FF:DOBARA ,PART 22,PAGE 33,22/09/09 - Page 17

Originally posted by: phool527

omg.. bani is sooo mean... bechara jai.. pyaaar ka maara.. anywayz great part.. continue sooon yaaar..

Originally posted by: tam2

nice part ... poor Jai ... thanks for ur pm ... do cont soon ... 👏 ...

[FLASHBACK 1.7]

THE MARRIAGE

Jisko bulane ki baat chal rahi hai..uski shakal subha se aisi bani hai...jaise usko faansi ki saza sunai gayi hai..subha se uski shakal latki hui hai..usko kuchh bhi achha nahi lag raha hai..naa mehendi ki design..naa shaadi k kapde..make-up..haan..theek hi kia hoga..haldi jab lagai gayi..usko..tab bathroom k andar chali gayi..ghees ghees kar saari haldi mita daali usne..kal tak ro rahi thi..bilagh bilagh kar..par ab rone se kuchh nahi hoga..usko yeh shaadi karni hi padegi..agar bhaag bhi jaaye..toh zyada door bhaag nahi paayegi..kyonki Police kuchh bhi nahi karegi..Ranjeet Sisodia ka aisa dabdaba hai is jagah par..ankhe soojh gayi hai ro ro kar..ankhe jal rahi thi..jab kajal lagaya gaya uski ankho me..mann hi mann woh Jai ko Yamraj k haathon saunp rahi thi..soch rahi thi..k patakha foote..aur usi Ghodhi belaghaam ho jaaye..aur khadde tak le jaa kar usko patak de..

Subha se Bani aisa hi soch rahi thi..k kuchh aisa ho jaaye..jisse yeh shaadi naa ho..par jab darwaze par usne baaraat aane ki khabar suni..tab usko laga...is jaal se nikalne ka koi raasta nahi bacha..puri duniya par usko gussa aa gaya..sab se zyada gussa apne Dad par aa raha hai..

Bani ko do auratein pakad kar mandap tak laa rahi hain..bhaari kapdo me Bani ko bahut takleef ho rahi hai..Jai ne Bani ki taraf dekha..bahut bura lag raha hai Bani k lia..bechari ladki...jeans aur skirt me ghoomti thi..bhaari shadi jodha pehna dia gaya hai isko..thokar khaate khaate mandap tak aa rahi hai..Jai k paas bithaya gaya Bani ko..

Pandit--Kanyadan k lia..Kanya k Pitaah aage aaye..

Bhagatjee ne Bani ka Kanyadan kia..ab Jai k haath me haath rakh kar..matra padhna hoga.. dono ko..Bani ne ek bhi mantra nahi kaha..havan kund ka dhooaan..aas paas k log.. shorgol..loud music..sab mila kar Bani ka sar ghoom raha hai..uska dum ghoot raha hai.. mantra padh raha hai Pandit..ek bhi Bani sun nahi rahi hai..pal bhar k lia..Bani ko laga...k kaash uski tabiyat kharaab ho jaaye..uske naak..kaan aur mooh se khoon niklega.. sab usko hoispital le jaayenge..fir shaadi cancel..aur fir Doctor kahenge..k abhi usko Shimla bhej dena chahie..mann hi mann Bani bahut kuchh soch rahi hai..aur Pandit shaadi ki rasam ko aage badha raha hai...mandap me Bani booth ban kar baithi hai..aas paas kyaa ho raha hai..kuchh lena dena nahi is baat se..apni hi khayaalon me khi kho gayi hai Bani..Jai uska haath pakad kar baitha hai..Bani ki grip dheeli hai..Jai samajh raha hai is baat ko..

Pandit--Dulha Dulhan pheron k lia khade ho jaaye..

Bani khadi hui...pheren ho rahe hain..Bani ko dekh kar aisa lag raha hai..jaise uspar kala jadoo kia hai kisine..kathputli ki tarha chal rahi hai..pheren pure hue..dulha dulhan fir baith gaye...

Pandit--Dulhan k gale me Mangal sutra pehnaaiye..

Jai mangal sutra pehnane laga..ab jaa kar Bani is duniya me waapas aai..Jai uske bahut kareeb hai..uske gale me mangalsutra daal raha hai..Bani ne bahut hi nafrat bhari nazron se Jai ko dekha...Jai..khamosh raha..shaadi ho gayi..chaaron taraf se log phool barsa rahe hain log..Bani ne jaisa socha tha waisa kuchh nahi hua..koi badha nahi aai..koi abshagoon nahi hua..shaadi ho gayi..

Dulha Dulhan ne sab ka ashirwad lia..Bani ki aankhe laal hai..ab ro kar laal hai..yaa havan k dhooen ki wajah se laal hai..yeh baat samajh me nahi aa raha hai..sab aa kar dulha dulhan ko badhai dene lage..

