Ariya Trust is Love - Page 3

Arjun immediately us chithi ko kholta hai...

Hello ACP!!!...kaise hai aap? Aapko pata hai mujhe kitni khushi hui ye jaankar ki aapko meri yaad aayi...uhu don't deny it, mujhe sab pata hai, roz meri yaad mein aap ghanto tak mera intezaar karte the...itna toh mera boyfriend bhi mujhe yaad nahi karta...agar mera koi boyfriend hota...kaash...dekhiye na meri kismat bhi aapke jaise hai...nahi...nahi mera boyfriend ka murder nahi hua, woh toh exist hi nahi karta...(Arjun uski time paas ki baton se irritate ho raha hai)...ok, ok naraaz mat hoiye, I won't harass you...kaam ki baat karte hai, aaj aapne ek murder solve kiya, jisme ek 20 saal bete ne apni maa ka khoon kar diya sirf isliye kyonki uski maa ne use paise nahi diye...kitni dukh ki baat hai ki aaj ke log rishton ki kadar karna bhul gaye...nafrat hai mujhe aise logo se...aur usse bhi zyaada un logo se jo dusro ke man mein apne apno ke khilaaf zehar gholte hai, aise logo ko toh faasi lagni chahiye don't you think? Chetan(accused) ne paise maange...ma ne nahi diye...kyun? Kyunki woh uski gandi aadat ko badhava nahi dena chahti thi...ab kuch samjhe ya samjhao?

Agle din ETF office mein

Arjun: Shree!! Chetan ka lock up kholo

Rathore (annoyed): kyun?

Arjun thoda conscious ho jaata hai: woh mujhe thoda kaam hai

Rathore: agar tumhare dhyaan mein na aaya ho toh bata du Mr. Rawte ki case khatam ho chuka hai

Arjun: main janta hun...(usse apna dhyaan hatakar) Shree, lock up kholo

Rathore: Rawte!!!...

Shree: Rathore sir...umm...woh Chetan drug addict haina toh check toh karna padega na ki uski haalat zyaada kharaab toh nahi hui

Rathore use glare karta hai, Shree uski gaze avoid karte hue: main lock up kholta hun sir, aap aa jaiye

Arjun use appreciative look deta hai aur uske piche jaata hai, Shree lock up kholta hai

Arjun: tumhe drugs ki aadat kaise lagi?

Chetan uske achanak sawaal karne se choukta hai: kya?

Arjun (sternly): mujhe apni baatein dohraane ki aadat nahi hai

Chetan dar jaata hai: woh kuch mahine pehle...mere ek dost ne diya tha, try karne ke liye...aur fir aise hi ek baar do baar baar-baar

Arjun: kya naam hai tumhare us dost ka?

Chetan: Anuj

Arjun baahar aata hai: Shree iske dost ka pata lagao

Shree: par sir...ye achanak...

Arjun: mujhe bhi kuch nahi samaj aa raha, sirf waqt hi batayga

Shree nod karta hai mv "ye Arjun sir ko achanak kya ho gaya? Rathore sir aur case ki wajah se humesha pareshaan dikhte the par aaj kuch zyaada upset lag rahe hai..kya baat ho sakti hai?..."

Kuch der baad conference room mein

Shree: sir woh Anuj college ke paas ki caf mein hai

Arjun jaane ke liye uthta hai, Shree Chotu ko ishara karta hai

Chotu: sir...main bhi aau?

Arjun ek pal sochta hai aur fir nod karta hai...dono Anuj ke piche jaate hai, caf mein...

Arjun: Anuj

Anuj turn hota hai: kaun?

Arjun: ETF

Anuj ke pasine chutne lagte hai: ji kahiye

Arjun: tumhara drug supplier kaun hai?

Anuj shock ho jaata hai: kya? Nahi...nahi aapko koi galat fehmi hui hai

Arjun use thapad maarta hai, woh table ko dakhelte hue niche gir jaata hai, Chotu use uthata hai

Chotu: kuch yaad aaya ya ...aur apne dusre haath se fist banakar use dikhata hai

Anuj ke hosh ud jate hai: yaad hai!!! Batata hun...sab batata hun...uska naam...Mansoor hai

Chotu: kaha milega?

