Parichay poetry club always being updated... - Page 3

Mere is virane me, kaisi ye halchal he,

Ghane sannatme, sunai deti kisiki aahat he;

Saalo se band darvaze pe, aaj ek dastak he,

Sawal utha he dil me, kya use koi chahat he?

Unse ki har ek mulakat, mujhe yaad he,

Unki kahi har ek baat, mere dil ke pas he;

Unke aankhon ki khamoshi, bahat khas he,

Unki ek hasi me, hay kya baat he;

Apne aap me hi kuch aur, unka saath he,

Unke chune me, ek alag ehsaas he;

Fir kab milenge, ab yahi fariyaad he,

Kambakht subah kab hogi, ye intazaar he.

Aaj dil me utha, kaisa yeh sawal he?

Haath failaye samane, koi yoon khada he;

Narm nighahon me daba, koi ehsaas he,

Dabi dabi si aahante, kehti kya baat he;

Apna sa lagta, unka saath he,

Kab mile unse, har dum yahi aah he;

Masum chehra unka, kabhi dikhaye bachpan to kabhi darpan,

Baate unki, kabhi laaye hasi ya mann ko tattol jaye;

Me na reh paoo dur, aur wo bhi karib aana chahe,

Is kasmokash me, sare jahan ko samil hum paye;

Hichkichate jub pucha unse, kaun ho tum?

Muskurate vo kahe, mein hoon zindagi, aao tham lo mujhe''.

Kya kahenge hum, kya sunoge tum,

hum to mehfil se kabki alvida le chuke;

ab to har waqt tanhai ka hi aalam he,

na kuch sunai deta he, na hi kuch bol pate he hum.

Apni kya sunaye, hum khud nahi jaante,

Duniya ki kya bataye, duniya se hum dur he rehte;

Ab sirf tanahi me hi sukoon mitla he,

dard e gum ki mehfil me hum kya kare;

ab tak zinda hoon bas yahi ek sach he,

ab zindagi kya hoti, ye na puchna mujse,

zindagi agar bewafa na hoti, to sayad hum bhi ji lete,

bewafai is taraf katil na hoti, to sayad hum use pee hi lete;

Is kasmkas me ek tanhai hi apni lagti he,

zindagi to kab ki ruswa huyi hamse;

bas maut hi he jo gale lagani aayi he.

Unke intazaar me kab se aah lagaye bedhe the hum,

par ab to intazaar ki har ek ghadiya bhi khatam ho gayi;

zindagi to kabse bewaffa thi hamse,

aaj maut ne bhi ruswa kar diya?