EPISODE:-10
PRESENT...
Rajeev ne abhi bhi Prisha ka hath thaam rakha tha...!!! dono party me enter hue toh kisi ki awaz sunn kar...mushkuraya Rajeev...aur turn kiya...
Duniya ki fiqar
din ki batain
khuda ki yaad
sab kuch bhula diya
tere iss haseen ada ne...
wo Ashwin tha...jiss ne Prisha ko Rajeev ke sath dekh kar ye comment kiya tha...!!! aur uss ke iss comment par hall me taliya gunj rahi thi...
Rajeev ke chehre par ek mushkan thi...wo Prisha ka hath thame Ashwin ke kareeb aa rahata tha...aur Ashwin ke samne aa kar kaha:-
"dekha khub adayo ka nasha
jall ke dekha...jala ke dekha...
wo ada-e-khanjar aisa nikla
ke hazar dhalo ko bhi paar karr gaya"
phir se taliyon ki gunj sunaiyi di...aur Ashwin ne Rajeev ki taraf hath badha kar kaha:-"kya baat hai Rajeev...ab toh tum bhi shayri karrne lage ho...sayad...is haseen chehre ka asar hai...!!! kyoun ki barso baad tumhe phir se club me dekh raha hun...aur pehli baar kisi khubshurat ladki ke sath...
Rajeev ne asusall si smile apne face par laate hue...uss se hath milaya aur bola:-"ab toh tum baht kuch pehli baar dekhoge Ashwin...aur rahi baat shair-o-shairi ki to...wo toh aap ke sathi par depend karrta hai na ki aap ke dil me koun sa naya khayal aata hai...!!! soch lo ke...yeh Prisha ki wajah se hai...jiss k liye main yahan par hun...
Ashwin ki honto par wohi mushkan abhi tak thi...aur ankhen Prisha par...!!! aur Prisha na nazar jhuka rahi thi...aur na hi Ashwin ko ignore karr rahi thi...uss ki ankhen bhi Ashwin par hi tiki hui thi...aur chehre par ek be-parwah si smile thi...
Rajeev:-"tum se introduce karwana bhul gaya...!!! yeh Prisha hai... mujhe assist karrti hai...!!! vaise introduce karrwane ki jarurat toh nahi hai kyoun ke ye bhi tumhari plot ke paas jo MI building bana raha hai...uss ka kaam Prisha sambhalegi...aur vaise bhi tum dono toh pahle hi mil chuke ho...right...??? jab Prisha ne tumhari car thoki thi... yaad aaya...
Ashwin:-"kaise bhul sakta hun...mujhe inn ki ada kafi achhi lagi thi...
Ashwin ne apna hath Prisha ki hath se milate hue kaha...
Prisha:-"mujhe bhi...aap se formally mil kar baht achha laga...Mr Rai...!!! for your kind information...(wo thoda aage aayi...Ashwin ke kaan ke kareeb dhire se kaha)...main sirf car ki headlyt hi nahi sar aur hath bhi achhi tarh se todti hun...!!! par ye baat mere boss ko matt batana...meri naukri ka sawal hai...par jaldi hi sayad kisi roz...aap ko apne uss naye ada ke bhi darshan karrwa dun...
Rajeev ki chehre par ek mushkan abhi tak thi...uss ne kaha:-"jan sakta hun...tum dono me kya baat hui...
Prisha:-"kuch nahi...main bass...apna spl intro de rahi thi...
Rajeev ne Ashwin ke aas paas dekhte hue kaha:-"Mitali nahi dikh rahi... wo yahan nahi aati kya...
Tabhi uss ne apne kafi kareeb se suna...
"hum jinn se pyar karrte hain
jane wo kis par marrte hain...
hashrat se unhe dekh dekh...
pane ki dua hum karrte hain..."
Mitali ki nazar Rajeev par hi tiki hui thi...
