FF:DOBARA ,PART 22,PAGE 33,22/09/09

First Previous

Page

Next Last

Frequent Posters

visma

@kuttu

Voyager

Posted: 16 years ago

#151

God this Bani is too much yaar. I hope now Jai doesn't get mad at her. So they got married because of thier horscopes. Bani is bound to be mad. But couldn't Jai just tell things beofre and clear up instead of making such a big mess of things. But still I don;t get it why did she run off when she truly had some feelings for the guy. She held on to the locket for so long SO i take it their marriage did have some good in it. Then what went all wrong. Waiting to know

Bye and it was a great update specially the part were Jai gets trahsed by Bani.

Bye

Quote

ANANYA ROY

@yakkudimag

Dazzler

+ 3

Posted: 16 years ago

#152

Originally posted by: lovelyreddyrose
hmm bani ke shaadi essa hua tha==haan..aise hui thi dono ki shaadi..😭
poor girl bahut saha hogana==yes..she became helpless..

hmm jai ko yaar ussne itne gaaliyan dee well he deserved it==yaa..Jai deserved it..for being such spineless..

ok cont soon

Originally posted by: tam2
Hi Ana ... oh so that's the reason why Jai did not show up for the meeting ... ==yes..this was the reason..🤔... oh Jai's parents are weirdos ... they couldn't even wait till Bani turns 18 .... ==parents did the total mess..Bani is funny ... 😆==Yaa..that she is.. ... poor Jai ... Bani abused him verbally so badly ... 😆 ==Jai ..became the scapegoat..... anyways looking forward to next part ... do cont soon ... 👍🏼 ....

Quote

Looks like you are new here. Register for free, learn and contribute.

ANANYA ROY

@yakkudimag

Dazzler

+ 3

Posted: 16 years ago

#153

Originally posted by: jeenal20
HEY BHAGWAN
Sorry ananya

but i cant help with ythe above line==😆

u shock me with ur updates evry time==Well..I can't help it..

poor jb ahve to tie knot due to some grah and all this things==yes..all damn things..😡

lovedthe last part

i maen the way bani was talking to jai with allt he gallis==Jai k kaan se khoon niklega..😆

poor jai kahan phas gaya==Biggest sufferer..

plzzzzzzzzzzzz cont soon

Originally posted by: swatinarang
bani seems to be really unhappy and words she used oh god i am laughing thinking what might have happened if in real KS bani might have said all those words to JW==Yes..real KS me Bani aisi baat kahe Jai ko..baap re..jab k real KS ka Jai deserve karta hai aisi gaalian.

loved the part dear, do continue soon==yes..I will..

Originally posted by: amiee
wonderful part pls cont soon.....==yes..I will..

Quote

Usha

@Dawn-Sunrise

Inactive

Posted: 16 years ago

#154

waiting for your next update😭😭😭

Quote

ANANYA ROY

@yakkudimag

Dazzler

+ 3

Posted: 16 years ago

#155

PART 13

[FLASH BACK 1.6]

THE CONSEQUENCE

Sisodia House me jashan ka maahol...Jai aur Bani ..dono ki shaadi ho rahi hai..aur dulha-dulhan dono ne is rishtey par apne manzoori ki mohar laga di hai..Ranjeet ,Jyoti aur Bhagatjee..teeno mil kar taiyyari kar rahe hain..shaadi ki..21st January ,shaam k 7 baje ka muhurat nikla hai..shaadi ko ab 15 din reh gaye hain..Bani k school k kisi dost ko bulaya nahi jaa sakta..kahi unme se kisine school k teacher ko bata dia..toh baat Police tak jaayegi zaroor..Bani ne khud mana kar dia..yeh keh kar k..usko apne doston k saamne apna tamasha nahi banana..Bhagatjee zara dukhi hue..is baat ko sun kar..par woh jaante hain..is shaadi se Bani ki zindagi bahut achhi disha me jaayegi..Bani will be the owner of the whole property and palace..one day..Aur jo rootba milega usko..Sisodia parivar me shaamil ho kar..woh bhi bahut maaine rakhti hai..waqt k saath saath Bani khud is baat ko samjhegi.

Jai kai baar phone kar chuka hai Bani ko..par Bani phone par aati hi nahi..Jai Bani ko batana chaahta hai..k jis baare me Bani darr rahi hai..waisa kuchh nahi hoga..Bani sunne ko taiyyar hi nahi ..kuchh bhi sunna nahi chaahti..sagai k bahane bhi mil nahi sakta..kyonki ring ceremony New Year ki party me hi ho chuki hai..shaadi ko kuchh din bache hai..mahendi ki rasam honi baaki hai..sangeet bhi hona baaki hai..par tab bahut bheed hogi..Bani se tab baat nahi ho paayegi...

