Aks......Sujal&Kashish.....Last Part....02/20 - Page 5

Subaah Subaah Kashish apni Saheli ko phone karti hai.........

Kashish: hello.......Anjali.....

Anjali: Are......Kashish.........aaj meri yaad kaise aa gayi........

Kashish: aisa nahi hai..tuje to main her waqt yaad karti hoon.......lekin aaj kuch zaroori kaam hai.......

Anjali: yeh mat kehna ki teri shaadi ho rahi hai....

Kashish: aisi baat nahi hai...........muje naukri ki talash hai......aur tu bata rahi thi na ki teri office me ek Lawyer ki zaroorat hai.......

Anjali: ha woh to hai.......lekin uske liye to tuje Mumbai se banglore shift hona padega...

Kashish: ab woh baat nahi rahi.......ab main yaha nahi rehna chahti.........

Anjali; Kashish...........kya baat hai.......tu itni pareshan lag rahi hai........

Kashish: woh main tuje waha aake bataungi lekin meri job ka....

Anjali: woh tu final hi samaj ........main to kehti hoon ki tu kal ya parso hi yaha aaja taki main tuje kaam pe laga saku....

Kashish: thik hai main Papa se kehke tuje phone karti hoon...........

Anjali: Ok........Bye.......

Kashish: Bye............Thanks for help....

Anjali: no problem..........dost to hote hi is liye........

************************************************************ **********************************

Kashish neeche aati hai jaha pe uske Papa aur Mama bethe huye hote hai.......

Kashish: Mama Papa ......main aap logo ko kuch batane aayi hoon.......

Nandini: beta......kya baat hai kal se pareshan lag rahi ho.......

Kashish: Mama.....aap meri saheli Anjali ko to janti hi hai........jo kuch dino pehle apne Maa ke saath Banglore shift ho gayi thi......

NandinI; haa janti hoo lekin use kya hua.....

Kashish: use kuch nahi hua.........balki usne muje ek job offer kiya hai unki office me Lawyer ki.......

Harsh: yeh to bahot achchi baat hai.........

Kashish: lekin Papa.........uske liye muje Banglore shift hona hoga.........

Sampada: banglore........woh bhi jawaan ladki..........anjaan seher me.......

Kashish: main akeli kaha hoon...main Anjali ke ghar me uski maa ke saath rahungi.............aur Banglore kaha dur hai main wapas aati jati rahungi........ple Papa....

Harsh: lekin is tarah achchanak..................

Kashish: woh papa..........main aapko kya batau sab kuch itna jaldi ho gaya ki......

Nandini: tu jana chahti hai.......

Kashish: haa...........

Harsh: tu khush reh payegi hum sab ke bina......

Kashish: koshish karungi............

Harsh: thik hai......muje tere yeh faisle pe koi aitraaz nahi.........

Kashish: thank you papa......ab min chalti hoon......muje Garewal Hotel me Prem Sir ko batana hoga.........Bye............

Kashish Garewal Hotel ke liye nikal jati hai..............

************************************************************ **********************************

Kashish Prem ki office me jati hai............

Prem: Miss Kashish......aap ple come in..........

Kashish: main yaha pe aapko kuch batane aayi hoon.........main yeh job aaj se chod rahi hoon..........aaj yeh mera aakhri din hai.........

Prem: kya.............per kyun.........

Kashish: muje kahi aur jagah job mil gayi hai........

Prem: kaha.....kya woh log humse jyada tankha dete hai........

Kashish: yeh baat nahi lekin meri kuch apni majburi hai.......jo main aapko bata nahi sakti...........

Prem: thik hai lekin aap apna kaam adhura chod ke nahi ja sakti....

Kashish: adhura kaam..........sab kaam maine pura kar diya hai.............

Prem: nahi ek kaam baki hai...........Sujalbhai ki shaadi.......

Kashish: woh main nahi kar paungi..........I am Sorry..............

Prem: kal se main dekh raha hoon ki Bhai ki sagai ke bad aap pareshan hai....kya baat hai.......

Kashish: aisi koi baat nahi.....

Prem: iska matlab aap ek hafte bad jayegi......

Kashish: maine kaha na main nahi kar sakti...........