Rajeev ne mushkurate hue kaha:-"hmm...tum nahi badli Mitali...ahhh... Dev ke sath jab main aata tha...tab tum bhi aise hi shayari karrti thi... aur aaj baht dino baad phir se tumhe apni junoon me dekha...
Mitali ne mushkurate hue kaha:-"shayari dil se nikalti hai Rajeev...ya toh dil jab baht khush ho...ya phir baht tanha...
Uss ne Prisha ki taraf dekh kar kaha...
Ashwin ne Prisha ki taraf dekh kar kaha:-"aap ko shayari ka shauq nahi...
Prisha:-"bilkul hai...jaisa ki inhone ne kaha(to Mitali)...shair dil se nikalta hai...kuch purani batain yaad aayi toh dil se mere bhi kuch nikla hai... abhi...aur wo kuch yun hai ki...
"wohi nigahain phir se
karam hongi iss taraf bhi
umeed aaj tak
uss pehli nazar ki hai"
Prisha ki ankhen...Rajeev ki taraf thi...aur last word kehte hue uss ne Mitali ki taraf dekha...
Rajeev ne dhire se Prisha ke kano me kaha:-"tum yehi ruko main aata hun...
Rajeev Bar ki tarf ja raha tha...sayad apne liye drink lane...!!! Prisha janti thi ye baat...par wo use rokk nahi sakti...use yeh bhi pata hai...
Prisha ne apni nazar hatayi...Rajeev se...toh halke se chaunki...!!! uss ke kafi kareeb...Mitali aur Ashwin khade the...unn ke chehre par kafi ajeeb si mushkaan thi...
Prisha:-"aap dono ki shaqal bachpan se hi aisi hai ki...mujhe dekh kar bann gaya hai...
Mitali:-"tum Prisha ho na...wohi PRISHA SHARMA...jo hamare sath school me thi...
Ashwin ne Mitali ka hath thaam use rokkne ki koshish ki toh...Mitali ne uss ka hath jhatak te hue kaha:-"mujhe matt roko...mujhe iss se baat karrni hai...
Ashwin ne dekha...Rajeev apni drink le kar unhi ke paas aa raha tha...!!! Rajeev ko rokkne ke liye...Ashwin uss ki taraf chala gaya...
Prisha ne dekha...Ashwin ko jate hue...phir uss ne Mitali ki taraf dekha... hath thama uss ka halke se...dhire se uss ke kano me kaha:-" manti hun tumhari ankhon ko...!!! khub pehchana mujhe...!!! haan...main wohi hun...aur aaj tum se wada karti hun...main apne hisse ki khusi tum se cheen kar hi rahungi...!!! jise tumne mujh se alag karr diya tha...!!! aur haan... ye uss gorila ko bhi bol dena...!!! tum dono ke liye yeh aaj ka breaking news hai...!!! Tum Rajeev ko chahti ho na...ab se tumhe... tumhari chahat me mujhe jhelna padega...
kehti hui wo Rajeev ke kareeb gayi...aur uss ke kafi kareeb khadi hui...
Rajeev:-"tum ne kuch nahi liya...
Prisha ne Rajeev ki hath se uss ka drink le jate hue kaha:-"vaise mujhe iss se bhi koi prob nahi hogi...
Rajeev:-"par ye mera jhuta hai...
Prisha:-"hum dono sath me kaam karrte hain...toh sab kuch share karrna chahiye...nahi...
Prisha ne ek hi saansh me...wo glass khatam kiya...!!! kafi kadwi thi...uss yun lagg raha tha...jaise kisi ne ek knief se uss ka throat kaat raha ho...!!! phir bhi uss ne use bardast kiya...!!! Rajeev use kafi gaur se dekh raha tha...
Prisha ne dekha...Rajeev ki taraf...phir kaha:-"what...
Rajeev:-"tum thik ho...
Prisha:-"mujhe kya hua hai...
