Faraz Ahmed's SOS #2 [CLOSED] - Page 10

Humse poochni hai to sitaron ki baaten poocho Faraz,
khwabon ki baaten to wo karte hain jinhe neend aati ho.

Dost Ban Kar Bhii Nahiin Saath Nibhane Wala
Vahii Andaaz Hai Zaalim Kaa Zamaanevaalaa

Ab Ise Log Samajhate Hain Giraftaar Meraa
Sakht Nadiim Hai Mujhe Daam Main Laanevaalaa

Kyaa Kahain Kitane Maraasim The Hamaare Is Se
Wo Jo Ik Shakhs Hai Monh Pher Ke Jaanevaalaa

Tere Hote Hue Aa Jaatii Thii Saarii Duniyaa
Aaj Tanhaa Hon To Koii Nahiin Aanevaalaa

Muntazir Kis Kaa Hon Tuutii Huii Dahaliiz Pe Main
Kaun Aayegaa Yahaan Kaun Hai Aanevaalaa

Main Ne Dekhaa Hai Bahaaron Main Chaman Ko Jalate
Hai Koii Khvaab Kii Taabiir Bataanevaalaa

Kyaa Khabar Thii Jo Merii Jaan Main Ghulaa Hai Itanaa
Hai Vahii Mujh Ko Sar-E-Daar Bhii Laane Vaalaa

Tum Taqalluf Ko Bhii Ikhalaas Samajhate Ho 'Faraz'
Dost Hotaa Nahiin Har Haath Milaanevaalaa

Sunaa Hai Bole To Baaton Se Phul Jhharte Hain
Ye Baat Hai To Chalo Baat Kar Ke Dekhte Hain

Sunaa Hai Raat Use Chaand Taktaa Rahtaa Hai
Sitaare Baam-E-Falak Se Utar Kar Dekhte Hain

Sunaa Hai Hashr Hain Us Kii Gazaal Si Aankhen
Sunaa Hai Us Ko Hiran Dasht Bhar Ke Dekhte Hain

Sunaa Hai Din Ko Use Titaliyaan Sataati Hain
Sunaa Hai Raat Ko Jugnuu Thaher Ke Dekhte Hain

Sunaa Hai Raat Se Barh Kar Hain Kaakulen Us Ki
Sunaa Hai Shaam Ko Saaye Guzar Ke Dekhte Hain

Sunaa Hai Us Kii Siyaah Chashmagii Qayaamat Hai
So Us Ko Surmaafarosh Aah Bhar Ke Dekhte Hain

Sunaa Hai Us Ke Labon Se Gulaab Jalte Hain
So Ham Bahaar Par Ilzaam Dhar Ke Dekhte Hain

Sunaa Hai Aa'inaa Tamsaal Hai Jabiin Uski
Jo Saadaa Dil Hain Ban Sanvar Ke Dekhte Hain

Sunaa Hai Jab Se Hamaail Hain Us Ki Gardan Mein
Mizaaj Aur Hii Laal-O-Gauhar Ke Dekhte Hain

Sunaa Hai Chashm-E-Tasavvur Se Dasht-E-Imkaan Men
Palang Zaave Us Kii Kamar Ke Dekhte Hain

Sunaa Hai Us Ke Badan Ke Taraash Aise Hain
Ke Phuul Apanii Qabaayen Katar Ke Dekhte Hain

Vo Sarv-Qad Hai Magar Be-Gul-E-Muraad Nahi
Ke Us Shajar Pe Shaguufe Samar Ke Dekhte Hain

Bas Ek Nigaah Se Lutataa Hai Qaafilaa Dil Ka

So Rah-Ravaan-E-Tamannaa Bhii Dar Ke Dekhte Hain

Sunaa Hai Us Ke Shabistaan Se Muttasil Hai Bahisht
Makiin Udhar Ke Bhii Jalve Idhar Ke Dekhte Hain

Ruke To Gardishen Us Kaa Tavaaf Karti Hain
Chale To Us Ko Zamaane Thaher Ke Dekhte Hain

Kise Nasib Ke Be-Pairahan Use Dekhe
Kabhii Kabhi Dar-O-Diivaar Ghar Ke Dekhte Hain

Kahaaniyaan Hi Sahi Sab Mubaalage Hi Sahii
Agar Vo Khvaab Hai Taabiir Kar Ke Dekhte Hain

Ab Us Ke Shahar Men Thaharen Ki Kuch Kar Jaayen
"Faraz" Aao Sitaare Safar Ke Dekhte Hain

Dukh Fasana Nahi K Tujh Se Kahain
Dil Bhi Mana Nahi K Tujh Se Kahain,

Ek To Harf Aashna Tha Magar
Ab Zamana Nahi K Tujh Se Kahain,

Ae Khuda Dard-E-Dil Hai Bakhshish-E-Dost
Aab-O-Daanaa Nahi K Tujh Se Kahain

Be Tarah Haal-E-Dil Hai Aur Tujh Se
Dostana Nahi K Tujh Se Kahain

Qasidaa Hum Faqeer Logon Ka
Ek Thikana Nahi K Tujh Se Kahain

Ab To Barson Se Us Gali Main "FARAZ"
Aana Jaana Nahi K Tujh Se Kahain….