Anuj: woh Shastri chawl mein rehta hai, wahi aas paas hoga

Arjun: jaane do ise Chotu, sidhe badi machli pakadte hai

Chotu nod karta hai, dono Shastri chawl pahunchte hai, waha kuch log baithe taash khel rahe hai

Chotu: are bhai! Ye Mansoor kaha milega?

Woh log unhe dekhte hai

Ek admi: kyun bhai, kya kaam hai?

Chotu: hum uske dost hai

Woh admi unhe dekhta hai, aur achanak Chotu ko push karke bhagne ki koshish karta hai, lekin usse pehle Arjun uska raasta rok kar apni gun nikaal kar uske maathe par point karta hai...pichese Chotu uski garden pakadta hai

Arjun: mere sabar ka imtihan mat le warna...samjhe ya samjhao...lekar chalo ise!!

Chotu use arrest karke car ki dickey mein fekta hai, dono waapas jaa rahe ki achanak

Arjun: Chotu gaadi rok!!!

Chotu break lagata hai: kya hua sir?

Arjun: office mein Rathore hoga

Chotu: are ha...unhe kya jawaab denge?

Arjun: tumhe lagta hai ki woh jawaab sunega? Woh bhi mera...kuch aur sochna padega

Chotu: sir agar hum ise kahi aur le jaaye toh?

Arjun: kaha?

Chotu soch mein pad jaata hai: sir meri maa char dham ki yaatra par gayi hai, do mahine baad aayegi, mera ghar khaali hai

Arjun: are you sure?

Chotu: ji sir, Ruby bhi hai koi problem nahi aayegi

Arjun(confused): tum...apni girlfriend ke saath rehte ho?

Chotu(horrified): nahi sir!!! Ruby meri Pomeranian hai

Arjun: oh...chalo toh phir

Dono wahi karte hai, Mansoor ko waha Chotu ke ghar par baandh kar ek room mein lock karke ETF jaate hai

Arjun: Shree, Rathore ne kuch pucha?

Shree: nahi sir, woh aapke na hone se hi khush the, Chotu ka bhi kuch nahi pucha

Arjun nod karta hai, aur apne cabin mein jaata hai

Shree: oye kya kiya itne time tak?

Chotu use sab batata hai

Shree confuse hota hai: lekin Arjun sir is drug dealer ke piche kyun pade hai?

Chotu: pata nahi Shree, par woh bina kisi kaaran ke kuch nahi karte

Shree: woh toh hai par...(sochte hue) kahi ye sab Prachand baba tak pahunchne ka chakar toh nahi?

Chotu: lekin Mansoor toh koi aam drug peddler bhi toh ho sakta haina? Yeh zaroori thodi hai ki woh uske gang ka hi koi member ho

Shree: ab is sawaal ka jawaab toh sirf Mansoor hi de sakta hai

Chotu nod karta hai...

Aise hi din khatam hota hai, Shree aur Arjun, Chotu ke saath uske ghar jaate hai...waha Mansoor abhi bhi bandha hua hai, Chotu uski muh ki patti kholta hai

Arjun: is dhandhe mein kabse hai?

Mansoor: do saal se

Arjun: tera boss kaun hai?

Mansoor: mera koi boss nahi hai

Chotu use punch maarta hai

Mansoor: main sach keh raha hun...meri baat ka vishwas kijiye

Arjun aur Chotu dono milkar uski dhulayi karte hai, par woh yahi baat dohrata rehta hai ki uska koi boss nahi hai...thak kar woh log uske muh par firse patti band kar baahar aate hai

Shree: ab kya hoga sir? Ye toh ek hi baat pe ada hua hai

Arjun soch mein pad jaata hai mv "agar woh Ladki chahti thi ki main Mansoor tak pahunchi toh zaroor koi wajah hogi...ab aage bhi wohi bataygi"

Shree aur Chotu glance exchange karte hai

Shree: sir?