Ashwin:-"nahi...actually Rajeev ki tarah main bhi jann na chahta hun ke... tumhe ye drink kaisa laga...!!! vaise sayad pehli baar piya hai...hai na...!!! par Rajeev ka toh itna...roz...baht kamm hai...pata nahi kaise tum dono ek sath kaam karr payoge...
Prisha ne uss ki taraf dekha aur kaha:-"aap ko fiqar karrne ki koi jarurat nahi hai Mr Ashwin...hum dono jante hain ki humain kya aur kaise karrni hai...
Paas hi ek waiter ja raha tha...Prisha ne use roka...aur uss ke hath se aur do peg khatam karr diya...sirf do hi min me...
Prisha ne ankhen bandh ki ek pal ke liye...uss ka sar bhari ho raha tha... chakkar aa raha tha usey...Rajeev ne usey apni bahon me thame sambhal liya...
Prisha ne halke se use hatate hue khud ko alag kiya...aur kaha:-"main thik hun...
Rajeev ne apne liye ek aur drink liya...aur gaur se dekha...Prisha ko...!!! phir uss ka hath thame ek table ke paas le gaya...!!! usse kuch kehne ki jarurat nahi padi...Prisha baith gayi ek chair par...phir dhire se kaha:- "MITALI RAI...main hi tumhare aur tumhare Gorilla bhai ka ghamand todungi...!!! Goshhh...ye whishkey ka taste aisa hota hai...yukkk...kaise peete ho tum ise Raj...!!! iss ka koi aur flavour kyoun nahi hota...jaise Mango...Cheeku...ya strawberry...
Tabhi Ashwin aaya...unn ke paas...aur kaha:-"Rajeev...ek favour karr sakte ho...
Rajeev ne apni drink khatam ki...dushri drink li aur kaha:-"nahi... matlab ki main bina kaam jane pahle se hi haan nahi kehta...!!! kya favour chahiye bolo...phir main decide karunga ki main karr sakta hun ki nahi...
Ashwin:-"itna bada bhi nahi hai yaar...bass itna karr do ke...Mitali k sath ek dance kar do...!!! wo iss waqt kafi akeli feel karr rahi hai...!!! agar Dev zinda hota toh dono iss waqt sath hote...!!! aur tumhe toh pata hai...uss ke liye Dev aur Tum...dono hi kafi mayne rakhte ho...
Rajeev:-"haan...janta hun...main...
uss ke kuch kehne se pahle hi Prisha ne kaha:-"tum kisi aur ke sath dance karrne nahi ja sakte...kyoun ki tum mujhe yahan le karr aaye ho... aur tumhara farz bannta hai ki tum mera khayal rakho... RIGHT...RAJ
Rajeev ne Prisha ki taraf dekha...use nasha chadh chuka tha...ussey sayad ye bhi pata nahi chal raha tha ke wo kya bol rahi hai...
Prisha uthi apni jagh se aur Rajeev ka hath thaam karr boli:-"ek perfect gentleman ki taraf mujhe dance floor tak le kar chalo...
Rajeev use dekhta raha...kuch pal tak...phir uss ka hath thaam usey dance floor tak le kar gaya...
ek baht hi soft aur romantic music bajj rahi thi...Rajeev ne dhire se Prisha ke waist par apna hath rakha...n apne kareeb khinch liya...!!! Prisha ne apni dono bahain Rajeev ke gale me dal di...n uss ka chehra Rajeev ke shoulder par tha...aur uss ne dhire se uss ke kano me kaha:-"sachhi bolu...mujhe na...dance karrna aata hi nahi...yeh pose bhi maine ek movie me dekhi hui thi...
Rajeev ne use apne se halke se dur karrte hue uss ka chehra dekha... hairani se...
Prisha...ne phir se uss ke kareeb ja kar uss ke kandhe par apna sarr rakha aur dhire se kaha:-"meri company tumhe uss lambe balon wali chudail se jyada achhi lagegi...
