'Tera Ishq Mera Junoon' thahaan FF(last ch updated 29sep18 p - Page 18

Originally posted by: saakshiii12

Chapter 29

Next day

Poonam:Aap Sabka bahut shukriya aapne itane acche se shaadi ki taiyaari ki hai k mujhe toh lag hi Nahi raha k aap dulhe k pariwaar se hai aur hum dulhan K lagta hai ek hi pariwaar hai

Vasu:shaadi toh humare hi baccho ki hai aur thapki ko toh hum pehle se hi apni beti ki tarh mante hai, bahu toh woh aaj banane jaa rahi hai, Aur aap jyada socho mat hum milkar apne baccho ki shaadi karenge

Dadi:haa vasu bilkul Thik keh rahi hai, Waise Poonam beta main chahti thi k thapki aur Bihaan humari guruma K darshan karke unka ashirwaad lekar aaye,Ab woh toh yaha aa nahi sakti toh ye dono hi chale jaye waha accha rahega, q vasu bahu

Vasu:Pr maaji abhi shaadi me waqt hi kitna reh gaya hai,shaam ka muhurat hai phir kaise unhe bheje

Dadi:toh Ho jayega n inhe bs Jana hai aur ashirwaad lekar wapas aana hai,humare pariwaar ki parmpara rahi hai Vasu

Vasu:thik hai aap jaisa kahe,bihaan yahaa aao

Bihaan:Ji maa

Vasu:Beta tum thapki ko guruma ka ashirwaad lene k liye lekar jao aur jaldi wapas aana,shaam ka muhurat hai phir tum dono ko taiyaar bhi hona hai, humare pass jyada waqt Nahi hai bahut kaam hai

Bihaan:Maa Hume bhi aapse kuch kehna hai,woh office se urgent call hai mujhe bhi jaana hai,aap thapki ko kisi K saath bhej dijiye aur main return aate Huey guruma ka ashirwaad lekar usey saath lekar aaunga

Vasu:Bihaan aaj K din bhi office

Bihaan:Maa bahut urgent hai jyda time nahi lagega bs jaldi aa jaunga

Vasu:thik hai pr late mat Karna bihaan aur Suman tum thapki ko ashram lekar jao

Suman:Ji badi sasuma

Office

Bihaan apna kaam khtm kar jaldi nikalne ki koshish karta hai pr car me bethte hi usey pata chalta hai k woh apna mobile apne cabin me bhool gaya, woh wapas apna mobile lene cabin me jaata hai

Bihaan:aaj pata nahi ye kya Ho raha hai,Aaj hum ghar Rehna chahte they aur aaj hi itani sab kuch ho raha, aur aaj toh hum thapki se baat Karna toh durr ki baat hai usey Thik se dekh bhi Nahi paye

Bihaan thapki ko call karta hai pr network weak hone ki wajh se usey call nahi jata hai

Bihaan:Pata Nahi aaj kya Ho raha hai ab hum jaldi nikalte hai thapki humara wait kar rahi hogi

Ashram

Suman:thapki bihaan deverji ka call aaya K nahi q k Hume late ho raha hai

Thapki:Nahi aaya aur mera call bhi Nahi lag raha hai,aisa karte hai hum ghar chalte hai woh aa jayega main usey msg Kar deti hu

Suman:woh toh Thik hai thapki pr mujhe n kuch kaam tha,socha tha k tum bihaan deverji K saath ghar chali jaongi toh main mera kaam kar loongi pr jaane do ghar chalte hai

Thapki:Nahi bhabhi koi Zaruri kaam hai toh aap jao main akele ghar chali jaungi

Suman:sach me toh Thik hai hum auto se jaate hai tum car lekar jao

Thapki:thik hai

Thapki car me ghar K liye nikal jaati hai yaha bihaan ashram pahuchta hai aur guruma se ashirwaad lekar nikal jaata hai

Bihaan thapki ko call karta hai

Thapki:bihaan tum kaha Ho

Bihaan:hum ghar hi aa rahe hai raste me hai aur tum kaha Ho

Thapki:main bhi raste me hi hu tum jaldi ghar pahuho

Thapki call cut karti hai

Achanak thapki ki car rukti hai

Thapki:Kya hua Bhaiya

Driver:Madam lagta hai car me kuch problem Ho gayee hai aap bethiye main Thik karta hu

Thapki:accha Thik hai aap repair kijiye main chalker jaati hu Waise bhi ghar pass me hi hai

Driver:2min madam me Thik karta hu,aap q chalker jaa rahi hai, agar bihaan sir ko pata chala K aapko akele Jana padha toh Meri noukri chali jayegi

Thapki:Main bihaan ko Nahi bataungi Thik hai

Thapki car se nikal Ghar ki aur chalti hai

Bihaan thapki ki Car raste me Dekh car rokta hai

Bihaan:Thapki kaha hai

Driver:sir woh car kharab Ho gayee toh madam akele ghar chali gayee

Bihaan:Tumne jaane q diya samjh nhi aata tumhe

Driver:Maine mana kiya pr woh nahi maani sorry sir

Bihaan car me Beth car start karta hai

Kuch aage jaate hi bihaan ko thapki Dikhai deti hai woh car rokta hai

Thapki Bihaan ko dekhti hai Bihaan car se utar thapki k pass aata hai

Bihaan:Tum Nahi sudhrogi n jab dekho apni manmaani Karti rehti ho

Thapk:Ab itna q naraj Ho rahe Ho kya hua

Bihaan:Jab gadi kharab Ho gayee toh wahi ruk jaati hum toh aa hi rahe they n humare saath nahi aa sakti thi

Thapki:Bihaan pass me toh ghar hai

Bihaan:accha ye pass lagta hai tumhe toh chalo pedal hi ghar chalte hai

Thapki:Bihaan aaj bhi ladai karoge OK sorry ab aisa kabhi nahi karungi ab chale

Bihaan thapki ka face cup karta hai

Bihaan:Tum jaanti ho n k kitne mushkil se ye din humare naaeeb me aaya hai aur tum Ho k is tarh

Thapki:ok baba Thik hai sorry ab chalo hum late ho rahe hai

Bihaan:Hamm ek baar tumhe Thik se Dekh toh le

Bihaan ki aankhe num Ho jaati hai, thapki dekh K pareshaan hoti hai

Thapki:kya hua Bihaan

Bihaan:Pata Nahi q thapki pr bahut darr lag raha hai aisa lag raha hai k hum tumhe kho na de, thapki hum tumse durr Nahi reh sakte

Thapki:Bihaan hum dono toh ek hi hai n agar tum nahi toh main bhi nahi,Aur hum humesha saath rahenge toh bekar me pareshaan mat ho

Bihaan thapki ko hug karta hai thapki bhi tightly hug Karti hai

Thapki:Buddhu itane emotional Ho mujhe pata nahi tha

Bihaan: Sirf Tumhare liye hai, I love you

Thapki:I love you too

Bihaan thapki ek dusare ko hug karte Huey

Tabhi Bihaan samne se ek Car aate Huey dekhta hai woh kuch samjh paaye usase pehle hi car unke bahut nazdik aati hai Bihaan thapki ko push karta hai aur khud side hone se pehle car usey hit Kar deti hai, jisase bihaan hawa me uthta hai aur road K side me niche Khai me gir jata hai

Thapki uthti hai aur Bihaan ki aur bhagti hai usey bihaan neeche girte Huey dikhta hai

Thapki:(shout) bihaan, bihaan

Thapki bahut roti hai aur woh bhi Bihaan k pass jaane ki koshish Karti hai pr uska driver aur aas pass K log aa jaate hai joh thapki ko rokte hai

Thapki:(crying) bihaan

Rote Huey thapki behosh Ho jaati hai driver pandey family ko call karke accident K baare me batata hai aur sab accident ki jagah pahuchte hai

