Posted:
Episode:-8
Naina us tashveer ko apne seene se lagaye sone ki koshish kar rahi thi...par use yaad aa raha tha...kuch der pahle..us k bitaye hue voh sare pal jo us ne Rajveer k sath bitaya tha......
THODI DER PAHLE......
Naina.... Rajveer k sath us k jeep me hi army camp me aa rahi thi...!!! barshat band ho chuka tha...par puri tarah se nahi... halke halke barshat k boondain abhi bhi mausam ko gila banaye hue tha......
Rajveer distracted sa drive kar raha tha...us ki ankhen toh samne road par thi...par soch raha tha voh sayad kisi aur k bare me......
Naina apni seat par baithi...Rajveer k bare me hi soch rahi thi...!!! Rajveer k gayab ho jane k baad toh voh mature ho gayi thi...par aaj phir se Rajveer ko wapas pane k baad...voh apne aap me ek ajeeb si badlab mehsus kar rahi thi...!!! par phir bhi us ka dil use baht sare sawalon me uljha raha tha...
"kya rajveer sir mujhe dekh kar khush nahi hain...??? kya voh jaan bujh kar hum se dur the...??? aur abhi...kab se chup hi kyoun baithe hue hain...kuch bolte kyoun nahi...??? kya unhe pachtavaa hai...mujh se phir se milne k liye...??? ya phir koi aur baat hai jo main jaan nahi pa rahi hun...???"
Naina ne apni chuppi todi aur Rajveer se baat karne ki koshish ki......
Naina:- "sir ek baat puchun...???"
Rajveer ne koi jawab nahi diya...!!! Naina samajh rahi thi ki Rajveer kisi uljhan me fassa hua hai...isiliye us ne aur kuch nahi kaha...chup ho kar phir se baith gayi.......
kuch der baad achanak ek jagah par Rajveer ne jeep roki...Naina ne use hairani se dekha...aisa lag raha tha jaise Rajveer koi faishla kar chuka hai...!!! par kah nahi pa raha hai...
Naina:- "aap kuch kahna chahte ho...???"
Rajveer:- "Naina main tumhare parents se milna chahta hun...!!!! mujhe un se Naveen k liye mafi maangni hai...!!!"
Naina:- "sir...aap kyoun guilt feel kar rahe ho...??? aap ne aisa kuch bhi nahi......
Rajveer ne naina ki baat ko bich me rokte hue kaha:- "Naina...plzzz
Naina ne aage kuch bhi nahi kaha...kyoun ki voh janti hai apne Rajveer sir ko...ek baar faishla kar liya toh koi unhe rok nahi sakta...!!! isiliye Naina chup rahi...!!! apni ankhen band ki aur chup chap apne seat par sar rakha......
Rajveer ne apna hath aage badhaya...Naina k chehre par bikhre hue baalon ko samet ne k liye...!!! par ander se use kisi ne rokk liya...us ne apne hath wapas khinch liye...aur drive karne laga...
Naina dil hi dil me apne aap se kah rahi thi......
"plz sir...ek baar...apne har ek dard ko...ghum ko... anshuyon ko mere naseeb me aane dijiye...main is baar apne naseeb ko aap se alag nahi karungi...!!! chahe kuch bhi ho jaye...kitna bhi dard kyoun na mile...main aap ka sath kabhi nahi chodungi...chahe is k liye mujhe koi bhi keemat kyoun na chukani padd jaye...!!! hamesha aap ne mari mushkurahat k bare me socha...meri khushiyon k bare me socha...kabhi yeh nahi socha ki meri khushi se aap ko taklif ho sakti hai...!!! aaj meri baari hai...aap ki har ek khushi... main aap k zindagi me wapas layungi...!!! plz sir...ek baar...mujhe apne ghum me samil kijiye......
Rajveer ne ek jagah par jeep phir se roki...Naina ne ankhen khol kar dekha...aage baht bheed jami hui hai...kai sari gadiyaan rashte me fassi hui hain...sayad aage koi accident ho gaya tha......
