PART 6
24/08/2005..
Jai ka cabin....
Bani kuchh paper pe sign lene aai hai...Jai dhyaan se padh raha hai..Bani ne kaha.. "Tum padh lo...padh k sign karo..take your own time..main baad me aa jaati hoon..."
Jai--Kyon..kisiko time deke rakha hai..baitho...jab tak main padh naa loon..baithi raho..
Bani--Okay....
Bani ne dekha Jai news sun raha tha...usike case k bare me charcha ho rahi hai..press walen aur TV walen..Bani ki taarif k pool baandh rahe hai Bani ne kaha.. "TV dekh rahe ho ya off kar doon? "
Jai--Off kar do..
Bani ne TV off kia..
Jai--Main padh chuka hoon..
Bani--Sign kiaa??
Jai--Kar denge bhai..jaldi kyaa hai ??Baitho,baat karni hai..
Bani--Kyaa baat hai?
Jai--Well..kal jis tarha tumne court me plead kia..I must say..great.
Bani--Thank you..par tumko to bura laga hoga..tumhari dost ki bahen hai Anita..
Jai--No,not all..jab Anita ne hi case withdraw kar lia..to ..mujhe kyaa problem hai??
Bani--Okay..ab ..main jaoon?
Jai--Yaar..kaam ka bahana mere saamne mat maaro.......waise kal tum vakei case ladh rahi thi..yaa apne dil ki bhadaas nikaal rahi thi..you know what I mean???
Bani--Agar tumhe lagta hai..toh yehi sahi..main bahes nahi karna chaahti..
Jai--Kyaa baat hai...achha hai,tum court me vakalat jhaadte hue achhi lagti ho..real life me agar kisika paala tumse pade..uski to haalat bigad jaayegi..
Bani--My profession is my real life....
Jai--Yeh bhi sahi hai..par sach bataao..kya tum zara bhi personal nahi hui thi?Kal..court me?
Bani--Sachchai personal ya impersonal nahi hoti ..sirf sachchai hoti hai..aur kuchh kehna hai?Mujhe jaana hai ..please, in papers ko submit karna hai....
Jai--Baat adhuri chhod k jaa rahi ho...
Bani--Yeh baat to saalon se chal rahi hai na Jai!Tumhare aur mere beech..haa..tarika alag hai...zara sa...
Jai--Okay ..abhi jaao..baad me baat karte hain..
Bani--Good bye.
Achanak Uday aaye Jai k cabin me...dekha k dono baithe hain..baat kar rahe hain...khush hue.. "Kyaa baat hai!Aaj ka din bada achha hai..."
Jai--Dad..please...
Uday-Waise Bani..tumne kal jo case jeeta..well done...
Bani--Thank you Uncle......
Uday--Dono saath ho..to baat kar hi loon...main soch raha tha..k tum dono ki ab shaadi ho jaani chahie..meri umar ho chuki hai..zindagi ka kyaa bharosa?Kyaa khayaal hai?
Jai khamosh khada raha.
Bani--Uncle yeh baat aap ghar me kare to achha hoga..Office k khamokha ki tension ho jaayegi..any ways,main chalti hoon...
Bani chali gai..
Jai--Dad ..not done...ghalat hai yeh..
Uday--Shaadi kisi ladki se hi karni hai na?Why not Bani ?Burai kyaa hai usme?
Jai--Ghar chal k baat karenge Dad..abhi nahi...
Uday--Okay...abhi kaam karo.
24/08/2005 ,Walia House...raat 9 baje..
Krishna--Dekho..kuchh aur maango main de doongi..magar is baat ki manzoori nahi k Bani is ghar me bahu ban k aaye..
Uday--Bani ko pehchan ne me ghalti kar rahi ho...
Krishna--Meri zindagi Bani k wajah se barbad hai..Jai ki zindagi k saath main khilwad hone nahi doongi.
Uday--Apne bete se poochh lo k woh kyaa chaahta hai..aaj kal janab k din hi nahi guzarte Bani se baat kie bagair..poochh lo..sochta hai k mujhe kuchh dikhta nahi..magar office me Jai k cabin me Bani zaroori kaam se jaati hai..aur Jai rok leta hai aur idhar udhar ki baat karta hai..yakeen nahi hai?Apne bete se poochh lo..kyon Jai..sahi hai na?
