Ariya Trust is Love - Page 8

Chotu hasta hai: acha bhai chal-chal aaj ka khaana meri taraf se aur use wahase le jaata hai ...

Aise hi kuch din guzarte hain, Shree aur Chotu ya toh office ke kaam mein busy hai ya phir kisi tarah Sikandar ki info nikaalne mein, Rathore ab bhi waisa ka waisa hai, use Ayesha ki bahot yaad sata rahi hai aur humesha ki tarah woh apni frustration Arjun par nikaal raha hai...

Aur Arjun...woh toh pehle ki tarah hi Rathore ko muh-tod jawaab de raha hai, aur us Ladki ki agle letter ke intezaar mein hai, us raat ke baad use us par pura bharosa ho gaya hai, woh jaan chuka hai ki woh use ya kisi ko bhi koi nuksaan nahi pahunchana chahti balki uski madad karna chahti hai lekin kyun...use nahi pata, par kahi na kahi uske dil ne is sawaal ka jawaab de diya hai usko par dimag maane ko taiyaar nahi aur maane bhi kaise...after all ghosts don't exist.

Dusri taraf Sikandar, Arjun aur ETF se apne nuksaan ka badla lena chahta hai, lekin is baar woh ek fool proof plan banana chahta hai, kisi bhi tarah ki koi kami nahi rakna chahta hai, is baar woh Arjun ki zindgi ko tehas nehas karke, use khatam kar dena chahta hai...aise hi woh apne admiyon ke saath ek dangerous plan banata hai...use pura yakeen hai ki is baar Arjun uske haathon se nahi bachega...

Uska plan ban jaane ke baad, jab saare admi apne kaam par lag jaate hai, ek admi dusre phone se kisi ko call karta hai aur Sikandar ka plan batata hai

Other side(annoyed): What The Hell Yaar!!!

Admi: ab is sab mein main kuch nahi kar sakta

Other side: iske dimag mein ye sab aata kaha se hai, I mean itna dimag kisi ache kaam mein laga diya hota toh?

Admi: ab aage kya karna hai?

Other side: karna kya hai, wahi jo ab tak kiya

Admi: matlab ki...

Other side: ha

Admi: theek hai toh phir, best of luck

Other side: yeah same to you, I hope ki humara aage ka plan bhi abhi tak ki tarah bina kisi musibat mein pade safal ho jaaye

Admi: aisa ho toh hi behtar hai, warna yeh Sikandar un sab ke saath-saath hume bhi maar daalega

Other side: hmm...

Call disconnect

Ek subah ETF office-

Arjun aur Rathore dono office mein akele hai, 10 baj jaate hai lekin Shree aur Chotu office nahi aate na hi dono mese kisi ka phone aata hai,

Arjun: ye dono aaye kyun nahi abhi tak?

Rathore: pata nahi, main phone karta hun

Dono ne na jaane kitne mahino baad ek dusre se sidhe muh baat ki thi

Rathore Shree ko phone karta hai, Arjun Chotu ko...par dono mese kisi ka bhi phone nahi lagta, dono ek dusre ko questioningly dekhte hain aur fir negatively nod karte hai...

Rathore: dono ek saath kaise gayab ho gaye?

Arjun ke dil mein dar baithta hai mv "us Ladki ne kaha tha ki Hussain hi unhe Sikandar tak pahunchayga, kahi iska matlab yeh toh nahi Sikandar humse badla lene ke liye hum tak aayega???"

Rathore: RAWTE!!!!

Arjun presence mein aata hai: huh...kya?

Rathore(annoyed): Kaha Kho Gaye??

Arjun: hume unke ghar jaana hoga...ABHI!!!!

Itna kehte hai baahar ki taraf bhaagta hai, Rathore confuse hota hai par follow karta hai

Gaadi mein

Rathore: tum kuch bataoge ki kya ho raha hai?

Arjun: dua karo mera shak galat saabit ho

Rathore: tumhe galat saabit karne ke liye toh kuch bhi kardu

Arjun wheel par apni grip tight karta hai par kuch kehta nahi hai, use is waqt un dono ki chinta ho rahi hai...dono pehle Shree ke ghar pahunchte hai...aur doorbell bajate hain...Shree ka Landlord door kholta hai

Landlord: aap kaun

Arjun (apna ID dikha kar): ETF!! Shree ghar par hai?

Landlord: nahi

Rathore: nahi hai? Toh phir kaha hai?

Landlord: pata nahi, woh toh kal raat ko ghar hi waapis nahi aaya

Arjun: ok thank you

Landlord nod karke door band karta hai

Rathore(ab use bhi chinta ho rahi hai): yeh raat ko ghar nahi pahuncha toh kaha gaya?

Arjun: pehele Chotu ke ghar jaate hai

Rathore gaadi bhagakar Chotu ke ghar le jaata hai, dono darwaaza tod kar andar ghuste hai, ghar bilcul sahi salamat hai, dining table par ek khaane ki plate padi hai, uska sirf aadha khaana khaya hua hai...dono idhar-udhar dekhte hai, Arjun almost bhagkar andar ke room mein jaata hai jaha par John ko rakha gaya tha...