Police aati hai aur thapki ko ambulance me hospital bhejti hai

Dhruv:inspector mera bhai kaha hai,aap dhoondhiye usey

Ins:Dekhiye hum samjhte hai aapki condition ko pr itani uchai se girkar koi nhi bachta phir bhi hum unhe dhoondhne ki poori koshish karenge

Vasu:(crying) Dhruv jao bihaan ko lekar aao abhi, Maine kaha tha usey late mat Karna phir bhi ye ladka sunta nhi hai,humesha pareshaan karta hai jao

Vasu ko kuch samjh nhi aa raha uske liye ye yakeen Karna mushkil hai k Bihaan ko kuch ho gaya hai

Dhruv rotey Huey vasu hug karta hai aur vasu bhi roti hai

Krishnkant aur Abhi bhi wahi hai aur shock me K ye kya ho gaya

2days later

Dhruv ko call aata hai

Ins:Hello Mr Pandey I am sorry Pr aapke bhai ki dead body mil gayee hai aap yaha aaker le jaiye

Dhruv K haath me mobile gir jaata hai Shradha uske pass aaker

Shradha:Kya hua Dhruv

Dhruv:(crying) Shradha woh Bihaan,Bihaan ki dead body mili hai

Shradha shocked q k pandey family ko yakeen tha k Bihaan sahi sakamat wapas aayega

Shradha:Nahi Dhruv unse koi galti hui hogi woh humara bihaan Nahi hoga, hi hi Nahi sakta,hum Nahi jayenge aise kaise kisi ko bhi Bihaan maanle

Dhruv shraddha ko hug karta hai aur dono ek dusare ka dard sajha karte hai

Hospital

Dr:Mr pandey ye rahi Bihaan pandey ki dead body

Dhruv Dekh kr shock q k usey kahi n kahi ye yakeen tha k ye Bihaan nhi hoga pr woh Bihaan hi hai, Dhruv khud pr control nhi kar pata aur wahi emotional breakdown hota hai

Bihaan ka antim sanskar kiya jata hai poora pariwaar gumgeen poori family bihaan K saath gujare Huey pal yaad karte hai unke saath chaturvedi family bhi hai joh utane hi Dukhi hai q k Bihaan k saath unki beti ki khushiya bhi chali gayee

2 Month Later

Nurse:Dr Sahab Woh Aryan ko hosh aa raha hai

Dr room me aate hai

Dr:Nurse jaldi se ye injection do

Dr kisi ko call karta hai

Dr:Mr Khanna aapke bete ko hosh aa gaya hai aap jaldi aa jaiye

Mr Khanna aate hai

MrK:Kaisa hai woh

Dr:Pehale se bahut behatar, iski chot toh pehle hi bhar chuki thi pr itane din behosh raha hai toh shayad body me thoda pain rahega baki koi problem nhi hai

Mrk:Thank you soo much Dr aapne mere bete ko bacha liya

Dr:Kuch waqt me isey poori tarh hosh aa jayega Maine nurse ko bata diya hai woh time se usey medicine deti rahegi,Meri ab yaha koi zarurat Nahi hai toh main chalta hu phir bhi kuch problem Ho toh call kar Dena main aa jaunga

Mrk:thank you soo much Dr aapne ek nhi do zindagi bachai hai ek isaki aur ek Meri biwi ki thank you soo much

Dr chale jaate hai Aryan ko hosh aata hai Mr Khanna uske pass jate hai

Woh Dheere se apni eyes open karta hai aur usey sab kuch ajeeb lagta hai aur Mr Khanna ko confused look deta hai

Bihaan:thapki kaha hai aur aap koun hai,Meri family Maa, bhai

Bihaan k head me dard hota hai aur woh phir se behosh Ho jata hai

Mr Khanna bihaan K pass se uthakar ek chair pr jaker Beth jaate hai aur kuch sochte hai

Flashback

Mr Khanna:Dr please mere bete ko bacha lijiye,woh humara ek hi beta hai usey kuch ho gaya toh main apne bacche K saath apni wife ko bhi kho dunga, Aap toh jante hai k sirf Aryan ko Dekh woh apni bimari se lad paa rahi hai please kuch kijiye

Dr:Mr Khanna jis din se woh yaha admit hai hum usey bachane ki poori koshish kar rahe hai pr ab lagta hai aapko kisi bhi khabar K liye taiyaar Rehna chahiye I am sorry

Mr Khanna emotional breakdown Ho jaate hai

Kuch time Baad Dr aaker Mr Khanna ko batate hai k Aryan is dead

Dr:Mr Khanna humne poori koshish ki hai pr Aryan ka itna bura accident hua tha k hum kuch nahi kar paye

Tabhi nurse bhagte Huey aati hai

Nurse:Sir ek emergency hai please jaldi chaliye

Dr jaate hai aur Bihaan ko lekar kuch villagers aaye hai

Villagers:Sahab ye ladka Hume Nadi me mila lagta hai Upar Cliff se gira tha

Dr shock q k bihaan aur Aryan ek dusare ki Copy

Dr:Isaki family kaha hai

Villagers:Pata Nahi Sahab hum toh sidhe isey hospital laye hai, abhi tak police ko bhi nahi bataya, isey bacha lijiye Pata nhi koun hai kaha se aaya hai

Dr:Thik hai aap log jaiye main dekhta hu

Dr uska treatment start karte hai aur treatment K Baad Bahar aate hai

Nurse:Sir agar ye itani uchai se gira phir bhi isey jyada kuch nahi hua

Dr:Ha shayad Isliye q k woh Nadi(River) me gira is wajh se

Mr Khanna Dr K pass aate hai

Mr Khanna:Dr Sahab main Aryan ko ghar le ja sakta hu ab aage ki taiyaari karni hogi Aur emotional Ho jaate hai

Dr:Aap le jaa sakte hai Waise aaj ek ajeeb sa itefaq hua hai, Pata hai abhi ek ladka aaya hai jiska bhi accident hua hai pr woh khatre se Bahar hai, Aur uski shakal Aapke bete Aryan se bahut milti hai

Mr Khanna hairaan Ho jaate hai

Mr Khanna:Kya main usey ek baar dekh sakta hu

Dr:Haa aaiye

Dr Mr Khanna ko bihaan K pass le jate hai,Bihaan ko Dekh Mr Khanna shock Ho jaate hai

Mr Khanna:Isaki family kaha hai

Dr:Abhi pata nhi hai Ha hum bs police ko call karne hi wale hai woh iske family ko dhoondh lenge

Mr Khanna ko kuch khyal aata hai aur woh Dr Se discuss karte hai Pehle Dr mana karta hai pr Baad me maan jate hai

Mr Khanna bihaan ko apne saath apne ghar le aate hai aur doctor police ko Aryan ki dead body bihaan k naam se dete hai

Flashback end

Presant time

Mr Khanna:(Thinking) Maine us din joh kiya galat kiya pr apne bete ko kho Chuka tha apni biwi ko Nahi kho sakta tha, iske liye agar koi mujhe selfish kahe toh kahe pr Mujhe us waqt joh sahi laga woh Maine kiya, shayad bhagwan bhi mujhe mere is Paap K liye mujhe kabhi maaf nahi karenge, Mujhe pata hai k jab isey hosh aayega toh mujhse sawal karega aur mujhe bhi nahi pata K main usey kya kahunga

Originally posted by: saakshiii12

Chapter 30

Let's start

Bihaan ko hosh aata hai aur ab usey thoda better feel Ho raha hai pr jaise hi woh Mr Khanna ko dekhta hai uske dimaag me phir se wahi sawal aate hai k woh kaha hai

Mr Khanna:dekho main janta hu k tumhare Mann me bahut sawal hai aur main tumhe sab bataunga bhi, Pr Meri patni K samne kuch mat kehna woh joh kahe bs bina kuch kahe sunn Lena

Bihaan:Pr hum aapki baat q mane aur humara pariwaar kaha hai humari thapki kaha hai