Prem: aur main bhi aapko yeh kaam adhura chod ke nahi jane de sakta.......yeh hamare hotel ke rules ke khilaf hai........

Kashish: thik hai............jab sari taiyaariyaan main apne tarike se puri kar dungi uske bad aap muje nahi rok sakte...........

Prem: main waada karta hoon ki aap jaisa kahenge waisa hi hoga.....

Kashish: thank you.........ab main chalti hoon....

Prem: Suniye........aap yeh file Sujalbhai ki office me chod dijiyega ple......

Kashish: main kaise.....

Prem: kyun........koi problem hai........

Kashish: jee nahi......laiye........

kashish woh file leke chali jati hai...........

************************************************************ **********************************

O re piya haye (Kashish jake darwaza kholti hai)

Udne laga kyon man baawla re (kashish ke darwaze kholte hai hawa se uska dupatta udke uske sir pe aata hai)
Aaya kahan se yeh hosla re (Sujal jo apne table ke pass khada tha woh pass aata hai)
O re piya haye (Sujal kashish ke dupatte ko chuta hai)

Tanabana tanabana bunti hawaa haaye bunti hawa (Sujal dheere dheere Kashish ke chehre se duptta hatata hai)
Boondein bhi to aaye nahi baaz yahan (Sujal Kashish ki aankhoin me aanshu dekhta hai)

Nazrein bolen duniya bole (Kashish apni palke zuka deti hai)
dil ki zaban haaye dil ki zubaan (Sujal apne haathoin se Kashish ke aanshu pochta hai)
Ishq maange ishq chahe koi toofan (Sujal aur Kashish dono ek dusre ke itne pass khade the jab woh log Anurag ko aate dekhte hai)

Chalna aahiste ishq naya hai (Sujal Kashish ko khone me le jake uske muh pe haath rakh deta hai)
Pehla yeh vada humne kiya hai (Kashish bas Sujal ki aankhoin ke dekhi hi jati hai)
O re piya haaye O re piya (Jab Sujal kashish ke muh se haath hatata hai.)

************************************************************ **********************************

Sujal: Kashish woh.........

Kashish: ab muje jane dijiye........isse pehle koi hamare bare me galat samje.......

Sujal: galat ka kya matlab hai..........kya tumhe nahi lagta ki hamare beech kuch hai.....kuch aisa jo hum rok ke bhi rok nahi sakte........sach sach batao ki tumhara dil kya keh raha hai.......

Kashish: mera dil kya kehta hai isse se kya hoga..........lekin sach yeh hai ki aap kisi aur ki amanat hai...............agar aap bhool rahe hai to main aapko yaad dila deti hoon ki aapki aaj se che din baad shaadi hai.................aur isse jyada muje nahi lagta ki muje kuch kehna chahiye.......

Sujal Kashish ke samne se hat jata hai aur Kashish jane lagti hai........

Sujal: waise tum meri office me kyun aayi thi.......

Kashish: woh main bhool gayi.........Prem Sir ne aapke liye yeh file bheji hai.......

Sujal: table pe rakh do main bad main dekh lunga.........

Kashish: main Pooja ko bhej rahi hoon........aap unhe bata dijiyega ki aapko Shaadi me kya kya chahiye.....taki muje taiyariyaan karne me aasani ho............

Kashish yeh kehke waha se apni office me chali jati ahi.............

************************************************************ **********************************

Prem Ghar pe Shanta tai ko phone karta hai.........jo Khushi ke kamre me hoti hai..

Prem: Hello......Shanta tai.............aapko kuch zaroori kaam batana hai.......

Shanta tai: zaroori kaam ..........kya hai.bata.........

Khushi: ek minute....pehle speaker on karo taki main bhi sun saku,...........

Prem: Kashishjee yeh job chod ke ja rahi hai.............

Khushi: kya per kyun......

Shanta tai: duffer....agar tuje maloom pade ki tera pyaar kiska hai......kya tu apne pyaar ke samne reh payegi nahi na........is waqt bechari kashish ke dil pe kya bit rahi hogi.......

Prem: bahot udas hai...........lekin maine unse itna kaha ki Bhai ki shaadi ke baad aap ja sakti hai tab tak aapko Shaadi ki taiyariyaan karni hogi........

