Dil Dosti Pyaar
Riya has swallowed the bacteria. the team rushes her to the hospital. Riya ko hospital staff operation theater main le jaate hain
Doctor: hum inka operation toh kar denge lekin...
Rathore: lekin? lekin kya doctor?
Doctor: inke bachne ki umeed bahot kam hai
Rathore: I DONT CARE !!!!! woh meri officer hai, usne sab ki jaan bachane ke liye apni jaan daav par laga di hai you have to treat her samjhe aap!!!
Doctor: ji main puri koshish karunga
Rathore(uska collar pakadta hain): MUJHE KOSHISH NAHI RESULTS CHAHIYE!!!!!!
Shree aur Chotu jaise taise use piche se pakad kar doctor ko chudwaate hain.
Doctor andar chala jaata hai. bahar Rathore Shree aur Chotu sab dare hue hai, Shree aur Chotu ro rahe hai aur pray kar rahe hai, Rathore bhi Riya ki salamati ke liye wish kar raha hai aur un dono ko sambhalne ki koshish karta hai.
Rathore: Riya theek ho jaayegi, tum log himmat mat haaro
Shree (rote hue) : sir aapko pata haina ki jisne bhi woh bacteria khaya sab ka kya hua? Riya ne toh pura kha liya sir...
Rathore (apne aap ko control karte hue): mujhe pata hai Shree par dekho na hum use yaha tak sahi salamat la paaye hain toh aage bhi ...woh ladegi Shree...woh kamzor nahi hai...woh zaroor ladegi mujhe pura vishwas hai. kehkar use hug karta hai woh dusra haath Chotu ke kandhe par rakhta hai. lekin woh unhe sambhal raha hai ya khud ko use hi nahi pata.
on the other hand jaise hi doctor Riya ko andar le jaate hai, Arjun waha se nikal jaata hai, woh toh kuch bhi samajne ki state main nahi hai
Arjun mv" nahi, aisa nahi ho sakta...Riya ye tumne kya kiya? tum mujhe aise chodkar nahi jaa sakti, main tumse dur reh sakta hu lekin tumhe aise nahi dekh sakta, nahi main tumhe kuch nahi hone dunga, nahi jaane dunga main tumhe..."
woh chalte-chalte hospital ke mandir tak pahunchta hai. waha bhagwan ke saamne haath jodta hai
Arjun (uske aankh mese bhi aansu beh rahe hai) : main jaanta hu aap mujhse naaraz hai ki maine aapko maanna chod diya, isliye aap ye sab kar rahe hai, haina?...toh theek hai(woh ek diya haath me lekar ghutno par baith jaata hai) main aapke saamne firse jhukne ko taiyaar hu...par pls riya ko theek kar dijiye, aapko jo saza deni hai mujhe dijiye par pls use theek kar dijiye, aapko pata haina uske bagair nahi jee sakta main, agar use kuch ho gaya toh ...toh main jeeteji mar jaunga pls use bacha lijiye, ab firse kisiko khone ki himmat nahi hai mujhme , nahi seh sakta main bacha lijye use, use ladne ki taakat dijiye plss...
aise hi woh wahi par rote hue diya lekar baitha hua hai, prathna kar raha hai, diye ki wajahse uska haath jal raha hai lekin fir bhi use koi dard mehsoos nahi hota ya fir shayad woh mehsoos karne ki haalat main hi nahi hai.
4 ghanto tak Riya ka operation chalta hai. koi bhi apni jagah se nahi hila, commissioner bhi tab tak aa jaata hai. woh bhi operation theatre ke baahar tensed hokar baithe hai. OT ki light off hoti hai, aur doctor bahar aata hai.
Sab use gher lete hai
Shree: Doctor kya hua?
Chotu: humari Ri theek toh haina?...
Rathore(irritated): aap kuch bolte kyun nahi doctor? JAWAAB DIJIYE DAMMIT!!!!
Doctor: aap mujhe bolne ka mauka toh dijiye officer...
