Ariya Trust is Love - Page 4

John mudta hai...waha Arjun, use dekhkar John ko gussa aata hai: MANSOOR GADDAR!!!!!! Aur bhagne lagta hai...

Arjun aur Shree uske piche bhagne lagte hain, John bheed ka faayda uthate hue apne car tak pahunchne mein safal hota hai, woh fatafat gaadi bhagane lagta hai, Chotu Arjun aur Shree ke paas gaadi lekar aata hai, dono jaldi se baithkar uska picha karne lagte hai...John rashly drive kar raha hai, Chotu bhi speed se uske piche jaa raha hai

Arjun: ye kisi bhi haalat mein humaare haath se nikalna nahi chahiye

Chotu nod karta hai aur use overtake karne ki koshish karta hai par John use block karta hai. Arjun irritate hokar apni gun nikaalta hai...aim karke tyre par goli maarta hai. John ki gaadi ka tyre fat jaata hai aur woh ek ped se jaakar takraati hai...uske sar par chot lagti hai fir bhi tuta hua door Kholkar bhagne ki koshish karta hai par tab tak Team waha pahunch jaati hai, Shree aur Chotu use pakadkar dickey mein daalte hai...woh log use Chotu ke ghar le jaate hai, aur interrogation karte hai...finally maar kha-khakar woh bol padta hai

John(weakly): mujhe nahi pata ki boss kaun hai...mera kaam sirf drugs lekar chote mote customers tak pahunchaane ka hai...

Arjun: drugs kahase lete ho?

John: S.R chemicals ki factory mese, woh factory band padi hai, waha ka watchman humari madad karta hai

Arjun: agli deal kab hogi?

John: ek hafte baad waha drugs pahunchenge sham 5 baje

Woh log use wahi lock karke baahar aate hai

Chotu: sir ye toh officially hi karna padega

Shree: par kaise woh Mansoor toh ab tak bhaag gaya hoga

Chotu: usse kya farak padta hai? Information toh John ke statement mein hai

Shree: lekin John tak kaise pahunche hum?

Arjun: kya tum dono thodi der ke liye chup reh sakte ho please!!! Mujhe sochne do

Woh request kar raha hai ya dhamka raha hai pata nahi par dono chup ho jaate hai

Chotu: main kuch khaane ke liye laata hun

Shree: main bhi teri madad karta hun.

Aur dono kitchen mein bhaag jaate hai

Arjun mv "ab Rathore ko kaise samjhao? Kya kahun use? ki ek anjaan Ladki tumhe maarne ki dhamki dekar mujhse ulte sidhe investigation karwa rahi hai...yeah right jaise woh meri baton par vishwas kar lega...uff!! kya musibat hai? Woh Ladki zyaada annoying hai ya Rathore...hmmm...woh meri baat par vishwas nahi karega lekin Shree aur Chotu ki baat par toh karega...ha yahi sahi hai" woh unke piche kitchen mein jaata hai, isse pehle ki woh kuch kahe woh use unki baatein sunai deti hai

Chotu: yaar Shree tragedy ho gayi

Shree: kya hua mere bheem

Chotu: woh 11:30 waali thi na?

Shree nod karta hai

Chotu: yaar aaj maine uske haath mein chuda (nayi naveli dulhan waali bangles) dekha

Shree apna paani choke karta hai: KYA?

Chotu(upsetly): ha

Shree use console karta hai: koi nahi Chotu dusri mil jaayegi

Chotu: nahi milegi...teri wajahse

Shree: meri wajahse?...maine kya kiya?

Chotu: tune hi toh kaha tha ETF ko shraap mila hai kuware rehne ka [kalki devi ke case mein] bas lag gayi panoti

Shree soch mein pad jaata hai: nahi yaar...shraap toh hai par kuware rehna ka nahi...balki ladkiyon ke na tikna ka hai

Chotu bhi ek pal soch kar: ha yaar ek bhi nahi tiki

Shree: wahi na ek baad ek sab aakar upar chali gayi

Dono hasne lagte hain...haste-haste kab unki aakhon se aansu aa jaate hai aur woh rone lagte hai unhe pata nahi chalta...ye dekhkar Arjun ke dil mein dard hota hai...woh apne aap ko rok nahi paata, woh jaane ke liye turn hota hai par unhe aise chod ke nahi jaa pata aur aage jaakar unhe hug karta hai...woh dono bhi use hug karte hai...thodi der baad

Arjun: sambhalo apne aap ko pls

Dono sambhalkar shaant hote hai

Chotu: Arjun sir aap unke kaatilon ko saza dilwaoge na?