Rajeev ne dhire se kaha:-"tum uss se kyoun jealous ho rahi ho...!!! wo meri frnd hai aur tum meri employe...right...
Prisha ne uss ka coller pakda...apne kareeb khinch karr kaha:-"main tumhari sirf employe nahi hun...!!! pehchano mujhe Raj...for God sake... pehchano mujhe...main wohi hun...Prisha sharma...tumhari...
Rajeev ne uss ko apne kareeb dubara khinch liya...!!! Prisha ke honth Rajeev ke kandhe ko chu rahe the...aur wo chup ho gayi...uss ke kandhe par sarr rakh kar ankhen bandh ki...(dont worry soyi nahi...😆)
Rajeev ki nazar samne thi...jahan Mitali khadi thi...uss ne dhire se Rajeev se kaha:-"tumhe BYE bolne aayi thi...main ghar ja rahi hun...
Rajeev:-"itni jaldi...
Mitali:-"kafi tanha mehshush karr rahi hun...yahan...!!! aur tumhare paas bhi toh mere liye waqt nahi...
Rajeev:-"waqt toh hai...par abhi mujhe ise sambhalni hai...
Rajeev ne Prisha ki taraf dekh kar kaha...
Mitali:-"ek baat kahun Rajeev...
Rajeev ne dhire se Prisha ko sambhalte hue...dance floor se bahr le aate hue kaha:-"haan...kaho...
Mitali:-"tum sayad yakeen na karo...
Rajeev:-"main vaise bhi sab par yakeen nahi karrta...!!! vaise tum keh sakti ho ki tum kya kehna chahti ho...yakeen karrna na karrna...mujh par depend karrta hai...
Mitali:-"yeh Prisha hai...
uss ne Prisha ki taraf ishara karr ke kaha...
Rajeev ne uss ke iss baat par...Prisha ki chehre ki taraf dekha...jo ki abhi apni adhi hosh kho kar Rajeev ke kandhe par sar rakh ke khadi thi...aur Rajeev ne use kafi kareeb thaam rakha tha...
Rajeev ke chehre par ek mushkaan aayi...wo teeno iss waqt main door ke paas hi khade the...
Rajeev ne dhire se Prisha ko uthaya...apni dono bahon me...!!! aur Car ki taraf le jate hue kaha:-"main ye janta hun Mitali ki ye Prisha hai...aur mere sath kaam karrti hai...aur kuch kehna chahti ho...
yeh kehte hue wo apni car ki taraf chalne laga...piche se Mitali ne kaha:-"yeh Prisha hai...Prisha Sharma...wohi jo hamare school me thi... jiss ne tumhara ishtemal karrne ki koshish ki thi...yaad aaya...
Rajeev ne car ke paas khada kiya...Prisha ko...Prisha kuch gunguna rahi thi...Rajeev ne car ki chavi kholte hue Mitali se kaha:-"YAAD...main kisi ko nahi bhulta Mitali...aur tum mujhe yaad ki baat karr rahi ho...!!! mujhe sab yaad hai...aur hamesha rahega bhi...
achanak Prisha ne Rajeev ka hath thaama...aur uss ke kareeb jate hue boli:-"wo gana pura yaad nahi aa raha...tum aage ke words bol doge plz...
Rajeev:-"koun sa gana...
Prisha ne apni bahain dali...Rajeev ke gale me...phir dhire se uss ke kareeb aa kar boli:-"...'sau dard hai...sau rahatain...sab mila... dilnasheen'... bass iss se aage yaad nahi aa raha...
Rajeev ne ek pal uss ke chahre ko kafi gaur se dekha...aur kaha:-"'...sau dard hain...sau rahatain...sab mila...dilnasheen...ek tu hi nahi'
Prisha:-"yes...'ek tu hi nahi'...par kyoun nahi...milna toh chahiye na... agar dono hi ek dushre se be-inteha pyar karrte hain toh...unhe milna toh chahiye hi tha na...
