Ariya Love? - Page 10

Arjun: nakhre mat kar! Mujhe pata hai tera password mera birthday hai, chal jaldi check kar...

Riya use glare karti hai. Sameer apni smile chupata hai. Baakhi sab ke muh khule reh jaate hai.

Arjun: ghurna band kar madam, aur check kar...ya fir main karu?

Riya(sternly): Kar Rahi Hun!!!

Riya apna password feed karke sab kuch check karti hai: sab kuch waise ka waisa hi hai.

Sameer: theek hai, tum ise lekar jaa sakti ho, Chotu tumhari madad kar dega uthane mein

Riya: thank you!

Sameer smile karke Chotu ko ishaara karta hai jo woh follow karta hai.

Arjun: bye!

Riya bolne hi waali hi hai ki achanak use idea aata hai aur Arjun ko lovingly hug karti hai. Arjun confuse hota hai.

Riya(affectionately): are itna upset mat ho darling! Hum shaam ko milenge aur fir der saara waqt bitayenge (Arjun ke cheek ko kiss karke) main toh ghar par hi hun, tum bhi jaldi aa jaana

Arjun mechanically nod karta hai.

Riya (cheerfully): bye sweetheart! Aur chali jaati hai.

Arjun bas statue bankar khada hai. Sameer apni hasi control karke Arjun ke kandhe par hath rakhta hai.

Sameer: Arjun!

Arjun(startled): huh?? Ha!...bol...k..ya?

Sameer: case, aage badhaye?

Arjun: ha...woh...main...main zara aata hun.

Itna kehkar woh bhi bhaag jaata hai. Uske peeche Sameer hasne lagta hai...Arjun cabin mein pahunchta hai aur immediately Riya ko call karta hai.

Riya taxi mein apne safe ke saath hai: hi!

Arjun: hi ki bachi!! Ye sab kya tha?

Riya: kya?

Arjun: kya? Tune is tarah sabke saamne mujhe hug karke kiss kyun kiya?

Riya: are tu hi toh irritate ho raha tha na Roshni aur Sakshi se

Arjun(embarrassed): are par...aisa thodi hota hai? Aise kaun kiss karta hai?

Riya: aisa kaun karta hai matlab? Main teri dost...(realising)sorry ab toh teri girlfriend hun

Arjun: are par...aise...kyun...kyun kiss?

Riya: toh tu kya chahta hai? Kidhar kiss karu main tujhe? (Arjun uski baton ka matlab samajkar almost pani mein dubne waala hai lekin Riya use tease karti hai) aur waise bhi abhi kal hi toh tum mere boyfriend bane, Itni jaldi kya hai? Uske liye abhi thoda time hai samjhe ya samjhau?

Arjun(blushing): RIYA! Tu apna kam kar aur mujhe apna karne de! Ok? BYE!!!

Riya(haste hue): bye!

Call disconnect

Arjun mv "paagal hai yeh ladki!!

Dusri taraf-

Riya mv "bichara Arjun! Thoda zyaada ho gaya aaj...atleast if those two stop bothering him, it will be worthwhile

ETF, conference room-

Arjun: ye aag lagi kaise thi?

Ayesha: sir, fire-fighter's ki report ke mutabik short circuit kiya gaya tha.

Arjun: lekin ek short circuit se aag teen floor tak fail gayi aur kisi ko pata bhi nahi chala? Ye kaise ho sakta hai?

Ayesha: teeno floors ki mains ke saath ched-chad ki gayi hai sir, isliye

Shree: aur sir humne CCTV check kiya lekin woh sirf front gate par hai. Back gate par taala hai lekin waha koi watchman ya CCTV nahi hai, ho sakta hai ki woh waha se deewar chad kar aaye ho

Chotu: aur sir watchman ne bhi kuch nahi dekha

Arjun(angrily): duty par tha bhi ya so raha tha??

Sameer: are din ke time par thodi koi sota hai? (Arjun use glare karta hai) are CCTV mein uski post dikhti hai woh duty par hi tha

Arjun muh fer leta hai: toh ab pata kaise chalega?

Sameer: wahi toh sochne ki koshish kar rahe hai...ki kaise pata chalega ki yeh kisne kiya aur kiske khilaaf?