Rajveer:- "main dekh kar aata hun ki kya hua hai...!!!"
Rajveer ne Naina se itna kaha aur bahar chala gaya...!!! aage ja kar us ne dekha ki ek baht bada paid rashte k bichon bich gira hua hai...jise hataya nahi ja pa raha hai...!!! isiliye kuch log use kaat kar rashta saaf karr rahe hain...puchne par use pata chala ki aur kareeb 3 ghanta lag sakta hai......
Rajveer...jeep k paas wapas aa gaya...aur dekha ki Naina pani jagah par nahi thi...!!! Rajveer thoda dara......!!! Naina ko dhudhne k liye us ne idhar udhar dekha...par Naina kahin bhi nazar nahi aa rahi thi.......
road k side par jungle tha...aur ek DANGER ka board bhi...!!! kyoun ki aage ek baht badi khaaii thi...!!!
Rajveer us jungle k ander gaya...idhar udhar dekhne laga...use kahin bhi Naina nazar nahi aa rahi thi......
Rajveer:- "Naina...plz...kahan ho samne aayo...darr lagg raha hai...phir se...ki kahin main tumhe...
achank us ki nazar padi...us khaaii k paas Naina khadi thi...baht kareeb aur us khaaii k ander jhaank rahi thi...
Rajveer bhaag kar us k kareeb gaya... kafi gusse me zor se kaha:- "kya karr rahi ho yahan par...??? tumhe pata hai main kitna darr gaya tha...???"
achanak Rajveer k zor se bolne par Naina chaunk kar turn kiya...par us ka pair fishalta...us se pahle Rajveer ne use khinch kar apne kareeb le aaya...Naina ka chehra Rajveer k seene takraya......
Rajveer ne kafi tightly Naina ko apne seene se laga rakha tha......dhire se us ne kaha:- "kyoun...mujhe maarna chati ho...??? kya ek pal k liye bhi jeene nahi dogi...??? kya milta hai tumhe baar baar mujhe chot pahuncha kar...???"
Naina ne apna chehra Rajveer k seene se alag kiya...Rajveer k chehre ko dekhte hue dhire se kaha:- "main bass yeh dekhne aayi thi ki yeh khaai kitni gahri hai...!!! aur yakeen maniye sir...yeh khaaii sach me baht gahri hai...!!!"
Rajveer k chehre par ek smile aayi...us ne kaha:- "Naveen sahi kahta tha ki us ki bahn pagal hai...!!!"
Naina:- "bhaiyaa mujhe pagal kahte the...???"
Rajveer:- "haan...kahta tha tum puri pagal nahi ho...bal k adhi pagal ho...aur jo adhe pagal hote hain voh pure pagal se jyada khatarnaak hote hain...!!!"
Naina:- :bhaiyaa...mere bare me baat karte the...???"
Rajveer:- "haan...kabhi tumhara naam nahi liya us ne...!!! voh tumhe GUDIYA kahta tha na...???"
Naina k zubaan se koi bol toh nahi nikle...par ankhon me halke se anshun nikle...us ne mushkurate hue 'HAAN' me apna sar hilaya...
(p.s:- mujhe khud yaad nahi hai ki Naveen...Naina ko kya kahta tha...isiliye maine GUDIA...likh diya hai...plz guys...adjust kar lena😃)
Rajveer ne mehsus kiya ki...chahe kuch bhi ho jaye Naina...Naveen k ghum ko zindagi bhar bhul nahi payegi... aur use yeh ghum dene me voh khud bhi zimmedar hai......
Rajveer ko chup dekh kar Naina ne kaha:- "sir...wapas jeep me chalain...!!! yeh barish badi ajeeb tarike se ho rahi hai...aur mujhe thand lagne lagi hai...!!!"