Bani ka gussa uske sar chadh kar bol raha hai..usne kisi k baaton ka bhi jawab nahi dia..

Ab aai khana khaane ki baari..ek doosre ko ko khana khilana padta hai..Bani ne Jai k mooh k andar khana thoos dia..aur Jai ne jab usko khilaya..toh sab ki nazre bacha kar khana fek dia..Jai bahut hurt hua..

Haathon ki choodiyan Bani k lia hathkadi hai..gale ka mangalsutra..pairon ki payal..sab usko zanjeer jaisi lag rahi hai..jaise zanjeer se baandh kar kisi quaidi ko kisi jail me le jaa rahe hain sab...sab k lia woh ghar ek palace hai..par Bani k lia jail se kum nahi woh jagah..

Shobhna Devi Ranawat..Jai ki Mausi..Jyoti Devi ki bahen bhi shaamil hui is shaadi me...

Bani ko dekh kar bahut khush hui woh...shaadi ki din hi woh pahoochi..Bahu bahut sundar hai..Mausi ko bahut pasand aai Bahu.

Bani ki vidaai ka waqt aa gaya...

Bhagatjee ki aankhon me ansoon..Bani k chehre par koi expression hi nahi..Bhagatjee Bani ko apne seene se laga kar rone lage..kahne lage,"Apne Dad se naraz ho kar mat rehna..jo kia..tumhare bhale k lia kia.."..Bani ne jawab nahi dia...Aya bhi ro rahi thi..Bani Aya ko pakad k rone lagi...Bani ne kaha,"mujhe andar le chalo..."

Bhagtajee--Kyaa hua..?

Bani--Mujhe andar jaana hai...

Ranjeet--Kyaa hua Bahu?

Bani--Mujhe jaana hai andar..

Jai ne kuchh der dekha...fir kaha, "OK..let her go..zaroor kuchh bhool gayi hai..."

Shobhna--Par gaanth toh tere saath bandhi hai..

Aya--Koi baat nahi..Kunwarjee bhi chaliye..

Jai gaya Bani k saath...Bani andar aai daur k..Bani ki chunri k saath gaanth bandhi hui thi.. Bani chunri utaar kar chali gayi kamre k andar....Jai darr gaya..kyaa ho gaya Bani ko.. kuchh der baad..Bani jab baahar nahi aai..tab Jai andar gaya..dekha..apni Maa k tasveer k saamne sar patak rahi hai..ro rahi hai...Jai samajh gaya..Bani kyon andar chali gayi daur k..kis lia woh andar aana chaahti thi...Jai kuchh der khada raha..roti hui Bani ko dekhta raha..rote rote Bani yehi keh rahi hai.."Aap hoti..toh kisi Sisodia ki himmat nahi hoti..mere saath aisa karne ki..Dad..ne bhi..is tarha..ab mera kyaa hoga?"

Bani--Kyaa hai?

Jai aage badha..aur waapas uske sar par chunri daal dia...aur kaha,"Ab theek hai..chalo.."

Baahar sab intezar kar rahe the...Jai aur Bani ko aate hue dekh kar..sab ko raahat mili..

Bani ne aur kisise bhi baat nahi ki...seedhe jaa kar Car k andar baithi...bahut saari aatish baazi ho rahi hai..aur Bani k dil k andar bhi kuchh toot raha hai...saari duniya par usko gussa aa raha hai..bas chale toh puri duniya me aag laga de Bani...

Jai ne pair chhoo lie Bhagatjee k jab woh haath jod kar kahne lage.."Bani ka khayaal rakhna..tumhare bharose usko chhod raha hoon.."

Jai jaakar car k andar baith gaya..Bani k paas..us car me sirf woh dono hi the back seat par.. baaki log doosre car me the..Bani chali gayi apne sasooral...

*******************************************************

Aya ro rahi thi...Bhagatjee se woh bhi alvida kahne aai..

Bhagatjee--Aap kyon jaayengi?

Aya--Maalik...meri bachchi chali gayi..is tarha..ro kar..dukhi ho kar gayi woh..main yeha kaise rahoon?Kyon bhej dia un jalladon k ghar usko?Woh Ranajee..aur Ranisa..Kunwarjee achhe hain..par akele unke achhe hone se kyaa hoga?Meri bachchi..soojhi hui aankhe le kar gayi..main poochhti hoon..kyon karai uski shaadi..itne kum umar me?

Bhagat--Main Baap hoon uska..kuchh soch kar hi shaadi karai hogi...uski Maa mar gayi..agar uski koi Chachi yaa Taijee hoti..jo usko samhaalne ko raazi hoti..toh main itni jaldbaazi nahi karta..Jaijeet bahut achha ladka hai..pyaar karta hai Bani se..

