yeh spcially tere liye hai Doc...😆
Once Upon Time In A Hospital
Mamma ne kaha:-"apna khayal rakha karr...jabb dekho hospital me ye hua...wo hua...kabhi toh khud ke bare me bhi kuch bol diya karr...
maine bhi kaha:-"khud ke bare me kya bolu...!!! main toh thik thi...hun aur rahungi...!!! aaj night duty hai mom...meri band bajjne wali hai...!!! thodi si sardi hai bass...par aaj bilkul bhi mood nahi hai raat bhar hospital me rukkne ka...!!! par kya karun...duty toh karrni hi padegi na...!!! aap apna khayal rakha karo...vaise bhi aap ko jitni umar nahi hai...utni jyada tensions paal rakehen hain aap ne...!!! unhe kachre ke dabbe me phenko...aur thoda relax ho kar so jayo...!!! vese bhi kafi raat ho chuki hai...
thodi der aur baat ki maine maa se...!!! phir gud nyt bol kar phone kata...!!! mamma se baat karrne ke baad thoda achha lagta hai...!!! kyoun ke ek docter ki life kafi stressful hoti hai...!!! din bhar yahna se wahan...wahan se yahan bhaag bhaag kar halat kharab ho jati hai...!!! upar se kabhi kabhi patients ke nakhre bhi uthayo...aur kuch unn ke galati se bhi hua toh bhi dosh hum doctors par bhi lagega...
huh...docter ki life bhi ajeeb hi hoti hai...!!! jiss tarah se border par jawan khade rehte hain na...hum bhi waise hi condition me hamesha rehte hain...bulawa mila nahi ki bhaago...
oopss...apna naam batna bhul gayi...!!! main doc Manali...aur sabhi mujhe pyar se Mana kehte hain...aur kabhi kabhi gusse se bhi...Mana hi kehte hain...!!! par kya farq padta hai...MANA kehte hain...yeh badi baat hai...
mujhe sensible...romantic...aur comedy movies jyada pasand hain...!!! lekin kabhi kabhi suspense movies dekhna bhi pasand karrti hun...!!! serials dekhna itna achha nahi lagta...!!! pahle dekha karrti thi...par ab nahi dekhti...!!! kyoun ke main khud bhul jati hun ke'koun kis ka pati hai aur koun kis ki biwi'...!!! ab serials me ek hero aur heroine itni shadiyan karrte rehte hain ki yaad hi nahi rehta kuch bhi...!!! medical ki badi badi kitabo ko yaad karna jyada ashan lagta hai...inn sab ke pati n patniyo ko yaad rakhne se...
shopping karrna pasand hai...par itna nahi...!!! haan...likhna aur ache achhe stories padhna kafi achha lagta hai...!!! gussa baht aata hai mujhe...toh main uss time me khud ko chup hi rakhti hun...!!! jyada bolungi tabhi toh koi prob hogi na...aur agar na boli toh...
bass...yehi meri life hai aur phylosophy bhi...
piche se Neha ne Manali ke kandhe par hath rakh kar kaha:-"kis se baat karr rahi hai...???"
Manali:-"tujhe mere samne koi dikh raha hai kya...
Neha ne idhar udhar dekha...phir kaha:-"haan...dikh toh raha hai...
Manali ne hairani se pucha:-"koun...
Neha:-"Pawan...aur koun...
Manali ne hairani se kaha:-"koun Pawan...
Neha...thodi piche hatt kar boli:-"Pawan jee tujhe dikhai nahi de rahe hain...
Manali:-"kya bakk rahi hai...koun Pawan jee...
Neha hassi zorr se...phir kaha:-"Pawan jee...matlab ki hawa...samjhi...
manali gusse se use maarne gayi:-"teri toh...aur by the way...meri ankhen bilkul thik hai...tabhi mujhe hawa nahi dikh rahi hai samjhi...
Neha:-"Mana...maarna manaa hai...!!! vaise meri duty toh khatam hui... main chalti hun...
Manali:-"aur meri duty suru...!!! yaar yeh night duty meri band baja deti hai...
Neha:-"ab kya kare...docs hain toh...
Manali:-"hmm...chal bye...
Neha:-"bye...
Neha chali gayi...aur achanak turn karr ke kaha:-"emergency ward me kuch spl cases aaye hain...dhayan rakhna...shikyat hone ne paye...