Jai--Yes..par jaisa aap soch rahe hai waisa nahi hai..
Uday--Pahle use ek pal bardaasht nahi kar paate the..aaj kal uske sath hans hans k baat karte ho..tumhare tevar badle badle hain Jai..
Jai--Ghoom fir k aap mere aur Bani ki shaadi ki baat hi karenge..
Uday--Tum ko kuchh kehna hai is maamle me?
Jai--Filhaal kuchh nahi..mujhe waqt chahie thoda sa..ab tak jisse theek se baat nahi ki.. usise fataak se shadi kar loon..yeh bhi mismatch nahi hai?Main thoda aur use samajh loon..baad me bata ta hoon aapko..itna kar sakte hain aap?
Uday--Okay..take your own time...
Krishna soch me pad gai..Uday ka ek zaruri phone aaya tha..tab Jai aur Krishna me baat hone lagi..
Jai--Aapko itni nafrat kyon hai usse?
Krishna--Ab waqt aa chuka hai k sach tumko pata chale..
Jai--Kaisa sach??
Krishna--Bani ki Maa ka naam Kiran Sharma tha..tere Dad ..main aur Kiran ek hi college me the..kahi na kahi,tere Dad Kiran k lia kuchh feel karte the..soft feelings thi unke dil me, par Kiran ki shaadi kisi aur jagah ho gayi....tere Dad use bhool na sake.....Bani usi Kiran ki Beti hai....socha apne zindagi me Kiran ko haasil na kar sake..lekin Bani ko wahi pyaar denge..kyonki agar unki Kiran ki shaadi ho jaati..toh Bani unhiki Beti hoti..ab samajh me aaya..k itna kyon care karte hain Bani k baare me?Bani mehfuz rahe is ghar me isiliye is ghar ki bahu banana chahte hai use..
Jai--Iska matlab..Bani najaayez aulad nahi kisi ki?
Krishna--Agar jaayez hoti to Kiran use dustbin me kyon fekti..tere Dad us waqt Kiran se contact rakhte the..unhone barabar nazar rakha tha k kis hospital me Kiran admit thi..bas yehi sach hai...Kiran ne tere Dad ko fansaya tha...ho sakta hai shaadi k baad uska nature change na hua ho..isiliye Kiran k pati ne Bani ko apnaane se inkar kar dia........
Jai--Don't worry Mom..ab aisa kuchh nahi hoga....Bani usi Kiran ka khoon hai..jiski wajah se aap dukhi rahin..use main khoon k asoon zaroor rulaunga..don't worry..ab pareshan Bani hogi..
Krishna ne jo zaher ghola..uske bare me Uday ko kuchh pata hi nahi chala.Apni Maa se Bani ki Maa ki sachchai jaan kar..jaise Jai k din raat me kisi ne zaher ghol dia....jo na woh nigal sakta hai na woh ugal sakta hai....Bani k baare me sochta hai..kabhi kabhi lagta hai k uska koi kasoor nahi isme..apni paidaish k lia woh zimmewar nahi..par doosre hi pal yeh soch ta hai..k khoon to ek din asar dikhayega..Kiran ne jaise uski Maa ki zindagi tabah ki hai..usi tarha Kiran ki aulad hai Bani,woh kyon kisiko baksh degi?Jai k dil aur dimaag ne kaam karna bandh kar dia..woh gusse se paagal ho chuka tha..Krishna ne sach kaha tha.. Kiran hi Bani ki Maa hai..Uday ,Krishna aur Kiran ..college k dost the...Krishna ko har pal shak rehta tha..kahi Uday ka rishta Kiran se na ban jaaye..Uday k sath Kiran ki dosti bahut gehri thi.
Jai yeh sach jaan kar ,Bani k jo thoda kareeb gaya tha....usse kai zyada door bhagne laga.. nahi Bani meri zindagi ka hissa nahi ban sakti..ek badchalan aurat ki aulad..usiki tarha badchalan hogi..gusse me Jai woh bhi bhool gaya K ussine kadam badhaya tha Bani ki taraf.
27/08/2005.....
Bani Jai k cabin me aai..Jai ne dekha Bani aai hai..par usne kaha.. "Kuchh kaam hai?"
Bani ne kaha.. "Aise hi..."
Jai--Aise hi office me ghoomne k lia company aapko paise nahi deti Advocate Juneja....aur kisi k cabin me aane se pahle knock karna..basic manners..jaanti hai na aap??