Rajeev ne car ka door khol kar Prisha ko bithaya...seat belt bandhi... aur door bandh kiya...dekha...Mitali ab tak khadi thi...uss ke ankhon me gussa saaf dikh raha tha...
Rajeev uss ke kareeb aaya aur kaha:-"tum ne kaha ki...mere paas tumhare liye waqt nahi hai...!!! main tumhe kal milta hun...wohi hamare buildings jahan bann rahe hain...uss ke paas jo park hai na wohin...sham ko milte hai...!!! vaise bhi main sham ko toh aayunga hi...building ka kaam dekhne...!!! Good Night...
Rajeev ja kar baitha car me...!!! Rajeev ki car Mitali se dur ja rahi thi... Mitali ki ankhon me gussa nazar aa raha tha...uss ne dhire se kaha:-"kal baht dur toh nahi...main kal ka intezaar karungi...!!! aur kal tumhe jawab dena hoga Rajeev...kyoun is kahani ko main aage aur badhne nahi dungi...
Rajeev ne car park ki...dekha...paas ki seat me ankhen bandh kiye Prisha baithi hui thi...kuch badabadi rahi thi...par kya...ye samajh me nahi aa raha tha...
Rajeev car se bahar aaya...Prisha ko dhire se bahar nikala...!!! Prisha ke drink karrne ke chakkar me aaj wo thik se drink nahi karr paya tha... roz wo hosh khone tak drink hai...!!! par aaj Prisha ki wajah se uss ne sirf ek hi drink li...aur abhi wo apni hosh me hai...!!! yeh baat usey sab se jyada irritate karr raha tha...
uss ne Prisha ki taraf dekha...jo sayad kuch count karr rahi thi...!!! Raj use bahon me uthaye uss ke room tak le jane ke liye...bass touch hi kiya tha ke...Prisha khud uss ke kareeb aayi...uss ka coller thaam karr dhire se kaha:-"tumhe yaad hai Raj...hum last...kitne saal pahle mile the...???"
Rajeev ne use ek pal ke liye dekha...phir usss ke baat ka jawab na dete hue...usey apni bahon me uthaya...!!! Prisha kahe ja rahi thi:-"main count nahi karr pa rahi...!!! kabhi lagta hai ki...kal hi bichde the...kabhi lagta hai...saaalooo pahle bichde the...kabhi lagta hai ki kal mile hai... aur kabhi lagta hai ki tum mere liye bilkul ajnabi ho...!!! kyoun aisa lagta hai...jab ki hum dono toh ek dushre ko baht pehle se jante hain na...!!! aur wo saala Ashwin...aur uss ki wo kameeni behn Mitali...aaj bhi zinda hai...!!! itne bade bade earthquke hote hain...ye dono kaminey kahin dabb kyoun nahi jate...!!! uss haramzade ki ankhen bata rahi thi... haramkhor aaj tak nahi badla...!!! agar aaj kuch bhi galat karrta na... toh uss ki maa ki ankh... main usey...itna marrti...itna marrti ki... wo harami kabhi mard tha...yeh bhi bhul jata...
Rajeev ne uss ki bed par use sulaya...aur dhire se kaha:-"Gosh...aaj bhi ye itni hi galiya deti hai...aur language bhi sameto same...jo tab diya karrti thi...
Rajeev ne uss ke bed par use sula kar uss ki taraf dekha...jo abhi bhi kuch kahe ja rahi thi...!!! Rajeev muda...jane ke liye...!!! Prisha ne uss ka hath thaama...khincha apne kareeb...par wo kafi nashe me thi...hath kafi kamzor the uss ke...wo Rajeev ko apne kareeb la nahi pa rahi thi...!!! Rajeev usey khada dekh raha tha...