Manali...phir se fake gusse se boli:-"teri toh...
Neha bhaag gayi...
Manali...ek round lagane nikli...!!! ek jagah use...uss ke senior doc Saroj dikhe...unhone kaha:-"doc Manali...aap ek round laga lijiye phir...aap zara 3rd floor pe jayiye...wahan par ek emergency case hai...zara dhyan rakhiye...
Manali:-"jee sir...
Manali janewali thi...phir turn karr ke wapas aayi doc Saroj ke paas... aur kaha:-"sir...case kya hai...
Dr Saroj:-"poison ka case hai...!!! Anil Biswas naam ke ek aadmi ne zeher kha kar jaan dene ki koshish ki thi...use philhaal toh bacha liya gaya hai...par abhi bhi kafi critical condition me hain...!!! aap zara dhyan rakhiyega...
Manali:-"jee sir...
Manali ne itna kehte hue...3rd floor me gayi...!!! raat kafi ho gayi thi... 3rd floor me bhi kafi kamm hi staff dikhai de rahe the...
Manali ne ek nurse se uss patient ke bare me pucha n room no 306...ki ore chalne lagi...
jaise hi wo 306 tak pahunchi...use thoda ajeeb laga...!!! achanak se use kuch jyada hi sardi laggne lagi...
Manali ne khud se kaha:-"kahin mujhe bukhar toh nahi gaya...
uss ne khud ke mathe par hath rakha...temp normal laga use...!!! wo iss baat ko ignore karrte hue aage badhi...
kahin koi bhi nazar nahi aa raha tha...phir use ek nurse dikhai di...jo apne seat par baithe baithe hi so gayi thi...!!! Manali ko tarash aaya uss par...phir khud hi kaha:-"bichari...
306 cabin kareeb hi aa raha tha...!!! uss ne dur se dekha...uss cabin ke bahar ek aurat baithi hui thi...!!!
chehra murjhya hua sa...!!! baal bikhre hue the chehre par...pata nahi kahan khoyi hui thi...!!! bass zameen par apni nazar gadaye baithi hui thi...
Manali ko laga...sayad patient ka koi rishtedar hoga...!!! vaise bhi patient ke sath uss ke kisi ek rishtedar ko raat bhar rukkne ke liye hospital me permission mil jati hai...
Manali ne uss aurat ko cross karte hue...achanak uss ki nazar padi...uss aurat ke gale par...jahan par kafi gehra nishan bana hua tha...!!! para pata nahi chal raha tha ke nishan kis baat ki thi...kafi kaala dikh raha tha wo nishan...
Manali ne uss dekhte hue...cabin ke ander janewali thi ke dekha...wo aurat use hi ghoor rahi thi...
Manali..as usall...use dekh kar thoda sa smile kiya...par uss aurat ki tarf se koi reaction nahi tha...!!! wo bass...Manali ko ghoore ja rahi thi...
Manali ne aur bina kuch kahe...cabin ke ander gayi...!!! uss aadmi ko oxygen par rakha gaya tha...sayad zeher ka kafi asar hua tha uss par... jiss ki wajah se wo thik se saansh bhi nahi le pa raha tha...
Manali ne uss ke reports chk kiye...!!! sab kuch vaise ka vaisa hi tha... koi improvement nahi thi...
uss ne turn kiya aane ke liye...par woh chaunki...uss ne dekha...wohi aurat cabin ke bahar khadi thi...par door par jo chota sa kaanch ka window jaisa bana tha...usi ke paas khade iss cabin ke ander ghoor rahi thi...
uss ki ankhen bed par lete hue Anil Bishwas ki taraf thi...uss ki ankhon me kuch alag sa tha...jo Manali samajh nahi pa rahi thi...!!! par haan...wo use thoda ajeeb jarur lagg raha tha...
Manali bahar aayi...wo aurat uss ke samne hi khadi thi...!!! Manali ne jaise hi cabin ka door khola...uss ne ander jhnaka...uss ke ankhon me achank ek darr dikha...wo do kadam piche hati...
Manali ne door bandh kiya...phir kaha:-"aap wahan bench par baith jayiye...
Wo aurat jaise uss ki koi bhi baat sunn nahi rahi thi...
Manali ne aur kuch nahi kaha...janewali thi ke...uss ne apne piche se suna:-"wo bach jayega...
