Maya's Dialogues Thread (up till 02 Jan 20, pg-12) - Page 8

Episode: 18, Divide and Conquer, 25 December 2019

1. Kabhi bhi apni jeet par itna bharosa na karna ki haar ki awaz tak tumhe sunayi na de. Kyunki jab tak tumhare kaano mein haar ki awaz chalti rahegi tab tak aap ussey do kaam aage rahenge.

2. Jo chupakar kiya jaaye wo galti hoti hai, pyaar nahi.

3. Ye jo khel hai na, ye dimag ka nahi hai. Yeh dil ka khel hai. Kyunki dimaag sahi aur ghalat ki hadh pehchanta hai. Par dil koi hadh nahi pehchanta, na pyaar ki, na nafrat ki, na junoon ki.

4. Rishi, jisey pyaar to hua lekin hath pakadne ki takat nahi hai hai.

Rudra, jo ek baar hath pakdega to duniya se lar jayega.

Rudra saccha hai, Rishi baccha hai.

Rishi ko apne baap ki parchai se bahar nikalna hoga.

5. Ye zindagi apki dee hai, ye raaste apke diye gaye hai. Iss raste par aane wala har patthar apke diye gaye hai. Sab aap karate hai. Aur aap kabhi ghalat kaise ho sakte hai. Aap jo karte hai, jo karwate hai, wo humesha sahi hota hai.

6. Zimmedariyo ka wazan bahut bhari hota hai aur baap k paiso ka wazan bahut halka.

Tum chaho phir bhi mujhe apni family se nahi mila paoge. Kyunki tum khud apne baap ki zimmedari ho khud ki nahi. Islye tumhari zindagi k saare failse unke honge, tumhare nahi.

7. Tumhara kya hai Rishi?

Mai Rishi Roy se shaadi karna chahti hu. Ek ameer baap ke bigde huye bete se nahi. Unless you don't want to marry me.

8. Agar Maya ka pyaar banna hai to apne baap ki zimmedari banna band karo.

9. Khud ke siwa kisi aur pe bharosa karna kamzori hoti hai. Aur kamzor log sirf darte hai, kuch karte nahi.

10. Mujhe samajhne k liye pehle mujh mein ulajhna padega.

11. Jab tak khud kuch kamakar apni kamai mere hath pe nahi rakh dete, tab tak na mai kuch khaungi, aur ek bund paani tak nahi peeungi.

12. Sunne ka waqt khatam, ab kuch kar k dikhao. Agar kar paye to baat karna. Agar nahi kar paye to mujhe bhool jana.

13. Kahin aag badhani padti hai, aur kahi aag bujhani padti hai.

Other Highlights:

1. MJ: Aaj k baad kabhi bhi mera aur mere parivar ka tamasha tumhari wajah se bana, to mai uss wajah ko hi khatam kar dunga.

          Smile. Chehre se hasi nahi hatni chahiye.

2. Antara: Aapne jo kiya sahi kiya. Aaj agar tumne sabke saamne meri sacchai nahi batayi hoti to shayad main khudko badalne ka mera kadam kabhi nahi uthati.

3. Ri: Tumhare haatho marna is so cool. Promise me ki marne se pehle tumhara chehra aakhri cheez hoga. Promise? M: I promise.

         Jo unka hai wo mera hai, jo mera hai wo unka hai.

4. Ra: Iss game ke rules hum likh rahe hai.

          Meri dosti bhi kisi hadh ko nahi jaanti Maya. Jab chahe aazma lena.

5. Rudra:

1. Mujhe nahi pata aap sach kyu chchupa rahi hai, aur par apse puchunga bhi nahi. Lekin ek baat yaad rakhiyega mom, duniya sirf sahara deti hai. Chalna khud hi padta hai. Jis din aap mein wo chalne ki himmat aa jayegi na, uss din aap phir se mujhe apne saath paayengi.

2. Ab jisko meri life mein rehna hai usey sach kehna padega.

3. Ru: Rajeev kaun hai? M: Mera chehra. Wo chehra jo duniya k samne aa sakta hai.

    Ru: I don't trust you. Zindagi mein pehli baar mere liye kisi ne kuch kiya hai. But still I can't trust you.