Ayesha: sir I think humare paas ek hi rasta hai ki hum saare lawyers aur unke deal kiye hue past, present aur future cases ke baare mein pata kare kyunki hume yeh bhi nahi pata ki yeh kuch rokne ke liye tha ya fir koi badla

Roshni: ha par isme toh bahot time chala jaayega agar usse pehle koi aur waar ho toh?

Sakshi: ha toh hume pata chal jaayega ki kaun hai?

sab use glare karne lagte hai. Arjun blast hone waala hai lekin Rathore uske kandhe par haath rakhkar rok leta hai.

Sameer(sternly): aur agar uski wajah se kisi ki jaan chali gayi toh?

Sakshi chup ho jaati hai. Ayesha, Roshni aur Shree list banane ke kaam mein lag jaate hai.

Sameer: ek-ek karke sabse contact karo aur pata karo ki aise kaun potential log hai unse cases se connected jo aisa kaam kar sakte hai aur Jaldi Karo! ho sakta hai ki humare paas waqt kam hai.

puri team isi kaam mein lag jaati hai. woh log alphabetically shuru ho jaate hai. aadhi raat se upar ho jaati hai tab Riya ka naam samne aata hai.

Ayesha: Arjun sir! Riya ka contact denge please

Arjun: uski zaroorat nahi hai, mujhe sab pata hai

Roshni(apni annoyance control karte hue): tum itne sure kaise ho ki tumhe sab pata hai

Arjun: kyunki woh meri do... meri girlfriend hai

Sameer apni coffee par choke karta hai mv "are abhi kal tak toh dost thi? ab achanak girlfriend? are ha... aag lagi thi, hero's syndrome!"

Sameer ke reaction ki wajah se sab apne reaction bhul jaate hai. Arjun apni eyebrow raise karta hai.

Sameer(sternly): kaam karo sab log!

Sameer Arjun ko baahar milne ishara karta hai aur apni coffee ke saath baahar jaata hai. Arjun confuse hokar follow karta hai.

Arjun: kya hua?

Sameer(teasing): ye tu bata! Ye sirf friend se girlfriend kaise ho gayi? Kal tak toh sirf dost thi?

Arjun: ha toh kal se pehle maine use marte hue bhi nahi dekha

Sameer(teasing): oho...Hero's Syndrome

Arjun(confused): what?

Sameer: are, Hero's Syndrome!... (mv " ye bhi mujhe samjhaana padega) matlab heroine ki jaan khatre mein fir Hero use bachata hai fir dono ko pyaar ho jaata hai

Arjun: hum dono ko pyaar nahi hua

Sameer(confused): pyaar nahi hua matlab? Toh fir girlfriend...

Arjun: trial basis par

Sameer bhadakta hai: ABE DHAKAN...(control karke, sharply) idiot! Pyaar hai! Koi Laboratory Experiment Nahi Ki Trial Basis Par Hai

Arjun(annoyed): are? Use problem nahi hai, mujhe problem nahi hai, tu kyun beech mein pad raha hai? Jaa naa! Paka mat!!!

Aur firse conference room mein chala jaata hai. Sameer sigh karke uske peeche jaata hai. Ayesha Arjun se saari details leti hai. Arjun toh tape recorder ki tarah uski Riya ke har case ki har baat use batate jaa raha hai, tab tak jab tak woh ek detail nahi bata pata...

Arjun: is waali par humari baat nahi hui, main use call karta hun

Ayesha: theek hai sir, aap puch lijiye

Arjun Riya ko call karta hai. Itne mein Sameer Arjun ki kichayi karne ki sochta hai.

Sameer: are speaker par rakh, Ayesha kaise sunegi?

Ab Ayesha confuse hoti hai kyunki Arjun sunkar usi ko batayega lekin Sameer use chup rehne ko kehta hai. Arjun uski chaal samaj nahi paata aur jaise kaha gaya waise karta hai.

Dusri taraf Riya ka office barbaad hone ki wajah se woh apne saare documents re-organize karne mein lagi hui hai, isliye jaag rahi hai. Tabhi Arjun ka phone aata hai. Woh call pick karti hai.

Riya: hi!

Arjun: kya kar rahi ho?

