar jee hote hai........

Sardar: Tussi tum dono yaha ki karo.......

Rudra: abhi abhi jo train yaha se nikli banglore ke liye use aapko rokna hoga........

Sardar: bache tera dimag to thik hai na........

Prem: dekhiye.......ek bahot hi badi emergancy hai......

Sardar: aisi kaun si emergancy hai......ki train ko hi main rok doon.......

Rudra; aapne bhi kisi se pyaar kiya hoga............hai na.........

Sardar: haa.......apni biwi preeto ko.......

Prem: waise hi meri Sujalbhai kashishbhabhi se pyaar kar rahe hai.........aur un dono ka zagda ho gaya to Bhabhi ruth ke mayke ja rahi hai......agar aaj woh chali gayi to mere bhai ka ghar tut jayega........ple.....

Rudra: ple hamare liye nahi to preeto ke liye hi........ple Sardar jee....yeh waqt sochne ka nahi hai...........kuch karne ka hai............

Sardar: pehle batana chahiye tha ........ki pyaar da mamla hai..........

Sardar jee train me phone karke use emergancy stop karne ko kehte hai.............

Prem: bahot bahot sukhriya Sardarjee........

Rudra: thanks..........

Sardar: jaldi jao.........

************************************************************ *****************

Train bich patri pe aise hi ruk jati hai...........

Person: are.....is train ko kya hua..........

Person: abhi abhi to shuru huyi...........

Person: zara bahar jake to dekho..........

Person: are yeh kaun log train ki aur daude aa rahe hai......chaliye bahar chalke kisi se puchte hai...........

Kashish khidki se bahar dekhti hai jab woh Sujal ko dekhti hai........kashish daudti huyi darwaze tak aati hai........jab Sujal kashish ko dekhta hai..............Sujal apni baahein felake khada rehta hai......Kashish Sujal ko dekhti hai........phir Sujal ki aur daudne lagti hai..........Kashish duadti huyi Sujal ke gale lag jati hai........sab gharwale aur sab trainwale in dono ko aise dekhkar taliyaan baja rahe hote hai...............Sujal kashish ko durr karke apne ghutno pe bethta hai aur Kashish ka ek haath apne haath me leta hai...........

Sujal: Kashsih.......main tumse bahot pyaar karta hoon..........main tumse vaada karta hoon ki kabhi tumhari aankhoin me aanshu nahi aane dunga.................main tumhe sari zindagi aise hi pyaar karte rahunga.........kya tum mere saath apni puri zindagi bitana chahogi.............mujse shaadi karogi kashish..........

Kashish: haa Sujal........main aapse shaadi karungi.........kyunki main bhi aapse bahot pyaar karti hoon........

Sujal: I love You kashish...........

Kashish: I love you too..............

Sujal hugges Kashish...........

Shanta tai........ab kya gale hi lagta rahega ki hum sab ka sukhriyada bhi karega............

Sujal: sukhriya aur aapka kyun.........

Rudra: aapko kya lagta hai Bhai........yeh sab kuch jo ho raha hai......woh sab aise hi........nahi.........kal ki puri Party plan ki gayi thi......jo kuch bhi hua sab jaan buj ke hua..........aur in sab ke piche tha ek master mind jo hai Rudra Garewal ka.........sirf is liye ki aap dono ko apne pyaar ka ehsaas karane ke liye.............

Prem: aur aap dono aaj jo nazdig aaye ho woh sab hum teeno ko waje se.........hum teeno ne hi aapko aise aise raste laya jaha aap dono ek dusre se takrate gaye......

Kashish: bahot bahot shukhriya........muje meri zindagi lautane ke liye.............

Mehek: aap log jante hai aaj Dii sirf aapke liye yeh seher chod ke ja rahi thi....kyunki woh yaha aapke samne reh kar aapko aur dukh nahi dena chahti thi.................

Heer: Sujaljiju......Dii aapse bahot pyaar karti hai............

