| EPISODE:-20 Base camp me pahunchte hue...sham ke 8 bajj chuk the... jeep se utarte waqt Naina ko Alekh ne halke se kaha:-"jate waqt toh tu uniform me thi...aate waqt tera kaya-kalp aise kaise badal gaya...??? sir ko lutwa ke aa rahi hai kya...???" Naina ne hasste hue kaha:-"main toh nahi...par haan...sir hi khud lutna chahte the...!!! toh phir maine socha ke kyoun na behte hue gange me thoda sa hath dho lun... Alekh hassa...aur un shopping bags ki taraf dekhte hue kaha:- "vaise tu hath dhoyi hui toh lag nahi rahi hai...bal ke pura naha-dho ke aayi hui lag rahi hai...aur voh bhi sir ko nichodte hue... Naina aur Alekh hassne lage...!!! Maj Rajveer ki nazar padi toh unhone kaha:-"lagta hai...aap dono apne secreats mujhe nahi batana chahte...hai na...???" Alekh:- "aisi baat nahi hai sir...!!! voh kya hai na...abhi kuch din se apun dekh raha hai ke...Naina kafi khush rehne lagi hai...!!! aur apun ko use is tarah se dekh kar kafi achha lag raha hai...!!! matlab ke sir...Naina jaise bhul hi gayi thi mushkurana...ab use mushkurate hue aur jeete hue dekhna achha lag raha hai...!!! aur apun sach bataye sir... yeh sab aap ki wajah se...!!! varna aap ke jane ke baad jaise is ki zindagi tham si gayi thi...yeh jeeti toh thi...par jeene ki chah kahin bhi na thi... Naina ne Alekh ko halke se dhakka dete hue kaha:-"bass karna Alekh...kabhi bhi kuch bhi bakkne lagta hai... phir Naina ne Maj Rajveer ki taraf dekh kar kaha:-"sir main ab chalti hun...raat baht ho chuki hai aur maa-baba bhi wait karr rahe honge...!!!" Maj Rajveer:-"ek min ruko Naina... Naina samajh nahi payi ke Maj Rajveer ne use rukkne ke liye kyoun kaha... Maj Rajveer us ke kareeb aaye...us ka hath thama...aur Alekh ko dekhte hue kaha:- "main tum se vaada karta hun Alekh...tumhari yeh dost...tumhe is tarah se hamesha khush aur mushkurati dikhai degi...!!! ab us ki zindagi me koi dukh nahi aayega...!!! agar kuch taklif aayi bhi toh sab se pahle us ka mujh se samna hoga...!!!" Naina ke chehre par ek halki si smile thi...aur Alekh...voh kafi khush lag raha tha... Maj Rajveer:-"Naina ko us ke qtr tak chod dena... Maj Rajveer ne itna kaha...aur apne qtr ki taraf chal diye... Alekh aur Naina vohin khade...unhe jate hue dekh rahe the... achanak Naina ne apne shopping bags Alekh ki hathon me thamaya...aur kaha:-"tu rukk yahan...main 2 min me aayi...!!!" voh bhagti hui Maj Rajveer ke kareeb gayi... Alekh ne turn kiya ek baar yeh dekh ne ke liye ke Naina kahan gayi...phir jab dekha ke voh Maj Rajveer ke kareeb gayi hai...toh voh jeep ki chabi nikalte hue bala:-"LOVE ESTORY suru... Naina:-"sir... Maj Rajveer ne apne piche se...Naina ki awaz sunn kar turn kiya aur Naina ko is tarah se bhagte hue aate dekh thoda hairan hue aur kaha:-"kya hua Naina...is tarah se bhaag kar kyoun aa rahi ho... Naina un ke kareeb gayi aur kaha:-"voh main aap se kuch kahna bhul gayi thi... Maj Rajveer ek pal ke liye kuch samajh nahi paye ke akhir Naina kahna kya chahti thi... phir unhe laga sayad Naina unhe 'I love u' kahne aayi hai... un ke chehre par ek halki si mushkurahat aayi...seene par apna hath crossed kiye