Shanta tai: pehli bar kuch sahi kaam kiya hai...........waise yeh kaam tumne achcha kiya...........ab hume hi kuch shaadi me aisa karna hoga jise yeh shaadi khud Prernajee tod de.............

Khushi: mama aisa kabhi nahi karegi.........

Prem: kuch aisa nahi ho sakta ki Sujalbhai yeh shaadi tod de........

Khushi: Bhai sapne me bhi mama ke khilaf nahi ja sakte.......

Shanta tai: ab tu phone rakh......main kuch sochti hoon...........ab hamara kaam aur aasan ho gaya.......hume itna to pata chal hi gaya ki dono ek dusre se pyaar karte hai..............

Prem: pyaar bhi itna ki dono ki aankhoin me dard banke rehta hai..............achcha ab main rakhta hoon.......ple kuch kariyega........

Shanta tai: mere hote kuch gadbad ho hi nahi sakti..........

Prem: isi ki to chinta hai........bye...............

************************************************************ **********************************

Sham ko sabhi log ghar jane ko nikalte hai......jab bahar zoro se barish ho rahi thi........

Anurag: are Kashish.......kya hua.....

Kashish: kuch nahi........itni barish ho rahi hai is liye koi taxi nahi mil rahi .....

Anurag: bas itni si baat..........tum aisa karo Sujal tumhe chod dega ghar tak....thik hai..

Kashish: isme aap kyun taklif karte hai.....main chali jaungi..........

Anurag: tumne hamare liye jo kiya yeh to kuch bhi nahi..........aur waise bhi andhera ho gaya hai aur baarish bhi rukne ka naam nahi le rahi............

Sujal: papa......thik keh rahe hai............chalo main tumhe chod deta hoon........aur waise bhi muje tumse kuch baat karni hai.........

Anurag: thik hai to tum log jao......main Prem ke saath ghar chala jata hoon........

************************************************************ **********************************

Sujal aur Kashish apni car me jane lagte hai..........

Sujal: kal se dekh raha hoon tum bahot berukhi se pesh aa rahi ho.........

Kashish: aisa kuch nahi hai......

Sujal; lekin tumhari aankhein kuch aur keh rahi hai.........

Kashish: aap mere alawa apni zindagi me dhyan rakhe to achcha hoga........

Sujal; tum bhi to meri zindagi ka hissa ho......

Kashish: aap samajte kyun nahi........aap kisi aur ke honewale hai..............aap ke aur mere raste alag alag hai............

Sujal: raste kitne bhi alag kar lo hamari manzile ek hi hai........

Kashish: gadi rokiye...............

Sujal: kya..........

Kashish: gadi rokiye.........maine kaha na ki hamare raste alag hai.................aap ple gadi rok dijiye.......

Sujal gadi rok deta hai..........aur kashish utarke barish main chalne lagti hai.........

Sujal: Kashish yeh kya bachpana hai........chalo gadi me bethi........tum puri gili ho rahi ho......

Kashish abhi bhi kuch kahe bina aage aage chalne lagti hai...........aise hi Kashish bahot aage nikal jati hai jaha pe koi nahi hota jab Kashish dur bas stand pe kuch mawali logo ke dekhti hai jo Kashish ki aur aage badh rahe hote hai.........Kashish mud ke piche bhagne lagti hai jab woh Sujal se zor se takrati hai.........Kashish apna sir uper kar ke Sujal ko dekh ke uske gale lag jati hai jab woh mawali log sujal ko dekh ke bhag jate hai...........

Sujal: kashish woh log chale gaye..........

Kashish kuch kahe bina piche mud jati hai......jab Sujal uska haath pakadta hai..........

Sujal; kaha tha na raste alag hai lekin manzilein nahi.....dekha aaj phir se hum ek rah pe khade ho gaye...........ab kya kahogi.........

Kashish sujal ki aur dekhti hi reh jati hai jab zor se bijli karkati hai aur Kashish darr ke Sujal ke gale lag jati hai..........Sujal kuch samaj hi nahi pa raha tha.........woh apne ehsaas ko labzo me bata nahi sakta tha ki woh kya mehsoos kar raha hai apne pyaar ko apni bahoin me pake......Sujal Kashish ko zor se gale lagata hai.........

Kashish: muje bijli ki aawaz se bahot darr lagta hai..........

