Originally posted by: HoneyBee7312
Aur khilao dahi shaka uss bete ko jisne tumko maid and failure bola ho.
Aaj women's day hai, ek bahut purani kahani hai jo humari nani sunati thi.
Ki ek chor tha, bahut bada chor, usne apni zindagi me bahut chori kari, chote dukandar se lekar bade zamindaar tak ko nahi choda.
Phir ek din usne Raja ke mahal me bhi chori ki. Par iss baar woh pakda gaya, aur Raja ne krodh me usse fasi ki saza di.
Saza se phele usse pucha gaya, koi aakhri khwaish hai toh bata do.
Chor ne kaha me ek aakhri baar apni maa se milna chahta hu.
Chor ki maa ko bulaya gaya. Woh rote hue apne bete ke gale lagi. Aur bete ne uska kaan kaat liya.
Raja aur krodhit hua. Usne kaha 'Arre kaise nikamme bete ho, marne jaa rahe ho aur ab bhi apni buddhi maa ke saath aisa bartav kar rahe ho?
Chor ne kaha, nahi Raja ji. Me galat nahi kar raha. Ye wohi maa hai jo jab me chota tha aur chori karta tha tab hasti thi aur bolti thi ki abhi toh baccha hai.
Phir me thoda aur bada hua, mene aur chori ki toh meri paap par parda dala, kaha maaf kardo abhi toh thoda na samaj hai.
Dheere dheere chori karna meri aadat ban gaya. Meri maa ne tab bhi kuch nahi kaha, har baar mera hi paksh liya, me chori karke aata toh woh mujhe kuch nahi kehti, chori ko chupa deti. Undekha kar deti.
Phir me aur chori karta gaya. Aur unhone mujhe kabhi nahi roka. Aur aaj ye din aaya hai ki mai marne jaa raha hu, kyonki meri maa ne meri galti ko dekha, samjha, maaf kiya par usse kabhi sudhara nahi. Lanat hai aisi maa pe jisne mamta ke naam pe mujhe sahi rasta nahi dikhaya.
Iss baat ko sunkar Raja ne kaha. Baat toh tumhari sahi hai. Jao, mene tumhe maaf kiya. Kyunki jab jad hi galat ho toh ped kaise sahi ho sakta hai?
Phir Raja ne aadesh diya ki chor ki maa ko fasi di jaye. Aur ye baat har jagah batayi jaye ki kyu chor ke badle uski maa ko fasi di gayi.
I guess Anupama ne ye kahani kabhi nahi suni. Isilye usse kabhi ye samaj nahi aaya ki baccho ko maaf karne se, unhe har kadam par baccha samaj kar chod dene se, unki har galat baat ko undekha karne se woh acchi maa nahi ban sakti.
Arrest wala promo dekhar kahani yaad aa gayi so...I don't feel bad for her. Jaisi karni waisi bharni. What goes around comes around.
The only people I feel bad for are the ones who will have to continue enduring her delusions.
comment:
p_commentcount