Arjun: I promise chaahe jo ho jaaye, us Prachand baba ko apne har kiye ki saza milegi...fir chahe mujhe kuch bhi kyun na karne pade. ( uske kandhe par haath rakhkar)... Shree, Chotu Rathore meri baat par yakin nahi karega, tum dono apne informer ka bahana banakar us tak yeh information pahuncha dena

Dono nod karte hai

Arjun: take care

Aur uske ghar se nikalkar Chai ki dukaan par pahunchta hai, woh jaanta hai jab bhi progress hua us Ladki ne letter bheja hai...toh aaj bhi bhejegi...woh uska wait karte hue baakhi ka din wahi bitata hai...finally raat ko Munna customers ko chai dekar aate waqt ek chithi laata hai

Arjun use kholta hai...

Kya baat hai, padosi se bhi chor tak pahunch gaye!! Good, good...very good. Maan gayi aapko, aise hi pura Department aapki taarif nahi karta...chalo isi baat par aapke liye ek chota sa gift, nahi...ek chota sa secret, mere aur aapke beech ka...mera nahi...kisi aur ka...Prachand baba ka (Arjun stiff ho jaata hai)...toh kya kehte hai ACP sahab? Bata du?...chaliye bata hi deti hun...woh Prachand baba haina? Uska right hand? Jise woh ek kapda ke andar chupa kar rakhta hai? Us par ek tattoo hai, pata hai kiska? Alexander ka...kuch samjhe ya samjhao?

Arjun confuse hota hai mv "Alexander??? Ab yeh Alexander kahase tapka ? hai kaun yeh? Kitni paheliyan bhujaati hai yeh ladki...aaj samaj aaya log mujhse kitna irritate hote honge...par Alexander ka Prachand baba se kya lena dena aur kaunsa Alexander? Kya rishta hai dono ka?" woh sigh karke lodge waapas jaata hai.

Agle din sab apne routine mein lage hue, ek case aaya hai toh ETF usmein busy hai, as usual Rathore Arjun ko ignore kar raha hai, Arjun ne bhi us hadse ke wajahse use ulta jawaab dena band kar diya hai, kabhi case mein kuch kehta hai warna chup hi rehta hai especially uske saamne.

Chotu: sir maine pata kiya us contract killer ko paise kisine personally aakar nahi diye, koi briefcase mein photo aur paise chod kar gaya tha uske ghar ke saamne

Arjun: yeh kaam Vishal(victim) ke chote bhai ka hai

Rathore(annoyed): acha? ...woh aage kuch bolne waala hai par usse pehle

Shree: sir aapko aisa kyun lagta hai?

Arjun: is briefcase par Engine oil aur grease ke halke nishaan hai, aur uska bhai mechanic hai, zaahir si baat hai ki uske haathon par ye sab laga hua hoga

Chotu: toh use arrest kare ?

Rathore abhi bhi use glare kar raha hai, Arjun use nazre nahi milaata

Rathore: chalo!!!

Vishal ka bhai confess karta hai, ETF use arrest karti hai

Rathore taana maarta hai: kitni ajeeb baat hai Rawte tumhari presence of mind aur deduction skills kabhi bhi on-field zaroorat padne par kaam nahi karti. Aur chala jaata hai

Arjun ka dil dukhta hai par woh kuch nahi kehta aur wahi baith jaata hai, apna wallet nikalkar kholta hai...usmein ek photo, use dekhkar

Arjun mv "kaash tum mere paas hoti...atleast tum toh mujhe samajti, sach kahu..bahot yaad aati hai tumhari, kabhi-kabhi toh lagta hai, main bhi tumare paas aajau...par majburi hai, woh bhi nahi kar sakta"

woh sigh karke wallet wahi table par rakhkar apna sar chair ke headrest par lean karta hai. Shree aur Chotu bhi kuch der baad formalities puri karke conference room mein pahunchte hai. Arjun ko aise dekhkar glace exchange karte hai, use bina disturb kiye chup-chap apni chair par baithkar paperwork continue karte hai...Arjun unki aahat sunta hai par koi reaction nahi deta, ab use Alexander ki paheli bhi suljhaani hai, woh firse apne dimag mein kho jaata hai, Alexander aur Prachand baba ka relation dhundhne ki koshish karta hai...par nakamyaab hota hai...continuously uske dimag par zor padhne se uska sar dard karne lagta hai...woh uthkar chai lene jata hai

Shree: are sir aapka wallet!!...

Arjun darwaaze se turn hota hai

Shree: main deta hun.

Shree apna haath lamba karke wallet uthata hai, woh Arjun ki taraf jaane waala hota hai ki uske haath se gir jaata hai

Shree: sorry sir...aur bend hota hai

Arjun conscious hokar aage kadam leta hai: rehne do Shree main...

Par tab tak Shree andar rakhi tasveer dekh chuka hai, woh shock ho jaata hai, dheerese wallet uthata hai...uski aakhein nam ho jaati hai...Arjun sigh karta hai

Shree: sir?...aap...aap Ri ko...Ri se pyaar karte the?