kafi relaxed khade ho kar unhone kaha:-"toh kaho...kya kehna bhul gayi thi tum... Naina ne pata nahi Maj Rajveer ki baat samjhi ya nahi...par voh mushkurayi...phir apne charon taraf dekha... Maj Rajveer us ke her activites ko notice karr rahe the...aur mann hi mann hass rahe the... achanak Maj Rajveer ke soch ke opposite Naina kafi jaldi me Maj Rajveer ke cheek ko kiss kiya...aur 'Good Night' bol kar bhaag gayi... vaise Maj Rajveer soch toh kuch aur rahe the...aur hua kuch aur hi...!!! par kya hua voh use samajh pate tab tak Naina bhaag chuki thi...aur Maj Rajveer ka hath apne cheek par tha...phir voh mushkuraye...!!! pata nahi un ke dimag me phir kya aaya...kyoun ke phir unhone charon taraf apni nazar daudayi ke 'kahin kisi ne dekha toh nahi'... ****************** Naina:-"maa...yeh sahi nahi hai... Naina ne muh fula kar kaha... Naina:-"aap dono ko agar nahi aana tha toh mat aate na...!!! aap dono ko aaye hue sirf 2 hi din hue hain aur aap dono wapas jana chahte ho...!!!" mr ahluwalia:- "sorry beta...kya karen...un ke beti ki shadi jo tai ho gayi...ab jana toh padega hi na...!!! aur phir tu fiqar kyoun karti hai...hum dono jaldi wapas phir aayenge...!!! kyoun ke humain tum dono ki shadi bhi toh tai karni hai na...!!!" Naina ne usi tarah se muh fulate hue kaha:-"mashka maarna bandh ki jiye...!!! mujhe sach me achha nahi lag raha hai... Meera jee:-"humain bhi kahan achha lag raha hai beta...!!! hum toh khud Rajveer ke sath kuch aur waqt bitana chahte the...!!! par dekh le...aaj dopaher ko hi yeh khabar aa gayi...ab toh jana padega hi...!!! par promise beta...hum jaldi phir se aayenge... Naina ki mom ne Naina ko hug karte hue kaha...!!! Naina ne unhe hug back kiya...us k ankhon me anshu the halke se...phir se us ne kaha:-"phir bhi aap dono agar thoda aur ruk jate toh achha hota...!!! ****************** next day... Maj Rajveer jogging karte hue base camp ke ander us pond ke paas gaye toh dekha... Naina chup chap baithi hui thi... raat ka incident unhe yaad aaya...voh halke se mushkuraye...aur Naina ke thoda kareeb baith te hue kaha:-"umeed karta hun ke is soch ki wajah koi khaash...matlab koi spl inshan hoga... Naina ka chehra abhi bhi murjhaya hua tha...us ne Maj Rajveer ki taraf bina dekhe kaha:- "Good morning... Maj Rajveer:- "kya hua Naina...tumhara chehra itna utra hua kyoun hai...??? aunty se daant padi kya...???" Naina ne muh fulate hue kaha:-"maa-baba...aaj hi wapas ja rahe hain...!!!" Maj Rajveer:-"ab is me udaas hone ki baat toh hai...par sochnewali baat yeh bhi hai ke sayad unhe koi urgent kaam aa gaya hoga...tabhi toh ja rahe hain na...!!!" Naina ne halke se gusse me un ki taraf dekhte hue kaha:-"ek baat batayiye Raj...aap kis ki party me ho...??? mere party me ya un ki party me...!!! aur khabardaar jo abhi aap ne unhe support kiya toh...aap mere BF ho...toh aap ko... Naina ruki...thodi der...us ne Maj Rajveer ko...apna BF bola tha...!!! vaise dekha jaye toh yeh sahi bhi hai...lekin use thoda ajeeb lag raha tha...pata nahi kyoun par apne Rajveer sir ko khud ka BF kahte hue use sach me ajeeb lag raha tha... us ne apni nazrain