Vikram (commissioner) : jaldi boliye Doctor
Doctor: humara operation successful raha...
itna sunte hi Vikram aur Rathore chain ki saans lete hai, Shree aur Chotu khushi se cheekhne lagte hai
Choree: YESSS THANK GOD HEY BHAGWAN TERA LAAKH-LAAKH SHUKAR HAI !!!!!!!!!...
Rathore(doctor ko hug karte hue): thank you so much Doc we owe you one
Doctor : ismein thank you ki kya baat hai? ye toh humara farz hai, credit ke haqdar toh aapki officer hai jinhone is shehar ko itne bade haadse se bacha liya aur rahi baat operation ki toh yeh sab toh aapki duaon aur pyaar ka asar hai warna unka bachna bahut mushkil tha...
Chotu: Doc hum Ri ko dekh sakte hain?
Doctor: abhi nahi hume unhe room me shift karna hoga uske baad,(nurse ko) sister... aur woh wahase chala jaata hai
tabhi Shree ko dhyaan aata hai.
Shree: ye Arjun sir kaha hai?
Rathore : woh kaha kabhi kisi ko kuch batakar karta hai
Vikram mv" indono ka kuch nahi ho sakta hai, mujhe Arjun ko dhundhna hoga" : Rathore, baahar media khadi hai, ek kaam karo tum teeno jaakar unhe statement dedo aur ye bhi bata do ki Xora ka naamu-nishaan mit chuka hai
Rathore: ji sir. woh Shree aur Chotu ke saath chala jaata hai
Vikram mv" ab yeh Arjun kaha chala gaya?...aise time par toh woh ek hi jagah jaa sakta hai"
woh bhi hospital ke mandir me jaata hai lekin waha ka scene dekhkar shock ho jaata hai, waha Arjun abhi haath mein diya lekar baitha hai, woh immediately aage jakar uske haath se diya hata kar side par rakhta hai lekin Arjun isse bechain ho jaata hai
Arjun: nahi, chachu aap kya kar rahe ho? meri Riyu...woh diye ko firse lene ki koshish karta hai
Vikram: Arjun...Arjun hosh mein me aao! Riya theek hai
ye sunkar Arjun thoda presence mein aata hai
Arjun: kya?
Vikram: Riya theek hai Arjun, operation succesful tha
Arjun: SACH? meri Riyu theek hai? use kuch nahi hua na?
Vikram nod karta hai, Arjun apne aapko control hi nahi karpata, woh aage jaakar murti ke paas baith jaata hai
Arjun: thank you!!! thank you so much...main kaise aapka shukriya ada kaaru? main...main ha main ek hafte tak upvaas karunga sirf fruits khaunga, aur 11 din tak roz mandir main 11 nariyal chadaunga aur Durgashtami par puja bhi karunga aur...
Vikram ke chehre par smile aati hai: are-are bas-bas Arjun, bhagwan ko rishwat de rahe ho?
Arjun bhi smile karta hai fir achanak: Vicky Chachu main Riyu ko dekh sakta hu pls sirf do min (woh firse bechain ho jaata hai) pls chachu main sirf ek baar use dekhna chahta hun ...
Vikram: Arjun shaant ho jaao main kuch intezaam karta hun ok pehle tum bahar aao
Arjun khush hokar nod karta hai, Vikram doctor ke paas chala jaata hai.
Vikram: doctor kya Riya se mila jaa sakta hai?
Doctor: woh hosh me toh hai lekin woh bahot weak hai zyada baat nahi kar sakti
Vikram: theek hai doctor, Riya ko hosh aa gaya ye baat abhi kisi ko mat bataye koi puche toh kahiye kal ayega
Doctor(confused) : ji bilcul...ab woh use kaise puch sakta hai commissioner haina?
ETF waapis aati hai, dusri taraf se Arjun bhi aata hai. Rathore use dekhkar chidta hai kyunki woh operation ke waqt gayab ho gaya tha kuch nahi toh colleague toh hai hi Riya uski
Rathore: kaha the tum ab tak?