Arjun use dekhta hai: rehne do abhi isse yahi par...baad mein dekhenge

Dono nod karte hai, Shree apne ghar jaata hai aur Arjun...woh firse chai ki dukaan par jaata hai, use dekhte hi

Munna: dada woh ladki fir aayi thi, aapke liye chithi chod gayi hai

Arjun letter padta hai...

Are Waah!!! ACP sahab kya baat hai...ek hi din mein Mansoor tak pahunch gaye...Im impressed, really main toh aapki fan ban gayi...par Mansoor toh sirf pyaada hai, aapka kaam toh Prachand baba tak pahunchne ka hai...ab kya kare bhagte hue chor ki langot hi sahi, par yeh langot toh uske padosi ki nikli afsos...

Arjun mv "padosi? Matlab? Mansoor ka padosi? Nahi...kya soch raha hun main...kehna kya chahti hai yeh?...iska matlab..."

Use strike hota hai, woh immediately Chotu ke ghar jaata hai, udhar Chotu so raha hai, kisi ke baar-baar bell bajane ki wajahse uski aankh khulti hai, woh irritate hokar darwaaza kholta hai...waha Arjun khada hai, darwaaza khulte hi Arjun andar ghusta hai, Chotu is tarah uske achanak aane se chouk jaata hai, woh bhi use follow karta hai, Arjun Mansoor ke room mein jaakar uski patti kholta hai

Arjun: tumhe maal ki supply kaha se milti hai?

Mansoor: ek admi hai John, wohi mujhe maal bhejta hai

Arjun mv "toh mera shak sahi tha, padosi matlab saathidaar"

Arjun: kaha milega?

Mansoor: mujhe nahi pata sahab (Arjun ko gussa aata hai, woh firse use maarne waala hota hai)...lekin ...woh har Sunday Mount Mary Church jaata hai 1 baje, mujhe use contact karna ho toh main bhi wahi jaata hun, aur fir woh jagah aur date batata hai jaha se mein drugs utha leta hun

Arjun firse uska muh baandhta hai aur baahar aata hai

Chotu: sir ab is John ko pakadna hain?

Arjun: ha, aage ki kadi tak wahi hume pahunchayga

Chotu nod karta hai, Arjun waapas lodge jaata hai

Arjun mv "mujhe toh laga tha ki Ladki shayad us baba se mili hui hai...par yeh toh mujhe usi tak pahuncha rahi hai, kyun? Isse uska kya faayda? Kahi yeh firse koi saazish toh nahi...(is soch se uski ruh kaanp uthti hai)...nahi aisa nahi ho sakta, agar woh unhe maarna hi chahti toh kabhi bhi maar sakti thi, uski nazar toh humesha hai sab par..." Woh sigh karta hai

agle din ETF mein Rathore se chupte hue Chotu Shree ko John ke baare mein batata hai, Rathore naya case announce karta hai toh sab usme jut jaate hai, on the other hand Arjun anxious feel kar raha hai, us Ladki ki koi nayi chithi nahi aati hai, Sunday ko...

Arjun Shree aur Chotu ke saath Church ke aas paas ghum rahe hai, Mansoor par unki nazar hai...Jo John ki raah dekh raha hai...1 baje John aata hai, Mansoor Arjun ko ishara karta hai

Arjun Bluetooth mein: Stay alert!!!

John candles kharid raha hai...Mansoor uske paas jaata hai

Mansoor: John bhai...

John: are Mansoor tu!! Aaj idhar kaise?

Mansoor: woh bhai maal chahiye

John: itni jaldi? Abhi thode din pehle toh tu lekar gaya tha...

Mansoor ko kya kehna samaj nahi aata

John: aur ye tere chehre ko kya hua?

Mansoor: woh bhai thodi haath-paay ho gayi thi basti mein

John ko shak hota hai: tu sach keh raha hai?

Mansoor: aapse jhut kyo bolunga bhai

John nod karta hai: abhi maal milna thoda mushkil hai, kuch din baad mil jaayega

Pichese: lekin hume toh abhi chahiye

John mudta hai...waha Arjun, use dekhkar John ko gussa aata hai: MANSOOR GADDAR!!!!!! Aur bhagne lagta hai...