Sujal: meri aur dekho....main hoon na........kuch nahi hoga.......

Kashish sujal ki aur dekhti hai..............Sujal Kashish ke chehre ko chuta hai...........Sujal Kashish ke forehead ko kiss karta hai..........phir uske dono cheek ko........ Kashish ki aankhen bandh hoti hai aur Sujal ke dono haath kashish ke waist pe........... Sujal kashish ke kareeb aata hai........... Dono ek dusre ki saasien mehsoos kar sakte hai........... Sujal dheere se Kashish ke hoothon ko chune hi wala hota hai ki ek zor se bijli kadkti hai aur kashish apne hosh me aati hai. ................Woh sujal se durr ho jati hai. Sujal ekdum se apni aankhen kholta hai............... Kashish apne kadam piche le jarahi hai aur uski aankhon se aanshu gir rahe hai. .......

Sujal: Kya hua?........

Kashish: nahi aisa nahi ho sakta.....

Kashish daud ke samne se aati huyi taxi me beth ke chali jati hai aur Sujal bech sadak pe kashish naam pukarta rehta hai...............

Dusre din Kashish office aati hai lekin sab se nazare churakar baat kar rahi hoti hai........Kashish Anurag ki office se bahar nikalti hai jab use samne se Sujal aur Prem aate dikhai deta hai........Kashish jaan bujkar apna rasta badalne ki koshish karti hai........

Prem: Kashishjee........suniye........aap se kuch kaam tha........

Kashish: sorry......maine aapko dekha nahi.......

Sujal: aaj kal tumhara dhyaan kisi aur jahah hi rehta hai.......

Prem: haa..........kahi dino se aap khoyi khoyi rehti hai sab thik to hai......

Kashish: haa sab thik hi hai........bataiye kya kaam tha...........

Prem: woh abhi Mama ka phone tha ki hume Metro Mall jana hai........

Kashish: Metro Mall.........is waqt..........

Prem: woh mama.......ko shaadi ki shopping me thodi madad chahiye...is liye woh khud chahti hai ki aap inki madad kare........aap chalenge na......

Kashish: lekin muje bahot kaam hai........

Sujal: main pooja se keh deta hoon.......tumhara kaam woh karegi..........chalo.....

Prem: Bhai aap bhi saath chal rahe hai............

Sujal: kyun main shopping nahi kar sakta........

Prem: aap to shopping ke naam se bhi bhagte the to aaj........kya baat hai Bhai...........

Sujal: tu nahi samjega.......chale Kashish.......

Kashish aur Sujal aage jane lagte hai..........

Prem: Bhai aap muje galat samaj rahe hai.......mujse jyada aapko kaun samaj sakta hai............

Prem bhi Sujal ke piche chala gaya...............

************************************************************ ************************

Sujal car drive kar raha hota hai aur Prem uske pass me betha hota hai aur Kashish piche bethi huyi hoti hai..............Sujal apne aaine me se bar bar Kashish ko dekh raha hota hai..........

Prem: Bhai aapse ek sawaal puchu........

Sujal: bol na kya kehna chahta hai.............

Prem: mera ek dost hai........sameer aap to use jante hi hoge........

Sujal: ab Sameer ko kya hua....waise kitne dino se dikhai nahi diya.........

Prem: aisa nahi hai.......woh darsal apne hi gum me duba hua hai.........

Sujal: matlab......

Prem: woh jis ladki se beimtihaan pyaar karta hai woh kisi aur se shaadi kar rahi hai...........

Kashish: aap ke dost ko use bhool jana chahiye...........

Prem: lekin woh ladki to sirf aur sirf Sameer se pyaar karti hai.........gharwalo ke dabav me aake woh yeh shaadi kar rahi hai..........

Sujal: her kisi ke naseeb me pyaar nahi hota..............

Kashish: agar sab ko pyaar ka milan hi milega.....to pyaar ki judaai kaun sahega..........pyaar karne se pyaar aapka to nahi ho jata.........lekin phir bhi aapke dost ko us ladki ke liye khush hona chahiye ki use ek baar hi sahi lekin pyaar ka ehsaas to hua..........agar woh chahe to apni puri zindagi un haseen lamho ke sahare gujar sakta hai.........