Tabhi kisi K aane ki Aahat hoti hai

Mr Khanna:Meri wife aa rahi hai please Meri baat manlo,main haath jodhta hu tumhare samne

Bihaan:Thik hai hum kuch nahi kahenge

Room me ek lady aati hai aur Bihaan ko jaker hug Karti hai

Mr khanna:Savitri woh Thik hai ab jyada pareshaan mat ho

Savitri:Aapko pata hai n K isey Dekh kr hi main zinda hu agar isey kuch ho jaata toh main bhi mar jaati,Tu Thik hai n beta

Bihaan ye sab dekh thoda ajeeb feel karta hai pr savitri ko Dekh usey uski maa vasu ki yaad aati hai aur woh usey hug karta hai,bihaan ko lagta hai jaise vasu uske pass hai Isliye emotional Ho jata hai

Bihaan:Haa ma hum Thik hai

Dono hug break Karte hai aur Bihaan ko realize hota hai k ye vasu Nahi hai toh woh phir se normal Ho jata hai

Savitri:dekh tere liye soup bhej rahi hu,bina natak kiye pee Lena main aati hu

Savitri jaati hai

Bihaan:ab aap batayenge K ye sab kya hai aur hum yaha kya kar rahe hai

Mr Khanna:Tum mere ghar pr Ho aur abhi ye joh gayee Meri patni aur woh tumhe Aryan samjh rahi hai joh mera beta tha,Jiski death ho chuki hai

Mr Khanna usey sab sach bata dete hai aur Bihaan bahut jyada angry hota hai

Bihaan:Aapko pata hai aapne kya kiya hai,Meri pehchan mujhse chin li aur mere rishtey bhi, Pata nahi unki life me kya Ho raha hoga,humare bina woh kaise jee rahe honge, aapko pata bhi hai humari shaadi hone wali thi us din, humari thapki humara intezaar kar rahi hongi aur aapne uske intezaar zindagi bhar k ghum me badal diya

Mr Khanna:Dekho manta hu Maine galat kiya pr Meri wife ko cancer hai aur main apna beta pehle hi kho Chuka hu, agar Meri patni ko pata chalta toh woh usi din Mar jaati

Bibaan:Aur aapne apni patni ki zindagi K liye humari zindagi daav pr lagadi, Or ab Nahi hum jaa rahe hai apne pariwaar aur apni thapki k pass wapas

Mr Khanna:Please aisa mat Karo ek baar sochlo kisi ki zindagi bach sakti hai Meri galti ki saza savitri ko mat do

Bihaan:Aapko shayad Zara bhi andaja hai k aapne kya kiya hai,Hum jaa rahe hai apne logo k pass joh humara intezaar kar rahe hai

Mr Khanna:Koi tumhara intezaar Nahi kar raha,ruko

Mr Khanna TV on karte hai aur ek shaadi ka video play karte hai

Bihaan Dekh kar shock

Mr Khanna:Ye dekho tumhari thapki kisi aur se shaadi kar rahi hai, waha sab apni zindagi me aage badh gaye hai kisi ko tumhara intezaar Nahi hai, dekho tumhara pariwaar khud is shaadi me shamil hai aur kitna khush bhi,Mujhe ye sab kehte accha nahi lag raha pr ab waha tumhara apna koi nahi hai toh please yaha mere pass mere bete banakar raho,Meri savitri ki khatir

Itna kehkar Mr Khanna chale jaate hai,Bihaan ko yakeen Nahi hota k thapki Abhi se shaadi kar rahi hai, ye baat woh maan hi Nahi sakta

Bihaan:Nahi koi toh confusion hai humari thapki aisa Nahi kar sakti

Bihaan uthta hai aur Pandey niwaas K liye nikalta hai uske peeche Mr Khanna bhi

Pandey niwaas K Bahar bihaan apna chehra chupa Kar aaya hai taki koi usey pehchan na le

Bihaan ko Pandey niwaas K Bahar kuch ladies baat karte Huey Milti hai

Lady:Kya log hai ye khud K bete ko Gaye Huey 2month bhi Nahi Huey aur ghar me shaadi karwai woh bhi Bahar walo ki

Lady2:Arey usey woh apna beta jaisa Hi mante hai Abhishek khurana naam hai aur uski shaadi bhi apni hone wali bahu thapki

Itna sunte hi bihaan ka heartbreak hota hai aur woh waha se chala jaata hai aage jaker ek car rukti hai

Mr Khanna:Ander aa jao, please

Bihaan car me Beth kar Mr Khanna K saath chala jaata hai

Mr Khanna K ghar pahuchte hi savitri bihaan K pass aati hai

Savitri:Aryan tu kaha chala gaya tha, tujhe pata hai k main kitna darr gyee thi aur tune kuch khaya bhi Nahi, dekh aisa mat kiya Kar beta,Mujhe bata Kar toh jata, abhi toh Thik hua

Bihaan apne hi khyaalo me khoya hua hai aur uska heartbreak hua hai, usey kisi K sahare ki zarurat hai, savitri ka itna pyaar Dekh woh usey hug karta hai aur emotional Ho jata hai, savitri bhi usey apna beta Aryan samjh Kar hug Karti hai

Savitri:Aise mujhe chhorke kahi nahi jayega n, ab chal kuch kha le

Bihaan kuch der Baad apne room me aata hai aur usey thapki Abhi K saath shaadi karte Huey Dikhai deti hai aur Gussey me woh apne room ka saman fekane lagta hai aur phir thak Kar ek jagah Beth jata hai,apni knees ko apne chest ki aur modake Beth rota hai

Bihaan:q thapki Kyu kiya tumne aisa Hume toh laga tha k ab hum ek ho chuke, humdono ko ab koi alag Nahi kar sakta, Kyu humara intezaar Nahi kiya tumne, Kyu bhool gayee humare pyaar ko, Aur humari shaadi ko

Flashback

Jab sab Dhruv, Shradha, Bhaiya,bhabhiya,Aditi ,Abhi aur thahaan Party karne Pub me jaate hai toh Bihaan thapki ko chupke se apne saath Bahar lekar aata hai

Thapki:Bihaan ye kya hai kya sochenge sab humare baare me

Bihaan:Yahi K hum tumse bahut pyaar karte hai, aur hum bacche Nahi hai Thik hai kahi gum Nahi Ho jayenge, ab chalo

Bihaan thapki apna alag se enjoy karte hai aur Bihaan thapki ko apni bike Pr ghuma raha hai tabhi achanak se barsat start Ho jaati hai

dono pass K ek Mandir k ander jate hai

Thapki:dekho barish start Ho gayee,ab Hume barish rukne ka intezaar Karna hoga, Tum car Nahi la sakte they

Bihaan:Nahi humara Mann tha tumhe apni bike pr ghumne ka aur thoda intezaar Nahi kar sakti,hum hai n saath tumhare

Thapki Mandir me ander jake Prathna karti hai aur Bihaan bhi uske peeche jata hai aur thapki ko Dekh woh bhi prathna karta hai

Bihaan:Kya manga bhagwaanji se

Thapki:Aisa thodi hai k jab bhi prathna Karo toh kuch mangna zaruri hai,kabhi kabhi joh diya hai uske liye shukriya bhi Kar Dena chahiye, Aur main wahi Kar rahi thi k Meri zindagi me tum aaye Ho uske liye bhagwaanji ka dhanyawaad

Bihaan:Tum n kab kya karti ho kya bolti Ho samjh nahi aata,waise kal humari shaadi hai aur Humne Dhruv bhai ki shaadi me Dekha tha k bhai aur bhabhi ne ek dusare ko kuch vachan diye they,

Thapki:Haa toh

Bihaan:kal hum bhi denge, Pr hum chahte hai k aaj aur abhi hum dono ek dusare ko kuch vachan de, joh humare dil se nikale

