FF:Yeh Zindagi..Part 12 Page 19 16/02/10 - Page 8

Originally posted by: saba_saiel

wow ananya, fabulous again,==Thanks.. I didn't know that all of a sudden marriage will get fixed, ==Even I didn't know..😆and Raj is such a nautanki, he was behaving as if he's equally unhappy for this marriage whereas God Knows how happy he is, ==Yes..Raj should be an nautanki hero...but kranti and escaping, kya larki hain, I hope shaadi achche se hojaye, this totally rocks, ==Hmm..Kranti bhagegi zaroor...😉waiting for the next part.....

Originally posted by: Dawn Idol

Great part Ananya ............

I didn't expect ki shadi ke baat itni jaldi hogi ..........==Mujhe bhi nahi pata tha..

But still ... good twist .......==Thanks..

You know I like the fact that though Raj is eager to marry he's worried about her reaction and wants to know her POV ...........==Raj is a sensible man..

Now Kranti is refusing to get married ....I eager to se Raj's reaction ......==Kranti bhaagegi zaroor..😉

Good going ..... Keep it up ........

Originally posted by: netu19

n one more thing i m happy that you plan to continue your FFs even if they stop MRD....its close to your heart... so is to ours....
we love it....

PART 7

Shaadi toh hui..Kranti ko yeh shaadi karni hi padi..usne bahut kuchh socha tha..shaadi k din bahut bada bawandar aayega..pura Lahore us bawandar me udh jaayega..yaa fir bahut bada dhamaka hoga,uske shaadi mandap me..yaa fir ussi din usko koi sakht bimaari ho jaaye..jab woh mandap me baithi ho tab uske muh se khoon nikalna shuru ho jaaye.. kisi bhi tarha uske dil se khoon nikalna shuru ho..woh mar jaaye..kuchh bhi ho,par Rajveer se uski shaadi naa ho paaye..usko shaadi karni hi nahi hai..usko Lahore me nahi rehna. Usko Amritsar jaana hai..Rajveer se shaadi ka matlab hai pairon me janzeer ..aur haathon me bedian..nahi aisa nahi ho sakta.Kranti ne har woh mumkin baat sochi jisse woh is shaadi se bach sake..aur bhaag sake..par aisa hua nahi..shaadi hui.

Mandap me Kranti booth ban kar baithi thi..jaise in rasmon ko woh khud nahi nibha rahi hai..uska sharir toh issi mandap me hai..par uska mann yehan se bahut door jaa chuka hai..Amritsar.Rajveer usko kabhi jaane nahi dega wahan par..Kranti ko Lahore k ek haveli me kaid ho kar rehna hoga.Humesha k lia.Rajveer jab Kranti k gale me mangalsutra pehna raha tha tab usne dekha uska chehra..Rajveer samajh gaya..Kranti ko zara bhi khushi nahi hai..par ab kar bhi kyaa sakte hain..shaadi beech me toh rook nahi sakti.Shaadi puri hui.

Bidaai k waqt..Kranti ro rahi thi..Mamajee aur Mami se gale mili..Nirmal bhi ussi waqt vida ho rahi thi..Kranti ko dekh kar lag raha hai k usko umar kaid ki saza sunai jaa rahi hai.Uski aankhe apne Sohan Taujee ko dhoondh rahi thi..par woh toh aa nahi sakte..woh toh jail me hain.

******************************

Laal house me Kranti ka swaagat kia gaya..bahut dhoom machi hai..Chhoti Bahu jo aai hai.Kranti ne Saroj ko dekha..Saroj toh daur kar uske paas aai..woh baaraat me shaamil nahi ho paai thi..usko bukhaar ho gaya tha achanak..par ab woh aai hai,Kranti se gale mili woh..boli,"Aap ne jab isteefa dia tab bahut bura laga tha..par ab toh aap itne kareeb rahengi..main bahut khush hoon.."

Kranti kyaa kahegi samajh me nahi aaya..usne choop rehna hi behtar samjha..achanak uski nazar padi bheed me chhoopi ek chehre ki taraf..uska chehra dhaka hi tha..par Kranti pehchaanti hai woh chehra..woh Shubhankar ka chehra tha..Kranti soch me pad gayi..yeh yehan par kyon aaya hai?