Aya--Aap toh the naa Maalik..fir kyon Betia ko bheja?

Bhagat--Mere paas zyada waqt nahi hai..Doctor haar maan chuka hai..zyada se zyada ek saal aur..uske baad..main nahi rahoonga..tab Bani ka kyaa hoga?

Aya--Beti ko Mama k ghar toh bhej sakte the..

Bhagat--Agar yeh mumkin hota...toh main bhejta..unko neota bhi bheja maine..par nahi aaye..

Aya--Aisa kyon..?Naraz kyon hain woh log aapse?

Bhagat--Kyonki unki marzi k khilaaf Bani ki Maa se maine shaadi ki thi maine..

Aya--Ab tak naraz hain?Maalkin k guzarne k baad bhi?

Bhagat--Maalkin zinda hoti..toh shaayad naraz nahi rahte..par woh log toh maan kar baithe hain..k agar Amartya mujhse shaadi naa karti..toh aaj zinda hoti..ab bolo..main kyaa karta?Tumko kyaa lagta hai?Bina soche samjhe hi..maine apni beti ki shaadi Jai se karai?Uski Maa k jaane k baad..seene se laga kar usko rakha..apna sab kuchh chhod kar Jaisalmer aaya.. usko behtar taalim mile..sab kuchh mile..isi lia..Ranajee ki chaaploosi karta hoon..mere paas jeene k lia umar hoti..toh main kabhi naa karta aisa..yakeen karo..

Aya--Par ab main kyaa karoon Maalik?Main toh Bani beti k lia hi aai thi..yeha..ab mera yehaa kyaa kaam?

Bhagat--aao mere saath..

Aya ko lekar Bhagatjee andar gaye..ek stamp-paper dia..

Aya--Yeh kyaa hai Maalik?

Bhagat--Tumne jo pyaar meri bachchi ko dia..uska mol main nahi chuka sakta..yeh ghar maine kharid lia hai..aaj se is ghar me tumhara bhi utna hak hai..jitna hak Bani ka hoga.. kagaz taiyyar kar dia hai maine..meri saari jamapoonji me se tees fisadi main tumhare naam kar raha hoon..baaki sab Bani ka..main jaa raha hoon..kuchh maheeno baad main nahi rahoonga..par jab Bani Jai k saath yeha aayegi..tab Bani ko lagna chahie..na..k woh apne Maaike aai hai..Jai ko lagna chahie..k woh uske sasooral aaya hai..isi lia..tumhara rehna bahut zaroori hai..meherbani karo..mat jaao..

Aya--Par..main akeli..kaise rahoon?

Bhagat--Tumhari Beti..hai na..Rano..usko bula lo..yehi par rahegi..yehi se school jaayegi..tab toh koi pareshaani nahi hogi..

Aya--Apni Betia ki padhai chhooda kar..aapne uski shaadi kara di..ab Rano ki padhai ki baat kar rahe hain..

Bhagat--Bani ki padhai nahi rookegi..Jai se baat ho gayi hai meri..Shimla k school me nahi jaayegi..ek saal uska barbad hoga..jaanta hoon..naye session me usko yehi k school me daakhil kara dega Jai..

Aya--Ishwar kare..Kunwarjee ki yeh satbuddhi kaayam rahe..

Aya ko bhi kai dino se lag raha tha..k Maalik ki tabiyat kuchh theek nahi..

*******************************************

Kuldevi ka ashirwad lia gaya..Kulpurohit aaye..dulha dulhan ko ashirwad dene..

Bani(mann hi mann)--Saale takle..meri zindagi barbad kar k..aaya hai ashirwad dene?kutte ki maut marega...keede padenge tujh par..

Sab aaye dulhan dekhne..Bani ne kisika bhi pair nahi chhooan..bas haath jod kar namaste karti rahi..

Shobhna--Jeejee..anghoothi ki rasam shuru kare?

Jyoti--Haan ..Bani bahut zor daal kar kehti thi..Jaisalmer me uski shaadi nahi hogi..kyon Bani..ab kyaa hua?

Bani(mann hi mann)--Tere baal nahi noche maine..toh naam nahi mera..kameeni..

Angoothi dhhondhte waqt Jai ne mehsoos kia..Bani sirf haath daal kar baithi hai..angoothi nahi dhoondh rahi hai..Jai ne Bani ka haath hilaya..apni unglion se..par Bani sakht ho kar baithi rahi..uske chehre par muskurahat nahi thi..

Palace pahoochte hi photo khinchne laga photographer..shaadi k waqt bhi bahut tasveeren li gayi thi..Bani ki tasveer shaayad ek bhi achhi nahi aayegi..

Shobhna--Arre ..Munna..angoothi nikaal..