Thapki:Bihaan tum bhi n kuch bhi kehte ho

Bihaan:Hum serious hai thapki ye majak nahi hai

Bihaan jata hai aur hawan se kuch jal rahi lakdi ek badi thaame lata hai

Bihaan:Ye lo ab humare vachan K liye Agni bhi saakshi hai

Bihaan thapki ka Haath pakar pehla phera Leta hai

Bihaan:Main humesha tumse pyaar karunga chahe joh Ho jaye

Thapki:Main bhi bina kisi swarth K tumhe pyaar karungi

Bihaan:agar kabhi koi mushkil aaye toh

Thapki:Toh hum milkar uska samna karenge

Bihaan:Hum kabhi ek dusare se kuch nahi chipaenge

Thapki:ek dusare pr poora bharosa karenge

Bihaan:Tumhare bina Meri zindagi me kabhi koi khushi nahi hogi

Thapki:Meri zindagi me har khushi tumse shuru aur tum pr Hi khtm hogi

Aise hi aur bhi vaade dono ek dusare ko karte hai aur saath hi Agni K phere lete jaate hai

Bihaan:Agar kabhi maut samne aa jaye toh tumse pehle main uska samna karuga

Thapki:main tumse sirf is zindagi me Nahi balke is zindagi K Baad bhi pyaar karungi

Saat phere complete bihaan thapki k forehead pr kiss karta aur dono emotions me itane beh jaate hai k Bihaan sindur lekar thapki ki maang Bhar deta hai

Thapki:bihaan ye kya kiya

Bihaan:Kya Waise bhi kal humari shaadi hai n toh kya fark padta hai

Thapki:Pr bihaan

Bihaan:Tum har baat pr itna q sochti ho, hum tumhara saath kabhi nahi chhodoge

Bihaan thapki ko hug karta hai aur thapki bhi

Bihaan:Ab humare pass Mangalsutra toh Nahi hai pr ek gift hai tumhe dene k liye

Bihaan apne jeb se ek box nikalta hai aur usme se ek locket nikalta hai

Bihaan:kaisa hai

Thapki:Bahut sunder pr ye kya likha hai thahaan matlab

Bihaan:Humara naam thapki setha aur Bihaan haan se haan, joh milkar bane thahaan

Thapki:Bahut hi pyaara gift hai

Bihaan thapki ko locket pehnata hai

Bihaan:ab hui tum Mrs thapki bihaan pandey

Thapki:iska matlab humari sach me shaadi Ho gayee

Bihaan:q tumhe koi doubt hai

Thapki:Nahi

Thahaan happy hotey hai aur Idhar barish ruk jaati hai

Bihaan ko Dhruv ka call aata hai

Bihaan:Haa bhai hum ghar aa rahe hai

Dhruv:jaldi aao q k hum sab ghar pahuch gaye hai aur maa ne Dekha toh humne jhoot kaha K tum pehle hi ghar pahuch gaye ho, isase pehle K woh tumhe aur thapki k room ko check Kare tum dono jaldi ghar pahucho

Bihaan:Ok and thank you jhoot K liye

Thahaan jaldi Pandey niwaas K liye nikalte hai

Dono pandey niwaas pahuchte hai pr beech raste me phir se halki barish start Ho jaati hai jis wajh se dono bhig jaate hai

Thahaan peeche balcony K raste bihaan K room me jaate hai

Bihaan apne room se Bahar dekhta hai k rasta clear hai ya nahi taki thapki apne room me jaa sake pr Vaau hall me bethi hai aur agar thapki room se gayee toh woh usey dekh sakti hai, Isliye bihaan thapki ko kuch der uske room me rukne K liye kehta hai

Bihaan:Thapki tum toh bhig gayee ho

Thapki:Haa aur sirf tumhari wajh se agar tum Car lekar chalte toh hum aise toh n bhigte

Bihaan:Tum har baat K liye Hume hi dosh diya Karo, ab Hume kya pata tha k barish hone wali hai

Bihaan thapki ko towel deta hai

Bihaan:Ye lo apne Baal sukha lo warna zukam Ho jayega

Thapki leti hai aur Baal sukhati hai Bihaan Phir se vasu ko dekhne jaata hai k woh gayee ya Nahi

Bihaan wapas jaise hi thapki ki aur moodta hai, thapki ko Dekh mesmerized Ho jata hai,uske Mann me bs thapki k liye beshumar pyaar hai, tabhi lightning hoti hai aur darrke thapki bihaan ko hug Karti hai

Bihaan thapki ko tightly hug karta hai aur itani nazdikiyo se dono ki saanse tez Ho jaati hai, bihaan thapki k Baal side me kar uske nack pr kiss karta hai,thapki uske pyaar ko mehsoos karti hai, aur woh samjh jaati hai k Bihaan kya kar raha hai pr woh bhi usey Nahi rokti, bihaan thapki k shoulder pr kiss karta hai

Bihaan is waqt sirf is lamhe me jeena chahta hai aur thapki ko ehsaas karana chahta hai k woh usase kitna pyaar karta hai pr woh thapki ki permission K bina kuch nhi Karna chahta

Bihaan:Thapki

Thapki samjh jaati hai k Bihaan usase kya kehna chahta hai aur woh bhi apne emotions pr control Nahi Karna chahti, thapki hug break karti hai aur Bihaan ki aankho me dekhti hai,uski abkho sirf usey beinteha pyaar dikhta hai aur next moment me thapki usey lips pr kiss Karti hai, bihaan bhi gently kiss karta hai aur thapki k is move ko uski permission samjh usey apne arms me lekar bed pr letata hai, bihaan thapki Chehare se uski julfo ki lat ko side karta hai aur uske forehead pr kiss karta hai aur dono thapki aur Bihaan finally apne rishte me ek kadam aur aage badh jaate hai

Morning me Bihaan apne bed pr uski aankh khulti hai aur Dheere Dheere usey last night ka sab yaad aata hai woh thapki ko dekhta hai pr woh room me Nahi hai

Bihaan:Kal joh hua sahi tha q k hum pyaar karte hai thapki se pr thapki humse bina kuch kahe chali gayee kahi woh humse naraj na ho, Hume usasey baat karni hogi

Flashback end

Bihaan ye sab sochte Huey wahi late jata hai

Bihaan:q thapki tumhare liye humare pyaar ko bhulna itna asaan tha,woh ehsaas joh humare chhune se tumhe hua usey bhool pana itna asaan tha,Pr hum Nahi bhool sakte, Nahi bhool sakte tumhe

Aur aise hi so jaata hai

Kuch din bitate hai Bihaan sochta hai k thapki apni life me khush hai aur ab woh wapas jaker phir se koi problem create Nahi Karna chahta,waise bhi uski family ye samjhti hai k Bihaan Mar Chuka hai, bihaan Mr Khanna se bahut hi jyada naraj hai q k unki wajh se usne apna sab kuch kho diya Pr savitri ki bimari K baare me jaankar woh unki madad karne k liye raazi Ho jaata hai aur Aryan banke unke saath Rehta hai aur ek acche bete ki tarh savitri ka khyal rakhta hai

Mumbai

Abhi KK ko call karta hai

KK:Abhi beta sab Thik hai n dekho sb itna achanak hua K hum tumhe shukriya bhi nahi kar paaye,Tumne joh Humare Pariwaar aur Meri beti K liye kiya uske liye zindagi bhar tumhara ehsaan mand rahuga

Abhi:Papa ji main janta hu k humari shaadi bahut jaldbazi me hui Pr aisa nhi hai k maine kisi K dabaw me aaker ye shaadi ki, balki maine apni khushi se ye shaadi ki, janta hu k humare rishta itna asaan nahi hai pr usey nibhane ki main poori koshish karunga, aap befikar rahe aur ab woh sirf aapki beti Nahi hai Meri patni hai meri zimedari hai

Abhi call cut karta hai

Pandey Niwaas

Vasu:Shradha kitani baar kahu K apna khyal rakha Karo, abhi tak nashta q Nahi kiya,suman bahu shradha K liye nashta lekar aao