Kranti ko Rajveer k kamre me le gayi auratein..Rajveer baahar baithe logon se baat kar raha tha.Kal shaam ko is ghar me jashan hai..Bahu ki aane ki khushi me jashan hai.. mehmaan aadhe aadhe bat naa jaaye issi lia..Sanjay k ghar me jashan ek din baad hoga.. Kal Sanjay aur Nirmal bhi honge Kranti k Sasooral me..aur parso Kranti bhi jaayegi Nirmal k Sasooral.

*****************************

Kranti apna shaadi ka joda utaar rahi thi..raat ho chuki thi..gahne utaar kar kapde badal kar sone ki taiyyari kar rahi thi Kranti.Duniya bhar k logon par Kranti ko gussa aa raha hai.. aur sara gussa jaa kar jama hua Rajveer k lia.Agar woh aisi chaal naa chalta toh aaj Kranti kahin aur hi hoti,uske apne shaher..apne ghar..par ab uske pairon me bhi janzeer pad gayi..Rajveer ko koi aur nahi mili?Aise kaise uske gharwalon ne Kranti ko pasand kar lia?Bina Rajveer k koshish k yeh kaam nahi ho sakta.Kranti ne tai kia tha k kabhi woh shaadi nahi karegi..ab Kranti ko bura lag raha hai.Sohan Taujee ne kaha tha shaadi karne ko.. Shubhankar se..par Kranti ne tab inkaar kar dia..Kranti ne shaadi ki..uski shaadi hui..par aise ek insaan se jiske saath uski soch nahi milti..jo angrezon k lia kaam karta hai..jiska pura khandan angrezon ki wafadaari me laga hua hai..Taujee se kyaa kahegi?Aur Shubhankar..woh kyaa sochega?Usko toh yehi lagega k Kranti ko raees gharane ki Bahu banne me dilchasbi thi..issi lia ek England returned Barrister se shaadi ki usne jo Krantikarion k khilaaf case ladta hai.Shubhankar dost tha..aaj achanak Kranti ko bura lag raha hai..apne Taujee aur apne dost ka dil dukha dia usne..Rajveer..woh dost toh nahi.. dushman hai yaa nahi malum nahi..par woh ab Kranti ka Pati hai.Apne khayaalon me Kranti ghoom ho chuki thi..achanak khidki se kuchh kamre k andar aaya..ek kagaz ka tookda tha..Kranti ne dekha..Sohan Taujee ne bheja hai..unhone hi likha hai yeh khat.

"Puttar..main jail se bhaag chuka hoon..yeh khabar baahar nahi faili hai..par kal yaa parso aa jaayegi baahar..main soch raha tha k pahle main Rawalpindi jaaoon..par nahi.. Shubhankar se pata chala..teri shaadi bahut dhoom dhaam se hui..main khush hoon..par dukh is baat ka hai k main khud nahi aa paaya.Aaj raat ko hi main Amritsar chala jaaoonga..kal subha main nikal jaaoonga Lucknow ki taraf..aur haan..mere baare me koi bhi ulti seedhi khabar par yakeen kar k pareshaan naa hona..logon k saamne zaheer karegi toh tu musibat me fansegi.. meri bachchi..ek pal k lia mujhe bura laga tha k teri shaadi us Barrister se hui..par nahi woh ghar tere lia mehfooz hai..tu khush rehna.. gharwalon ko khush rakhna..mera ashirwad humesha tere saath hai..rab tera bhala kare.. aur khat ko padh kar jala dena.."

Kranti ne khat jala dia..Sohan Taujee nikal chuke hain jail se..Amritsar jaayenge..fir Lucknow..yehan ki Police kuchh nahi kar paayegi..toh woh Shubhankar hi tha..Kranti ne pehchanne me ghalati nahi ki.Sohan Taujee ko koi pareshaani nahi hai Rajveer se..aur ab jab Sohan Taujee yehan nahi hain..toh Rajveer bhi kuchh nahi karega..par Kranti yehan reh kar kyaa karegi?Is parivar me koi apna nahi lagta..kaash Kranti Calcutta jaa paati..yaa fir Amritsar..