Prisha baithi bed par aur gusse se boli:-"khadoosh ho ek damm...thoda sa toh hill jayo...par nahi...tum bhala kyoun hillne lage...thoda sa hil jayoge toh tumhe sharam na aayegi...huh...!!! ek no ke akdu ho tum...main wahan tumhare paas khadi thi...aur tum uss chudail ke sath kal ka date fix karr rahe the...!!! ussy ke balon me agar maine aag na laga di na toh main bhi Prisha Sharma nahi...
Rajeev aaya uss ke kareeb baitha uss ke paas aur kaha:-"so jayo...tum ne baht pee li hai...
(baht ho gaya...ab Past tense me chalte hain...😛)
*********
Flashback...(School days)
Rajeev hairan tha...Prisha uss ke kafi kareeb thi...use hug kiye roye ja rahi thi...!!! par Rajeev ke liye yeh sab naya tha...uss ka na toh kisi ladki se frndship thi...aur na hi aaj tak uss ne kisi ladki ko hug kiya tha...
yahan tak ki wo yeh bhi nahi jaan pa raha tha ke...wo iss hug ke liye kaise react kare...!!! uss ke face par ek confusion look tha...!!! uss ne pahle apna hath Prisha ke hairs par rakhe...usey laga wo ro rahi hai... toh iss tarah se wo thoda calm down ho jayegi...!!!
Par prisha ne use aur tight hug kiya...rona bandh ho gaya tha uss ka... par sishkiyan le rahi thi wo...Raj ke kandhe par...!!! uss ki sanshe Rajeev ke neck ko touch karr rahi thi...jiss se Rajeev ko kuch alag si feeling ho rahi thi...pahli baar...
Rajeev ke hath...Prisha ke back par gaye...use thama...kafi closely...!!! Raj jann nahi pa raha tha...ki aaj uss ki dil ki dhadakan kyoun badhi hui thi...!!! wo jann nahi pa raha tha...wajah kya thi...uss ke iss tarh ke feelings ki...!!! Prisha ki puri body...her ek hissa...wo apne behad kareeb mehshush karr raha tha...
pata nahi kyoun...achanak...Prisha ne khud ko Rajeev se alag kiya...aur dhire se kaha:-"sorry...wo main...actually...
wo chup rahi...wo khud hairan thi...kuch hi din hi toh hue the uss ka Rajeev se milna...aur abhi uss ko hug kiye khadi thi...
Rajeev khud thoda embaressed lagg raha tha...Prisha ki tarah...!!! wo dhire se bola:-"mere paas paise nahi the...toh tumhara ear ring uss medicine store me de kar aunty ke liye medicine le aaya tha...!!! aaj paise diye maine toh uss ne mujhe tumhare ear rings lauta diye...!!! yeh lo...
Prisha ne hath badhaya...lene ke liye...!!!Rajeev ne uss ke hath me ear ring rakhne se pahle kaha:-"main pehna dun...???"
Prisha ne usey thoda gour se dekha...Rajeev ne kaha:-"maine nikala tha... toh socha ki main hi pehna deta hun...agar tumhe koi prob na ho toh...
Prisha uss ke kareeb aayi aur kaha:-"thik hai...pehna do...par nikalte waqt kafi dard hua tha...iss baar dard nahi hona chahiye...
Rajeev:-"main tumhe koi professional lagg raha hun kya...!!! jaisa aata hai waise hi pehnayunga...tumhe thoda sa co-oprate karrna padega...
Prisha:-"thik hai...par dhayan se...
Rajeev ne dhire se pehna na suru kiya Prisha ko...Prisha se ek ajeeb si khushbu Rajeev ke sansho me aa rahi thi...uss ne dhire se kaha:-"koun sa perfume lagati ho...
Prisha:-"ghar me perfume kyoun lagayungi...
Rajeev ne aage kuch nahi pucha...
raat ko Dev soya hua tha...!!! achanak Rajeev aaya uss ke room me...!!! uss ke kareeb leta...
Dev ne karwat li...aur uss ka hath aa kar gira...Rajeev ke neck par... Rajeev ko laga jaise achanak hi kisi ne uss par hamla karr diya ho...
