Raj-Naina Love Nest IMPORTANT NOTE pg 13 - Page 11

Originally posted by: yakkudimag

I am giving my short fic here..please do read.
--------------------------------------------------------------------------------------------------------------------

                                        Main,Meri Patni aur Meri Neend




"eii jee..utho na..utho na..baat karo na....."

"arre..mujhe sone do..mujhe kal Office jana hai.."

"Office toh roz jaate ho..aaj mujhse baat karo na..eii suno toh...aaj na pata hai kyaa hua..main market gai thi.."

"Naina..ek aur labz bola na..toh main..kamre se baahar jaa kar sounga..bak bak..din raat iske siva kuchh toh tumko sujhta nahi.."

"11:30 hi toh baje hain..baat karo na..Bade Jethjee ..kitni baatein karte hain Badi Jethanijee se..tum ho..k.."

"This is it..I am leaving now.."

"nahi..tum so jaao..achha..jab tum chaaho..tab baat karungi...."


Raj befikar hokar so gaya..

Naina leti hai..par neend nahi hai uski ankho me..

yeh kaisa pati mila hai usko..zara sa baat karne kaho...aasmaan toot padta hai sar par..

hafte me kitni baatein karta hai..Naina geen kar bata sakti hai..baaki sab kaam kar sakta hai..par kisi se baat karne ko kaho..bas..inki tai tai fins..

********************************************

6 maheene hue hain..shaadi ko..aur saari baatein khatam..

Naina ko yaad aya..jab Raj usko dekhne aya tha..apne bhaiya bhabhi k saath..chup chaap hi tha..

Naina bhi muh bana kar baithi thi..Raj chai pee raha hai...aur Naina ki taraf dekha ..bas ek baar hi..aur sar jhoonka lia..

Naina bhi dekh rahi hai..Raj ko..

shakal toh achhi hai..style bhi hai..handsome hai..bada khandan bhi hai.. business bhi bada hai..Maa-Baap ko mare hue 10 saal ho gaye hain..teen bhai hai..Raj sab se chhota hai..

Bade bhai ka naam hai Dharamveer Singh Ahluwalia,Majhle bhai ka naam hai Karamveer Singh Ahluwalia ..aur yeh chhota  Rajveer Singh Ahluwalia.

Rajveer ki hi shaadi nahi hui abhi tak..

Bhabhion ka naam hai..Parmindar Kaur Ahluwalia aur Manpreet Kaur Ahluwalia..

Rishta inhone hi bheja tha..Naina ko Parmindar ne ek Dhillon Saab ki Beti k shaadi me dekha tha..unko tabhi se Naina bahut pasand hai.


ladke me koi burai nahi..naa hi ladki me koi dosh hai..rishta ho gaya..hafte bhar me mangni ho gai..aur maheene bhar me shaadi..

shaadi k din Raj bahut handsome lag raha tha..pagdi aur sherwani me...

Naina usidin pighal gai..Raj par fida ho gai..

shaadi k baad ki rasme hui..anghuthi bhi Naina ne nikali pahle..

Parmindar Bhabhi boli..."dhyaan se Devarjee..ab toh zindagi bhar k lia..tumhe hi jhoonkna  hai.."

Manpreet Bhabhi boli,"sar toh inka usidin se jhoonka hai...jis din hum Chhoti Bahu ko dekhne gaye the.."

Naina yeh sab sun kar sharam se laal ho gai..Raj abhi tak sar jhoonkaaye baitha hai....

Naina(man hi man)--sar uthata kyon nahi?aise toh ho chuka sab kuchh..itna kyon sharmata hai..?

**********************************

kamre me Raj aya..Naina bistar me baithi hai..Raj bathroom gaya..night suit pehna usne..aur baahar aya..

Naina--jee..main kyaa karoon?

Raj--haa..tum bhi..night suit pehno..aur so jaao..bahut neend aa rahi hai.. main toh wahi..baithe baithe so gaya tha..jhapki lag gai thi mujhe..

Naina--kab?

Raj--wahi jab..Bhabhain bak bak kar rahi thi..anghuthi ki rasam k waqt..

Naina ko 440 volts ka jhatka laga..so raha tha?

***************************************************************

woh din tha..aur aaj ka din hai..Raj zyada der tak jaag nahi sakta..zyada baatein kar nahi sakta..uski neend bahut bhayanak hai..

sona..uska favourite time pass hai..Office me break me jab sab log cricket dekhte hain..Raj 30 minute k lia so leta hai..

Bade aur Majhle Bhaiya pareshaan ho gaye..Chhote bhai ki aisi aadat se..

Bhabhion ne kaha..uski shaadi karva do..Dulhan aayegi..saari neend ghayab ho jaayegi..shaadi hui bhi..par neend ka koi ilaaj nahi hua.

ab Naina ko jhagda karna ata nahi..chup hi rehti hai..

ek din..

Raj Naina se gale mila..aur bahut der tak kuchh bola nahi usne..

Naina ko shak hua..Raj uske kandhe par sar rakh k hi so gaya..