    M: And you shouldn't.

Episode: 19, Rudra Gets The Numbers, 26 December 2019

1. Aise hi ek kadam badhate badhate, tum apno se door ho jaoge Rishi. Friends, family, everyone. Itni door ki tumhara har rasta sirf meri taraf ayega.

2. Mere banaye huye dayro ko todne ki koshish bhi mat karna.

3. I need to talk to you. Now.

4. Meri zindagi se, meri maa se door raho.

Other Highlights:

1. Ra: Ye wow ki dukaan gusse mein aur bhi hot dikhta hai. Aur tum dono bhaiyon ko crazy kar dogi.

       M for Maya, M for mother aur M for manager. Samjhi?

2. N: Beta usey naukri se mat nikalna.

      Of course, tum itne smart ho, good-looking ho, aur single ho.

3. MJ: Best to tumhari mom k liye ek chchota word hai.

       Agar koi ladke wo kare jo wo kahe, to wo ladki hoti. Yehi to hai tareeka ladkiyon ka ladko ko bandh ke rakhne ka.

   MJ: Antara ka kuch karna padega. D: Zeher dedo usey.

4. D: Wow Antara! Duniya yaha ki waha ho jaye, tum aaj bhi MJ ka favorite custard kamal ka banati ho. Bohot maze ka bana hai.

      Tumhare sath rehna zeher hi hai.

      Roz roz marne se accha hai, ek baar zeher deke uska dard khatam kar do.

5. NanRuAn conversation:

N: Meri..Biwi ho?

Ru: Aunty apki koi dushmani hai kya mujhse? Anu meri dost hai, meri bussiness partner.

An: Biwi hu nahi, lekin biwi hone k chances hai.

*Rudra nods no*

N: Ab beta, ho nahi to kab hoga kya pata. Hoga ya nahi hoga wo bhi kya pata. Hai na?

6. Rishi:

1. Chota samajh k faayda utha rahe hai.

2. I need to feel rich again.

3. Maine aaj tak kabhi aisa relationship nahi dekha. Chahe kuch bhi ho jaye, chahe million problems aa jaye, ye dono humesha eksath rehte hai. Ek doosre ko

samajthe hai, and that is important.

4. Sirf ladkiyan hi nahi, ladke bhi pyaar mein wahi karte hai jo unhe kaha jata hai.

7. Rudra:

1. Maya k naye naye dost, interesting.

2. Nahi nahi aunty, apke hote huye mai usko naukri se nikal hi nahi sakta hu.

3. Ek baat bataiye aap, ye Maya pakka aap hi ki beti hai na?

4. Meri Anu hai na, aapki beti ka dhyan rakh legi.

5. Mujhe bohot gussa aata hai jab log mujhe bewakoof samajhte hai.

6. Mujhe koi shauk nahi hai tumhari ajeeb si life ka koi bhi hissa hone ka.

7. Mystery Maya ki tedhi mystery solve kar raha hu.

8. Instructions naa manne ki purani aadat hai.

8. An: Wow! To tu ab Maya k mom k saath promises bhi karne lag gaya hai.

9. Antara: Jab pyaar ho jaye to ladkiya wo hi nahi karti jo wo kehti hai. Wo bhi karti hai jo unhe kaha jaye.

Thank you so much Tia🤗

Originally posted by: Armu4eva

Thank you so much Tia🤗

🤗  More coming up 😆

Episode: 20, Maya Reveals Her Secrets, 27 December 2019

1. Awaz apki, life apki, choice apki. Lekin I promise, aap message chorenge to mai call back zaroor karunga.

2. 4th April 2011, 444. Ye din mai kabhi nahi bhool payungi. Iss din humari zindagi ki roshni kahin kho gayi. Ek bade aadmi ki badi zindagi ne, mere bhai aur mere papa ki khatam kar diya. Mujhe khatam kar diya. Uske bade gadi k bade pahiyon k neeche sab kuch badal gaya. Mai badal gayi.