Manali ne turn karr ke uss ki taraf dekha...wo samajh nahi pa rahi thi ke woh kya kehna chah rahi thi:-"jee...main samjhi nahi...
wo aurat phir se boli:-"woh bach jayega...
Manali:-"haan...philhaal toh stable hain...aur aap umeed mat hariye...!!! sab thik ho jayega...
Manali ne uss ko chune ki koshish ki toh...wo thoda piche hatt gayi...
yeh bhi thoda ajeeb laga Doc Manali ko...
Doc Manali:-"aap...Mr Bishwas ki...rishtedar hain...
woh aurat boli:-"haan...
Doc Manali:-"kya lagti hain aap unn ki...
uss aurat ne koi jawab nahi diya...
doc Manali ko laga...sayad yeh kafi personal sawal hai...
Manali ne turn kiya jane ke liye...kafi hectic shed tha aaj uss ka sarr me dard hone laga hai...sayad sardi hai iss wajah se bhi...!!! uss ne socha ek strong tea le leti hun sayad achha lage...
woh aurat boli:-"hosh kab tak aa sakta hai...
Doc Manali:-"abhi nahi kaha ja sakta...par umeed rakhiye...sab thik hoga...!!! aap chai peeyengi...
woh aurat boli:-"nahi...
doc manali ne aur kuch bina kahe...chali gayi...paas hi ek tea machine se uss ne chai li...apne liye...
phir wohin pe khadi chai peene lagi...!!! uss ki ankhen phir se usi aurat ki tarf chali gayi...apne aap...
woh kafi suspicious lagg rahi thi use...!!! vaise bhi doc Manali ne ek round toh laga hi liya tha...use laga ja kar uss aurat se thodi der baat kar lun...kafi pareshan lagg rahi hai...
Doc Manali ne uss ke liye ek cup chai li...aur uss ke paas gayi...wo bench par hi baithi hui thi...
doc Manali ne uss ki taraf chai badhate hue kaha:-"lijiye...chai pee lijiye aap ko achha lagega...
uss aurat ne ankhen utha kar Doc Manali ki taraf dekha...phir us ke hathon se chai le li...!!! bench par rakha...
doc Manali lautne wali thi...uss aurat ne kaha:-"mera naam...Sheetal hai...
Doc Manali...uss bench par baithi:-"aap yahan ki nahi lagti...
uss aurat ki ankhon me halke se anshu the...uss ne kaha:-"main Hoogly... WB ki rehnewali hun...1 saal pahle yahan aayi hun...
achanak Doc manali ki nazar padi...uss ne kaha:-"aap pregnent hain...???"
uss aurat ke chehre par ek dard bhri khusi dikhayi diya...uss ne kaha:-"shadi ke kai saal tak koi bachha nahi hua...!!! hum sabhi baht pareshan the...!!! par achanak 6 mahine pahle mujhe pata chala ke main maa bann ne wali hun...!!! sach kehti hun Doc...main baht khush thi...sayad itni khushi mujhe kabhi nahi mili...aur wo meri akhiri khushi thi...
Doc Manali thoda hairan hui...unhe laga ke sayad Anil ki yeh halat dekh kar yeh aurat aisa bol rahi hai...
doc Manali ne kaha:-"aap aisa kyoun bol rahi hai...!!! dekhiyega...jab yeh bachha aa jayega...na aap k sare dukh dur ho jayenge...!!! aur bhagawan par bharosha rakhiye Mr Anil bhi thik ho jayenge...!!! vaise aap kya inn ki wife hain...
Sheetal ne dhire se apna sarr hilaya...
Doc Manali:-"iss halat me aap ko yahan nahi hona chahiye tha...!!! koi rishtedar nahi hai yahan aap ka...
Sheetal ne saar hila kar mana karr diya...!!!
Doc Manali:-"kisi ko khabar kar dete...toh wo aa jate...
Sheetal ne iss sawal par koi jawab nahi diya...
doc Manali:-"achha Sheetal...aap ke pati ne zeher kyoun khayi...!!! matlab ki sayad kisi baat se jhagda hua hoga...tabhi...!!! par aap ke iss halat me...unn ka yeh attempt karrna sahi nahi tha...
Sheetal:-"zeher inhone nahi khayi thi...
doc Manali thoda hairan ho kar boli:-"toh...phir...???"
Sheetal:-"zeher inhe khilaya gaya tha...!!! inhe toh pata bhi nahi tha ke khane me zeher tha...