Shradha:Mumyji Mann Nahi kar raha hai

Dhruv:Maa ye aise hi Karti hai,kitna samjhata hu pr maanti nhi

Vasu:Shradha Mann Nahi bhi Kare toh bhi khana padega na beta 6month chal rahe hai apna khyal rakho

Shradha ki aankhe num Ho jaati hai

Shradha:Pata hai mamyji jab bihaan deverji aur thapki ki shaadi Ho rahi thi,Maine thapki se kaha tha k ab woh aa rahi hai is ghar me devraani banke mera khyal rakhne K liye Pr kise pata tha k ye sab Ho jayega

Vasu ko ye sunn Kar bihaan ki yaad aati hai aur woh uthke chali jaati hai aur Shradha ko bahut guilty feel hota hai k usne vasu ko rula diya

Shradha:I am sorry Dhruv Pr un dono ko bhulna mere liye asan Nahi hai

Dhruv:Isme tumhari koi galti Nahi hai, hum sabhi bihaan aur thapki ko aise hi yaad karte hai,thapki toh bhi humare samne nahi hai pr hum usase mil toh sakte hai pr Bihaan woh toh ab kabhi wapas nahi aa sakta

Sharuv hug karte hai aur apna dard batne ki koshish karte hai

Khanna House

Bihaan:Maa aaj apko check up K liye hospital Jana hai toh ready rahiye main aapko le jaunga

Savitri:Aryan tujhe pata hai tu kitna badal gaya hai,Pehle kabhi tu aise mujhe hospital le Jana ya Meri itani madad Karna ye sab nahi karta tha,bs office aur kuch nahi pr aaj aisa lagta hai k tu Aryan hai hi Nahi koi aur hai hai,Pr Tera ye badlav accha laga

Savitri bihaan K cheek pr haath pehrti hai aur Pat Karti hai

To be continued...

Originally posted by: saakshiii12

Chapter 31

Hospital

Bihaan Savitri ko hospital me lekar aata hai

Bihaan:Maa aap yaha Bethiye main aapki dawai lekar aata hu

Bihaan jata hai aur usey samne se Abhi aate Huey Dikhai deta hai, Abhi ko Dekh Bihaan bahut hurt hota hai q k Phir usey thapki yaad aati hai aur thapki aur Abhi ki shaadi yaad aati hai

Bihaan, Abhi se chupne K liye ek patient K room me chala jaata hai Pr koi door open karta hai toh Bihaan Parde K peeche jaker chhup jata hai

Aur jaise hi bihaan Abhi ko room me aate dekhta hai toh shocked q k agar Abhi yaha is room me hai,toh kiske liye kya koi apna hi yaha admit hai

Bihaan patient K bed ki aur dekhta hai aur poori tarh se shocked q k thapki bed pr lete Huey hai aur usey dekh aisa lag raha hai mano kitane Dino se woh wahi pr hai, dekhne se pata chalta hai k usne kai Dino se Thik se kuch khaya Nahi hai bahut kamjor Ho gayee hai,Nurse room me aati hai aur Abhi ko apne saath Dr K pass le jaati hai

Bihaan Parde K peeche se Bahar aata hai aur thapki k pass jata hai,Itane Dino Baad thapki ko dekha woh bhi is halat me, isase uski aankhe num Ho jaati hai, bihaan uske bed pr bethta hai,uske forehead pr haath rakhta hai

Bihaan:Thapki kya hua tumhe, aise q leti hui Ho, baat Karo humse

Bihaan ki aankho se aansu behne lagte hai, bihaan thapki k forehead pr kiss karta hai aur uske aansu thapki k Chehare pr girte hai

Bihaan ko kisi K aane ki aahat hoti hai aur woh jaldi se Room k Bahar chala jaata hai

Nurse aur abhi thapki k room me aate hai aur Bihaan k Chhune se uske ehsaas se thapki k body me movement hoti hai woh Dheere se apni eyes open karti hai uski awaaz uska saath nahi deti pr phir bhi Dheere se woh sirf ek hi shabd bol Paati hai

Thapki:Bihaan

Abhi aur nurse shocked aur happy k finally thapki ko hosh aaya aur woh kuch bol payee

Nurse doctor ko bulati hai aur Abhi Pandey niwaas me aur thapki ki family ko info karta hai k thapki ko hosh aa gaya,

Bihaan Bahar aaker uske dimaag me kai tarh K sawal hai Pr usey Nahi pata K koun iska jawaab de sakta hai aur woh Abhi aur Pandey family k samne bhi achanak Nahi jaa sakta Isliye woh sochta hai k pehle woh sab sach ka pata karega K itane Dino kya hua aur uske Baad un sabke samne jayega pr sabse jyada woh is baat se Dukhi hai k thapki is halat me hai aur q akhir kya hua usey

Bihaan savitri K pass aata hai aur usey ghar le jata hai

Yaha Pandey family aur thapki ki family hospital pahuchte hai

Vasu:thapki kaisi hai Abhi

Abhi:Maa usey hosh aa gaya hai Pr abhi tak usne sirf bihaan ka naam liya hai aur kuch bhi react nhi kar rahi hai na toh kisi baat ka jawaab de rahi hai aur aisa lag raha hai woh humari baate bhi nahi sunn rahi

KK:bhagwan ka lakh lakh shukr hai k Meri beti ko hosh aa gaya hai ab woh dhiree dhiree Thik bhi Ho jayegi

Priti:waise Abhi tum achanak yaha kaise aur Aditi bhi aai hai kya

Abhi:Nahi bhabhi Aditi nhi aai aur mera Delhi me kuch kaam tha toh socha K thapki Mil Loo toh Isliye aa gaya

Dr Thapki waha aate hai

Dhruv:Dr thapki ab kaisi hai

Dr:Woh hosh me aa gayee hai pr kuch bhi react nhi kar rahi Agar unhe koi us shock se Bahar Kar de toh bahut jaldi Thik hone k chances hai

Itana kehkar doctor chala jaata hai aur Pandey family, chaturvedi family sb pareshaan Ho jaate hai

Yaha bihaan savitri ko lekar ghar pahuchta hai

Jab se Bihaan ghar pahuchta hai uske Mann me hulchul si hai k akhir thapki ko kya hua hai aur phir woh kisi detective ko call karta hai

D:Hello

Bihaan:Hello main ek case K silsile me poori jaankari chahta hu, Bihaan Pandey aur thapki chaturvedi K accident case ki

D:Ok sir mil jayegi Pr aap koun

Bihaan:Main Aryan Khanna aur baki aapko janane ki zarurat Nahi Thik hai aapko jitane rupey chahiye mil jayenge bs kaam Ho Jana chahiye aur haa accident K Baad Bihaan Pandey ki Family ka kya hua woh bhi batao ok

D:Ji sir

Bihaan apni aur se bhi khoj bin start karta hai aur thapki ko bhi chupke chupke dekhne jata hai, Pr thapki usey Dekh n le iska bhi khayal rakhta hai,Jab tak bihaan Ko sab Pata nahi chal jata woh thapki k samne nahi Jana cahata

2days later

D:Hello sir

Bihaan:kuch pata chala

D:sir ek bahut aham baat pata chali hai k ye ek accident Nahi tha balke kisi ne janbhujhkar Bihaan pandey ko Mara hai yane k murder kiya pr police ne isey accident bana diya aur aage ki karwahi Nahi ki, Aur jiski car se accident hua hai Maine uske pehchan walo se baat ki toh pata chala accident K din koi ladki usey rupey se bhara bag de gai thi, Aur shayad Isliye driver ne Sara ilzam khud K upar le liya hai aur is murder ko accident batane ki koshish ki gayee

Bihaan sunkar hairaan K koun usey Marna chahta hai Phir usey Sheena ka khyal aata hai q k ek wahi thi jisne badla lene ki baat kahi thi