Bhagatjee ne ek din Jai ko milne k lia bulaya..apne ghar...Jai ne socha Bani se milne ka achha mauka hai..Drawing room me baith kar Bhagatjee se baatein kar raha tha..

Bhagatjee--Jai..aaj main ek Sasoor k naate tumse baat kar raha hoon..

Jai--Jee...kahiye..

Bhagatjee--Bani se shaadi ho rahi hai tumhari..

Jai--Ek baat ka jawab aap pahle dijiye..mere Parents ki jaldi..main samajhta hoon..par aap is shaadi k lia kaise maan gaye?

Bhagatjee--dekho Jai..yeha k aur log bahut kuchh soch rahe hain..k maine is jaidad k lia Bani ki shaadi tai ki hai tumse..sab log soche ..mujhe parvaah nahi..par sachchai tum jaan lo..mere lia yehi bahut hai..

Jai--Kyaa hua?sab theek hai na?

Bhagatjee--yeh dekho..mera latest medical report..kai Doctors ko dikha chuka hoon..par sab ne yehi kaha hai..zyada se zyada ..ek saal yaa..usse kuchh zyada ..main jeeoonga..

Jai--What?

Bhagat--Haan..Jai..mere paas zyada waqt nahi hai..apni fikar nahi hai..bas..Bani ki chinta hai mujhe..mere baad uska kaun hoga?

Jai--Bani ..ko pata hai..?

Bhagat--thoda thoda kar k maine usko bataya hai..but..woh shaadi k lia nahi maan rahi thi.. keh rahi thi..k hazaron log aise hote hain..jinke parents nahi hote...par sab ki shaadi nahi hoti..

Jai--Jee..baat toh sahi hai..aap chaahe toh..main Bani ki zimmedari leta hoon..par uske lia shaadi karne ki zaroorat nahi..

Bhagat--Fir tumhari shaadi kisi aur se kara dete ..Sisodia Saab..tab kyaa karte?

Jai--Jee..

Bhagat--Beta..maine apne baal dhoop me safed nahi banaye..kyaa lagta hai tumko..k main nahi jaanta..k tum Bani se pyaar karte ho..?

Jai--Jee..main karta hoon..par..woh baalig ho jaaye..fir..

Bhagat--waqt nahi hai mere paas..tum kyon nahi samajhte..?Bani ki Maa agar zinda hoti..toh main yeh shaadi nahi karata..par..woh nahi hai ab...92 k Bombay k Riot me woh jal kar mar gayi...main kyaa karoon?parivar me aur koi nahi hai Jai..aisa koi nahi hai..jis par Bani ki zimmedari daal sakoon..ab main bhi bahut jald mar raha hoon..Operation kara chuka hoon.. sab se chhupa kar..Pace maker laga hua hai mere heart me..tum samjho...Jai..aaj k date me. ..Bani k lia sab se zyada concerned koi hai..toh woh tum ho..Jai..main jaanta hoon..Bani se kaafi kuchh sunne ko mila hai tumhe..woh chhoti hai.. nadan hai...par tum toh samajhdari dikhaao..please Jai..meri baat maan lo...

Jai--Jee..shaadi toh ho hi rahi hai na..aap fikar kyon karte hain..chinta mat kariye..sab theek ho jaayega..

Bhagat--Dekho..yeh baat tai hai..k Bani tumko pareshaan karne ka ek mauka nahi chhodegi.. par Jai..wada karo..chaahe kuchh bhi ho jaaye..Bani ka haath nahi chodoge..humesha uske saath rahoge..uski har ghalati aur nadani ko maaf karoge..wada karo..Jai..

Jai--Jee..main wada karta hoon..mere rahte..Bani ko kuchh nahi hoga..uske saath kuchh bhi bura nahi hoga..

Bhagat--Thanks ....aaj mere dil se bahut bada bojh utar gaya..apne marne ka ghum nahi..par Bani..mere baad uska kyaa?

Jai--Aap chinta mat kijiye..hum kisi doosre Doctor ko consult karenge..

Bhagat--woh baad ki baat hai..ab ..achhi tarha se yeh shaadi ho jaaye...achha,,,tum Bani se milna chaahoge..?

Jai--Jee..ek baar mil leta..toh samjhane ki koshish karta main..

Bhagat--Aya hai ghar pe..main zara baahar jaa raha hoon..tum ek kaam karna..khana khaa lena Bani k saath..

