Pyaar...aakhir yeh pyaar hai kya...
Kehte hain ki kabhi pyaar me gussa hota hai to kabhi narazgi
Kabhi pyaar me kisi ka ehsaas hamare jeene ki vajah ban jata hai to kabhi kisi ka saath jeevan bhar ka saath
Yeh sab pyaar hi to hai na...jisme jo do log anjaan hote hain, woe k pyaar ke bandhan me aise bandh jate hain ki kisi ek ki khushi dosare ki khushi, kisi ek ka gham dosare ka gham aur kisi ek ke honto ki muskurahat dosare ki honto ki muskurahat ban jati hai
Aur yeh pyaar hi hai jisme kayi baar kisi ek ki khushi ke liye humhe usse apne se door bhejna padhta hai... par in dooriyon se kabhi pyaar kum nahin hota balki wo aur bhi zyada gehra ho jata hai...
Aisi hi kahani hai in dono ki..Prithvi aur Nandini...
Do aise insaan jo zindagi ke ek modh par bilkul anjaan the, par aaj inke dil ek dosare se hamesha ke liye jodh chuke hain...
3 saal pehle, yeh dono mile the apne college ke pehle din, dono me ek maturity thi aur shayad issi vajah se yeh dono ek saath reh paye aur aaj yeh dono alag ho rahe hain.
Prithvi hamesha se chahta tha ki apni internship woh ek bahut hi ache scientist ke saath kare aur aaj usse yeh chance mil raha hai. Aaj woh apni 6 month internship ke liye Greece ja raha hai aur Nandini...woh apni maa ko chood ke kahiin door nahin jana chahti, isliye usne india me hi ek company me internship karne ka fainsla kiya. Kal prithvi india se ja raha hai, isliye jane se pehle Nandini se milne aaya.
Prithvi: - "Kya kar rahi ho?"
Nandini: - "Kuch nahin Prithvi, bas soch rahi hoon..."
Prithvi: - "Mene tumhe kitni baar bola hai ki itna mat socha karo, pagal ho jaogi."
Nandini: - "Itne saal tumhare saath reh kar already pagal ho chuki hoon mein, ab aur nahin ho sakti." Yeh keh kar wo thodha sa muskurayi.
Prithvi: - "Aur mere jane ke baad?"
Yeh sunte hi Nandini ke chehre ki muskurahat phir se ghoom ho gayi.
Prithvi: - "Kya hua Nandini?"
Nandini: - "Kuch nahin, bas soch rahi hoon ki yahan to tum har baar exams se pehle meri jaan khaya karte the, ab bahar ja rahe ho to tumhara kya hoga."
Prithvi: - "Kya hog kya? Mein vahan bhi tumhare jaisi kisi pagal ko dhond lunga..."
Nandini: - "Me pagal hoon kya?"
Prithvi: - "Aur nahin to kya..har saal mein tumhare notes padh kar top karta raha, aur tum sara saal itni mehnat karne ke baad bhi second aati rahi, to tum pagal hi hui na..."
Nandini: - "Pagalpan nahin hai, yeh to mera pya..." Woh bas kehte kehte ruk gayi.
Prithvi: - "Kya hua, ruk kyunh gayi?"
Nandini: - "Nahin...kuch bhi to nahin."
Prithvi: - "Jo bolna chahti ho, wo bolti kyun nahin tum..."
Nandini: - "Jo bolna chahti hoon, wo bolungi, par abhi nahin...tumhare vaapis aane ke baad."
Prithvi: - "Par aisa kyun?"
Nandini: - "Kyunki 6 mahine baad tumhara birthday hai Prithvi, aur mein job hi bolna chahti hoon, mein ussi din bolungi aur woh bhi issi jagah."
Prithvi: - "Agar tum nahin bolna chahti to kya mein kuch bolun?"
Nandini kuch boli nahin bas halke se sar hila diya.
Prithvi: - "Tumhari bahut yaad aayegi mujhe..." Itna bolte hi Prithvi ki aankhon se 2 boond aanso gire.
Nandini: - "Mujhe bhi to aayegi tumhari yaad; par tum kya ladkiyon jaise ro rahe ho, utho aur jao..."
Prithvi: - "Mera man nahin kar raha.."
Nandini: - "Par tumhe jana hoga, yeh tumhara sapna hai Prithvi aur mein nahin chahti ki kisi bhi vajah se tum apna sapna pora na kar pao, mein tumhe hamesha sabse uppar dekhna chahti hoon, aur issi liye tumhe jana hoga."
Prithvi: - "Aur tumhara kya?"
Nandini: - "Tum jante ho Prithvi, maa aaj kal theek nahin rehti, aur maa ko aisi halat me chood kar mein bahar nahin jana chahti."
Prithvi: - "Toh kya tum internship ache se kar paogi?"
Nandini: - "Haan, jitna bhi karungi, pure man se karungi. Aur yehi mein tumse bhi chahti hoon."
Prithvi: - "Vaada karta hoon ki poora man laga kar padhai karunga."