******************************

Shubhankar ne Kranti ko Rajveer k saath dekha..bachpan se le kar Shubhankar ne Kranti ko dulhan k roop me apne saath hi dekha tha..aaj achanak se ek ajnabee Kranti k paas hai..Kranti ka Pati hai..yeh baat Shubhankar hazam nahi kar paaya..ek pal me Kranti itni parai ho jaayegi Shubhankar ne nahi socha tha.Shubhankar jaanta tha k Mama Mami k sahare jo ladki rehti hai uske lia khud faisla karna ek had tak mushkil hi hai..par Kranti baakion se alag hai..usne is faisle k saamne kaise apna sar jhoonka lia Shubhankar samajh nahi paaya..upar se aisa parivar jo angrezon ka wafadar hai.Kahi agar pata chal gaya inko k Raunak Randhawa aur koi nahi Kranti khud hai..tab kyaa hoga?Kahin yeh Barrister Laal ne Kranti ko Police k hawale kar dia toh?Tab kyaa hoga?Kya Rajveer jaanta hai Kranti k baare me pura sach?Yeh Rajveer ki saazish toh nahi..k Kranti k zarie baakion tak pahoochna?Prem Babu ka press Rajveer ne chheen lia..Kranti k saath pata nahi kyaa karega..Shubhankar ko shak hua..shuru se shak tha..itni jaldi shaadi hui..Shubhankar ka shak aur gehra hota jaa raha hai.Sohan Singh k khilaaf bhale hi Rajveer Laal nahi lada.. ho sakta hai andar hi andar Rajveer is case me kaam kar raha tha.Shubhankar k dost usko chidhate the humesha..Kranti ko le kar..Kranti jab padhne k lia Calcutta gayi..tab kisi na kisi bahane se Shubhankar saal k do yaa teen maheene Calcutta me rehta tha..Kranti aur Shubhankar ki jodi kitni achhi lagegi yeh baat kai baar sun chuka hai Shubhankar..mann hi mann khush bhi hota tha..par aaj uske sapno ka mahel is tarha toot gaya..Shubhankar ko dukh toh bahut hua.Zyada toh nahi maanga tha Shubhankar ne zindagi se..is zindagi me Kranti ka saath zindagi bhar k lia mile..bas ..yehi kaafi tha..par ek dum se haath chhoot gaya ..bura toh lag raha hai..

Jis pal Shubhankar ne Rajveer aur Kranti ko saath me dekha..us pal,Shubhankar bhi maan gaya..k Kranti ki jodi agar kisike saath sajti hai..toh woh Rajveer hi hai.Aur koi nahi.. Shubhankar bhi nahi.Kismat ko yehi manzoor tha.Shubhankar ne apne dil ko samjha lia. Rajveer har lihaaz me kaabil hai..Shubhankar se zyada kaabil hai.Kranti k dil par kabhi kaboo nahi kar paaya..shaayad Rajveer me woh taakat hai.Ho sakta hai Rajveer angrezon k lia kaam karta hai..par bande me dum hai.Shubhankar ne dekha Rajveer ko..England se padh kar aaya hai..koi toh baat hogi.Yeh Rajveer ki nasamjhi hai k woh angrezon k lia kaam karta hai..par woh koi paap nahi kar raha hai..apne khushhaali k lia har koi koshish karta hai.Duniya aisi hi hai.Shubhankar ne har tarha apne dil ko samjhaya..

Par agar yeh Rajveer dhokhebaaz nikla toh?Agar sach me isne Kranti ka istemal kia toh?Kranti bardasht kaise karegi?Umar se zyada ghum dekhe hai us ladki ne..agar uske Pati ne usko dhokha dia..tab kyaa karegi?kaise sahegi?Shubhankar ko apne dil k tootne ka utna dard nahi hai..jitni fikar usko Kranti ki hai.Kaisi hogi Kranti ki yeh zindagi?

Pyaar me darr lagta hai..Shubhankar yeh nahi jaanta k Rajveer Kranti k baare me sab kuchh jaanta hai..Shubhankar yeh nahi jaanta k Rajveer ki yehi koshish hai..k Kranti musibat me naa fanse..issi lia Rajveer ne Kranti se shaadi ki hai.Shubhankar yeh nahi jaanta k Rajveer Kranti se pyaar karta hai.Aur shaayad Rajveer khud bhi nahi jaanta k woh khud kitna pyaar karta hai Kranti se.

*******************************

Rajveer jab kamre me aaya tab usne dekha Kranti ek kagaz ka tookda jala rahi hai.Kyaa jala rahi hai Kranti?Rajveer k mann me kai sawaal hain.Rajveer ne darwaza bandh kia.. Kranti ne dekha Rajveer ko..Rajveer ne Kranti ko dekha..shaadi ka joda nahi hai..naa hi gahne hain..Rajveer ne pagdee utaar k table par rakha,night suit pahen kar aaya bathroom se..bistar me baitha..Kranti khadi rahi ..Rajveer samajh gaya..k Kranti ka dimaag garam hai.