Jai ne angoothi nikaal li..

Shobhna--Ab Bahu ko pehna..

Jai ne Bani ko angoothi pehnai..

Jai--asli rasam..shaadi..saat pheren..ho gaye..bas kariye..apki Bahu ko tez bukhaar hai.. behosh hai woh..kamre me le jaana hai..

Jai ne ek minute bhi der nahi ki..seedha apne kamre ki taraf le gaya..Bani ko baahon me utha kar..

Ranjeet--Kyaa ho gaya..?

Jai--Aapne Magistrate..ACP..sab ko bulaya..kisi Doctor ko bulaya..shaadi me?Agar haan..toh le aaiye..Bani ko bukhaar hai..

*****************************************************

Doctor dekh kar gaye Bani ko..Jai se kaha, "Shaadi ka shorgol..itni kum umar ki ladki..she became tensed and stressed out..subha tak bukhaar utar jaayega..just an impulsive reaction.. that is all..don't worry.."

Jai--Thank you...

Jyotijee ne bulaya Jai ko..Shobhnajee bhi thi..

Jai--Jaldi boliye..mujhe Bani k paas jaana hai..

Jyoti--Humne bhi bahut shaadi dekhi hai Jai..kabhi kisi ko is tarha bukhaar me behosh hote nahi dekha..

Jai--Bani ki tarha kisiki haalat toh nahi thi na..zabardasti ki shaadi ka nateeja..hai yeh..

Jyoti--Yeh ladki na..

Jai--Mom..yeh wahi ladki hai..jo meri so called kundali ka dosh mita sakti hai..aur ab woh meri Patni hai..aur Haan..ek baat..zaroori rasme mit jaaye..uske baad..please..Bani se ghar ka kaam mat karana..uski padhai abhi baaki hai..

Shobhna--Kyaa?

Jai--Haan..Mausi..main uski zindagi barbad nahi karoonga...padhai jaari rakhegi..jaha tak padhna chaahe...

Jyoti--Par ghar ki Bahu..kaam kaaj nahi karegi...

Jai--Aapko Bahu chahie thi..naukrani nahi..waise bhi ghar me naukar chaakar bahut hai..

Shobhna--Munna..yeh kyaa tareeka hai baat karne ka?

Jai--Poochh lijiye..Bani se 36 me se 36 goon milte the mere..Bani mera Akaal Mrityuyog..aur pata nahi kyaa kyaa..mita sakti thi..fine..shaadi toh ho gayi..aapke bete ki zindagi bach gayi.. ab..mujhe meri Patni ki zindagi sawaarni hai..yeh meri zimmedari hai..aur isme main..kisiki bhi dakhalandazi nahi chaahta..aapne jo chaaha..maine kia..shaadi ki..par shaadi ki jo zimmedarian hongi..main puri karoonga..aur isme mujhe kisi ki rai nahi chahie..kisi ka matlab..kisi ka bhi nahi...aur main is baare me koi baat nahi karna chaahta..

Shobhna--Munna..tu dimaag thanda kar..

Jyoti--Yeh khamokha bhadak raha hai..poochh isse..Bani se pyaar karta hai k nahi..?

Jai--Maine kab inkaar kia hai..is baat se?Haan..main karta hoon usse pyaar..main intezar kar raha tha..jab woh baalig ho jaaye..par aap log..aapne bahut kuchh bigaad dia hai..Bani se jo meri thodi bahut dosti thi..woh gayi..khadde me...ab mujhe samajh me nahi aa raha hai..usse kyaa kahoon main..

Jyoti--Par..us par toh dabav nahi daala........

Jai--Achha??Aur kuchh kehna hai aapko?Aur haan..aapse specially kehta hoon...Bhagatjee ki Beti jab thi..aapne kaafi hukum chalaya Bani par..fine..par meri Patni par aisa kuchh try mat karna..kaafi dukh pahoocha chuke hain hum sab usko..now..I will handle her..aap yeh baat Dad ko samjha dena..

great part ananya, so bani was forced to marry and now JW mom is against her studies and wants her to make a housewife and good that JW is standing against her but seems that jyoti hatred towards bani has already started

loved it dear

do continue soon

Originally posted by: jeenal20

hey anaya gr88 part ==Thanks..

so banis dad gave 30% of the property to banis aya

atleast 1 good work he did in his life ==He is not so bad..

ans ghosh kitni saari rasam hoti hai shaadi mein ==Haan..shaadi..isi lia maine decide kia..k sirf Civil Marriage karoongi..bahut jhamela hota hai..😛

that bani ko high fever ho gaya ==She was mentally disturbed..

ghosh jyotijee is really too much

how people can be sooo orthodoz ==Yes..she is mean..very mean..

plzzzzzz cont soon