Ariya Love and Deceit - Page 5

dono settle hokar order dete hai...

Arjun: ab bolo...kya hua?

Riya: pehle ye bataiye aapne kal mera phone kyun nahi uthaya?

Arjun: busy tha

Riya: toh call back nahi kar sakte the?

Arjun: time nahi mila

Riya: acha? Toh phir abhi mere saath kyun baithe hai?

Arjun ko kya jawaab dena pata nahi chalta: tum is baat ki explanation lene ke liye mujhse milne aayi?

Riya serious hoti hai : nahi, mujhe ek lead mili hai

Arjun samajta hai ki woh kiski baat kar rahi hai aur thoda choukta hai: lekin...tum...I mean...tum ab bhi...

Riya smile karke uske haath par apna haath rakhti hai: maine aapse waada kiya tha na?

Arjun ke dil mein pyaar umadta hai, woh uska haath tightly pakadta hai aur appreciating look deta hai : thank you

Dono aise hi kuch pal ek dusre ko dekhte rehte hai...tab tak jab tak Waiter aata hai

Waiter: sir, ma'am aapka order.

Dono presence mein aate hai, waiter unki drinks rakhkar chala jaata hai

Arjun(compose karke): kya pata chala?

Riya: Sikandar naam ka koi insaan exist hi nahi karta

Arjun(confused and shocked): Kya?

Riya: ha sir, Sikandar sirf ek naam hai, jiski koi physical identity nahi hai, isliye humaare informers ke paas uski koi information nahi hai

Arjun: Riya tum kya keh rahi ho...mere kuch samaj mein nahi aa raha

Riya gehri saans leti hai: sir Sikandar admi ka nahi, brand ka naam hai, aapne jiska encounter kiya woh us gang ka leader tha, aur uska kisine aapse badla liya hai...kaun? Yeh toh mujhe abhi nahi pata lekin mere andaze se shayad uska koi rishtedaar ya dost pata nahi

Arjun soch mein chala jaata hai: tumhe ye sab kaise pata chala?

Riya: research department mein...confidential section mein

Arjun choukta hai: lekin woh toh out of authority kisi ko allowed nahi hai

Riya: sir main head hun, mere paas access paas hai

Arjun: are lekin files padhna thodi allowed hai tumhe?

Riya: ha toh maine kab kaha ki allowed hai?

Arjun: tum kabse rules todne lagi?

Riya smile karti hai: sir just because main pakdi nahi jaati matlab yeh nahi hai ki main rules nahi todti

Arjun shock se use dekhta hai: lekin...

Riya: lekin-wekin chodiye, aur meri baat suniye...jo file maine padhi thi woh sirf aadhi thi, in fact aadhi bhi nahi thi, sirf ek paper tha woh bhi jo chut gaya tha waha par galti se...us din subah woh Swami aaya tha woh file lene ke liye, use commissioner sir ne bheja tha, maine pata kiya ki ab ye case woh handle kar raha hai...humari kaam ki baat ye hai ki ab woh file commissioner sir ke ghar par hai, unke safe ke andar aur agar woh humaare haath lag gayi toh hum us tak pahunch sakte hai...

Arjun : tumhe kaise pata ki woh file commissioner ke ghar par hai?

Riya mv "ab inko kaise batau ki maine Commissioner sir ki secretary se flirt karke uske muh se information nikalwayi"

Arjun: Riya!!

Woh presence mein aati hai

Riya(annoyed): aap kitne sawaal karte hai? aam kahiye na gutliya kyun gin rahe hai?

Arjun: par...

Riya: aapko uske baare mein pata karna hai ya nahi?

Arjun chup hokar nod karta hai

Riya: bas toh phir

Arjun : hmmm...ek kaam karte hai, pehle Rathore ke paas jaate hai

Riya: theek hai...chale?

Arjun nod karta hai. bill pay karke dono nikalte hain, Arjun Riya ko lekar Rathore ke ghar jaata hai

Riya: ye aap mujhe is haveli main kyun laaye hai? hume kisi bhoot se vaartalaab karni hai?

Arjun: ye tumhare Rathore sir ka ghar hai

Riya(shocked): YE??

Arjun hasta hai: ji haan

Use ab bhi confused dekhkar chalne ka ishara karta hai, Riya follow karti hai...Darwaaze ke paas ki dhul dekhkar

Riya: My God!!! itna bada ghar rakh sakte hai sir toh ek maid kyun afford nahi kar sakte? Kitni dhul hai yaha!! Yuck!!!

Arjun bell bajata hai: bachelor ka ghar hai Riya, aisa hi hota hai

Riya: acha? mujhe nahi pata tha...kya hai na maine 15-20 shaadiyaan ki haina isliye mera ghar saaf hota hai

Arjun : mera matlab ladko se tha

Riya(aur bhi tauntingly): aap saare mard hopeless hai!!

Arjun hasta hai: ab kya kar sakte hai? manufacturing defect hai

Riya: yeah Right!! Woh toh dikh hi raha hai

Arjun : ye Sam darwaaza kyun nahi khol raha?

Riya: mujhe kya pata? Shayad abhi tak ghar nahi aaye honge

Arjun: lekin gaadi toh yahi hai

Riya bhi dekhti hai...Arjun Sameer ko phone karta hai, par woh phone nahi utatha

Arjun: tumhare paas hairpin hai?

