Posted:
Writing and scribbling something or the other is something that is unavoidable for me... A thought... A metaphor kind of struck my mind...
A visualisation that ran into my mind, and here it is...
Pani ka tatt (A shore)
Main harey-bharey bagh ki hirni,
Uchal-uchal kar jee khush rakhti.
Kabhi hansi kabhi thitholi,
Kabhi shokhpan ki haseen titli.
Bachpan ke suhaane rango se
Ladakpan ke bhadrange ujaalon mein.
Mere baagh ki haryaali ne,
Ek martula sa peelan odh liya.
Main pyaas ki maari hirni,
Pani ke kinaare trishna karti.
Pairon ko choota paani matmaila dekhta,
Door-daraaz se pani ki paakizgi maaloom padti.
Main nishchal si uss dariya mein utar padi,
Haath mein gagariya aur mann mein sheetal sa sapna.
Jitna mai chalti gayi, meri trishna mujhe aur door le jaati gayi,
Sirf kaamna thi uss saaf paani ki.
Ye trishna mujhe kahan le aayi?
Chautarfa kandhe tak behta pani, aur saaf paani?
Wo toh kahin nazar hee nahi aata.
Jis raaste se abtak yahan aayi,
Usi raate ke taraf dubaara mudd ke dekha.
Arrey ye kya? Saaf paani toh kinaare par hee tha...
Tez uthti lehron ke chapaake, chehre par thapedon ki tarah lag rahe they.
Main darr gayi... Ye trishna mujhe kahan le aayi?
Aur ab? ab ye trishna mujhe wahin dikh rahi hai jahan mujhe prem ki pyaas gandigi dikh rahi thi...
Meri aankhein dhoomil ho gayi... Aansuon ne unpe ghande baadal mandra diye...
Baat toh tab samjh mein aayi, saaf paani toh ek moh hai, aur trishna uski maaya,
Prem toh wohi hai jo aapne apne tatt pe paaya.
Bhaari kadmon se, toofaani lehron se ladkar, main wapas apne tatt ko lautne ko tatpar hui,
Mushkil-mashakkat ki ladaayi ke baad jab paani sirf mere kadmon ko choone laga, tab aankhein phir chalak uthi...
Ye tatt hee toh hai, jo hum ko bhigoke bhi, doobne nahi deta,
Humare apno ki tarah humko khone nahi deta...
Jo kuch lamhon pehle paani mere pairon ko sehla raha tha,
Usiko maine chullu mein uthaake maine maathey se laga liya...
MERE APNE... KABHI MUJHE SAMMAAAN DETE... KABHI MAIN UNKO...!!!
**********~~~~~~***********
Thank you...😳
Forum Games
Current Affairs
Anupamaa