Bani chauk gai..Jai ko kyaa hua..woh chali gayi SORRY bol kar.
Jai ne ek plan banaya...ek admi ko hire kia..ta k woh Bani k ghar k duplicate keys bana k use de sake..pata nahi kab kyaa ho jaaye..tab yehi key uske kaam aayegi....in kai dino me Bani ne usse baat karne ki koshish nahi ki..Bani jaanti thi Jai tamasha karega......
05/09/2005..
Walias ka office...Jai ne Bani ko bulaya.....
Bani--Haan bolo..
Jai--Main sochta tha..k kaise koi yeh kadvi baatein bardaasht kar leti hai..par ab samajh me aaya..baat agar sach ho to hazam karna padta hai..mujhe Mom ne sab bata dia hai.. tumhari Maa..Kiran ki asaliyat..jaisi Maa waisi Beti..Maa ne Uday Walia ka peechha nahi chhoda..ab Beti Jai Walia k saath judna chaahti hai..kis liye Bani?Paison k lia..itni geer sakti ho?Kya sirf tum par apni paidaish ka hi asar hua..apni parvarish ka nahi?Dad ne bahut naazon se paala hai tumko..woh sunenge to ..kyaa sochenge?
Bani--Woh to sab kuchh jaante hai..aur ek baat..main kabhi apne lia safai nahi doongi.. agar tum mujhe accept karo..to isi tarha jaisi main hoon..varna..nahi..mujhse rishta jodna.. agar is baat pe depend karta hai k main kisiki jaayez ya najaayez aulad hoon sivaye iske k meri kabiliyat kyaa hai..to ..rahne do..mere taraf se tumko sochne ki zaroorat nahi.....
Jai--I hate you Bani..tum soch bhi nahi sakti ..utni nafrat mujhe hai tumse..
Bani--Achhi baat hai ..ab main jaoon?
Bani chali gayi...
*****************************
Jai jab ghar laut raha tha..tab usne dekha k Bani ki car khadi hai...
Bani kaha hai?Halki baarish bhi ho rahi hai.Achanak kisiki awaz aai.Jai dekhne gaya.Jai ne dekha..do aadmi mil kar Bani ko buri tarha se peet rahe hain...Bani k haath se khoon nikal raha hai....honth k paas se bhi...constant Bani ko maar rahe hai...aankh k neeche kala pad gaya hai..Bani shaayad bahut der se maar khaa rahi hai..kyonki usne kisi tarha ka defend karne ki koshish nahi ki..shaayad usme taakat nahi rahi..
Bani se jitni bhi nafrat ho..par do admi ek nihatte insaan ko is tarha maar rahe hai..Jai se bardaasht nahi hua..Jai bola.."Eeeii ..kyaa karte ho..ek ladki ko is tarha peet te ho!!" Jai ne un dono ko bhagaya,dekha Bani raste pe padi hui hai.Buri haalat hai uski.Jai use Hospital le jaane wala tha..par behosh hote hote Bani ne kaha.. "Waha jaayenge to Police case hoga..mujhe mere ghar le chalo.." ,Bani ki car Jai ka driver le gaya..Jai use apni car me uske ghar le gaya..Bani ne ek Doctor ka number dia..Doctor aaya..uski marham patti kar k chala gaya..
Jai--Police ko bataao..tumne to dono ko pehchan lia hai na?
Bani--Kyaa faida?Chhodo,unko paise chahie the..woh le gaye..abhi aur jhamela mat karo please..aur haan..Uncle se kehna main do chaar din tak Office nahi aa paoongi..bahana bana dena..please, magar yeh mat batana k mujhe kisine peeta hai....
Kuchh der baad..
Bani--Ab tum ghar jaao..Krishna Aunty..pareshan hongi..
Jai--Is haalat me chhod k.....
Bani--Mujhe paida hote dustbin me fek dia gaya..mujhe tab kuchh nahi hua..ab to ,I am strong enough..tum jao..please mujhe akela chhod do..
Jai chala aaya apne ghar...Puri raat Jai so nahi paaya..itni buri tarha peetne k baad bhi ..she was so normal..as if kuchh nahi hua!!!!
Idhar Uday dabav daal rahe hain..k shaadi ki muhurat kab nikaali jaaye...Jai ne Bani se request kia.. " Bani tum inkaar kar dogi ..tab shaayad Dad yeh shaadi nahi hone denge.. please inkaar kardo..."
