The Secret Diary Of Priya Sood [OSs] | added to pg2

♤

A Page From The Secret Diary Of Priya Sood

Raat ke das baj rahe hain, aur neend rooth kar chali gayi hai. Jab se yahan aayi hoon, neend jaldi aa jaati hai, Pata bhi nahi chalta. Mr. Kapoor, ki lambi baatein shayad Maa ki lori ke jaisi kaam karti hai. Lekin aaj jab wo Delhi gaye huye hain, toh neend bhi door hai.

Ek ajeeb sa ehssas hai. Pehle, Mr.Kapoor mujhe pasand nahi thee. Unka sab theek hai naa wala attitude. Unka thodi si bhi garmi mein rumaal nikalke, AC ke baare mein complain karna. Unke bolne-karne ke dhang se bhi mujhe chid machti thi.

Lekin ab,

Sab badal hua hai. Unka wahi att-patta andaaz mujhe muskuraane pe majboor kar deta hai. Unka mujhe aise dehkna ki jaise main Hitler hoon, unhe khaa jaaungi, jis par gussa aata tha ab… acha lagta hai.

Jab shaadi ki thi, tab apne aap se ek promise kiya tha maine. Yeh sirf ek responsibility hogi, main iss shaadi ko puri tarah nibhaaungi zaroor, par isse apne dil se nahi jodungi.

Par, Ram, wo alag hain.

Wo bilkul waise nahi hai jaise maine socha thaa. Maa theek kehti hai, Ram, dil ke bahut sacche hain, andar se bahut mulaayam hai.

Choti choti cheezein unke liye bahut maaine lagti hai. Pyaar nahi karte hai, lekin bahut khyaal rakhte hai wo mera. Maa ki kami nahi mehsoos hone dete hain. Bahut hasate hain, phir chaaye uske liye kitne hi ghatiya jokes sunaane pade.

Lekin kehte hai naa,

Achhe insaano ki, log kadar nahi karte.

Unke saath bhi waisa hi hota hai yahan.

Mujhe bahut gussa aata hai jab iss garh mein koi unke zasbaaton ki kadar nahi karta. Shivina, Shubham ko best brother bulaati hai jabki wo uss ke liye Akshay se baat tak nahi karta aur wo bhai jo aadhi raat mein bhi us ke liye cupcake lene jaata hai usko muskil se ek thank you milta hai.

Nandini jii, Shubham ke liye toh choti si choti cheez kar deti hain, par Ram ke liye kuch nahi. Pyaar, Laad, Kadar sirf Shubhan ke liye, baaki sab kaam Ram kar dega.

Jab kuch chaiye toh Ram,

Par jab dene ki baari aati hai,

Tab to sab bhool jaate hain unhe.

Iss duniyaa ke kaaide mujhe nahi samaj aata. Kya hogya hai logon ki insaaniyat ko.

Sab se zyaada gussa toh mujhe Ram par aata hai. Kyun paagalon ki tarah wo baar baar unki iss family ko apne aap se pehle rakhte hain. Unko kya milta hai, dard aur nirasha ke sivaae. Maa ne bhi toh yahi kiya Mr. Sood ke liye, kyaa mila unhe? Sirf dard.

Mujhe samaj nahi aata, main kis haq se unhe kahoon ki aap chod dijiye aisi selfish family ke liye kuch bhi karna.

Humaara rishta bhi kuch alag saa hi hai.

Biwi hona itna aasan nahi hai jitna main samajti thi. Kab unka saath doon aur Kab unki bhalaai ke liye unse ladoon, samaj hii nahi aata. Dar lagta hai ki kahin main bhi toh unhe hurt na kar baithoon. Main unhe takleef nahi dena chathi.

Abhi, abhi, unka message aaya. Ek aur bekaar joke bheja hai. Subh se teesra hai. Apne naa hone ki, kasar mita rahe hain.

Uske baad ek good night message bheja hai. Koi kaise naa muskuraaye unki ulti-seedhi baaton pe.

Paagal insaan hai. Purre Paagal hai!

_____________________

Another page on pg2

A little something. Hope you liked it. Let me know if you'd like to have a peep at some more pages of Priya’s Secret Diary.

Amazing ♥️♥️♥️ subhah se teesra bad joke 😂😂😂😭😂 I hope ye secret diary ka page sab ke liye secret rahe except Ram 🤞

Waise ek secret diary Ram Kapoor ki bhi hone chahiye 🤧

Originally posted by: jd_jo

Amazing ♥️♥️♥️ subhah se teesra bad joke 😂😂😂😭😂 I hope ye secret diary ka page sab ke liye secret rahe except Ram 🤞

Waise ek secret diary Ram Kapoor ki bhi hone chahiye 🤧

😂😂

Ram ke paas patience hoga kya likhne kaa?