Bihaan:Sheena jaiswal aur is driver ka koi connection hai kya ye pata lagao aur bhi kuch pata chale toh mujhe info Karo Aur Bihaan Pandey ki family k baare me bhi mujhe saari detail chahiye k accident se lekar ab tak kya hua

D:Bihaan Pandey ki Family ka toh sir, joh thapki chaturvedi hai joh accident Ki gawah thi, woh toh us sadme se Coma me chali gayee aur Abhi mujhe pata chala hai k usey hosh bhi aa gaya hai aur baki information baad me deta hu

Bihaan emotional aur guilty bhi K usne ye socha K thapki usey bhool apni zindagi me aage badh gayee pr yaha toh sab badal gaya, thapki tab se coma me thi

Bihaan call cut kar deta hai aur bahut rota hai k usne q ek baar bhi thapki k baare me janane ki koshish Nahi ki, q dusaro ki baato pr yakeen kar liya, kaise soch liya K Abhi K saath ghoonghat me Phere le rahi hai woh thapki hai, Sorry thapki humne apna wada nhi nibhaya, tum pr bharosa nhi kiya

Bihaan thapki ko yaad kr bahut rota hai

Next Morning

Hospital

Pandey family aur thapki ki family usasey Milkar kuch der hospital me hi rukti hai

Bihaan hospital me aata hai aur durr se check karta hai k thapki k room me koi hai toh Nahi aur uske room me jaata hai

Thapki dawai ki wajh se gehri nind me hai, bihaan uske pass jaker bethta hai aur thapki ka haath apne Haath me Leta hai

Bihaan:Tumhe humse jisne bhi alag kiya hai usey hum Nahi chhorenge pr uske liye Hume Aryan banke hi Rehna hoga, Q k Hume pata chala hai k Sheena ka saath humare kisi Apne ne hi diya hai, aur jiska Hume pata lagana hoga

Flashback

D:Hello sir aap sahi they woh ladki Sheena jaiswal hai jisne us driver ko rupey diye aur ek aur baat hai k Sheena Pandey family k continue contact me thi, uske mobile record se pata chala hai k usne pandey niwaas me accident K din bhi bahut call aaye bhi hai aur gaye bhi hai

Bihaan:Pandey niwaas me koun hai joh Sheena K saath hai

Flashback end

Thapki k forehead pr kiss karta hai

Bihaan:Aur tumse durr Rehna humare bs me Nahi Isliye hum tumhare pass hi rahenge

Bihaan room se Bahar jata hai woh kuch durr aage badhta hai aur koi uske shoulder pr haath rakhta hai, bihaan moodkar dekhta hai aur Abhi ko Dekh shocked

Abhi poori tarh se shocked Ho jaata hai aur phir Bihaan ko hug karta hai

Abhi:Bihaan tum Thik Ho, Tum yaha kaise mujhe toh yakeen nhi hota,humne toh kya socha tha Pr tum Thik Ho,Tumhe pata hai tumhare jaane K baad thapki ki kya halat hui pr Nahi ab tum aa gaye ho toh sab Thik Hoga

Bihaan Abhi ko push karta hai

Bihaan:Hello excuse me Aap koun hai aur mujhe Bihaan q keh rahe ho

Abhi astonished

Abhi:Bihaan tum aise q baat kar rahe Ho,Kya Ho gaya tumhe

Aryan:Pehli baat main bihaan Nahi aur dusari baat jabardasti gale q padh rahe Ho, Main tumhe nahi jaanta

Bihaan waha se chala jata hai aur Abhi wahi confused khada Rehta hai, Bihaan k haath me savitri ka Prescription hota hai joh wahi gir jaata hai aur Abhi utha Leta hai aur us pr savitri Khanna ka naam aur address likha hota hai

Abhi:Ye koun hai aur Bihaan k pass q hai,Mujhe pata lagana hoga

Abhi savitri K baare me pata karta hai aur usey Aryan K baare me pata chalta hai

Bihaan Abhi pr nazar rakhe Huey hai

Bihaan:Tumhe wahi pata chalega joh main tumhe batana chahta hu Abhi taki Pandey niwaas me Meri wapasi Ho sake Aur main apni thapki k pass jaa saku

Pandey Niwaaaas

Dhruv:Kya hua Abhi tumne hum sabko aise q bulaya hai, kya baat hai

Abhi:Mujhe aap sabko kuch batana hai

Abhi sabko Aryan ki pictures dikhata hai joh Aryan ki hi hai

Vaau:Ye tum bihaan ki photo q Dikha rahe Ho,Aur Ye Bihaan in jagaho pr toh kabhi nahi gaya phir ye pictures usne kab aur kaise li thi

Abhi:Q K ye Bihaan nahi hai Aryan Khanna hai, jiski shakal humare bihaan se milti hai

Sab sunker shock Ho jaate hai

Priti:Abhi Movies me aisa hota hai real life me Nahi

Abhi:Q aapne judhwa bhai behan Nahi dekhe unki shakal milti hai n toh Waise hi Aryan ki shakal bihaan se milti hai

Dhruv:Agar ye Aryan hai toh humse isase kya matlab

Abhi:Matlb hai bhai Hume thapki ko Thik Karna hai, aur Dr ne kaha hai k Hume thapki ko bihaan ki maut ka joh sadma laga hai usase Bahar Lana hoga aur isme ye Aryan humari madad kar sakta hai

Shrddha:Pr Aryan humari baat q manega

Abhi:Hum ek baar baat karke koshish toh kar sakte hai ho sakta hai maan jaaye

Pandey family maan jaati hai

Khanna House

Bihaan ko call aata hai

Bihaan:Ok main sirf 10 Min ka time de sakta hu tumhe

Aur Bihaan call cut karta hai

Abhi ek Restrorent me wait kar raha hai aur Bihaan waha aata hai

Bihaan:Hello Mr Abhishek khurana

Abhi:Hello aur sorry woh hospital me joh hua

Bihaan:koi baat Nahi Waise aapne kisi kaam se bulaya tha mujhe

Abhi:Haa aiye bethiye,Darasal Aapko kuch Dino K liye Bihaan banane ka natak Karna hoga

Bihaan:Kya

Abhi Aryan ko thahaan k baare me batata hai aur Phir unke accident aur uske Baad thapki k saath kya hua sab kuch

Bihaan:(thinking) Humari thapki k saath ye sab hua aur hum samjh rahe they K thapki Abhi K saath shaadi karke apni zindagi me aage badh gayee hai, kitane galat they hum, humari thapki toh humare maut ki khabar sunker itane Dino Coma me rahi Pr ab hum humari thapki k pass rahenge aur us insaan ka bhi pata lagayenge jisne in sabme Sheena ka saath diya

Bihaan:Pr mujhe kya fayda hoga bihaan banane ka

Abhi:Isme aap fayda dekh rahe hai kya insaniyat kuch bhi Nahi

Bihaan:Main bina kisi fyade K koi kaam Nahi karta Pr lagta hai aap bahut bechain hai mujhe Bihaan banane k liye toh mere pass aapke liye ek deal hai agar accept karte hai toh main main aaj se Bihaan Pandey

Abhi:Kaisi deal

Bihaan:Maine suna hai k Bihaan Pandey ki Advertising company hai jiske 50% K share holder aap hai aur q k ab Bihaan pandey zinda Nahi toh Bihaan k shares bhi aapke pass hai

Abhi:Haa toh woh thapki ki amanat hai

Bihaan :Nahi aap woh mere naam karenge tab hi main aapki baat manuga

Abhi shocked Ho jaata hai Pr maan jaata hai

Abhi:Main aapko apne shares de sakta hu Bihaan k Nahi q k un pr thapki aur Bihaan ki family ka haq hai aur Meri bhi ek shart hai k aap bihaan ki company me koi bhi change nahi karenge aur na hi kisi aur ko apne shares bechenge