Apne papa ko apne bhai ko kho chuki thi. Apni maa ko khone ki himmat nahi thi mujhme. Islye maine maa ko jhooth kaha. Kaha ki papa aur bhai hume chorkar America chale gaye.

Tab se lekar aajtak ye jhooth khaye jaa raha hai mujhe. Humesha darr laga rehta hai ki maa ko kahin sach pata na chal jaye. Islye khud ko sabse door kar liya. Iss duniya se apne aap ko chchupa liya. Apni aur apni maa ki ek chchoti si duniya bana li, jismein kisi aur k liye koi jagah nahi hai.

3. Inta accha samjha hai usey.

   Rudra k dil mein kahin na kahin dard chupa hai, isilye usey doosre k dard ki samajh hai.

4. Ab mere dil k hazar tukdo me se ek tukda Rudra ki kahani likhega, aur doosra Rishi ki nayi kahani.

5. Har kahani jhoothi hoti hai, par uske kirdaar sacche hote hai.

6. Mujhe pata tha tum kabhi bhi mujhse jhooth nahi bologe.

7. Kya hua? Itni si aag se darr gaye? Tumhe pata hai, aise hi jalti hu mai. Jab koi mujhe chchuta hai, to aise hi aag lagti hai. Har baar maine apne bharose ko jalte huye dekha hai. Par mai aise rehna nahi chahti, I want to change. Aur sirf tum mujhe badal sakte ho Rishi.

8. Please help me. Mai aise jeete jeete thak gayi hu, I can't do this anymore.

9. Jis din dushmano ko aapki kamzori dikh jaye, uss din se haar k siwa kuch nahi dikhta.

10. Maa ki problem ye hai ki kisise nafrat manzoor nahi hai. Beti ki problem ye hai ki kisise pyaar manzoor nahi.

Other highlights:

1. Rudra:

1. Kyunki tum apni zindagi se bhaag rahi ho. Tum apni zindagi se itni door bhaag chuki ho ki tumhari khud ki maa tumse help nahi le sakti. Uske liye bhi unko gairon k paas jaana padh raha hai.

2. Bahut badi galti ho gayi mujhse.

   Mai jaisa Maya ko samajh raha tha wo waisi nahi hai.

3. Kyunki tere bare mein sab jaanta hu mai. Par uss Maya k baare mein jitna sochu utna kam hai.

   Mujhe aisa laga aaj mujhe real wali Maya dekhne ko mili. Like wo Maya, jo kisi parde k peeche ya kisi raaz k peeche nahi thi.

2. An: Rudra tu na overeact kar raha hai. Wo teri gf nahi hai, so just chill, calm down.

           Ya koi pyaar vyaar ka chakkar hai?

          Maya ki kasam.

3. Rishi:

1. Akhir problem kya hai tumhari, bharosa nahi hai mujhpar? Hath lagao to galat lagta hai, pass aao to galat lagta hai. Agar aisa hi hai to shaadi kyu karna chahti ho mujhse?

2. I love you Maya. I love you. Mai ab tumhara bharosa kabhi nahi todunga. Bohut pyaar dunga tumhe. Mai bachaunga tumhe. Maine aajtak itna passionately pyaar karte huye kisiko nahi dekha. Tumhare andar wo passion hai, wo junoon hai, wo pagalpan, wo sanak. Beyhadh pyaar ki. I love you.

4. Ra: Rudra ne tumhari jhoothi kahani pe yaqeen kar liya?

           Tumhe aunty ki baaton mein nahi aana hai. Wo tumhe pyaar se, khaane se, emotion se, aansu se behkane ki koshish karengi. Lekin tum sabko unki baaton mein nahi aana hai.

Episode: 21, MJ Makes a New Plan, 30 December 2019

1. Ab isse zyada acche lage na to tumhe ghar mein band karke rakhna padega, taki tumhe koi aur na dekhe.

2. Aaj se Mrityunjay Roy k bete ki kahani khatam aur Maya k Rishi ki kahani shuru hogi.

3. Rishi masoom hai. Pyaar karta hai mujhse, bharosa karta hai mujhpar. Par pyaar me diya bharosa hi barbadi ki taraf pehla kadam hota hai.