Chotu bhi unhe ab shock se dekh raha hai

Arjun apna wallet waapas lete hue: tha nahi Shree karta hun...khair ab in baton ka kya faayda

Chotu(use better feel karaane ke liye): sir...woh bhi aapko pasand karti thi

Shree: ha sir, kabhi kuch kehti nahi thi par...

Arjun: main jaanta hun

Shree chup ho jaata hai, Arjun chai peene chala jaata hai, piche Shree aur Chotu dono ko bura feel hota hai, ek baar ek ghav toh sahe par baar-baar ek hi ghav ek insaan kaise jhele?...

Agle din Chotu apne informer ka naam lekar Rathore ko information deta hai

Chotu: Rathore sir, S.R. Chemicals ki factory par 6 din baad ek drug deal hone waali hai...hume shak hai ki woh deal...Prachand baba ke kisi admi ki hai

Rathore stiff ho jaata hai aur Arjun ko glare karta hai,

Rathore: chalo, kisi ko toh yaad hai warna kuch ko toh farak hi nahi padta

Arjun chup rehta hai, Shree aur Chotu ko thoda gussa aata hai par kar bhi kya sakte hai...case par focus karke plan discuss karte hai...

Later

Chotu: Sir us John ka kya karna hai?

Arjun: baad mein dekhenge

Shree: kya baat hai sir? Aap kuch pareshaan lag rahe hai? Kya soch rahe hai?

Arjun: Alexander ke baare mein

Dono confuse hote hain

Chotu: kaun Alexander?

Arjun: wahi toh soch raha hun

Shree (playfully): sir Alexander toh mar chuka hai

Arjun chouk kar: kya??

Shree: ha sir, par aaj tak uski kabar nahi mili

Arjun: kya keh rahe ho Shree?

Shree: ha sir aapko pata nahi Alexander the Great, history ke sabse bade rajya ka raja

Arjun impulsively : kya kaha tumne?

Shree thoda serious hokar : sir main toh mazak kar raha tha

Arjun: Shut up Shree, just Repeat

Shree(confused): ha sir aapko pata nahi Alexander the Great, history ke sabse bade rajya ka raja

Arjun ek pal ke liye soch mein chala jaata hai aur fir: SHIT!!! MAIN ITNA BADA BEVKUF KAISE HO SAKTA HUN?

Dono confuse hote hain

Chotu: sir?

Arjun (excitedly): ALEXANDER THE GREAT !!!! YEH KOI PERSONAL NAHI HISTORICAL REFERENCE HAI, ALEXANDER THE GREAT KO SIKANDAR KE NAAM SE BHI JAANA JAATA HAI!!!! PRACHAND BABA AUR SIKANDAR EK HI HAI

Dono shock ho jaate hai: KYAAA!!!!!!

Arjun: ha (woh finally relax hota hai)...Shree you are a genius...I promise is case ko khatam hone do, main tumhe latest version ki 10 video games kharid ke dunga (Woh chair par lean karke smile karta hai)...YESSS!!!! mv "tumari paheli maine suljha di mystery girl,...ab bas...us waqt ka intezaar hai kab us rakshas ki gardan mere haath mein hogi...lekin use kaise pata ki maine sirf uske haath par tattoo dekha tha???..."

Lekin idhar Shree aur Chotu abhi bhi confused hai

Shree: sir? Hume kuch samaj nahi aa raha...

Chotu: ha sir...aapko kaise pata chala ki Prachand baba aur Sikandar ek hi hai...?...

Shree: aur Alexander beech mein kahase aaya?

Arjun : woh..(par fir calm hota hai)woh...main tumhe abhi nahi bata sakta...baadme bataunga...pakka

Dono abhi bhi confused: ok sir...

Tabhi Rathore waha aata hai (gusse mein): kya ho raha hai yaha par????

Teeno straight baith jaate hai, Arjun dono ko kuch na kehna ka ishara karte hai

Chotu: woh...sir...hum toh...

Shree: hum toh... us drug deal ko pakadne ke plan ki taiyaari kar rahe the

Chotu: ha...ha sir hum toh taiyaari kar rahe the...

Rathore unhe glare karta hai: lag toh nahi raha

Dono uski gaze avoid karte hai, aur chup hokar kaam mein lag jaate hai...sab theek ja raha hai, un dealers ko pakadne ki saari planning ho gayi thi...deal ke ek raat pehle Arjun chai ki dukaan par hai, tabhi Munna waapas aate waqt use chithi thamata hai...

Arjun chouk jaata hai mv "abhi toh humne un dealers ko nahi pakda toh fir isne chithi kyon bheji?" nervous hokar woh letter kholta hai, lekin aaj woh letter akela nahi hai, uske ek kone mein ek chota-sa passport size photograph hai...

Woh padne lagta hai