Tum kahan se mil gaye

Page

dreamgirl93

@dreamgirl93

Explorer

Posted: 17 years ago

tum kahan say mil gaye jab har saagar nay kinare pay chhora tha
tum nay haath tham liya jab dil lehroon k peechay doora tha

unn palon main dil sahaara mang raha tha
ek lori ki talash thi jab dil raat raat jag raha tha

tum nay meri aawaaz ko ansuna nahein kiya
tum nay mere ansuon kaa saath bhi diya

ab intezar karti hoon muskarati hoon
yaad aate ho jab pehron sochti hoon

tum nahein dikhte to khat chhorti hoon
har din tum say rishta zaroor jorti hoon

tum itne baras kahan rahay thay
tum nahein jantey mere ansoo kab say beh rahay thay

tumhare saath say hooslaa milta hai
zindagi ki tarf jaanaay ka raastaa milta hai

main is rishte koo nibhana chaahti hoon
haan ab main muskarana chaahati hoon

by taru😊

Edited by sweetsapna - 17 years ago