churai...aur pond ki taraf dekhne lagi...!!! sayad Maj Rajveer ne samjhi...Naina ke dil ki baat... voh mushkuraye aur kaha:-"yeh baat toh sach hai ke main tumhara BF hun toh tumhe hi support karna meri duty hai...!!! lekin ek ideal BF ki ek aur bhi duty hoti hai ke voh apne GF ko hamesha khush rakhe...toh kya aaj kahin bahar jana chahogi Naina ki halat aur buri thi...!!! ek toh Maj Rajveer use aaj bahar le jana chahte the...upar se aaj us ka tight schedule tha...matlab...aaj voh khud ke liye bhi tym nahi nikal payegi... Naina ne phir se dukhi ho kar kaha:-"prob toh yehi hai na...ke aaj mujhe itna kaam hai ke...mujhe khana khane ke liye furshat nahi hai...!!! upar se maa-baba ki train dopehar ko hai...!!! aur aap bhi mujhe aaj hi bahar chalne ko keh rahe hain...!!!" Maj Rajveer mushkuraye aur kaha:-"okay...toh phir is me itna udaas hone wali kya baat hai...!!! aaj nahi toh hum phir kabhi chale jayenge...!!! aur rahi baat uncle-aunty ke jane ki toh main unhe station tak chod aayuga...i hope ki tumhe is me koi aitraz nahi hoga... Naina ...thodi si mushkurate hue kaha:-"nahi voh baat nahi hai...mujhe dukh is baat hai ke...main maa-baba ke sath jyada tym spend nahi kar payi...!!!" Maj Rajveer:-"itz okay...Naina...jab tumhe chutti mil jayegi...toh chali jana ghar aur unke sath...pura tym spend karna...!!!" Naina:-"nahi... Maj Rajveer:-"kya nahi... Naina:-"main akeli nahi jayungi...aap ko bhi mere sath chalna padega... Maj Rajveer mushkuraye...jis k jawab me Naina bhi mushkurayi... tabhi dono ne piche se kuch aahat suni...!!! Naina thodi si irritate lagi...aur Maj Rajveer ne apne gusse ko control karte hue uthe vahan se...aur vahan ek piller ke piche se kisi ko khinch kar late hue...us ke tummy par ek punch mara... Huda halke se chillya bhi aur phir bola:-"sir aap bhi Damini film ke Sunny deol ke kuch lagte hain kya...??? matlab aap ki bhi hath lag-bhag dhai kilo ka hi lagta hai...jiss se aadmi uthta nahi balki...upar uth jata hai... ****************** Naaz chillayi:-"mujhe pata hai mujhe kya karna hai...aur main janti hun ke main kya karr rahi hun...!!! itne dino se Noor aap ke paas hai...ek baar bhi aap ne mujhe us se baat karne nahi di...phir bhi...phir bhi main aap ka kaam karr rahi hun...!!! lekin mujhe apne kamon me kisi aur ka taang adana pasand nahi... us ke samne khade hue us inshan ne...(sayad aap sab ko yaad ho ke...voh Naaz ka fiance tha...Yusuf) kaha:-"humain lagta hai ke tum jarurat se jyada tym le rahi ho...!!! chota sa hi toh kaam hai...Naina se voh info nikalni hai...aur agar use is bare me sab kuch pata hai toh use maut deni hai...bass...!!! aur agar tum itna bhi nahi kar sakti...toh humain bata do...hum khud kar lenge...!!!" Naaz mushkurayi...us ke mushkaan me ek zeher tha...us ne kaha:-"main apni behn ke liye kuch bhi kar sakti hun...!!! aaj raat dekhiye kya hota hai...!!! aur vaise bhi aap ka spy toh aap ko April fool bana hi chuka hai...Naina ka voh paper chura kar...!!! lekin phir bhi aap ko lagta hai ke main kuch nahi karr rahi hun...toh aaj jarur kuch dhamaka hoga... Yusuf hairan tha...Naaz ki baat sun kar...use khud pata nahi tha ke Naaz kya karne wali hai...par us ne Naaz ki ankhon ke shole samjhe jarur the...!!! voh Naaz se aur kuch keh pata...us se pahle Naaz ja chuki thi... us ke paas khada ek aur aadmi ne kaha:-"aap ko kya lagta hai voh kya karnewali hai... Yusuf:-"mujhe khud nahi pata...par kuch khatarnaak karnewali hai...!!! umeed toh yehi hai ke...sab kuch hamare liye sahi ho... ****************** STATION........ Maj Rajveer ne pair chue...mr Ahluwalia ke...!!! unhone Maj Rajveer ko gale se laga liya...aur kaha:-"beta...khud ka aur Naina ka khyal rakhna...!!! pagal hai...voh...jo bhi dimag me aata hai karne lagti hai...!!! abhi hum aa rahe the toh hum se itni naraz thi ke baat bhi nahi ki thik se us ne...!!! aur vaise bhi hum kar bhi kya sakte the...!!! par beta...ho sake toh use mana lena... Maj Rajveer ne mushkurate hue kaha:-"aap fiqar mat kijiye...!!! Naina jyada der tak aap se naraz nahi reh payegi...!!! kal jab aap ghar pahunchenge na...tab sab se pahla call usi ka hoga ke...aap thik se pahunche hain ya nahi...!!! tabhi us ke sare gile-sikwe dur ho jayenge...!!!" Mr Ahluwalia:-"beta ek aur baat karni thi...!!! Naina ke samne sayad baat karna thoda ajeeb hota...isiliye tum se karna chahta tha...!!!" Maj Rajveer:- "jee kahiye na... Mr Ahluwalia:-"humain pata hai ke tum dono ek naye rishte se abhi abhi bandhe ho.. phir bhi hum dono chahte the ke tum dono ek commitment me bandh jayo...!!! yeh mat sochna ke hum log abhi tum dono ki shaadi ki baat karr rahe hain...!!! par agar tum dono ki sagai ho jati toh... Maj Rajveer ek pal ke liye ruke...phir kaha:-"jaisa aap thik samjhe...mujhe koi eitraaz nahi hai...par aap ek baar Naina se baat kar lijiyega... Meera jee tabhi boli:-"Naina ka jawab main janti hun...aur tumhari di hui voh ring jo us ne pehn rakha hai...usi se voh itni khush hai ke...tumhare naam se puri tarah judd ne ke liye voh kabhi inkaar nahi karegi...hai na... Maj Rajveer mushkuraye...aur nazrain niche ki... Meera jee...Maj Rajveer ke kareeb aayi...un ke coller ko thoda thik kiya...phir un ke ankhon me dekha...Maj Rajveer bhi unhe dekh rahe the... sachhai bahar aane ke baad...dono ka rishta thoda ajeeb ho gaya tha... Maj Rajveer...Meera jee me apni maa ko dhundh rahe the...aur Meera jee...Maj Rajveer me...apne khoye hue bete ko paa chuki thi... Meera jee:-"kehte hain ke...bete ki jagah aur koi le nahi sakta...!!! par mujhe toh mera beta...mil gaya...!!! aur Naina se kahna...agar us ne mujhe jyada tang ki...toh main apne bete ke paas chali jayungi... Maj Rajveer ke ankhon me halke se anshun the toh honthon par ek mushkaan bhi... unhone hug kiya Meera jee ko... ****************** 20:30 hrs... Naina thoda udaas baithi hui thi...lawn me... Alekh us ke paas hi baitha hua tha... Alekh:-"iss se jyada pakao...kaam aaj tak apun ne lyf me nahi kiya hai... paas hi Huda...tahal raha tha...phir voh bola:-"haan yaar...kab se yeh aise hi baithi hui hai aur hum bhi is ke sath pakk rahe hain...!!! yeh Rajveer sir kahan reh gaye...kam se kam voh hote, toh hum pakkne se toh bach hi jate na...!!!" Naina ne gusse me kaha:-"maine tumhe