Doc Manali chaunki...phir kaha:-"khane me zeher tha...main samjhi nahi...
Sheetal ne doc Manali ki taraf dekha...phir kaha:-" aap ne kabhi kisi se dhokha khaya hai...
doc Manali thoda hairan hui...phir dhire se mushkurate hue kaha:-"nahi...mere aas paas itne achhe log hain...aur wo sabhi mujh se baht pyar karrte hain...
Sheetal bhi halke se mushkurayi...phir kaha:-"bhagwan kare...aap hamesha yun hi mushukrate rahe...kabhi koi dhoka na de aap ko...!!! aur agar kabhi koi dhoka de...toh use chodna nahi chahiye...
Doc Manali ne chai ka cup phir se apne honth se lagya...!!! tabhi uss ne dekha...ek nurse aa rahi thi...
doc Manali:-"kya hua...
Nurse:-"doc...wo pulse chk karrna hai...
Doc Manali:-"hmm...
wo nurse...Doc Manali ki tarf yun thoda hairan ho kar dekh kar cabin ke ander chali gayi...
thodi der baad bahar aayi...toh doc Manali ne kaha:-"sab thik hai...
nurse:-"jee doc...
Doc Manali ne nurse ke hath me kuch dekha...uss ne kaha:-"yeh tumhare hath me kya hai...
nurse thodi dari hui dikhi...phir kaha:-"doc...wo mujhe doc Saroj ne kaha tha ke...patient ke paas jo bhi saman hai...unhe alag kar k rakh dun...!!! par meri galati ki wajah se ...main unn ke gale me dali hui yeh Durga maa ka locket nahi nikali thi...!!! mujhe dhyan hi nahi tha ise nikalne ke liye...
woh nurse chali gayi...doc Manali ki nazar padi...Sheetal par...jiss ke chehre par ek sukun tha...ek halki si mushkaan...
doc Manali:-"kya hua...!!! aap achanak yun mushkura kyoun rahi hain...
Sheetal:-"wo locket maine hi diya tha...last year...Anil ke birth day par...!!! durga puja ke kareeb hi iss ka birth day tha...toh maine spl puja rakhwayi thi...aur yeh locket bhi usi puja me...hamare kulguru ne achhi tarh se puja karwa kar diya tha...take inhe her mushkil se raksha mile... koi mushkil inn ke aas paas na aa sake...aur iss locket par mera pura vishwas tha...!!! lekin ab Anil inn sab se mukt hai...
Sheetal uthi...apne jagah se...cabin ka door khol karr ander janewali thi...
doc Manali uthh kar boli:-"Sheetal jee...aap ander nahi ja sakti iss waqt...
par wo ander ja chuki thi...doc Manali ne uss ka hath thaamne ki koshish ki toh...door apne aap bandh ho gaya...
doc Manali hairan hui...!!! wo chilla kar kisi ko bulane ki koshish karr rahi thi...par jaise unn me koi shakti hi nahi thi...!!! wo chah kar bhi bol nahi pa rahi thi...aur na hi kisi ko bula pa rahi thi...!!! unn k hath-pair... kaam nahi karr rahe the...wo chall nahi pa rahi thi..uss ne phir se chillane ki koshish ki...phir bhi nakam rahi...
doc Manali ki nazar door par lage uss kanch k window ki through uss cabin me padd rahi thi...!!! unhone dekha...Sheetal dhire dhire aage badh rahi thi Anil ke bed ke paas...
Doc Manali...koshish karr rahi thi...kisi ko awaz dene ki...par wo na-kamiyab ho rahi thi...
achanak Sheetal ne turn kiya...uss glass ke through uss ki nazar padi Doc Manali par...uss ke chehre par ek mushkaan thi...jise Doc Manali samajh nahi pa rahi thi...
Sheetal ne hath rakha...Anil ke hath par...achanak Anil ki ankh kuli...wo apne samne Sheetal ko dekh...kafi dara hua lagg raha tha...jaise wo kuch kehna chah raha ho...par keh na pa raha ho...
Sheetal ke chehre par wohi khatarnaak mushkaan abhi tak thi...uss ne apna chehra dhire se kareeb liya...Anil ke...