Sujal: nahi......use us ladki ko bhulake ek nayi zindagi ki shuruaat karni chahiye.......

Kashish: pehla pyaar koi nahi bhool sakta......kyunki pehle pyaar me aap apne aapko samnewale se rooh ka rishta bana lete hai jo itna majboot hota hai ki chahkar bhi nahi tutta......aur shaadi karke kisi tisre ke zindagi barbaad karne ka use koi hakk nahi.........

Sujal: is waqt hume sirf Sameer ka dukh nazar aa raha hai lekin asal me sabse jyada dukh to wahi ladki zel rahi hogi .......jisne pyaar kisi se kiya aur gharwalo ki khushi ke liye shaadi kisi aur se kar rahi hai........main khud us ladki ki halat samaj sakta hoon kyunki main khud woh daurahe se gujar raha hoon.........

Kashish aaine me se Sujal ko dekhti hi reh jati hai.........

Prem: kya kaha aapne Bhai.......

Sujal: kuch nahi.....woh dekh mall aa gaya.............

sab log andar jate hai jaha pe Shanta tai aur Khushi unka intzaar kar rahe the.........

************************************************************ ************************

Shanta tai: achcha hua tum log aa gaye..........chalo shopping karte hai........

Kashish: Mrs. Garewal nahi dikhai dete........

Khushi: woh mama ko ek zaroori kaam yaad aa gaya.....is liye woh nahi aa payi.......lekin unhone hum sab ko milke Ritu Bhabhi ke liye shaadi ka joda kharidne ko kaha hai.........

Kashish: lekin jiske liye shaadi ka joda liya ja raha hai unka hona bhi zaroori hai.........

Shanta tai; woh yahi hi hai........tu bahot puchti hai......aa chal mere saath.......

Prem: Khushi..........tum apne liye kapde dekho....tab tak main aur Bhai unki sherwani dekh ke aate hai.........

Khushi: thik hai.........

Khushi aur shanta tai kashish ko pakad ke ladies department me le jate hai aur Prem sujal ko leke jata hai........

Shanta tai; yeh kya aise aise kapde dikha raha hai..........Anurag Garewal ke bade bete Sujal Garewal ki shaadi hai..........aur garewal khandan ki bahu ke liye tu aisa joda hume dikha raha hai........ab kuch achcha sa dikha..........

Sales: Mam..........yeh aaj hi naya aaya hai......aapko aisa joda kahi nahi milega......

Khushi: Shanta tai.......yeh kitna khubsurat hai na.......

Shanta tai: hai to sahi.......lekin jiske liye liya gaya hai uspe kaisa lagega.........

Sales: mam.....aap kya baat kar rahi hai........jiske liye hai woh yahi pe to hai..........

Kashish: dekhiye main woh nahi hoon.........

Sales: to kya hua .......aap woh hai aisa samajke ek bar in logo ko pehen ke likha dijiye.........

Kashish: khushi tum jake pehen ke dikhao........

KhushI; main kaise pehen sakti hoon..........yeh mere bhai ki honewali patni ka hai.....main unki behen hoon.....

Shanta tai: Kashish jana..........tu bahot sochti hai........ab ja......

Kashish hichkichati huyi shaadi ka joda leke trail room me jati hai..........

Khushi Prem ko phone karti hai...........

Khushi: Prembhai........yaha pe sab kaam ho gaya hai.......aap Sujalbhai ko leke jaldi se aa jao..........

Prem: thik hai main aata hoon..........

Sujal: kiska phone tha.....

Prem: Shanta tai ka.........woh aapko pehle Sherwani me dekhna chahte hai taki woh manzoori de sake.......

Sujal: thik hai.........unhe main kaise mana kar sakta hoon.............

Sujal aur Prem waha pe aate hai..........jaha thodi dair bad Kashish woh Shaadi ka joda pehen ke aati hai...........

************************************************************ ************************

Sare store me sab Kashish ko ghur ghur ke dekh rahe hote hai...........kashish darti huyi Khushi ke pass aati hai....Sujal to bas Kashish ko dekhte hi ja raha tha.......

Kashish: Khushi.........sab log muje aise kyun dekh rahe hai.........kya main itni buri lag rahi hoon........

Khushi: sab aap ko is liye aise dekh rahe hai kyunki aap bahot khubsurat lag rahi hai.............