Raj--Baithie..

Kranti--Nahi..main yehi theek hoon..

Raj--Puri raat issi tarha khadi rehna chaahti hain aap?

Kranti--Mujhse shaadi kyon ki?

Raj is sawaal k lia taiyyar nahi tha..yeh kaisa sawaal hai?

Raj--Issi lia aap nahi baithengi?

Kranti--Haan..main nahi baithoongi..mujhse shaadi kyon ki?

Kranti ne yeh baat is tarha kahi..Rajveer ko hansi aai..woh hansne laga..

Kranti--Aap hans rahe hain?

Raj--Hansne ki baat hai..aap is shaadi se khush nahi hain?

Kranti--Nahi..main toh bhaag rahi thi..do din pahle..raat ko..Lovely ne pakad lia..Mamijee ne bahut kharikhoti sunai mujhe..

Rajveer was shocked...Kranti bhaag rahi thi!!

Raj--Aap mazak kar rahi hain..hai na?

Kranti--Nahi..main bhaag rahi thi..yeh shaadi meri marzi k khilaaf hui hai..mujhe yehan nahi rehna..

Raj--Achha..toh kahan jaana hai?

Kranti--Amritsar..mujhe yehan kaid ho kar nahi rehna..

Raj--Aap ko kisne kaid kia?Aap is ghar ki Bahu hain..meri Patni hain..aap kaid nahi hain.. aur main le chaloonga aapko Amritsar..yehan se zyada door nahi hai..aap jab kahengi.. bas ek din pahle bata dijiyega.Main court se chhutti lekar le chaloonga aapko..subha jaayenge..shaam ko ghoom fir k waapas aa jaayenge.

Kranti--Mujhe humesha k lia jaana hai..

Raj--Woh toh nahi ho sakta..ab nahi ho sakta..yeh aap ka ghar hai..aap is baat se inkaar nahi kar sakti..aur wahan par kaun hai..jiske lia jaana hai aapko?

Kranti--Shubhankar...

Raj--Kyaa?

Kranti--Shubhankar shaadi me aaya tha..maine dekha usko..bhes badal kar aaya tha..

Raj--Bhes badal kar kyon aaye the?

Kranti--Police k darr se..

Raj--Woh bhi Krantikari hain?

Kranti--Haan...

Raj--Bhes badal kar aane ki zaroorat nahi thi..main Police ko khabar nahi karta..woh saamne aate..unka bhi swaagat karte..Shubhankar ne khat bheja tha aapko?

Kranti ne kyaa socha..bataya.."Haan..ussine bheja tha..maine padh kar jala dia.."

Raj--Hmm..mujhe poochhna chahiye yaa nahi..main nahi jaanta..par main jaanna zaroor chahoonga k usne kyaa likha tha..

Kranti--Mubarak baat di usne..aur kaha k Taujee ne ashirwad bheja hai..Shubhankar jail gaya tha..unse milne..

Raj--Sohan Singh..?

Kranti--Jee haan..

Mann hi mann Raj ne Kranti ki taarif ki..kyaa baat hai..!Shubhankar k baare me sab kuchh bata dia..shaadi k pehli raat ko..darr bhi nahi laga isse..Kranti khadi hi thi..Raj ne kaha, "Pair dukhenge..baith jaaiye.."

Kranti--Nahi..mujhe nahi baithna..mujhse shaadi kyon ki?

Raj--Kyonki main aapse shaadi karna chaahta tha..gharwalon ne rishtey ki baat chalai.. maine haan keh dia..ab in sab sawaal ka kyaa matlab..aur aap bhaag kyon rahi thi?

Kranti--Mujhe shaadi nahi karni thi..

Raj--Toh aapne school me resignation kyon dia?

Kranti--Yehan se bhaagne k lia..

Raj--Mazak lagta hai aapko?Bhaag kar kahan jaati..humesha bhaagne ki baat kyon karti hain aap?Baithiye..baat karte hain..aur main aapko khaa nahi jaaoonga..pahle toh aap mujhe dekh kar khud hi meri taraf aati thi..ab kyaa hua?

Kranti--Pahle humari shaadi nahi hui thi..abhi shaadi ho gayi hai..