Bani--Theek hai..
Baat Uday tak pahoochi..aur woh bhadak gaye..bolne lage.. "Jo jee me aaye karo..mujhe kyaa?"
Jai pareshan ho gaya..uske dost bolne lage.. "Arre kisi aur se ishque kyon nahi ladaya?Tab teri yeh haalat nahi hoti..ab bhoogat.."
Ek dost ne kaha, "Yaar Bani is a nice girl..Jai kismatwala hai..arre yaar achha hai na..teri biwi anath hai..ghadi ghadi maike jaane ki dhamki nahi de paayegi.."..
Akhil naam ka ek dost hai Jai ka..woh kuchh Jai k hi side hai..
Akhil--Dekh..baghavat ka faida nahi..tera nuksaan hai..chup chaap shaadi kar le...use itna pareshan kar..woh khud hi chhod de tujhe..yaa fir Uncle k saamne usko badchalan saabit kar de..simple...dekhna Uncle khud hi use teri zindagi se nikaal baahar karenge..kyaa sochta hai..?
Jai ne socha..yeh idea..kuchh bura nahi..
Jai ghar aaya..aur Uday se kaha.. "Aap jis din kahenge usi din Bani se shaadi karne ko taiyyar hoon."
Krishna k sar pe toot para aasmaan.. "Jai yeh kyaa hai?Tum aur Bani se shaadi?
Jai--Mom..apne itne ansoon baahaye..uski kuchh keemat to Bani ko adaa karna hoga,woh yeh desh chhod k jaana chaahti hai..itni aasani se..humari zindagi me zaher ghol k aise hi chali jaayegi?No way...main yeh hisab pura karoonga..bas aap mera saath dijiyega..Dad ko kuchh bhi pata nahi chalna chahie..
Krishna--Dekh beta kyaa zaroorat hai humko ..woh bas humari zindagi se jaaye..aur kuchh nahi..woh Vakil hai.. jhamela mat kar..jaane de usko.....please..
Jai--Nahi ..ab aar yaa paar.
Par sab ulat pulat ho gaya..jab Uday ne kaha..k Ajay aa raha hai USA se..Bani ki shaadi karane.Jai chauk gaya..Jai ne Ajay ko phone kia.Ajay se pata chala ,k Bani ki mulakat kisi se hui thi..London me..woh ladka London me MS ki padhai karne gaya tha..Doctor hai.Woh ladka Bani se shaadi karna chaahta hai..Ajay India aa raha hai ussi ladke se milne..agar Ajay ko pasand aa jaaye..ladka..toh Avinash bhi India aayenge..Bani ki shaadi karane.
Krishna ne kaha, "Chalo..achha hai..peechha toh chhoota usse.."
Uday Walia ne kaha, "Theek hai..ladka agar achha hai..toh mujhe koi aitraaz nahi..ab Bani ki shaadi toh karani hi hai..jitni jaldi ho jaaye..achha hai."
Jai ko gussa aaya..Bani ko mana kia tha usne..warn kia tha..kisi aur k baare me Bani naa soche.Ohh!toh yeh baat hai..Bani ki zindagi me koi aur pahle se hi hai..yeh woh insaan hai..jiske lia Bani Jai ko ignore karti hai..issi lia..itni aasaani se Bani ne shaadi se inkaar kar dia !!Jai se door jaana Bani ko manzoor hai..in fact Bani Jai se door jaana chaahti hai..Uday se us ladke ka naam bhi pata chala..Dr.Dhananjay Arora.Ab London me Practise karta hai.London me hi settle ho gaya hai.Bani k lia achha hai ,London uska jaana pehchana shaher hai.Bani bahut khush rahegi.Jai k tan badan me aag lag gayi..isse toh yehi samajh me aata hai..k Jai ne Bani ko nahi thookaraya..bal k Bani ne bahut pahle hi Jai ko apni zindagi se baahar kar dia hai.Bani aisa kaise kar sakti hai?Jai ne yeh jaanne k lia Bani se inkaar karne ko kaha tha...k Bani ko kitni takleef hogi Jai se alag ho kar..par Bani..woh toh bahut zyada khush hai..
Edited by yakkudimag - 16 years ago
Pati Patni Aur Panga
Kumkum Bhagya