Rajveer ne kuch nahi kaha aur chup chap chalne laga...... Naina us k piche hi aa rahi thi...ek jagah par Rajveer ruka aur turn kar k Naina ko dekh kar kaha:- "tum aage chalo...main tumhare piche aata hun...!!!"
Naina hairaan toh hui...par bina koi sawal kiye chup chap chalne lagi...phir Naina ruki...Rajveer ki taraf dekha...
Rajveer:- "kya hua...???"
Naina:- "sath me chalain...???"
Rajveer mushkuraya...dono sath me chalne lage...ek dushre k kareeb...!!! sath me yeh ehsaas lete hue ki jab tak voh dono ek dushre k sath hain...ek dushre ko har ek khushi dene ki koshish karenge...
thodi der baad...jeep k piche ki seat par Naina aur Rajveer dono ankhen band kar k baithe hue the...!!! Rajveer kafi thaka hua lag raha tha......
Naina ne achanak pucha:- "sir...ek baat puchun...???"
Rajveer usi tarah se apni ankhen band kiye hue kaha:- "nahi...???"
Naina ne muh bigadte hue...aur kuch nahi kaha...aur chup chap baith gayi...!!! Rajveer ne apni ankhen kholi...aur Naina ko dekha...us k fule hue muh ko dekh kar use hassi aa gayi...
Rajveer:- "Naina...apna muh dekho...ful kar kitna bada ho gaya hai...!!! koi tumhe dekhega toh yakeen hi nahi karega ki tum ek army officer ho...abhi bhi bachhon jaisi react karti ho...!!!"
Naina:- "main bachhi nahi hun...i m Lft Naina...ahh...singh Ahluwalia..!!! aur maine muh isiliye banaya hai...kyoun ki aap meri bataon ka jawab nahi de rahe ho...!!!"
Rajveer:- "main jawab dunga bhi nahi...!!!"
Naina:- "kyoun......???"
Rajveer:- "kya kyoun...??? ab tum meri stnd nahi rahi...ab tum meri klg ho...aur abhi hum dono duty par nahi hai...!!! kam se kam tum mujhe kuch aur kah sakti ho...kab se 'sir sir' ka ratt lagaya hua hai...!!!"
Naina:- "aur kya kahun...???"
Rajveer:- "Rajveer...ya phir Raj...kuch bhi...jo tumhe achha lage...!!!"
Naina:- "mushkil hai...
Rajveer:- "par na-mumkin nahi...!!! ek baar try toh karo...!!!"
Naina:- "thik hai...main try karti hun...
Rajveer ne dil hi dil me kaha:- "yeh toh aise kah rahi hai jaise maine 100 kilo ka saaman is k kandhe par daal diya ho...!!!"
Naina ne bhi dil hi dil me kaha:- "yeh itna asaan hai kya...??? achanak se main naam le kar kaise pukarun....???"
Naina ne pahle apna gala saaf kiya:- "ahem...ahem...ahh...sir....aah...nahi...aah...Rajveer... ahh...main ek sawal puchun...???"
Rajveer ne mushkuraya aur kaha:- "haan...ab puch sakti ho...!!!"
Naina:- "aap us accident se kaise bache...aur hum kaise nahi jaan paye...??? aur aap par itne sare ilzaam lage hue the...us se kaise bari hue...??? kis ne aap ki help ki...??? aur hum sab kaise jaan nahi paye...aur aap achanak Major kaise bann gaye...??? phir hum me se kisi ko contact kyoun nahi kiya...??? kamm se kamm ek baar mujhe kyoun nahi kiya...??? aur...
Rajveer:- "Naina...Naina...Naian...plz chup ho jayo...!!! tum bilkul bhi nahi badli...abhi bhi kitne sawal karti ho tum...???"
Naina:- "kyoun ki mujhe hamesha se pata hota tha ki aap mere har ek sawal ka jawab jante ho...aur aaj bhi main janti hun ki mere har ek sawal ka jawab aap k paas hai...!!!"