kaha hai yahan mere paas baithne ke liye...??? aur agar tum dono yahan se do min me nahi uthe toh mujh se bura koi nahi hoga...!!!" Naina ne gusse se un dono ki taraf dekhte hue kaha... Huda:-"thand rakh kudiye...aur soch...agar Rajveer sir ko pata chalega...toh voh humain zinda dafna denge... Naina:-"aur agar tum dono abhi isi waqt yahan se nahi gaye toh main tumhe maar kar dafna dungi...samjhe... Alekh utha apni jagah se aur bola:-"chal Huda...hum chalte hain...!!! bhalai ka toh zamana hi nahi raha...kisi ki madat karne jayo...toh voh ulta hum pe chadhti hai...!!! aage yeh jane aur is ke Rajveer sir... itna keh kar voh Huda ko vahan se khinch kar le kar chala gaya...Huda ne Alekh se kaha:-"use is tarah se akele chod kar jana sahi hoga kya...???? Alekh ne ek taraf ishara karte hue bola:-"udhar dekh... Naina ne un ki taraf dekha bhi nahi...voh ab tak upset thi ke us ke parents itni jaldi chale gaye the...!!! achnak us ke samne Amul chochlate pakde ek hath samne aaya... Naina ne apne side me dekha toh Maj Rajveer khade the...as usall un ke face par ek halki si...cute si smile thi...!!! jise dekhna Naina ko hamesha achha lagta hai... Naina ke chehre par ek halki si smile aayi...phir bhi us ka chehra udaas tha... Naina:-"yeh chochlate kis khushi me... Maj Rajveer ne Naina ko voh chochlate dete hue kaha:-" 'A Gift For Someone You Love'...yehi jingle aata hai na...is chochlate ke commercial add par... Naina voh chochlate liya un ke hath se phir dhire se kaha:-"main unhe baht miss karr rahi hun...!!! " Maj Rajveer ne Naina ke hath se voh chochlate liya aur Naina ko ek piece khilate hue kaha:- "vaise jane se pahle unhone mujhe hum dono ke bare me kuch kaha... Naina thodi si hairan hui...phir kaha:-"kya kaha...???" Maj Rajveer:-"well...kuch khaash baat toh kari, unhone ne mere sath...par...pahle hum dono dinner kar lete hain...phir baat karenge...okay...!!!" Maj Rajveer apni jagah se uthte hue kaha...!!! Naina bhi un ke sath sath uthi...par Maj Rajveer ka hath thaam kar kaha:- "nahi...mujhe abhi sunn na hai ke..unhone kya kaha...!!!" Maj Rajveer mushkurate hue kaha:-"yaar...mujhe badi zoron ki bhuk lagi hai...pahle dinner kar lete hain..phir batata hun na...!!! ab dekho...dinner ke liye sabhi log jane bhi lage hain...!!! chalo plz... Naina:-"par... Maj Rajveer:-"Naina...chalo plz...pahle dinner karte hain phir batayunga...!!! aur vaise bhi...tum ne kya kasamm kha rakhi hai ke...main jo bhi kahunga...tum mujhe zabardasti us ka ulta karwayogi...!!!" Naina abhi unhe ajeeb si nazar se dekh rahi thi...thoda sa muh bhi phula rakha tha us ne...bachhon ki tarah... Maj Rajveer us ka hath thaam kar cafeteria ki taraf le gaye... kareeb 15 min ke baad jab Maj Rajveer ka dinner khatam hua,toh unhone dekha Naina...apne frnds ke bich baith kar unhe hi ghur rahi thi...!!! obvious tha...voh kafi curious thi yeh jann ne ke liye ke us ke parents ne Maj Rajveer se kya baat ki... Maj Rajveer ko hassi aa gayi...!!! phir bhi unhone Naina ko ignore kar ke...Shalini se baat kar ne lage the...!!! Naina apne frnds ke sath ek aur table par baithi hui thi...aur Maj