Bihaan:Lagta hai bahut pyaar karte hai aap unse

Abhi:dono mere dost hai aur unki wajh se mujhe bahut kuch mila hai unke liye kuch bhi kar sakta hu

Bihaan:(Thinking) Tum jaisa dost naaeeb walo ko milta hai Abhi, Hum ye sab janbhujhkar Kar rahe hai Abhi taki tumhe yakeen Ho jaye K hum Aryan hi hai

Bihaan:Ok deal ab bataye K mujhe kab aur kaise kaha aana hai

Abhi bihaan ko apna plan batata hai

Khanna house

Bihaan Mr Khanna ko thapki ki situation k baare me batata hai aur Abhi K saath apni deal bhi pr poora sach nahi K usne khud ye sab plan kiya hai

Bihaan:Aapki wajh se maine apni thapki ko kho diya aur aaj woh is halat me hai,Isliye main jaa raha hu apni thapki k pass aapki patni ko aap kya batayenge ye aap decide kijiye

Bihaan waha se chala jata hai

Morning

Mr Khanna:Savitri woh Aryan kuch Dino K liye Delhi se Bahar jaa raha hai apne kaam K liye

Savitri:Kya zarurat hai yaha se kaam Nahi Ho sakta

Mr Khanna:Nahi bahut zaruri hai aur woh aate rahega tumse Milne

Tabhi Bihaan aata hai

Savitri:Tu sach me jaa raha hai mujhe chhodke

Bihaan ko realize hota hai k Mr Khanna ne uske jaane ki baat bata di hai

Bihaan:Haa pr main aapse Milne aaya karunga aur apna khyal rakha waqt pr dawai Lena ok

Pandey niwaas

Abhi apni aur Aryan ki meeting k baare me batata hai aur ye bhi K Aryan thapki k saath yaha pandey niwaas me shift hoga

KK:Vasu ji Meri beti jitani Meri hai utani aapki bhi q k itane waqt aapne uska apni beti jaisa khyal rakha, Isliye aapke kisi Faisle pr mujhe shaq nahi pr woh ladka bihaan Nahi hai,ek paraye ladke K bharose me kaise apni ladki ko chhod du

Vasu:Main aapki pareshaani samjhti hu pr mujh pr bharosa rakhe main thapki ka poora dhyaan rakhungi

KK maan jaata hai aur vasu k bharose thapki ko pandey family me chhor Agra wapas chale jaate hai

Pandey family Dr ne permission lekar aur Aryan K baare sab kuch bata Kar jisme Dr bhi unhe permission de dete hai, aur thapki ko ghar le aate hai

To be continued...

Originally posted by: saakshiii12

Chapter 32

Pandey niwaas

Bihaan apne ghar ko dekhta hai uski kai Yaadein taza Ho jaati hai, Vasu k Saath, Dadi,Bauji, Bhaiya, bhabhi aur Dhruv,shradha K saath aur akhir me thapki k saath

Bihaan, pandey house me entry Leta hai,Pandey family Hall me, vasu ko jaise bihaan K aane ka ehsaas hota hai aur woh dekhti hai, bihaan uske samne poori pandey family Dekh shocked K Aryan bilkul bihaan jaisa dikhta hai

Sab bahut emotional hote hai pr unhe yaad aata hai k ye Bihaan Nahi Aryan hai toh sab apne emotions pr control karte aur same bihaan bhi karta hai

Abhi:Aryan aao,Aryan ye Vasu Maa hai,Bihaan ki Maa aur Ye Bauji, Dadi

Abhi ek ek karke Sabka intro dene lagta hai Aur Bihaan usey rokta hai

Bihaan:Acche se Jaanta hu sabko batane ki zarurat Nahi hai

Sab hairaan K Aryan unhe kaise jaanta hai

Bihaan:Yaha aane se Pehle Maine bihaan K baare me saari research Kar li thi toh isliye

Vasu:Tumhe thapki k aas pass Rehna hai,taki woh us lamhe se Bahar nikale jisme usne bihaan ko khoya tha aur jaise jaise woh normal hongi hum usey bata denge K tum Aryan Ho

Bihaan bs smile karta hai aur kuch nhi kehta

Vasu:Aur ek baat dhyaan rakhna K bhale hi thapki tumhe bihaan samjhe pr tum khud humesha yaad rakhna K tum bihaan Nahi ho Isliye apni had me Rehna

Bihaan:Aap toh mujhe aise order de rahi hai jaise aap mujh pr koi ehsaan Kar rahe Ho, yaha main aapki madad karne aaya hu agar aapko yaad na ho toh bata du (sorry maa pr aapko Zara bhi doubt na rahe K main bihaan hu Isliye Mujhe Aryan jaisa behave Karna pad raha hai)

Dhruv:Hum Jaante hai K tum humari madad kar rahe Ho pr hum bs tumhe bata rahe hai baki toh tum khud samjhdar Ho

Bihaan:(thinking) Hum jante hai k Hume kya Karna hai,thapki ko toh Thik Karna hi hai aur us shaqs ka bhi pata lagana hai joh ghar ka bhedi hai

Bihaan's Room

Thapki ko bihaan K room me shift kiya hai, jabse thapki ko hosh aaya hai usne bihaan K naam K alava kuch nhi kaha hai aur kuch react nahi kiya

Bihaan akele room me aata hai aur door lock karta hai

Thapki bed pr soyi hui hai,bihaan uske pass aaker bethta hai aur uske forehead pr haath pehrta hai,thapki bihaan K touch se aankh kholti hai aur Bihaan ko Dekh uski aanke num Ho jaati hai aur uthakar bethti hai,thahaan eyelock kitane emotions ek hi baar me ankho se behne lagte hai, Thapki ko accident K flashes Dikhai dete hai aur usey Bihaan ko khone ka ehsaas hota hai aur next moment thahaan tight hug karte hai

Thapki baar baar Bihaan ka naam lekar roti hai aur Bihaan usey samjhne ki koshish karta hai, Pr dono itane waqt Baad mile aur almost ek dusare ko kho chuke they toh woh tadap unke pyaar me hai, dono aise hi bahut der tak hug karte Huey rehte hai,thapki bilkul bhi Bihaan ko chhodna Nahi chahti

Bihaan hug break karta hai pr thapki mana Karti hai

Thapki:Nhi please

Bihaan hug break karta hai aur thapki ka face cup karta hai

Bihaan:(teary eyed)Thapki humari baat suno hum tumhare pass hai aur hum kahi nahi jayenge smjhi ab Rona band Karo

Thapki:(apna haath aage badha) wada Karo

Bihaan:wada karte hai (apna Haath uske Haath me deta hai

Aur thapki phir se Bihaan ko hug Karti hai

Bahut der Ho jaati hai Bihaan thapki k saath room me aur pandey family ko pata bhi nahi K Aryan ko Dekh thapki ne kaise react kiya aur room bhi lock hai

Priti:badi sasuma hum kaise is insaan pr bharosa karle, hum jaante Hi kitna hai usko

Vasu:Jaante toh nhi hai pr dekhne se bhala ladka lagta hai woh humari madad karega aur Hume dhoka Nahi dega

Bihaan thapki ko room me Sula Kar Bahar aata hai sab besabri se sunana chahte hai k thapki ne kaise react kiya

Bihaan:Usey yakeen hai k hum hi bihaan hai ab aap sbkuch hum pr chhod dijiye

Suman:Arrey waah ek hi din me Bihaan deverji jaise baat karne lage, "main" se "hum" karne lage

Bihaan ko realize hota hai k in logo k liye woh Aryan hai aur usey Aryan banke Rehna hai

Bihaan:Maine bihaan banane ka wada kiya tha toh poori taiyaari K saath aaunga na taki thapki ko mujh pr kisi tarh shaq na ho

Vasu:suman bahu aise bekar K sawal dobara mat poochna ab chalo sab aur tum ab se yahi rahoge, thapki k samne tum Bihaan ka room uske saath share kar sakte Ho pr thapki k sone K Baad tum guest room me rahoge samjhe