Rajveer:- "batayunga...tumhe sab kuch batayunga...lekin tab...jab tum sabb sath me hoge...matlab...Huda, Alekh, Pooja, Ali, Yudi...sabhi...!!!"
Naina:- "aap ko pata hai ki voh sabb bhi J&K me posted hain...???"
Rajveer:- "tum sab k official papers par maine hi toh sign kiya hai...!!! tum jab monday ko report karogi tab...us paper me mera signature dekh lena...!!!"
(p.s:- see...aaj saterday hai...aur monday se pahle sunday hai...toh ek din ki chutti hai...aur maine abhi tak kuch bhi nahi socha hai ki RN k bich kya karun...!!! aur agar aap sab ko mujh par yakeen na aaye toh bhi main nahi batayungi ki main kya karnewali hun ya phir kar chuki hun...he😆 he😆 he😆...)
Rajveer:- "Naina...mera ek kaam karogi...???"
Naina:- "kahiye na si...(voh sir kahnewali thi...par apne aap ko rok liya yeh soch kar ki 'koi naam le kar bulati hi nahi hun...sir bulati hun toh unhe prob hota hai aur kuch aur main bula nahi pa rahi hun...ajeeb sa lagta hai...thoda waqt toh lagega hi na')
Rajveer Naina ki uljahan samajh raha tha......us ne mushkuraya...aur kaha:- "jab tak main tumhare doston k samne khud nahi aata...tab tak tum unhe mere bare me kuch nahi kahogi...!!!"
Naina:- "kyoun...???"
Rajveer:- "akhir tumhare dost hain...??? mere zinda hone par tumhara reaction dekh chuka hun...ab voh sab tumhare dost hain toh tum se bhi bada reaction denge...use sambhalne k liye mujhe kuch na kuch toh karna hi padega na...!!! tum samajh rahi ho na...ki main kya kah raha hun...???"
Naina ek obedient student ki tarah sab kuch samjhne ki tarah 'haan' me sarr hilaya......
Rajveer...Naina k is ada se hamesha se kayal tha...ek masumiyat us k chehre par hamesha jhalakti thi...aur Rajveer us mashumiyat ko hamesha apne dil me kaid kark k rakhna chahta tha...!!!
is baar voh apne aap par kabu nahi kar paya...apna hath aage badhya...aur Naina k chehre se us k bikhre hue balon ko sameta aur dhire se us k cheek ko touch kiya...Naina... hairan hui...par mushkurayi...!!! Rajveer khud hairan hua ki us ne aisa kyoun kiya...us ne phir se apni ankhen band kar li......
Naina kuch pal tak aise hi Rajveer ko dekhti rahi......
FLASHBACK......
Shalini:- "yeh aap kya kah rahe ho Major...aap camp kyoun chod kar jana chahte ho...???"
Rajveer:- "Shalini...main camp chod kar ja raha hun...apni job nahi...!!! Shalini tum samajh nahi rahi ho...un me se kisi ko bhi pata nahi chalna chahiye ki main zinda hun...!!! aur hum sab ki safety k liye hum ek dushre s na hi mile toh hi achha hai...!!! tum toh janti ho na sab kuch phir bhi...
Shalini:- "haan...janti hun...par is tarah se aap un logon se bhaag rahe ho...jo aap se pyar karte hain...!!! ek sipahi ho kar aap bhaag rahe ho Major...!!! duniya me aise baht kamm log hote hain jo hum se sachha pyar karte hain...aur aap k cadets toh aap k naam ki kasamm khaya karte hain...Major...!!! un se un ki khushi mat cheeniye...!!! ek ghutan k sath sabhi jee rahe hain ki aap ki maut ki ek wajah voh hain...!!! Naina k bare me kabhi socha hai aap ne...??? pahle us ne apne bhai ko khoya...aur us k baad us insaan ko...jis par voh sab se jyada trust karti thi...apne zindagi ka hissa manti thi...!!! aap nahi the Major...par maine dekha hai...use... pal pal use tut te hue...bikharte hue...!!! us k dost use sahara toh dete the...par is guilt k sath ki 'jab kabhi bhi hum par koi mushibat aayi toh Rajveer sir ne humain bachaya...par jab unhe hamare madat ki jarurat padi...tab hum un k liye kuch nahi kar paye'...!!! isi guilt k sath aaj tak...voh sabhi jee rahe hain...major...!!! aap kya chahte ho major...ki aap k student sirf bahar se strong bane...aur ander se vaise hi tute rahe...ghutan k sath...jeete rahen...!!!! thik hai... aap ki jo marzi aaye kijiye...lekin main aap ka sath nahi dungi...!!! aur main un sab ko aap k bare me sab kuch bata dungi...!!!"