Raj--Haan..yehi bata raha hoon tab se..k ab humari shaadi ho gayi hai..toh saath hi rehna hai..Krantikari..jinki shaadi ho jaati hai..woh kya is tarha ki baatein karte hain...shaadi ki raat ko?Baithiye..puri raat khadi nahi reh sakti aap..raat kaafi ho chuki hai..aaiye..

Kranti--Nahi..

Raj--Theek hai..khadi rahiye..mujhe neend aa rahi hai..kal Sanjay k wahan bhi jaana hai..main so raha hoon..

Raj so gaya..Kranti khadi rahi.Aadhi raat ko Raj paani peene k lia utha..aur dekha Kranti kamre k ek kone me baith kar so gayi hai...Raj ne Kranti ko utha lia baahon me..aur bistar me leta dia..neend me Kranti Sohan Taujee ka naam le rahi thi..Raj ne mann hi mann kaha ,"Taujee na hue..dushman ho gaye..kyaa karoon?"

Baahar se chandni kamre tak aa rahi thi..Kranti k chehre par geer rahi thi..bahut khubsurat lag rahi hai Kranti..Raj Kranti k paas hi let gaya..aur usko dekhne laga..kahne laga,"Main tumse pyaar karta hoon..yeh tum jaanti ho..aur tum mujhse pyaar karti ho..yeh bhi tum jaanti ho..par dono baaton ko maanne se inkaar karti ho..par ek din aayega..jab tum maanogi..apne zuban se kahogi.."

Kissi bhi tarha Kranti k belaghaam mann ko apne kaboo me laana hai..yeh baat Raj tai kar chuka hai..par Shubhankar..itne kareeb aaya tha..par mila kyon nahi Kranti se..aur khat kaise bheja usne Kranti ko?Achanak Raj ne dekha ,Kranti neend me muskura rahi hai.. shaayad koi achha sapna dekha usne..par sapne me kya Raj uske saath hai?Dheere dheere Raj ko Kranti k zahen me..uske khayaalon me haavi hona hai..jaldbaazi nahi karni, waqt lagega..par aisa hoga zaroor..Raj ne Kranti k gaal par apne honth rakhe..Kranti k kamar ko apne baayen haath se ghera..usko aur kareeb khinch lia usne..Kranti ki taraf se koi baghavat nahi hui..woh gehri neend me thi.

******************************

Subha Raj ki neend tooti toh dekha Kranti kamre me nahi hai..neeche gaya toh dekha Chaijee aur Buajee mil kar Kranti ko ghar k kaaide kanoon samjha rahi hain..Raj upar jaa hi raha tha..k Police station se daroga aaya..usse yeh khabar mili..k kal raat Sohan Singh jail se bhaag gaya hai..Police ko shak hai k woh Rawalpindi ki taraf gaya hai..Raj k paas jo papers hain Sohan Singh k case k..woh chahie..Raj ne Kranti ki taraf dekha..par Kranti k chehre par naa gussa tha na shak na darr..Raj ne kaha ,"Main laata hoon..aap yehi intezar kijiye.."

Awesome Ananya ............

good one dear i'm suprise ase emotial time pe bhi tumne itna achaa lika hain too good words nahi hain experss karne ke liya , Mujhe MRD ki yaad aarahi hain ab to FF ke throu hi jinda rahna pare gaa MRD koo

hey Ananya
that was dhamakedar comeback..... a long amazing update...

finally raj n kranti got married...
kranti praying for all sort of disasters to avoid marriage...😆... great start

n subhankar worried for Kranti...its very well written
coming to my fav bit....Raj n Kranti s convo..... brilliant...
stern Kranti n determined Raj.....if this the beginning Raj better be ready for tough times now.... fabolous update.....your oustanding talent proved yet again...👏

n dear dont you dare make us wait for this long for next update.....

GUD ONE.. PLEASE UPDATE NEXT PART FAST

Originally posted by: Dawn Idol

Awesome Ananya ............ ==Thanks..

I loved the whole shaadi ki raat conversation .......... Both Raj & Kranti are too good .........==Well..I wrote this part in a great hurry..😃

And Raj has fully accepted Kranti as she is and has vowed to make her fall in love with him ........... superb ..... ==Hmm..I know..😳

I could imagine the whole scene ........==Keep imagining..😆

Thanks a million ..........==Welcome..

hey anu thank god you are back dear.