Credit: Love U Mishal Raheja fan page.
Mishal yahaan bata rahe hai apne business prayas 'PHD', Tom cruise ke saath apni choti si lekin yaadgaar mulakat, 'Punarvivah-ek nayi umeed' ke liye 'yeh jawani hai deewani' ke do gaano par apne tazaa dance aur bhavishya ke liye apni yojnaonke baare mein...
Q:'Punarvivah-ek nayi umeed' mein aapki dance performance mehej ek special appearance hai ya aap is show mein shaamil hone ke baare mein bhi soch rahe hai?
A: unhone mujhse ek special appearance ka aagrah kiya tha.mujhe dance karne mein mazaa aata hai,isliye maine haami bhar di.agar ve mujhe aisa kuch offer karte hai, jo mujhe pasand ho, to main woh role bhi kar lunga, bagair is baat ki fikr kiye ki woh role kitne episodes tak chalta hai.'yeh jawaani hai deewai' ke do dance 'mera ghagra' aur 'dilliwali girlfriend' do episodes main hai.
Q:co-dancer ke roop mein Barkha Bisht ke baare mein aapki kya rai hai?
A:woh fantastic hai.unhe rehearsal ki zaroorat hi nahi padti.Barkha ek hi take mein kaam pura kar deti hai.woh bemisaal hai.unhone mujhe bhi bahot saare steps dikhaye hai.
Q:kya aap mein dance ke liye junoon bhaav hai?
A: jee haan. mere man mein dance ke liye junoon hai.woh mazedaar hai lekin aasaan nahi hai.kareeb saat baras pehle jab main acting school mein bharti hua, to mera khayal tha li main ek fantastic dancer hu,lekin tabhi maine desh ke alag alag hisso se aaye vidyarthiyon ko dekha, jo wakai fantastic dancers the.unko dekhne ke baad maine aur behtar karne ke liye khub practice ki.
Q:kya aap filmo mein apna career banana chahte hai?
A:jee haan, beshak. pichle baras maine himachal main ek film ki shooting ki thi.producers ne abhi us film ka elaan nahi kiya hai.jaise hi woh uska elaan karenge main bhi khulkar uske baare main baatein karna shuru kar dunga.
Q: kya aapko 'Laagi tujhse lagan' ko chodne ka afsos hai?
A:jee nahi, mujhe koi afsos nahi hai.main ek creative insaan hu.mujhe jeevan mein parivartan pasand hai.thehraav to boring ho jaata hai na? to us wale mukaam tak pahunchne se pehle main khud hi bahar nikal aaya.
Q:'Laagi tujhse lagan' ke baad aap kisme vyast rahe?
A:mumbai mein 'Party hard drivers' naam se meri ek company hai.
Q:kya hume bata sakte hai ki aapki woh company kis tarah ka business karti hai?
A:ek raat main aur mere kuch dost ek bar main the aur main ghar nahi jaa saka tha.to mere man mein yeh idea aaya ki hume logon ko driver uplabdh karwane chahiye, taki woh surakshit apne ghar ko pahunch sake.mujhe laga ki main khud is kaam ko shuru kar sakta hu, to shuru kar diya.haal hi meri company ne pune main bhi ek branch kholi hai.
Q:kya yeh baat sahi hai ki jab Tom Cruise bharat aaye the , to aapki company PHD ne hi unhe car upalabdh karwai thi?
A: Wizcraft ke maalik log niyamit roop se hamari sevaaye lete hai.Wizcraft ne hi yaha tom cruise ka event handle kiya tha, isliye unhone pure deligation ko ghumane ke liye hamari company se hi drivers liye the.yeh ek adbhut anubhav tha.mujhe bhi unse batiyaane ka aur unke saath kuch waqt bitaane ka mauka mila.
Q:bhavishya ke liye aapki kya yojanaye hai?
A: filhaal to mere saamne kuch bhi nahi hai.mera ek hi lakshya hai aur woh hai - jaise bhi ho sake main logo ko khushi du.
Q:jab aap kaam karte hai, to apne parivaar aur kaam ke bich samay ka santulan kaise bithate hai?
A:jab aap koi daily soap karte hai, to bahot mushkil hota hai.isliye phir se vyast ho jaane se pehle abhi jo bhi waqt mere paas hai, use main apne parivaar ke saath bitaane mein istemaal kar raha hu.
Q:shanti ke baare mein aapka kya khayal hai?
A:woh har insaan jo kadi mehnat karta hai. kabhi na kabhi khud ko bhi pamper karna chahta hai.mera khyal hai ki agar aap aankhen moondkar baith jaaye aur dhyaan kare to aapko shanti zaroor milegi.isliye main to sochta hu ki shanti ke liye koi khaas jagah nirdharit nahi hoti.agar aap apne kaam se khush hai to shanti khud ba khud chalkar aapke paas aayegi.
-BNS
Anupamaa
Kyunki Saas Bhi Kabhi Bahu Thi 2