Waha John abhi kursi se bandha hua hai, uski aakhein band...muh par patti aur pet mein do goliyon ke nishaan, Arjun ko pata hai woh mar chuka hoga par fir bhi check Karta hai... uski pulse dead hai...

Rathore: toh uski laash dekhkar hi shock mein hai: Chotu ne kisi ko kidnap karke rakha hua tha?!!! Hai kaun yeh?

Arjun: John

Rathore: kaun John?

Arjun: jisne hume us raid ki information di thi

Rathore: lekin woh information toh informer ne di thi...aur tumhe kaise pata ki...

Arjun gusse mein: Is Waqt Tumhara Ye Sab Jaana Zyaada Zaroori Hai???

Woh baahar jaata hai aur khaane ki plate ko check karne lagta hai, Rathore bhi ek pal wahi ruk kar baahar aata hai...

Arjun: is khaane ki jaanch karaane hogi, mujhe lagta hai kisi ne isme kuch milaya hai

Rathore: local forensics ke paas jaate hai

Arjun nod karta hai, aur dono wahi karte hai waha khaane ka sample submit karke report ka intezaar karte hai

Arjun: Chotu ghar pahuncha tha yeh baat toh saaf hai...

Rathore: aur Shree? Woh toh ghar hi nahi pahuncha...main uska phone trace karwaata hun

Woh cyber cell mein call karta hai

Rathore: ACP Sameer Dhamsingh Rathore!! mujhe ek number ki last location chahiye. Aur use number batata hai

Saamne ki line par officer check karke use location batata hain

Officer: sir, uski last location M.J road hai

Rathore: thank you.

Call disconnect

Rathore: ghar ke paas ke main road par

Arjun: control room jaate hai

Rathore: waha se kya pata chalega?

Arjun: aaspaas ke cctv

Rathore realization se nod karta hai, dono control room ki taraf jaate hai, waha jaakar

Arjun: officer in charge kaun hai yaha?

Havaldaar: sahab woh Rao sahab

Rathore: kaha milega?

Havaldaar: woh andar hi honge

Dono andar jaate hai, Inspector Rao unhe pehchanta hai( afterall ETF hai)

Rao: jai hind sir!! Kya madad kar sakta hun aapki?

Arjun: M.J Road ke paas jitne bhi cctv hai sab ki recording ka sham se 730 ke baad ki

Rao: sir !!

Woh desk par baithe ek officer ko instructions deta hai, woh officer saare cctvs check karke unhe monitor par 6 windows mein lagaata hai

Rathore aur Arjun dono saari footage check kar rahe hai,

Arjun: fast forward

Officer fast forward karta hai

Jab Chotu aur Shree ki car unhe dikhai deti hai tab

Rathore: stop !! ab normally

Officer waise hi karta hai

Chotu Shree ko uski ghar ki lane ke baahar main road par drop karta hai, Shree utarta hai lekin window par lean karke Chotu se kuch der gappe ladaa raha hai, kuch der baad Chotu jaata hai, Shree turn hokar andar lane mein jaa raha hai tabhi ek Maruti Omni van waha speed se aati hai...

uske tyres ghisne ki wajahse Shree turn hota hai, us van ka darwaaza khulta hai aur isse pehle ki woh kuch kare ya samajhe andar se haath baahar nikal kar uspar kuch spray karta hai, Shree behosh ho jaata hai, woh log use kheench kar andar lekar speed se bhaag jaate hai...

Rathore shock mein: Iska Matlab Dono Ka Kidnap Hua Hai!!!!

Arjun : I THINK I FIGURED THAT PART FOR MYSELF THANK YOU!!

Rathore: are lekin...unka koi kidnap kyun karega?

Arjun(Rathore ke sawaal ko ignore karte hue): number plate par zoom karo!! Aur pata karo ki yeh car kiske naam par registered hai

Officer number plate se number note karke research desk par bhejta hai

Rathore ka phone bajta hai: Hello?

Other side: Sir main Government lab se bol raha hun, aapne jo food sample diya tha, usme behoshi ki davai milayi gayi hai, dose strong hai, kam se kam 8-9 ghanto tak insaan ko hosh nahi aayega

Rathore: thank you

Call disconnect

Rathore Arjun ko information deta hai, tab tak Research desk se bhi call aata hai, officer utatha hai

Officer (phone par): ha ohhkk...thanks

Phone rakhkar

Office: sir woh number plate fake hai! Unregistered

Rathore apni fist bang karta hai: DAMMIT!!!

Arjun kuch sochkar: toh kya hua? Gaadi toh hai, saare shehar ki cctv check kar karo aur pata karo ki yeh car kaha gayi, pura route follow karo uska

Officer: Sir!!!

Woh teeno saari footage check karte hai, kuch ghante baad woh car mahad tak trace hoti hai, lekin ek area mein jaane ke baad cctv ki aage koi aur footage nahi milti

Rathore: chalo, kam se kam itna toh pata chala ki mahad island gayi hai

Arjun : toh phir der kis baat ki...chalo

Dono car main mein baithte hai, Arjun drive karta hai, achanak uske man mein woh Ladki aati hai, woh car turn karta hai...