Originally posted by: Khidki

😂😂

Ram ke paas patience hoga kya likhne kaa?

Lol 😂😂

Haan thk hai patience ni hoga par POV toh ho skta hai na about this secret diary😝🤧

I wanna read thoda bakwas jokes 😉

I could read this is Disha’s voice. Seems exactly like something Priya would say. I love how she is concerned about him and compared him to her mother. Ram is always a cutie❤️ I loved this

Awww kitna pyaara hai yeh

This is so beautiful..Absolutely lovely...❤️

Hayyee.. this is so lovely❤️ Can totally imagine Priya writing this, and having these monologues. I wish they show Priya writing a diary at some point, it would be lovely although it would be a blatant copy of ZGH 😆

Anyways, beautifully written OS yaar ❤️❤️ do write one for Ram too! His POV would be great to read😆😳

♤

Another page

Mujhe jab bhi lagta hai ki main Mr. Kapoor ko samajhne lagi hoon, kuch naa kuch aisa ho jata hai, ki mujhe lagta hai maine unhe samajh hi nayi paayi hoon. Wo ek aisi Kavita ki tarah hai, jo samaj toh aa jaati hai, lekin sab ko sahi maaine mein samaj nahi aati.

Parties— an event that is arranged with much efforts and expenditure to show off to the world that you are happy while you are busy worrying if everyone will get the right impression of your happiness.

Yeh definition honi chaaiye party ki. Mujhe yeh concept hi samjah nahi aata. Fizul ke kharche aur sir dard.

Paanch mahine ho gaye hai, mujhe yahan pe. Phir bhi inn logon ke beech apne aap ko anjaan hi paati hoon.

Nandini ji ke liye main iss garh mein rehne waali ek aur insaan hoon. Shubham ke liye , ek unnecessary middle class crowd. Mr. Kapoor ke Mama aur Maami jii ki baat naa hi karoon toh thik. Unnhe toh apni sagi behen ke ghar guests ki tarah rehna padta hai. Iss family ke rishtey mujhe samaj nahi aate.

Ram, wahi toh alag hai.

Wo mujhe wo sab kuch dete hain joo, shayad hi kisi ne mujhe dil khol ke diya ho. Respect karte hai, care karte hain, hasaate hai, dil se baat karte hain.

Ek insaan joh khud andar se toota hua hai, bahar se kaise itna khush reh sakta hai?

Party rakhi thi, Ram ke success ke liye. Lekin party mein wah-wahai Nandini Kapoor aur Shubham ki. Aur phir se saari zimmedaariyaan Ram ki.

Ram, credit nahi lete hain. Unhe naa taarif chaiye naa waah-waahi. Bas thoda sa apnapan, toda sa pyaar apni family se.

Aaj phir unke chhere par,

Phir wahi maausi chaa gayi.

Phir unki aakhein bheeg gayi.

Phir mudkar chale gaye, ek kone mein.

Jahaan par chupke se wo apne aasoon ponch sake.

Koi apne aap ko itna dard kaise de sakta hai?

Roz yeh choti choti battein chub ti hai mujhe. Mere aakhein jab bhi nam hoti hai, tab wo mujhe tissue dete hai aur ek ganda sa joke suna dete hain.

Aaj maine bhi try kiya. Lekin original bad jokes ka pitaara toh mere paas thaa nahi toh unhi ka joke repeat kar diya.

“Tissue Tissue pe likha hota hai rone waale kaa naam.”

Kaise manage karte hai wo aise jokes crack karna?

Smile toh kiya, lekin dil se nahi.

Aasoon poch liye lekin dard mitaa nahi.

Maine bhi kuch kaha nahi. Kehna chathi thi. Unka dard baatna chathi thii. Lekin dar lagta hai. Dar lagta hai ki humdard ban ke kahin pyaar naa kar baithoon.

Wo bahut acche hai aur sachhe hai.

Unse pyaar koi kaise naa kare?

Lekin pyaar, kamzori ban jaata hai, dard ban jaata hai. Ek aur baar wo galti nahi karna chathi. Dard se dar lagta hai. Logon ke taane aur judgements, phir se nahi sunaa chathi.

Phir se tut ke bhikharne se dar lagtaa hai.