Shalini gusse me Rajveer k room se jane lagi......
Rajveer bhaag kar us k samne aayaa:- "Shalini ruko...
Shalini:- "hadh hoti hai Major...zidd ki...!!!kya hamesha aap apni manmani karte rahenge...??? aap ne aap ko 'mahan' banana band kijiye...aap bhi ek 'aam insaan' hain...aur aap se bhi galati ho sakti hai...!!! ur aap jo un sab k aane ki khabar sunn kar apni posting dushri jagah par karwane k bare me soch rahe hain na...yeh aap apni zindagi ka sab se bada bhul karne ja rahe hain...!!!"
Shalini gusse me jane lagi toh Rajveer ne us ka hath pakad kar use roka:-" mujhe kuch kahne ka muaka dogi...ya aur bhi kuch sunana baki hai...!!!"
Shalini chup chap khadi rahi......
Rajveer thodi der chup raha aur phir kaha:- "tum sahi kah rahi ho...main ek 'aam insaan' hun...aur ab tum mujhe 'real aam (mango)' ki tarah nichod kar juice nikalna band karogi plz...!!!"
Shalini thoda embarrassed feel kar rahi thi...kuch der pahle us ne kya kya kah diya tha Rajveer ko...!!! Rajveer ko mushkuraya aur kahne laga......
Rajveer:-"mujhe bhi apni zindagi ko ek aur mauka dena chahiye Shalini...main kahin nahi ja raha hun...!!!"
Shalini mushkurayi...
FLASHBACK OVER......
Shalini ki baat yaad aayi toh Rajveer ki honthon par ek mushkurahat aayi......
Naina ne dekha...Rajveer ki ankhen band thi par chehre par ek mushkurahat thi......
Naina ne khud se kaha:- "ab yeh kis k bare me soch kar hass rahe hain...???"
Naina tensed nazar aa rahi thi...aur bass Rajveer ko hi dekhe ja rahi thi......
Rajveer ne apni ankhen kholi toh naina ko use dekhte hue paya...voh tensed lag rahi thi......
Rajveer:- "kya hua...???
Naina:- "hun...kuch nahi...!!! aap kya soch kar mushkura rahe the...???"
Rajveer:- "haan...voh...khair...jaane do......
Naina ne phir se khud ko kaha:- "sir mujhe batana kyoun nahi chahte...ki kis k bare me soch rahe the...??? kahin un k lyf me koi aur....!!! nahi main negative kyoun soch rahi hun...??? sab thik hoga...
Rajveer:- "hun...tum ne kuch kaha...???"
Naina:- "haan...ahh...nahi...
Rajveer:- "Naina kaho kya baat hai...??? tum itni tensed kyoun lag rahi ho...???"
Naina:- "voh...mujhe bhuk lagi hai...!!!"
end of d epi......
<<<<<<<<<<<<<<<<>>>>>>>>>>>>>>>>>
finally ud ho gaya...ab galiyaan dena band karo...ud agar bura lage toh Mana ko galiyaan dena...kyoun ki risk us ne liya hai...aur agar achha lage toh tarif meri karna...kyoun ki dimag maine lagaya hai...😆 😆 😆 😆 😆 😆
😃n now plz do comments or press d LIKE button😃
Celebrity Fan Clubs
290