Nandini: - "Theek hai, chalo ab jao...kal subah flight hai...vahan ja kar phone zaroor karna."
Prithvi: - "Haan theek hai, mein tumhe phone kar dunga."
Prithvi chala gaya, aur Nandini vahiin khadi usse jate hue dekhti rahi, phir modhi aur kaha: - "Wo mera pagalpan nahin tha Prithvi, wo mera pyaar tha, jo hamesha tumhe zindagi me bas uppar jate hue dekhna chahta hai, aur aaj issi liye mene tumhe yeh nahin bataya kyunki mein nahin chahti ki tum kabhi kamzor padho aur woh bhi mere pyaar ki vajah se. Ab mein intezar karungi tumhare lautne ka, jis din tum laut kar aaoge, ussi din mein tumse apne pyaar ka izhaar karungi."
Dosari aur Prithvi kuch aage gaya, aur phir modh kar piche dekh kar bola: - "Mein janta hoon Nandini ki wo tumhara pyaar tha mere liye, par mein aaj tak yeh nahin samajh paya kit um mujhse kabhi apne yaar ka izhaar kyun nahin kar payi, kya tumhe mujh par bharosa nahin ya phir mere pyaar par. Chahe job hi ho, par ab mujhe vaapis aana hai apne pyaar ke liye aur jis din mein vaapis aaunga, us din sabse pehle tumse apne dil ki baat kahunga."
1 week baad, prithvi ka phone aaya; Nandini ne hi uthaya tha.
Prithvi: - "Kaisi ho tum?"
Nandini: - "Mein theek hoon, aur tum kaise ho?"
Prithvi: - "Mein bhi theek hoon...Aunty kaisi hain?"
Nandini: - "Maa theek hain, par tumne itne din baad phone kyun kiya?"
Prithvi: - "Sorry Nandini, actually yahan aa kar sab ke saath adjust karne me time lag gaya aur tum to janti ho ki8 next day se meri internship bhi start thi.
Nandini: - "Mushkil hai kya?"
Prithvi: - "Haan mushkil to hai hi, par ab jo socha thaw o karke dikhane ka waaqt aa chukka hai Nandini, aur mujhe kisi bhi tarah is mein bhi pass hona hai."
Nandini: - "Mein janti hoon Prithvi, aur mujhe poora vishwas hai kit um isme pass zaroor hoge."
Prithvi: - "Poori koshish karunga."
Nandini: - "EK vaada karoge mujhse?"
Prithvi: - "Haan, bolo na."
Nandini: - "Tum mujhe aaj ke baad phone nahin karoge, or na hi koi mail, ab hum baat karenge to tumhare india vaapis aane ke baad."
Prithvi: - "tum pagal ho gayi ho, yeh kya bol rahi ho0?"
Nandini : - "Mein janti hon ki mein kya bol rahi hoon Prithvi, mein bas yeh nahin chahti kit um mujhse gappe marne me lage raho aur apna time waste karte raho...tum mana nahin kar sakte..."
Prithvi: - "Theek hai, mein yeh baat bhi manunga, par iske liye tumhe bhi mujhse ek vaada karna hoga."
Nandini: - "Kaisa vaada?"
Prithvi: - "Pehle promise karo ki jo manunga woh dogi tum mujhe?"
Nandini: - "Theek hai vaada raha..ab batao?"
Prithvi: - "India aane ke baad jab mein tumse milunga, toh tum sabse pehle wo baat kahogi jot um us raat kehte hue ruk gayi thi."
Nandini: - "Theek hai mein vaada karti hoon."
Prithvi: - "Theek hai, iska matlab ab hamari baat india aane ke baad hi hogi..."
Nandini: - "Haan.."
Prithvi: - "Theek hai, to mein phone rakhta hoon. 6 mahine naad milenge."
Nandini: - "Haan theek hai, bbye..take care, will miss u.."
Prithvi: - "Miss u 2, Take care..."
Iske baad Prithvi aur Nandini me baat nahin hui; kyunki dono hi apne kiye hue vaade ni8bha rahe the. Jahan Nandini India me reh kar sab kuch sambhal rahi thi vahiin Prithvi pura man laga kar apni internship kar raha tha, au raise hi waqt ghuzarta raha, aur aaj 6 mahine baad Prithvi ussi jagah khada hai jahan Greece jane se pehle wo Nandini se mila tha aur Nandini ka intezar kar raha hai. Dosari taraf Nandini uski khushi toh aaj roke nahin ruk rahi thi, bhagti bhagti wo bhi ussi jagah pohanchi aur dekha Prithvi ko, kuch door khada hai wo. Hamesha ki taraf chehre par muskurahat aur aankhon me ek shaitani...
Nandini ruki thodi der aur phir dheere dheere aage badhi.
Prithvi: - "Kaisi ho?"
Nandini: - "Mein achi hoon aur tum?"
Prithvi: - "Good..."
Nandini: - "aur internship kaisi rahi?"