Kashish: sach me.........

Prem: haa......kyun Sujalbhai..........

lekin Sujal abhi bhi kashish ki khubsurati me khoya hua hota hai...........

Sujal: aaj agar chaand tumhe dekh leta to woh bhi tumhe dekh kar jalne ki aag me jal jata..........tum wake me bahot khubsurat lag rahi ho........

Prem: kya baat hai bhai........aapke muh se pehli bar kisi ladki ke liye tarif.....

Sujal: muje teri tarah joothi tarife karna nahi aata............

Shanta tai; ek baat kahoon........tum log hasna mat.......yeh dono ko is tarah dekhkar muje ek idea aaya hai........kyun na hum in dono ki shaadi kara dete hai....kitne achche lag rahe hai dono saath me........hai na.........

Kashish aur Sujal sharmake ek dusre ke samne dekhte hi reh jate hai.........

Kashish: main kapde badal ke aati hoon........

Kashish Sujal ke pass se jane lagti hai jab Kashish ka dupatta Sujal ki ghadi me fas jata hai.....Prem, Shantatai aur khushi waha se chale jate hai.......

************************************************************ ************************

Kashish mud ke dekhti hai.......jaha Sujal apne haath ki aur dekh raha tha......Sujal Kashish ke kareeb jata hai.......

Sujal: kyun bar bar hamare raste alag hone ke bawajud bhi hamari manzil ek hai..........kyun koi rishta na hone ke bad bhi hamare bech ek aisa rishta ban chuka hai jo hum chahkar bhi tod nahi sakte.......aisi kaun si kashish hai jo muje tumhari aur khich rahi hai...............

Kashish: main nahi janti.........yeh sab upperwale ka khel hai......hum bas katputliyaan hai jo nach rahi hai.......dor upperwale ke haath me..........kab woh kaunsi dor tod dale yeh kisi ko nahi pata.........

Sujal: waise yeh joda tumpe jyada achcha lagta hai........

Kashish: lekin yeh mere liye nahi ritu ke liye hai.......

Sujal: kisi ke bhi liye ho......pehnega wohi jise meri shaadi hogi...........

Kashish: aap ki shaadi aaj se teen din baad Ritu se hai........

Sujal: mere ek sawaal ka jawaab do.......meri shaadi ke baad tum kya karogi.......

Kashish: yeh kaisa sawaal hai......

Sujal: bahot hi sidha sawaal hai..........meri shaadi ke baad tum khush rahogi.......

Kashish: muje aapki shaadi se koi lena dena nahi..........aap kisi se bhi shaadi kare..........isse muje koi fark nahi padta.......

Sujal:kal jo kuch hamare beech hua uske baad bhi......

Kashish: kal jo hua woh galat tha.......woh bas ek nazuk dor tha........aur kuch nahi.........

Sujal: agar hamare beech kuch nahi to tum mujse nazare churakar kyun baat kar rahi ho.............

Kashish: maine kaha na aisa kuch nahi.............aap mera dupatta nikal dijiye.......muje jana hai.........

Sujal: tum hamesha mjse dur hona chahti ho lekin main tumhe itni dur nahi jane dunga........

Kashish: aap kis hakk se muje rok ke rakhenge............

Sujal: muje koi hakk nahi banta......lekin tum mujse yeh hakk nahi chin sakti ki main tumse pyaar karta hoon..........

Kashish ke jaise pairo tale se zameen hi khisak gayi ho........woh sujal ko ek nazar dekhti hi reh jati hai.......

Sujal: I love you Kashish..........

Kashish: aap hosh me nahi hai is liye aap aisi baatein kar rahe hai.........

Sujal: jab se tumhe dekha hai muje hosh hi nahi .........muje kya ho raha hai woh main khud nahi janta......lekin itna maloom ho gaya hai ki main tumse bahot pyaar karta hoon.........

Kashish: aap mera dupatta chodiye..........sab log dekh rahe hai...........,..........muje jana hai..........ple chodiye...

Kashish ke aankhoin se aanshu behne lagte hai..........Sujal Kashish ka dupatta chod deta hai .........Kashish roti huyi wapas trail room me chali jati hai.........aur Sujal bas use dekhte hi rehta hai..................