Sujal: janta hoon kyunki koi aisa pagal hi mere liye apni jaan khatre me dal sakta hai...........

Kashish: aapki zindagi kaise huyi yeh.........aapki zindagi hamesha se meri thi..........aur main apni zindagi ko dard sehte nahi dekh sakti..........agar zindagi me aage jake muje aisa muaka mila tab bhi main aisa hi karungi.........

Sujal: aisa kabhi mauka hi nahi aayega..........kyunki ab se her waqt main tumhare saath hi rahunga.............tumhare dil me...........I love u kashish.......

Kashish: i love u too..........

Shanta tai: ab yeh pyaar bhari baatein khatam ho gayi ho to ghar chale......sab hamara intzaar kar rahe honge...........

Sujal: chaliye...............

************************************************************ *****************

sab log ghar pahunchte hai........Kashish Anurag aur prerna ke pair chuti hai.............Prerna Kashish ka kan pakadti hai...........

Prerna; kya kar rahi thi.........haa bol....muje apni maa samajti thi na.......koi apni maa se aisi baatein chupata hai.........mera beta to pagal hai............use khud nahi pata woh kya karta hai...........ab tak use main sambhalti thi.........aaj ke bad use tum sambhalogi..........aaj ke bad tum use rasta dikhaogi.........aur saath saath aise hi zindagi bhar chalna hai tum dono ka.....samje.............

Shanta tai: Prernajee...in dono ko aap shaadi ke bandhan me bandh dijiye.....phir dekhna yeh kashish ka pallu chod ke kahi nahi jayega...........

Sujal aur kashish sharma jate hai .................

Anurag: Prerna............jaldi karo.......kashish ko shagun dedo.........

Prerna: nahi ek aur baat karni hai muje..........dekhiye......ek sach hai jo aap sab ka janna zaroori hai......waise yeh sach kashish khud janti hai....lekin aap logo ka janna bhi zaroori hai........Sujal ko maine janam nahi diya lekin mere sabhi bacho me se woh mere sabse kareeb ka hai...........yeh sach batake main aapse koi dhoka nahi dena chahti hoon........

Nandini: aap ne sach bolke rishton ka bandhan aur gehra kar diya hai........ek maa ke liye bache apne ya paraye nahi hote..............maa ka pyaar apna ya paraya dekh ke nahi kiya jata...........maa ka pyaar sabhi bacho ke liye ek sa hi hota. hai............sari duniya janti hai ki krishnajee ko janam Devkijee ne diya tha lekin woh bete to yashodajee ke hi kehlaye.............main to khush hoon ki aapki soch kitni uchi hai.......hume is baat se koi aitraaz nahi...........

Prerna: main sirf aap logo ko sach batake apne dil ka boz halka karna chahti thi.......

Nandini: muje achcha laga ki aap rishton me pavitrta rakhte hai....lekin mere aur Harsh ke liye Sujal aapka hi beta rahega..........kyunki janam denewale se palnewala bada hota hai...........

Prerna: muje samajne ke liye sukhriya..............Kashish me main aapke aur bhaisaab ke sanshkaro ko main dekh sakti hoon.............main bahot khushkismat hoon jo is ghar se Kashish jaise bahu apne bete ke liye leke ja rahi hoon.............

Khushi: mama.........ab sirf baatein bhi hogi ki aap Bhabhi ko shagu ka saman bhi dengi..........

Prerna Kashish ka shagun karti hai...........

Anurag: yeh shagun to ho gaya........ab kal hamare Hotel me sham ko in dono ki sagai kar dete hai .....kya kehte hai Sinhajee..........

Harsh: ab to kashish aapki beti hai...hum kya keh sakte hai.......jaise sab ki marzi.........

Prerna: to thik hai kal in dono ki sagai...........achcha ab hum log chalte hai...bahot si taiyariyaan karni hai.............hume izazat dijiye...........

Nandini: namaste........

sab log ek dusre ko badhai deke chale jate hai...............