Riya: are saare papers, files, sab arrange kar rahi hun aur kya? Arjun tu Us, Admi Ko Dhundh, faaltu mein mera office barbaad kar diya, Use Pakadkar, Teen-Chaar Goliyaan Maar Dena

Arjun kuch bolne waala hai lekin isse pehle

Sameer: fikar mat karo Riya Arjun teen chaar goliyan nahi, teen chaar clips hi khaali kar dega uske andar

Riya: I know! Par aisa mat karna, mujhe pata hai tum log bina situation ke encounter nahi kar sakte

Firse Sameer interrupt karta hai: are usme kya hota hai? Thodi report aage-peeche kar denge, Arjun tumhare liye kisi ka khoon kar sakta hai toh kya itna nahi kar sakta?

Riya: ha woh toh hai...par fir bhi, Arjun faaltu mein musibat mein mat padna!! Samjhe ya samjhau?

Arjun: par Ri maine toh kuch kaha hi nahi, kabse (glare karte hue) Sam hi bak-bak kare jaa raha hai, maine toh kaam se tujhe phone kiya, actually woh jo...

Riya ko ab strike hota hai ki phone speaker par hai, aur iska matlab Roshni aur Sakshi bhi sun rahe honge toh...

Riya(sternly): actually yeh ki tumhe achanak yaad aaya ki main zinda hun!!

Arjun(startled): ye tu kya keh rahi hai?

Riya(drama karte hue): sahi toh keh rahi hu...tum mujhse milne aane waale the na? aur dekho, abhi tak office mein ho, ek phone bhi nahi kar sakte, aise kaunse boyfriend ho tum

Arjun mv "oh God! Ye fir shuru ho gayi? : Riya!! Ri...sun meri baat...main tere admi ko hi dhundhne ki koshish kar raha hun, meri madad karogi?

Riya(innocently): par mera admi toh tum ho

Sameer ki hasi phutti hai par Arjun ki glare dekhkar chup ho jaata hai. Baakhi sab toh hasne ki himmat nahi kar sakte hai. Arjun ko samaj aata hai ki Sameer jaan buchkar use pareshaan kar raha hai.

Arjun speaker se phone hata deta hai: ha lekin main criminal ki baat kar raha tha, tumhe apne office ka badla chahiye na?

Riya: hata diya na speaker se phone

Arjun: ha

Riya: teri so called premikao ki shakal kaisi hai?

Arjun side se glance karta hai jaise kisi ko pata na chala hai: perfect!... Raka ko ATS ne pakda tha, lekin tujhe koyi aur clue mila tha? As in uske pakde jaane ke baad ya fir usne tumhare saamne kuch kaha ho ya kuch ajeeb kiya ho?

Riya: great! Ummm...jaha tak mera khayal hai, kuch khaas toh nahi par ha jab mein usse jail mein milne gayi thi, formalities ke liye tab woh bahot dhamkiyaan de raha tha

Arjun: usme ajeeb kya hai

Riya: yahi ki woh bahot confident tha, I don't know, par mujhe aisa feel hua ki ye kuch na kuch kar raha hai, par fir kuch hua nahi in fact! Kal subah uski final hearing hai, Judge faisla sunane waale hai

Arjun: kaun hai judge?

Riya: Justice Sandeep Narayan

Arjun: hmm...theek hai, main baad mein baat karta hun par sun! usne abhi tak kuch kiya nahi iska matlab ye nahi ki kuch karega nahi...tum apna khayal rakhna aur please alert rehna, aur agar kuch bhi... I Repeat! agar kuch bhi! Ulta-seedha lage toh mujhe turant phone karna, okay?

Riya: ya sweetheart, tum meri fikar mat karo, aur tumhe ye sab kehne ki zaroorat nahi hai...mera ek hi motto hai, when in crises, call Arjun'

Arjun hasta hai: acha hai, main toh kahunga ki bilcul perfect hai! Zindgi bhar isi par amal karna

Riya: tum nahi kahoge toh bhi karungi...ab rakh mujhe kal ki hearing ke liye taiyaari karni, jaldi uthna, Adira ke saath co-ordinate karna hai, ATS se updates leni hai, bahot kaam hai, BYE!

Arjun: okay bye!

Call disconnect...