Anil ki ankhen kafi badi hui...laal...aur bhayanak dikhne laga...uss ka pura chehra par dard ke nishan the...jaise koi baht bada dard woh seh raha ho...
doc Manali ne phir se try kiya...ander jane ki...par unn ke hath pair... kaam nahi karr rahe the...jaise wo ek jeeti jaagti statue bani hui thi...na chilla pa rahi thi...na hi kuch karr pa rahi thi...
achanak Sheetal giri Zameen par...aise jaise uss ke sarr par kisi ne zorr se vaar kiya ho...!!! khun nikalne laga...phir uss ne khud ko ghaseet te hue bahar lane ki koshish ki...
achank room ka door khula...Sheetal bahar aayi khud ko ghaseet te hue bahar aayi...aur Doc Manali ke samne apna hath badhaya...uss ke hath me ek poison ki bottle thi...
Doc Manali ke ankhon me darr tha...wo samajh nahi pa rahi thi ke kya ho raha hai...par Sheetal ke ankhon me ek dard tha...halke se anshu the...
Doc Manali ke ankhon ke samne andhera chaa raha tha...wo behosh ho kar giri...zameen par...
jab Doc Manali ko hosh aaya toh unhone khud ko...hospital ke ek cabin me paya...samne Doc Saroj khade the...
Doc Saroj:-"Doc...mujhe aap se yeh umeed nahi thi...
Doc Manali:-"sir maine kuch nahi kiya...wo toh...
Doc Saroj:-"main bhi toh wohi keh raha hun ke aap ne kuch kyoun nahi kiya...
Doc Manali:-"par sir...
doc Saraoj ne Doc Manali ko kuch kehne diye baigair kaha:-"aap ko itna tez bukhar tha...ke aap behosh ho gayi...agar pehle keh diya hota toh uss din aap ko night duty karrni hi nahi padti na...
doc Manali ne jana...ke Doc Saroj uss ke health ke bare me bol rahe hain...
doc Manali:-"sir wo...patient kaisa hai...matlab Anil Bishwas...
Doc Saroj:-"rest lo...aur kuch din ki chutti le kar ghar ho aayo...
Unhone Doc Manali ki baat ko ignore karrte hue kaha...aur chale gaye...
paas hi Doc Neha khadi thi...
Neha:-"tu bhi na kamal ki ladki hai yaar...huh...
Doc Manali:-"main thik hun yaar...tu bol...wo Anil Bishwas thik toh hai na...
Neha:-"by the way...tu wahan...balcony ke paas...sofe par kyoun so rahi thi...
Doc Manli:-"nahi...main toh uss Anil Bishwas ke cabin ke bahar khadi thi aur wohi behosh hui thi sayad...
Neha:-"nahi...tu balcony ke paas jo sofa pada hua tha...wohi so rahi thi...subah hui aur nurse ne jab tujhe jagane ki koshish ki toh uss ne dekha ki tujhe tez bukhar hai...aur tujhe turant yahan laya gaya...!!! nurse keh rahi thi ke...der raat ko tu Anil Bishwas ke cabin ke bahar akeli baithi thi aur wo bhi do cup chai ke sath...
doc Manali hairan thi...use kuch samajh me nahi aa raha tha...phir uss ne kaha:-"tune mujhe abhi tak bataya nahi uss Anil Bishwas ke bare me... Saroj Sir bhi mere sawal ko ignore karr k chale gaye...
doc Neha...Doc Manali k kareeb baith kar boli:-"kal raat uss ka achanak heart attack se death ho gayi...!!! kafi dard hua hoga sayad use... kyoun ke uss ka chera dekh nahi payi main...!!! kafi darawana dikh raha tha...aise jaise uss ne koi bhoot dekh liya ho...!!! main wahan se bhaag aayi...
tabhi doc Abhinash ander aaye aur Doc Manali se bole:-"heylo Doc...suna hai ke aap itna kaam karr rahi thi ke kaam karrte karrte bukhar chadh gaya aap ko...
Neha:-"aur nahi toh kya...aur aap ne aaj ka news paper nahi padha ke iss baat ke liye Doc Manali ko Bharat Ratn...mill raha hai...
dono hassne lage...par doc Manali abhi tak sehmi hui si baithi hui thi...
Neha ne yeh notice karr ke bola:-"kya hua...tu aise kyoun...
Manali:- "wo Anil Bishwas...
Doc Abhinash:-"naam matt lo uss ka...!!! aise aise aadmi bhi hote hain iss duniya me...by God agar mujhe pahle pata hota na toh main pata nahi kya karrta...