4. Maine use kaha tha ki bahar hi naha kar aye. Pure building k samne usey nahane ko kaha tha.

5. Jis raste k mor par mai khadi hu waha se lautna namumkin hai.

6. Nind ayegi to sapne dekhoge na.

    Sone se pehle kuch accha padho to nind acchi aati hai.

7. M: Bharosa jeetne k liye khud ko haarna padta hai. Hara paoge khuko?

    Ru: Bharosa haar k nahi jeet k liya jata hai.

8. Jawab dhundhne jaoge to Maya k sawalo mein gum ho jaoge. Aur agar jawab dene jaoge to Maya ko khud samne paoge.

   Bolo Rudra. Jawab tum mang rahe ho, aur sawal mai puch rahi hu.

9. M: Bharosa karte ho mujhpar? Do you trust me?

    Ru: Mujhe iss Rajiv par bilkul bharosa nahi hai.

10. Kab tak bhagoge Rudra Roy. Ek waqt ayega jab tumhara har rasta Maya ki taraf pahuchega.

Other Highlights:

1. MJ:

1. Apni jagah dhundhte dhundhte ghar ka rasta bhul mat jana.

2. Khud karna chahta tha to baat alag thi. Lekin doosron k dikhaye raaste par chalne wale aksar kho jaate hai.

3. MJ: Mere bete ko tumhare jaise dosto ki zarurat hai Ankit. Jo humesha uspar nazar rakhe, jo kisi bhi galat insaan ko usse door rakhe, jo uske bare mein sabkuch aaakar mujhe bataye.

4. Baatein ajeeb nahi hoti, log ajeeb hote hai.

2. Rishi:

Agar tum kahogi to tie se latak bhi jaunga Miss Maya.

Ajeeb hai, satki hai, kabhi kabhi behki-behki baate bhi karti hai. Darati hai, bhagati hai. Par uff Maya! Kamaal ho tum.

Dad, ye rassi ko thik se bandho na mere gale mein.

3. Nandini:

Nahi, meri Maya tu hi hai. Bas tune uss Maya ko kahi andar band karke rakh diya hai. Na tu usse milti hai, na kisiko milne deti hai.

Uss raaste par koi aisa to hoga, jo tere andhere ko roshni se aur teri nafrat ko pyaar se badal dega.

4. An: Kiske khayalo mein dooba hua hai? Maya?

    An: Wait, are you jealous? Ru: Are you mad? I am practical.

5. Rudra:

1. I support you. Tere aur tere life k beech mein koi nahi ayega.

2. Aate hai na, darawne sapne. Sabkuch kaala hota hai usme. Maya, Maya k kapde, Maya ki gaadi, everything. Kaala.

3. Like jab bacche sote nahi hai to Maa kehti hai, soja beta soja warna Maya aa jayegi.

4. Maya humse kuch chchupa rahi hai. Wo humari partner hai, uske bare mein har cheez janne ka haq hai hume.

5. An: Bata chakkar kya hai? Tujhe Mayaitis to nahi ho gaya?

   Peon: Sir wo kaale kapde wali madam apko andar bula rahi hai.

   Ru: See!

   An: Tu kahi aur ka gussa kahi aur mat nikal. Tera phailaya hua raita mujhe sametna padega.

Kuch zakham aise hote hain jo waqt ke sath bharte nahi, aur bhi gehre ho jate hain.. Rudy

Originally posted by: Armu4eva

Kuch zakham aise hote hain jo waqt ke sath bharte nahi, aur bhi gehre ho jate hain.. Rudy

Like biwi like hubby

Maya had a similar dialogue in Epi 17: 

Kuch daag aise hote hain, unhe jitna chchurane ki koshish karo utne hi gehre hote jate hai.

Updated till date likho please title mein, epi no nahi, conphusiya jaate hai hum🤪

Originally posted by: _._shibani_._

Updated till date likho please title mein, epi no nahi, conphusiya jaate hai hum🤪

Done madam 👍🏼