Kunal Chopra's happy diary - Page 2

Originally posted by: poshah

Hi Guys,

this is the one time I think I am writing a Kunal Chopra's diary and a happy one I think-they are short snippets and not one big story- and yes it is in Hindi only..sorry for those who need subtitles.

Aaj maine keh to diya ki jab main tumhe khush nahi rakh sakta hoon to hume alag hi ho jana chahiye
magar man mein ek umeed ki kiran ab bhi baki hai
ki agar mujhe thokar lagegi to tum mujhe sambhaal logi
ki agar main chahoon bhi to tumhe chod nahi sakta hoon
ki duniya chahe mujh par bharosa na kare magar tum mera vishwas kabhi nahi todogi
ki abhi tum aakar mujhe jaga dogi aur yeh darawana khwab toot jayega
ki ek talak hamara rishta nahi tod sakta
ki jab bhi mujhe kisi ke saathi ki zaroorat hogi, tum aas paas hi milogi
isliye dil baar baar palatkar tumhe dhoondhta hai ki shayad tum nazar aa jao

Maana aaj tak maine kai galatiyan kari hai, magar tumse shaadi karna shayad sabse hansi galati thi, tumse milne par maine jana
ki vishwas kya hota hai
ki kisi ke aanso pochne mein kitni khushi milti hai
ki kisi ka haq se daantna kitna acha lagta hai
ki jitna maza kisi ko manane mein hai, utna hi maza kisise roothne mein hai
ki koi agar aapki takleefon mein aapke saath ho to mushkile bhi asan ban jati hai
ki kisi ke khushi ke liye haarne mein bhi jeet ka ehsaas hota hai
ki kisi aur ke liye jeena hi pyaar hai

haan is rishte mein mushkilein zaroor hai, magar hum dono saath saath yeh doori tay kar apne sapno ka makam haansil kar hi lenge.

This is my take on Kunal's diary-

Pyaar jahan insaan ki kamjori ban sakta hai wahi takat bhi hota hai.
Hamare rishte ne mujhe aaj adalat mein kamjor bana diya tha, magar main janta hoon ki hamara wahi pyar hamari taqat bhi hai. Maana beete kal mein maine kuch galatiyan kari thi, usiki saza aaj mujhe richa/court case ke roop mein mili hai. Yeh jo ilzam mujh par laga hai yeh, sahi raasta apna ne ki saza nahi, balki galat rishte (richa) banane ki saza hai.

Aaj dil yahi chah raha tha ki tum apna haath aage bhadakar mujhe bahar jane se rok leti magar shayad tumhe yeh dar tha ki main tumhari baatein ansuni na kar do,
ek baar keh kar to dekhna tha

Main jahan bhi jao, lautkar kadam khud ba khud tumhari taraf hi badh jate hai isi umeed mein ki tum bhi meri rah dekh rahi hogi.

Dimaag yahi keh raha hai ki tum anand ka pyar ho
aur hamara rishta ek jhooth magar
magar kya woh pal jo tumne mere saath bitaye woh bhi jhooth the (i mean the other pal not 30th..all the other days)
woh naarazgi, woh manana
woh nokjhok bhi jhooth hai
kya tumhe is ghar se aur ghar ke logon se sirf anand ke pyar ne baandh kar raka hai
kya raveena ke shadi ke waqt ki tumhari hansi ek samjhota thi ek jhooth thi
woh meri nakal utarna, meri tasweer dekh kar muskurana
mere liye raaton ko jagna
kya woh sab ek jhooth tha?
Man to kehta hai ki agar yeh samjhota hai to main saari zindagi samjhota karne ke liye tayar hoon

Papa (Kshiti) ne thik hi kahan tha, ki pyaar ko samjhne se jyada mehsoos karne ki jaroorat hai.

Kshiti. Purvi- this is my take on Kunal..you guys get him out of the pub and stop making him look so sad !!! 😃