Neha:-"hua kya...
doc Abhinash:-"doc hain...zindagi bachana kaam hai humara...par samne agar ek aisa aadmi aaye...jiss ke bare me jann kar aap ko uss se nafrat ho jaye...toh ek doc kya karega uss waqt...batayo...
Neha:-"jyada ghumayo matt...baat kya hai bolo...
doc Abhinash baithe...wohi pade ek stool par aur kaha:-"Iss Anil Bishwas ki wife Sheetal Bishwas...do din se hi lapata thi...!!! iss Anil Biswas ne police station me report bhi ki thi...apne wife ke missing hone ki...lekin sachhai kya hai tumhe pata hai...
Doc Manali aur Doc Neha ne sath me pucha:-"kya...
Doc Abhinash:-"uss aadmi ne apne 6th month ke pregnent wife ki sarr par pahle vaar kiya...use behosh kiya...phir uss ka gala rassi se ghot kar maar dala...
Doc Neha:- "what...
Doc Abhinash:-"haan...aur pata hai uss ki dead body kahan chupayi thi...
Doc Neha:-"kahan...
Doc Abhinash:-"apne ghar ke angan me hi ek gadhha khoda...uss ne apni biwi ko dafnaya...upar se cement ka plaster karr ke...kuch flowers ke paudhe la kar rakh diya...!!! jaise koi dekh ke soche ke sayad ghar ki sajawat ke liye tha...
Doc Neha:-"koi itna gira hua kaam kaise karr sakta hai...
Doc Abhinash:-"affair chal raha tha uss ka...apne office ke hi ek ladki ke sath...!!! upar se uss ki biwi pregnent thi...chod nahi sakta tha...kyoun ke baar baar Sheetal use court me ghaseet ne ki dhamki de rahi thi...!!! toh aur kya tha...khun karr diya uss ka...aur natak karrne laga ke uss ki biwi ghar chod karr chali gayi...
Doc Manali ne kafi mushkil se sirf itna hi pucha:-"yeh sab tumhe kaise pata chala...
Doc Abhinash:-"aaj ke paper me puri detail news chapi hai yaar...!!! ek taraf uss ki biwi gayab...dushri taraf uss ka poison khana...!!! police ko shaq hua...aur uss ne investigation suru ki toh...Sheetal ki dead body mili...uss ke ghar ke angan se...
Doc Neha:-"toh phir iss Rakhshas ko zeher kis ne diya hoga...???"
Doc abhinash:-"police shaq karr rahi hai ke...jab Sheetal k sarr par uss ne vaar kiya hoga...tab sayad wo puri tarah se behosh nahi hui thi...!!! aur jab Anil ne rassi lane ghar ke ander gaya hoga...tabhi sayad Sheetal ne uss ke khane me zeher mila diya hoga...!!! kyoun ke Sheetal ke hath me ek chota sa bottle mila hai zeher ka...jise zaldbazi me Anil ne notice nahi ki thi sayad...!!!"
doc Abhinash ke hath me aaj ka news paper tha...!!! doc Manali ne apna hath badhaya...
Doc Abhinash ne use paper diya...front page pe yehi news chapi thi...!!! Sheetal Bishwas ki do tasverain chapi hui thi...ek uss ka purana photo tha toh dushra uss ke dead body ka...
Doc Manali kuch kehne ki halat me nahi thi...yehi aurat kal raat unhi ke sath thi...baat karr rahi thi...aur phir...
Doc Manali ne apni ankhen bandh ki...
Doc Neha:-"tu kuch din ki chutti le kar rest karr le...
Doc Mnali :-"hmm...
unhone bass itna hi kaha...kyoun ke wo abhi tak yeh nahi samajh payi thi ke kal raat jo bhi hua...wo kya tha...!!! sach...wehem...ya koi sapna...!!! zindagi baht kuch naya sikhati hai...par kal raat jo hua...wo kabhi nahi bhul payengi...ye bhi sach hai...aur kal raat ka haadsa...unhe zindagi bhar yaad rahega...yeh bhi sach hai...
*********
PS*
ye OS...ek true story par based tha...!!! yakeen nahi aata hai na...toh plz...Doc Manali se iss Number par call karr ke puch sakte hain...
420420 (bole toh 'double char sau beesh'...😆)
Edited by Sweet-Lioness - 13 years ago
Pushpa Impossible
2