Rajveer...Shalini aur apne kuch aur seniors ke sath baithe hue the... phir sabhi jab uth kar gaye...toh Maj Rajveer bhi un ke sath the...!!! Naina ka sabar ab jawab de raha tha...!!! voh thoda gusse me bhi lagi...!!! bina kuch kahe kisi se...voh jane lagi apne qtr ki taraf...!!! Huda us ke sath janewala tha...Naina ne gusse me us ki taraf dekha...aur...FORK...dikha kar kaha:- "koi agar mere sath aaya na...toh us k gale me itne ched kar dungi ki zindagi bhar use gale se pani pina padega...!!!" Huda darr ke apni chair par baith gaya...aur Alekh ki taraf dekh kar bola:- "ise kya ho gaya yaar...???" Alekh:- "kuch nahi...pyar her inshan ko khatarnaak bana deta hai aur yeh toh teri juban se Phulan hai...soch agar Rajveer sir ke pyar ka rang chadha hai...toh kitni khatarnaak ban sakti hai...!!!" Huda ne Naina ko jate hue dekh kar kaha:-"haan...phir toh Naina ek dam 'khun bhari maang' ki Rekha lagegi...yaar... Naina...vahan se gusse se chali gayi... Huda ne lekh ki taraf dekh kar kaha:-"main dekh kar aata hun... Alekh:-"koi jarurat nahi...voh dekh...Rajveer sir...darwaze ke paas hi khade hain...!!! kuch lafda hua hoga in dono ke bich...aur Naina un par gussa hai...!!! toh unhe apne type ka slow motion romance karne de...aur agar phir bhi tujhe aaj subah ka mukka phir se khani hai toh tu ja sakta hai... ****************** Naina gusse me apne qtr ki taraf ja rahi thi...tabhi us ne mehshush kiya ke koi usi ki speed se us ke sath chal raha hai...us ne turn kar ke dekha...Maj Rajveer hi the... Naina ne gusse me kaha:-"mujhe kuch nahi sunn na hai abhi...!!!" Maj Rajveer ne hasste hue kaha:-"par yeh baat toh tumhe sunn ni hi hogi Naina... Naina ne gusse me apne qtr ke paas gayi toh Maj Rajveer ne us ka hath thaam kar apne kareeb late hue kaha:-"agar yeh baat kisi ko pata chalegi toh batayo...kya sochega tumhare bare me... Naina kuch samjhi nahi...voh unhe yun ghur rahi thi jaise...abhi voh kuch foddne wali ho... Maj Rajveer ne hasste hue kaha:-"Naina tum cafeteria se FORK chura ke le aayi ho... Naina ne hairani se apne hath me dekha...'haan...us ke hath me tha fork...Huda ko threat karte hue us ne pakda tha...aur use yaad bhi nahi hai aur voh use hath me pakde chali aayi thi...' Maj Rajveer ne us ke hath se fork liya...aur kaha:- "main jate waqt de dunga vahan aur keh dunga ke bahar pada hua tha...thik hai... Naina ab bhi kuch nahi kah rahi thi...bass nazar nichi thi us ki...ab bhi naraz thi voh Maj Rajveer se...'unhe pata hai ke voh Maj Rajveer aur apne parents ke relation ko le kar kitni worried rehti hai...phir bhi voh us ke sath mazak karr rahe the...' Maj Rajveer ne Naina ke hath se qtr ki chabi li...aur door khola...ander aaye...Naina abhi bhi bahar khadi thi... Maj Rajveer ander se bole:-"ander aa jayo Naina...!!! bahar baht thand hai...aur ise apna hi ghar samjho... Naina ne unhe phir se ghura...phir bhi ander aa gayi... Maj Rajveer ne door band kiya...aur turn kar ke dekha...naina chup chap khadi thi ek jagah par... Maj Rajveer us ke kareeb aaye...Naina ko apne kareeb thoda late hue ..us ke chehre ki taraf kafi pyar se dekha unhone...un