Rajeev:-"saala...dhai kilo ka hath sath me le kar sota hai...
Dev ne achanak bola:-"rakhsha bandhan toh aaya nahi...toh main tera saala kaise bann gaya...!!! rakhsha bandh aayega...phir main uss khaash ladki se rakhi bandhwayunga...phir tu use patayega...
Rajeev:-"tu soya nahi...
Dev mushkuraya aur kaha:-"naaa...maine toh teri rahon me ankhen bicha rakhi thi...
Rajeev:-"matlab...
Dev:-"matlab ke...mujhe pata tha ki...aaj raat koi ullu bann kar jaggne wala hai...!!! aur jaag kar mujhe hi pakane wala hai...
Rajeev:-"very funny...so ja...aur haan...apna hath apne paas hi rakhna... mere paas already do hai...mujhe tishre ki jarurat nahi hai...
Dev:-"okay...!!! par ek baat bata...tu apna kamra chod ke mere kamre me sone kyoun aaya hai...
Rajeev:-"wo kafi lonely feel karr raha tha isi liye...
Dev:-"wo toh hoga hi...chal koi na...so ja...!!! main bhi so jata hun...
Dev ne ankhen bandh ki aur gana gana suru kiya...
'pehli pehli baar mohabbat ki hai...kuch na samajh me aaye main kya karu...'
Rajeev ne irritate ho kar kaha:-"yeh tu gala kyoun phaad raha hai...
Dev:-"gala kahan phaad raha hun yaar...!!! main toh khud ko lori suna raha tha...taki need achhi aaye...
Rajeev:-"ye lori hai...??"
Dev:-"haan...tujhe achha nahi laga...!!! thik hai...kuch aur gata hun...
" pehla nasha...pehla khumar...naya pyar hai...naya intezaar...karr lun main kya apna haal...ye dil-e-bekarar...mere dil-e-bekarar...tu hi bata..."
Rajeev:-"tera bekarar dil kuch nahi bolega...lekin agar tu chup chap nahi soya na...toh mera punch jarur bolega...
Dev utha apni jagah se aur bola:-"ek toh ye mera kamra hai...aur upar se tu mere hi kamre me aa kar...mujhi par raub jhaad raha hai...nikal yahan se...
Rajeev uth kar bola:-"nahi jata...kya karega...
Dev:-"chup chap so jayunga...aur tujhe bhi chup chap sone ko kahunga... aur kya...
Dev so gaya...Rajeev sirf karwat badal raha tha...!!! sirf 18 saal ka tha wo...iss naye feelings se bilkul anjaan...!!! use ghutan ho rahi thi...jaise uss ke ander baht kuch daba hua ho...aur wo use bahar nikal na pa raha ho...
Rajeev:-"Dev...so gaya kya...
Dev:-"kab ka...!!! tujhe meri kharrato ki awaz sunai nahi de rahi...
Rajeev:-"ahh...sunn na yaar...
Dev:-"jaldi bo...!!! wo bass aane hi wali hai...
Rajeev:-"koun aanewali hai...!!!
Dev:-"Britney spears...aaj raat ko meri uss ke sath date hai...dekh nahi raha...ek dam perfume laga kar...pura fit bann kar sone ja raha hun...
Rajeev:-"tu aur tere sapne...huh...!!! khair tu mujhe ek baat bata...
Dev:-"haan...puch na...jaldi puch...kyoun ek Britney apne car se nikal chuki hai...
Rajeev:-"bakwaas bandh karr aur sunn...
Rajeev thoda hichkicha raha tha...phir pucha:-"yaar...ye ladkiya...itni bhari kyoun hoti hai...???"
Dev...chaunka...aur uth kar baitha bed par aur kaha:-"kya kaha tune...???"