Naina ko kabhi kabhi shak hota hai..Raj baahar kyaa karta hai..par thode hi dino me yeh yakeen aa gaya..k Raj aisi waisi koi harkat hi nahi karta..Raj sirf sota hai..akele..jab bhi waqt mile..

shaadi k 1 maheene baad..

Naina khana le kar gai Office.Raj k Cabin me ghoosi..aur dekha Raj so raha hai..kaam ka zyada pressure nahi..toh Raj table pe sar rakh k hi so gaya.

uske baad..honeymoon par gaye...din me Raj usko ghuma tha..par raat ko.. hotel pahuch kar hi so jata tha..

raaton ko woh jaag hi nahi sakta..

actually,Raj k paas jab koi kaam hota hai,dhyaan se karta hai,kaam ki kamee..usko tired kar deta hai..aur woh so jata hai.

6 maheene se..yehi chal raha hai..aur saari zindagi yehi chalegi..


Naina ki kismat hai..apne dil ko dilasa deti hai..yehi soch k..k daroo nahi peeta,jua nahi khelta,baahar bhi kisike saath chakkar nahi hai..zyada sota hai..itna chalta hai..perfect nahi hota koi..Raj ..Raj hi hai..isi type ka..

pyaar..haa..pyaar karta hai..jitna ho sake karta hai..har maheene naye kapde.. shoes,cosmetics,..Raj uske lia lata hai..

6 maheene me 6 baar baahar le gaya hai usko..dinner k lia..shaam k 7 baje..9 baje k andar khana khaa kar..laut aaye dono..aur 10 baje k andar Raj so gaya.

ek din Badi Bhabhi ne shopping par bheja dono ko..jisbhi chees par Naina ki nazar padi..sab kuchh Raj utha laya..

Naina k pasand ki kitabe..DVDs..Magazines..sab laa deta hai Raj.

par Naina jab usko kitab padh kar Raj ko sunane jaati hai..jawab me Raj  ki kharrato k ilava aur kuchh sunai nahi deta.

------------------------------

yeh saari baatein yaad karte karte waqt ka pata hi nahi chala..Naina ne ghadi ki taraf dekha..oo baapre!! subha k 4 baj gaye..woh soi hi nahi..!!

ab so nahi sakti..ab soyegi toh pata nahi kab neend khulegi..aur der se uthegi..toh dono Jethanian ..uske pichhe haath dhoke pad jayengi..

chhedkhaani karengi.."kyaa baat hai Bahu..kyaa hua?Raj ne sone nahi dia kya?kyaa kar raha tha?"

inko aisa lagta hai..par koi kamre k andar toh aakar dekhta nahi..k asal me kyaa scene chalta hai..

aur aise hopeless log hain..Suhag raat me bhi kisine taak jhaak nahi ki.. varna unko pata chalta..Raj ka karnama..

Naina ko lagta hai..Kumbhkaran ne Raj k roop me janam lia hai.

-------------------------------------------------

Naina uth gai bistar se..Raj abhi tak so raha hai..4:30 baje hain subha k..

Naina niche gai...kitchen ka saman thik kia..naashte k lia atta goondh k rakh dia..Mausambi se juice nikaala aur Jug me bhar kar freege me rakh dia..

subha jab nashta banana hoga..tab koi pareshaani nahi hogi..

fir Naina bagiche me paani daalne gai..

jitna ho sake usne sab kuchh kia..

ghar ki safai subha naukar karega..

pure din k khaane k lia sabzi kaat ke plastic me wrap kar dia Naina ne..

Dono Jethanian khush ho jaayengi..


Parmindar Bhabhi..achhi hai..par umar me zyada badi hai..Manpreet Naina se sirf 6 saal badi hai..uske saath achhi banti hai Naina ki..

aise me Naina ne dekha ek admi aa raha hai..lawn se guzar kar darwaze tak..

"namaste Bibijee.."

Naina--jee Namaste..aap?

"jee main Gurdaspur se aya hoon..."

Gurdaspur,Rajveer ka gaon hai..Pushto ki haveli hai..zameen hai ..baagh hai..

----------------------------------------------------------------------


subha k 7 baje..Raj ki neend khuli...

Raj--Good Morning..Naina..main nahane jaa raha hoon..chai banaona..

Raj ankho ko bandh kar k hichala gaya bathroom ki taraf..

Jaise hi pani ankh k andar gaya.Raj ki neend tootne lagi.Kal raat bahut rudely baat ki usne..Naina se..arre..woh bechari samajhti hi nahi..raaton ko Raj jaag nahi sakta..aur din me hazaron kaam hote hain..

2 maheene pahle,ek padosi ki maut ho gai..umar zyada nahi thi uski..40 saal ka admi tha..Car accident me mara gaya..

usi waqt..ek din..

Raj leta hua tha..darr k mare usko neend nahi aa rahi thi..

Naina chup chaap baithi thi..

Raj--mujhe sona hai..

Naina--maine kab mana kia hai..so jaao..

Raj--par..woh jo..andhere me dikh raha hai..woh...hawa me..

Naina--Raj..woh pedh k patte hain..hawa me toh hilenge hi...

Raj--main samjha..