Arjun use glare karte hue: mujhe kab kaha hona chahiye main achi tarah se jaanta hun, mujhe tumse seekhne ki zaroorat nahi hai
Rathore: Rawte...
Vikram: boys thats enough ye hospital hai
Shree topic change karne ki koshish karta hai: ab toh hum Riya ko dekh sakte haina?
Vikram: nahi woh hosh mein nahi hai, aur waise bhi ek naya case aaya hai tum logon ko waha jaana hoga [woh girish kulkarni waala sabko pata hai]
woh teeno ko bahar le jaata hai details batane ke liye, Rathore aur Choree na chahte hue bhi follow karte hai, nikalte-nikalte Vikram Arjun ko meaningful glance dekar jaata hai. unke jaane ke baad Arjun Riya ke room ka darwaza kholta hai, woh waha bed par leti hai, Arjun dheerese uske paas jaata hai aur bed par baithta hai. woh uske sar par haath ferta hai, Riya ke chehre par smile aati hai woh apni aankhein kholti hai.
Arjun ye dekhkar smile karta hai: pagal ladki, kitna dara diya tumne mujhe pata hai
Riya: kam se kam isi bahane tum mere paas toh ho
Arjun ki aakhein nam ho jaati hai, woh koi jawaab nahi deta hai
Riya apna haath uski taraf aage karne ki koshish karti hai Arjun uska haath pakad leta hai, lekin tabhi use apni galti ka ehsaas hota hai
Riya: Arjun...(Arjun apna haath hata deta hai)...Arjun kya chupa rahe ho tum mujhse
Arjun: kuch nahi
Riya : jhut mat bolo, tumhe meri kasam
Arjun: are tum kya kasam de dekar apni baat manvati rehti ho?
Riya: kyunki tumhe seedhi baat samaj nahi aati, ab dikhao mujhe (Arjun apna haath uske haath me deta hai) ye... ye toh jalne ka nishaan hai ye kaise?
Arjun use bata deta hai.
Riya: tum pagal ho? aisa karta hai kya koi? zyaada lag jaata toh...
Arjun: aur agar tumhe kuch ho jaata toh? main tumhare bagair kya karta Riyu?
dono ki aankhein nam ho jaati hai aur dono tightly ek dusre ko hug karte hain. kuch der baad
Arjun: mujhe jaana hoga zyaada der nahi ruk sakta
Riya : hmmm...dono alag hote hai
Arjun Riya ke forehead par kiss karta hai: apna khyaal rakhna
Riya nod karti hai: tum apne haath par dawai laga lena
Arjun bhi nod karta hai aur fir jaane ke liye uthta hai. lekin darwaaze par ruk jaata hai aur aakhri baar mudta hai. Riya use smile deti hai. Arjun bhi smile karke chala jaata hai.
hospital ke baahar Shree curse kar raha hai
Shree: Hitler, Rakshas, khadoos , kanjus makhichus marwaadi
last waali sunkar Chotu use lightly maarta hai Shree use glare deta hai toh woh Rathore ko taraf ishara karta hai udhar Rathore use glare kar raha hai
Shree (darkar) : mera... mera matlab... sir main aapko nahi commissioner sir ko gaali de raha hu
Rathore sigh karta hai: main bhi de raha hun Shree, ekto Riya se mil bhi nahi paaye maana ki behosh lekin dekh toh sakte the, uparse case, pichle case ka paperwork baakhi woh alag, aur yeh Rawte pata nahi firse kaha gayab ho gaya samajta kya hai apne aapko
Shree relieve hota hai. tabhi Arjun waha aata hai
Rathore : sab free nahi hai yaha ki tumhari raah dekhte fire
Arjun: ab time waste kaun kar raha hai, murder hume hi solve karna hai samjhe ya samjhao
dono ek dusre ko glare kar rahe hai...
CID
118