Riya: ab aap choro ki tarah andar ghusenge?

Arjun: if it means ki yaha nahi khada rehna padega toh ha

Riya disbelief mein apna sar hilati hai aur apne baalon mein se hairpin nikal kar deti hai...Arjun use lekar lock kholta hai aur door kholta hai, dono silently enter karte hai andar ka scene dekhkar shock ho jaate hai...

andar hall pura bikhra hua hai, dining table par purane used bartan, files idhar-udhar faili hui, newspapers zameen par bikhri hue, chairs par kapde-unfolded, idhar-udhar chod diye hue, aur sofa par...

Riya ke pairon tale jaise zameen khisakh gayi, woh sharp breath lekar, aakhein band karke apna chehra haathon mein chupa deti hai

Waha sofa par Sameer ankh band karke leta hua hai-shirtless, jute waale pair table par rakhkar, aur head phones lagakar

Arjun Riya ki taraf dekhta hai mv "meri bichari Riya!! Ye kamina kabhi nahi sudhrega!!"

Woh aage jaakar side ke couch se uska shirt uthakar us par fekta hai aur headphone kheench leta hai...Rathore irritate hokar aankh kholta hai aur Arjun ko dekhkar chillata hai

Sameer: RAWTE!!! KYA HAI? AUR TU ANDAR KAISE GHUSA??

Arjun: main andar kaise ghusa yeh chod aur apne kapde pehen

Sameer(sarcastically): kyun ? shaadi mein jaana hai ?

Arjun Riya ki taraf dekhta hai, Sameer uski gaze follow karke Riya ko dekhta hai...woh abhi bhi aapne chehre par haath rakhi khadi hai...use dekhkar Sameer shock ho jaata hai aur fatafat apna shirt uthakar pehenta hai...Arjun disbelief mein apna sar hilata hai, Sameer embarrassed feel karta hai

Arjun: ab tum aakhein khol sakti ho Riya

Riya dheerese apna haath hatakar aankh kholti hai, Riya aur Sameer dono awkward feel kar rahe hai, Arjun apna throat clear karta hai, dono uski taraf dekhte hai

Arjun(meaningfully): Sam thoda kaam hai...agar tu free hai toh?

Sameer use glare karta hai aur fir: Riya pls have a seat

Riya aage aati hai, Sameer couch par se saaman hatatha hai taaki woh baith sake

Arjun: main kaha baithu?

Sameer: mere sar par baith jaa

Arjun: bahot chota hai

Sameer use glare karta hai, Arjun aage aakar use hi apni jagah se shift karke baith jaata hai

Arjun: kaam ki baat kare?

Sameer: bol!!

Arjun Riya ki taraf dekhta hai jo abhi bhi waha nazre nahi mila paa rahi hai aur fir focus karta hai: ek lead mili hai

Sameer: kiski?

Arjun use sab batata hai, Sameer bhi shock hota hai aur Riya ki taraf questioningly dekhta hai, Riya nod karti hai

Sameer apna phone uthata hai

Arjun: kise phone kar rahe ho?

Sameer: ETF ko

Arjun aur Riya dono smile karte hai...kuch hi der mein sab Rathore ke ghar pahunch jaate hai, tab tak Rathore bhi haal thoda presentable kar leta hai...sab ek dusre ko firse ek saath dekhkar khush hai, initial greetings ke baad

Chotu: are ye Shree nahi aaya

Sameer: ha woh use pure hafte night duty hai isliye nahi aa paayega, maine hi mana kiya

Chotu: ohh

Liza: sir achanak kya hua? Aapne hume yaha kyun bulaya?

Sameer ha woh hua yun ki...aur unhe brief karta hai

Ayesha: ek minute! agar us file mein information thi aur commissioner sir ko pata tha toh unhone woh hume kyun nahi di?

Riya: mujhe toh lagta hai ki woh bhi mile hue hai, dekha nahi us din hume disband karke demote kar diya saare papers ready the, jaise ki unhe pehle se pata tha ki woh Mantri bhag jaayega

Liza: ho sakta hai, unhe bhi toh humare saare plans ke baare mein pata tha? Aur unke liye Sakshi ko frame karna bhi koi mushkil kaam nahi tha?

Sameer: nahi!! Agar woh mile hue hote toh us file ko lene ke liye Swami ko kyun bhejte? Wahi case handle kar raha haina?

Arjun: lekin ab toh woh file unke ghar par haina? Riya waha hai aur woh information uske haath na lage isliye bhi toh woh Swami ko bhej sakte hai aur kise pata ki woh Swami bhi unki koi katputli na ho

Sameer: guys tum log samaj nahi rahe ho...woh commissioner hai!!! ye bahot hi serious accusation hai...agar aisa hai bhi toh ise prove karne ke liye hume thos sabut ki zaroorat hai

Chotu: woh toh us Sikandar...I mean us gang ke leader ko pakadkar hi mil jaayenge

Sakshi: Chotu sahi keh raha hai, abhi hume us par focus karna chahiye

Ayesha: lekin unke ghar se woh file kaise nikalenge?

Riya: I have a plan...