Rajeev bhi utha aur baitha...aur kaha:-"aise chaunk kyoun raha hai...??? simple si baat puch raha hun ke...ladkiyan itni bhari kyoun laggti hai...!!! matlab ki hum...matlab... ladke aur ladkiya...same hoti hai na...!!! sab kuch same hota hai...phir wo itna bhari kyoun lagti hai...
Dev:-"jahan tak main Prisha ko janta hun...wo bichari itni patli hai ki... suru hi nahi hoti...aur wo tujhe bhari kyoun lagg rahi hai yaar...
Rajeev:-"kya bakk raha hai...maine Prisha ki baat kabb kari...
Dev:-"ab zindagi me pehli baar tune ek ladki ko hug kiya...aur uss ke baad tu mujeh ye sawal puch raha hai...!!! toh tujhe kya lagta hai ki... main nahi jann payunga ki yeh sawal tere dil me kyoun aaya... hmm...???"
Rajeev ne gusse se kaha:-"tu chup karr dekha raha tha...
Dev:-"arey na...main toh bass usey bulane aaya tha..aur dekha...ki wo tere gale se lagi hui thi...!!! toh main censor board bann kar...baki sab ko wohin...aunty jee ke room me rokk liya...taki tum dono...thoda jhappi-pappi karr liya karo...
Rajeev:-"bakwaas bandh karr...aisa kuch bhi nahi tha...jaise tu soch raha hai...!!! wo bass thanks keh rahi thi apne maami ke liye...n thoda sa emotional ho gayi...toh yun hi bass...
Dev:-"toh yun hi bass...ho raha tha...??? chalo thik hai...ab main tere sawal ka jawab deta hun ke...ladkiya bhari kyoun lagti hai...
Rajeev ne uss ki taraf dekha...
Dev:-"dekh...ladkiya her mamle me baht bhari hoti hai...body se le kar bheje tak...sirf pet thoda sa chota hota hai...
Rajeev:-"kya bakk raha hai...
Dev:-"sunn toh le meri baat puri...!!! unn ke paas ek baht bada dil hota hai...jinn me wo kai sare logon ko ek sath frame karr k rakh lete hain... jaise...maa...baba...bhai...behn...baht sare dost...aur kabhi kabhi humari tarah...baht sare boy frnds...bole toh hum ladke...baht sari girl frnds rakhte hain...par wo sab hum jaise boys ko adjust karr hi leti hain...by god...!!! bheja bhi baht hota hai...isi liye puri planning ke sath attack karrti hai...isi liye inn se kabhi bhi panga nahi leni chahiye...!!!par pet baht hi chota hota hai... kyoun ki choti se choti baat bhi nahi pacha pati... aur kisi aur ke samne ugal kar bolti hai... 'kisi se ne kehna'...par wo bhi kisi aur ke samne ugal kar yehi dig ka repet telicast karrti hai...
Rajeev:-"bass kar...dada jee...ab so jaaa...!!! pura paka diya hai tune mujhe...!!! mujhe nahi sunn na hai tujh se kuch bhi...
Dev:-"abey aur bhi baht hai sunn toh le...
Rajeev wapas aa gaya apne room me...!!! pata nahi kyoun ek baichani si ho rahi thi use...baar baar Prisha ka chera nazar aata...ya phir Prisha ka uss ek kareeb hone ka ehsaash hota..!!! uss ki khusbu apne kareeb mehshush karrta...!!! wo irritate ho kar utha phir se apni bed se...
washroom me gaya...shower ke niche khada raha...kuch pal...!!! ek tufan ko apne ander thamta hua mehshush karr raha tha...wo samajh nahi pa raha tha ke...yeh ajeeb si bachaini kyoun ho rahi thi use...!!! use bass itna pata tha ke...jab se Prisha ne usey hug kiya hai...wo tabhi se bachain hai...
End Of the Epi...
*********
Plz do comments...or press the LIKE button.
Edited by Sweet-Lioness - 13 years ago
Iss Pyaar Ko Kya Naam Doon
Hindi TV Shows
Bigg Boss 19
37