Naina--k koi chudhail hawa me apne baal sukha rahi hai..hai na?


Raj--yaar tum..jaanti ho..mujhe fir bhi dara rahi ho?

Naina--so jaaona ..sara darr ghayab ho jaayega...

Raj Naina k kareeb aya..Naina ko kas k pakad lia usne..

Naina--arre..chhodo..

Raj--nahi..mujhe darr lag raha hai..mujhe chhodo mat..please..

Naina--haa..nahi chhod rahi hoon..tum darro mat..



ek din..Naina ne ek bahut achhi kahani padhi thi...Raj ko sunane gai...

10 minute tak toh Raj.."hhmmm","arre.",yes.."..aisa karta raha...

Naina ne dekha..Raj so gaya..

Naina--this is it..jaao main nahi padhti..

Raj neend me hi bolne laga,"padhti raho..main sun raha hoon.."

Naina--Kumbhakaran ...meri kismat hi kharab hai...



bathroom me akle akele hi Raj hansne laga..yeh sab baatein yaad kar k...

bathroom se baahar nikla...

Naina abhi tak chai nahi laai...

baahar aya.."arre..chai laao...Naina..."

Naina niche nahi hai...

Raj kamre me waapas aya..balcony se dekha..nahi garden me bhi nahi hai...

Raj andar aya..usne dekha table par ek kagaz hai..paper weight rakha hai uske upar..

Raj ne dekha..

"meri wajah se apni neend kyon kharab karoge tum?aur kamre se kyon baahar jaaoge..main hi jaa rahi hoon..mujhe dhoondhne ki koshish mat karna.."

Raj k sar par aasmaan toot pada...yeh kyaa hai?ek chhoti si baat ko lekar itna bada bawaal!!!uff..!!!

usne apne Bhabhion ka kamra check kia..nahi hai..Naina nahi hain yeha.. kitchen me nahi hai..hall me nahi hai..garden me nahi hai..

dobara woh Parmindar k kamre me aya..

Parmindar samajh gai ..Raj ki bechaini..

Parmindar--kyaa hua Devarjee...Rani saahiba ka kisi Rakshas ne haran  toh nahi kar lia?

Raj--jee Parjaijee?

Parmindar--humari bhi shaadi hui thi..par tumhare Prajee ne toh kabhi itni bechaini se humen kabhi dhoondha nahi..kyaa baat hai..ishque zor ka lagta hai..ek minute k lia bhi ankho se door nahi honi chahie..kyon?

Raj ne bahut serious tone me kaha.."mazak ki baat nahi hai Parjaijee..yeh dekho..kyaa likha hai usne.."


Parmindar ne khat dekha...uske maathe par bhi paseena aa gaya..

Parmindar--neend ki bimari gai nahi..haa..Biwi bhaag gai..achha hai..tumko pahle bola tha Devarjee..

Raj--ab kyaa karoon?

Parmindar--arre..Delhi shaher me usko sahelion ki koi kamee hai kya?unke ghar par phone karo...chalo..main bhi phone karti hoon..tum apne mobile se karo..main apne mobile se karti hoon..

Raj--jee..

Naina k saare dosto k ghar phone kia gaya..nahi ..kahi par bhi nahi hai... Maaike bhi nahi gai..kaha gai?



aise me Network failure...

Parmindar--Raj..tower nahi mil raha hai...

Raj--mera bhi..chalo chhat par..wahi se tower mil jaayega...


Parmindar aur Raj chhat par aaye..jo dekha unhone ..dono dungh reh gaye..

yeh dekhne k lia taiyar nahi the dono hi...


saamne 6 tokri bhar k aam hai..3 me pakka aam..3 me kachcha aam...

Manpreet aur Naina chaku lekar baithe hai..

kachche aamo ko kaat rahe hai..aur achaar daal rahe hai..aur kabhi kabhi ek adh tukra Naina namak aur mirch laga k khaa rahi hai...


Manpreet ne dekha ..Parmindar ko..aur Raj ko...

Manpreet--aao na..Badi Bhabhi..aaj hi Chhedilaal de gaya hai aam..gaaon se..Deverjee..kyaa hua?Office nahi jana..?

Parmindar--Devarjee ka sar fir gaya hai...aur Chhedilaal kab aya tha?

Naina--subha ..6 baje...k aas paas..

Parmindar--arre..Chhoti Bahu..aur kachche aam mat khaa marjaniye...

Raj ka chehra gusse me laal peela ho raha hai..

Manpreet--daanto mat..Chhoti bahu ko laad karo ab..uske kachche aam khaane k din hi hai..

Raj ka chehra dekh kar..Naina daant nikaal k hans padi..


Parmindar batane lagi Manpreet ko..Naina ne kyaa kia hai...

Raj khada sun raha hai..

Naina hans rahi hai...

Manpreet--ek film aai thi..Pati,Patni aur Woh...inka bhi aisa hi hai..Patni,Patni aur Pati ki ..Neend..

Naina hans hans kar lot pot hone lagi...

Raj gusse k maare apne daant se daant  gheesne laga..

****************THE END******************

Have Made a simple siggy of Raj..😊