Bihaan:Samjh Gaya aap befikar rahe,Waise kuch khane ko milega bahut bhook lagi hai

Suman:Haa abhi banate hai

Vaau,suman chale jaate hai

Aur Bihaan apna kaam start karta hai usey detective se pata chalta hai k jisne bhi Sheena se baat ki hai woh ghar K land line number ka use karta hai aur Pandey niwaas me sirf hall me hi land line rakha hai,toh Bihaan chupke se ghar K koune me CCTV camera laga deta hai jime land line phone dikhe

Bihaan:Yaha joh bhi call karega Hume pata chal jayega q k agar ghar se koi Sheena K saath hai toh humari khabar bhi us tak pahuchayega ya Sheena khud call karegi

Bihaan Idhar udhar ghumte balcony se guzarta hai usey Abhi Dikhai deta hai joh kisi se mobile pr baat kar raha hai aur pareshaan hai

Abhi:Aditi Meri baat suno

Aditi:Mujhe tumhari koi baat nhi sunani, Waise bhi tumhara mujh pr koi haq nhi

Abhi:Please aditi Maine bhi kabhi tum pr koi haq jatane ki koshish Nahi ki Pr yaha thapki ki tabiyat

Aditi:Thapki di kya hua Di ko

Abhi aditi ko sab kuch batata hai

Aditi:Main bhi Delhi aa rahi hu

Abhi:Pr suno

Aditi call cut kar deti hai

Bihaan ko unki baato se lagta hai k unke beech sab Thik nahi hai

Bihaan Abhi K pass aata hai

Bihaan:Wife thi tumhari

Abhi:Tumhe jis kaam K liye bulaya woh Karo samjhe

Bihaan:Arrey uska gussa tum mujhpe q nikal rahe ho

Abhi:Dekho main bahut pareshaan hu, please jao yaha se

Bihaan:Agar bihaan yaha hota toh tum usey bhi aisa kehte

Abhi:Yahi toh problem hai k Bihaan yaha nahi hai,woh hota toh shayad sab kuch accha hota pr phir bhi shayad Aditi aur Meri life aisi hi hoti

Bihaan Abhi K shoulder pr haath rakhta hai aur usey apna Mann Halka karne k liye kehta hai

Abhi:Meri aur Aditi ki shaadi uski marzi K bina hui darasal Aditi kisi aur se pyaar karti thi aur us ladke ne usey dhoka diya aur aditi k saath uski kuch personal pics aur video viral Kar diye, bihaan ki maut se uncleji Thapki ko toh kho chuke they aur aditi K liye bhi pareshaan they,Log bina kisi wajh Aditi ko suna rahe they, Galti toh us ladke ki thi jisne aditi K pyaar ka fayda uthaya aur usey badnaam kiya, Mujhse uski family ka dard Dekha nahi gaya aur uski family k khatir Maine Aditi se shaadi kar li,Pr aditi ko yahi baat acchi nahi lagi,Usey lagta hai k maine usase bina pooche usase jabardasti is shaadi K Bandhan me bandha hai,Uski mazboori ka fayda uthaya hai

Bihaan:Tum acche insaan Ho,Aur joh tumne kiya agar main bhi tumhari jagah hota toh yahi karta Pr aditi bhi galat Nahi hai,usey samjhne ki koshish karo Aur kai baar Hume pata nahi hota k joh kaam hum kisi K bhale K liye Kar rahe hai woh kisi aur uske liye galat Hoga, Koi baat nhi waqt k saath aditi tumhare jazzbat ko samjhe gi aur tumhe maaf kar dengi

Abhi ko ehsaas hota hai k usne kabhi aditi K situation k baare me socha hi Nahi, aur ab usey apna Mann Halka karke accha mehsoos hota hai q k bihaan K jaane K baad,usne apne dono dost kho diye they joh uska saath dete, thapki bhi coma me chali gayee aur uske pass koi dost Nahi tha jisase woh apna dard share kar sake

Abhi:Thank you

Bihaan smile karke chala jaata hai

Bihaan's Room

Thapki accident ki flashes dekhti hai aur nind se jaagti hai aur usey Bihaan nahi dikhata toh darr jaati hai

Thapki:Bihaan, bihaan (chikhti hai)

Bahar tak thapki ki awaaz aati hai sab thapki k pass jaate hai usey chup karate hai pr woh kisi ki baat Nahi maanti,Bihaan bhi room me aata hai aur thapki bed se uth bihaan ko jaker hug Karti hai aur rone lagti hai

Thapki:Maine kaha tha n tumse mujhe chhodke mat Jana, kaha gaye they

Bihaan:Thapki hum yahi they, ghar me

Thapki:Nahi tum yahi mere pass mere samne rahoge

Sb sochte hai k ye toh Aryan hai aur thapki jis tarh se usey Bihaan samjh rahi hai kya woh phir se normal Ho Payegi ya aise hi rahegi

Bihaan sabko room se jaane K liye kehta hai aur sab chale jaate hai,bihaan door lock karta hai

Bihaan:thapki suno humari baat, humari tarf dekho

Thapki:Nahi

Bihaan:Thapki bhool jao un yaadon ko,Ab hum tumhare saath hai n toh buri yaandon ko sambhal K rakhne ka koi fayda nhi

Thapki:Kaise bhool Jau Bihaan woh jaati hi Nahi hai

Bihaan:Toh Thik hai ab se hum milkar Nayee Yaadein batayenge aur kuch puraani yaadon ko taza karenge woh bhi acchi jinhe tum humesha yaad rakh sako, chalo humare saath

Thapki:kaha

Bihaan thapki ko arms me utha kar balcony me le jaata hai

Full moon night hai Bihaan thapki ko arm se utarta hai aur wahi neeche Beth jaata hai thapki ko apne pass bethata hai

Bihaan:Dekho aaj ki raat kitani sunder hai,Ye chand sitaro se saja ye aasmaan

Thapki bs dekhe jaa rahi hai kuch nahi keh rahi

Bihaan:Tumhe yaad hai thapki humara favorite song joh humdono humesha aisi hi is chandani raat me gaate they

Thapki ab bhi kuch nhi kehti bs Bihaan ko hug karte Huey bethi hai uski baate sunn rahi hai

(Meri story me Thahaan ka ye favorite song hai)

Bihaan:"Ye Raatein, Ye Mousam,Nadi ka kinara,Ye chanchal hawa 2

Bihaan baar baar is line pr atakta hai jaise usey aage yaad nahi toh thapki aage ki line complete Karti hai

Thapki:Kaha do dilo ne K milkar kabhi hum na honge juddha

Bihaan khush K finally thapki ne song complete kiya aur accident K alava bhi usey kuch yaad raha, bihaan thapki k forehead pr kiss karta hai aur usey Bethe Huey Hi back hug deta hai aur aage phir gana start karta hai

Dono wahi song gungunate Huey balcony me Bethe rehte hai,Jab thapki so jaati hai,bihaan usey arms me uthakar room me lata hai aur usey bed pr Sula Kar apne room me chale jaata hai

To be continued...

OK ab main ek chota sa break le rahi hu toh next update late hoga

Originally posted by: Toulup

Who is trying to hurt Thapki among the Pandey? No one likes Sheena.

It was a smart move to make Thapki watch the accident scene. Since Bihaan was not there, no one would have been able to control Thapki better. Gradually Thapki will be fine but before that I think Sheena will do something else. Maybe she will make Thapki know that it is not Bihaan but Aryan.

Aditi is finally thinking about how Abhi is getting hurt. Even Abhi is giving her some space and not being angry at her. Once Thapki will be normal, she will be very happy to learn about the wedding.

Originally posted by: Kar_Nan

Abhi and Aditi have a sour relationship and Bihaan helping them is a nice move.

Someone in PN is helping Sheena but who??

Bihaan and Thapki's marriage seems impossible but lets c how the family will agree to that