Prithvi: - "Achi rahi, sab ache se ho gaya."
Nandini: - "Phir to bahut achi baat hai..."
Prithvi: - "Haan, aur tum batao aunty kaisi hain?"
Nandini: - "Maa theek hai, khush hain.."
Prithvi: - "Hmmm..."
Phir thodhi der ke liye un dono ke beech ek khamoshi si thi aur dono kuch bol hi nahin pa rahe the, thodhi der baad Prithvi bola.
Prithvi: - "Mene apna vaada poora kiya Nandini."
Nandini: - "Janti hoon.."
Prithvi: - "To ab tumhari bari hai apna vaada poora karne ki.."
Nandini: - "Haan wooo..." Nandini kuch samajh hi nahin pa rahi thi ki wo kya bole.
Prithvi: - "Kya?"
Nandini kuch nahin boli aur dosari taraf modh kar khadi ho gayi, Prithvi thodha sa muskuraya aur phir bola.
Prithvi: - "Koi baat nahin, agar nahin bolna chahti to rehne do, par aise to behave mat karo."
Nandini modhi, uski aankhon me aanso the...Prithvi thodha gabraya wo aanso dekh kar, phir uske pass aaya.
Prithvi: - "Tum ro kyun rahi ho?"
Nandini: - "Mein ek achi dost nahin hoon na Prithvi, mene pehle tumse itna stupid sa vaada liya aur ab mein hiii..."
Prithvi: - "Pehle tum rona band karo stupid...aur yeh kya baatein le kar bheth jati ho tum."
Nandini: - "Toh mein aur kya karun, tumne hamesha se itna kuch kiya mere liye, aur mein hi kabhi kuch nahin kar payi."
Prithvi: - "Tum na sach me pagal ho gayi ho mere bina, pata nahin kya kya bol rahi ho aur kyun?"
Nandini: - "Kyunhki mein kuch nahin kar sakti."
Prithvi: - "Nandini, tum hamesha se meri sabse achi dost rahi ho, aur janti ho kyun?"
Nandini ne naa me sar hila diya aur Prithvi hasne laga.
Prithvi: - "Kyunki tum hamesha se hi meri himmat rahi ho."
Nandini: - "Sach?"
Prithvi: - "Haan aur ab rona band karo, aunty ne aise dekh liya na to meri bahut pitaai karengi."
Nandini: - "mazak band karo."
Prithvi: - "Achya theek hai, ab mein chalta hoon, tum bhi ghar jao."
Nandini ne halke se sar hilaya aur Prithvi vahan se uth kar jane laga...Kuch waqt ke liye Nandini bas sochti rahi phir Prithvi ko awaaz di usne.
Nandini: - "Wo mera pagalpan nahin tha Prithvi, wo mera pyaar tha tumhare liye, wo pyaar jo pata nahin kab se mere dil me hain, par kabhi samajh nahin payi ki tumhe bataun to bataun kaise, wo mera pyaar the Prithvi, wo mera pyaar tha."
Prithvi modha Nandini ki aur, aur kuch der tak usse dekhta raha, phir dheere dheere uski aur badha aur usse gale laga liya.
Prithvi: - "Pagal, tumne mujhe bataya kyun nahin?"
Nandini: - "Kyunki mein nahin chahti thi ki mein ya mera pyaar kabhi bhi tumhari kamzori bane..mujeh laga ki agar mein tumhe bataungi toh shayad tum kamzor padh jao, aur won a kar pao jot um karna chahte the."
Prithvi: - "Tum na sach me pagal ho, tum ya tumhara pyaar kabhi meri kamzori nahin ban sakta Nandini, pyaar to insaan ki takhat hota hai, wo kabhi kisi ki kamzori nahin ban sakta...pyaar, wp ehsaas hai jo humhe hamare kamzor lamho mein aage badhte rehne ki himmat deta hai, jo humhe hamesha yaad dilata hai ki koi hai jo har pal hamari kamyaabi ke liye dua maang raha hai aur issi dua ke liye hum apni poori mehnat laga dete hain, yeh pyaar hi hai jo humhe yeh takhat deta hai."
Nandini: - "Mujhe maaf kar do Prithvi, mein apne pagalpan me pata nahin kya kya sochti reh gayi."
Prithvi: - "Pagal toh tum ho, issi liye mujhse maafi maang rahi ho; ab apna pagalpan chodo aur chalo ghar chalte hain, varna tumhari maa paka mujhe maar dengi."
Nandini: - "Wo aisa kabhi nahin karengi..."
Prithvi: - "Mein janta hoon, par risk nahin lena chahta, to chale."
Nandini ne ham me sar hilaya aur wo dono chale gaye, ek nayi manzil ki taraf saath saath.
Writer's Note: - Sorry for writing all this, mere dimaag me kuch nahin tha jab mene yeh likha isliye I just hope ki yeh tumhe pasand aaye, aur agar nahin aaya, then M really very sorry.
So guys, now its the time for a small story about us and how we actually met here on IF.
Avatar and Signatures Shop
14