ke face par abhi tak vohi smile thi... kuch der baad Naina bhi resist kar nahi payi...aur un ki taraf dekhte hue kaha:-"aise kyoun dekh rahe hain aap...!!! ek din me main thodi hi na badal gayi hun jo aap mujhe yun dekh rahe hain...!!!" Maj Rajveer:-"main kuch aur dekhne ki koshish karr raha tha... Naina:-"kya... Maj Rajveer ne Naina ke nose ko pinch karte hue kaha:-"kehte hain ke jin ke naak par teel hota hai...voh jyada gussewale hote hain...par tumhare naak par toh teel hai hi nahi...phir meri jaan ko mujh par hi itna gussa kyoun aata hai...!!!" Naina thoda sa hairan thi...Maj Rajveer ka use yun 'MERI JAAN' kehna sunn kar... phir thoda sar jhuka diya us ne...ek haya thi us ki nazar me...ek mushkaan thi us ke honthon par... Maj Rajveer ne halke se Naina ke forehead ko kiss karte hue kaha:-'maa-baba... humari sagai ke bare me mujh se puch rahe the...aur maine kaha... Naina ne sar utha kar un ki tarf dekha...ankhon me us ke khushi thi...chehre se pata chal raha tha ke voh kitni khush thi... Maj Rajveer ne Naina ka face apne hathon se cup karte hue dhire se kaha:- "maine 'haan' kar diya...!!! ab tumhara jawab... Naina ne kuch nahi kaha...nazrain jhuka di...aur mushkurane lagi... Maj Rajveer ne samjhi Naina ke ankahe bol...phir mushkurakar kaha:-"baht raat ho chuki hai...ab main jayun...???" Naina ne mushkurate hue 'HAAN' kaha... Maj Rajveer jane lage...door ke paa ruke aur phir turn kiya toh dekha...Naina thodi dur par khadi unhe dekh rahi thi...!!! Maj Rajveer ne apna ryt hand aage badhaya... toh Naina bhaag kar aayi un ke kareeb...aur un ke seene se lagte hue kaha:-"mujhe us din ka be-sabri se intezaar hoga...jis din main aap se puri tarah se judd jayungi...!!! aur humain duniya ki koi bhi taqat kabhi bhi alag nahi kar payega...!!!" Maj Rajveer:-"voh toh abhi bhi koi nahi kar sakta Naina...!!!" unhone ne Naina ko apne se thoda alag karte hue kaha:-"koi naam ki jarurat hai ya nahi voh nahi janta...par tum hamesha se meri hi thi aur rahogi bhi meri hi...!!!haan... kuch formalities pure karne hote hain samaj ke liye...toh voh hum jaldi hi pura kar lenge...!!!" Naina ne bina kuch kahe...un ke seene par apna sar rakha... ****************** 00:00 charon taraf andhera tha...Naina apni bed par so rahi thi...honthon par us ke ek halki si mushkurahat thi...sayad sapne me us ke Rajveer sir hi the... ek saaya...us ke behad kareeb khada tha...!!! kaale kapdon me... un andhere me...us sakhsh ko pehchan na mushkil tha... us ne Naina ke kareeb se ek pillow uthya...!!! Naina ke samne thodi dur par rakha... aur apni jeb se ek chota sa gun nikala...!!! us pillow ko Naina ke samne rakhte hue us ne us gun se Naina per bullet chalai... Naina ki cheekh nilki...... us ke cheekh se...Naina ke kamre ke bahar khade kuch soilders ander darwaza tod kar ghuse...!!! pure base camp me syrun ki awaz se gunjne lagi thi...!!!Alekh aur Huda... bhaag kar Naina ki qtr ki taraf aa rahe the...!!! Naina ke qtr me pahunch kar unhone dekha...Maj Rajveer kafi khamosh khade the... end of d epi... ****************** Plz do comments OR press the LIKE button. | 
Anupamaa
290