Jai--Jee..

Bhagatjee baahar chale gaye..Jai k dil me Bhagatjee k lia izzat aur badh gayi...ek baap yeh hai..aur ek uska baap hai..ek Aloknath ..ek Amrishpuri...sab se zyada achhi lagi..yeh baat..k Bhagatjee jaante hain..k Jai Bani se pyaar karta hai..Jai ko samajhme aa raha hai..k yehi asli wajah hai..Bani ki shaadi karane ki...waise..ek baar Bani ne hi bataya tha..uske Parents ki love marriage hui thi..Sasoorjee bade romantic hain..pata chalta hai...kaash..Sasoor ki Beti bhi zara romantic ho jaaye...

Aya aai...

Jai--khaana khaa kar hi jaaoonga..

Aya--kyaa banaoon..aapke lia?

Jai--is ghar me jo banta hai..dopaher ko..wahi banaiye..main khaa loonga..

Aya--main nahi bana rahi hoon..Bani Beti bana rahi hai...

Jai--jee?

Aya--haan..jab bhi chhution me ghar aati hai..dopaher ka khana Bani hi banati hai...

Jai--usko aata hai?

Aya--haan..Maalik toh usike haath ka bana khana khaate hain dopaher ko..

Jai--Aapki Bani Beti..hai badi hoonhaar..

Aya--jee..baat yeh hai k..jab se Maalkin ki maut hui hai..tab se..Baap aur Beti ne apni alag hi duniya bana li hai..upar upar chaahe koi bhi jhagda ho..par dono ek doosre par jaan chhidakte hain..kahne ko Beti hai..Maalik ki..par..Maalik hi Bani ka Beta ban k rahte hain.... ab toh shadi bhi ho jaani hai...achha hua..Maalik yeha par shaadi kara rahe hain..roz ka milna rahega dono ka..par fir bhi..Maalik bahut akele ho jaayenge..

Jai--hmm..ab yehi samaj ka niyam hai...

Aya--Haan..Kunwarjee..samaj k khilaaf toh jaa nahi sakte..kai baar dekha hai..Maalik ko .. akele me ansoon bahate hue..maine bhi bola..Maalik..Beti hai..ek naa ek din toh..kisi k saath jaayegi hi..

Jai--Nahi..agar aisa hai..toh main..Gharjamai ban sakta hoon..

Aya--Kyaa..Kunwarjee..aap bhi..achha..aapke lia kuchh khaane ko laaoon?abhi toh lunch me der hai...

Jai--Nahi..main bata doonga agar kuchh chahie hoga toh...Bani kidhar hai?

Aya--Kitchen me hai...par main bataoongi nahi..k aap khana khaa kar jaayenge..varna pata nahi..khaane me kyaa mila degi..

Jai--haan...namak mirch ka dabba khaali kar degi..khaane par..main Bani k kamre me jaa kar baithoon?

Aya--Haan jee ..bilkul...

Jai Bani k kamre me gaya..baahar balcony me ek punching bag dikha usko..boxing gloves bhi tha..aur punching bag me..Jai ki tasveer lagi hui thi..fatt chuki thi..zaaheer si baat hai.. Bani subha shaam boxing practise karti hai..Jai ko hansi aai...Bani ki nadani par..Bani k gusse par bhi Jai ko pyaar aata hai..par Sasoorjee ki baaton se bahut pareshaan ho gaya Jai ...Bani yeh shaadi ..apne Dad ka dil rakhne k lia kar rahi hai..agar uske Dad naa rahe..tab Bani kyaa karegi?Par Jai ko bura lag raha hai...Bhagatjee k lia..

Jai sochme doob raha tha..aur balcony se baahar ki taraf dekh raha tha..aise usko cigarette ki badboo aai...Bani hi cigarette pee rahi hai..kamre me aa chuki hai..Jai balcony se kamre k andar aaya..aur Bani ko dekha..aur uski aankhe khuli ki khuli reh gayi..gala sookh gaya..pair zameen par hi atak gaye..

Bani bistar me leti hai...chhat ki taraf dekh rahi hai..left hand faila kar rakha hai.,right hand se cigarette pakda hai Bani ne..ek taang sidhi hai..doosri taang folded hai...aur Bani k kapde ..actually..Bani ne kapde pahne hi nahi the..

Jo kapde pahen kar Bani khana bana rahi thi..woh zameen par idhar udhar faile hue hain.. Bani ne ..bas inner aur short pahena hai..aur usi haalat me let gayi hai...January ki sardi me ..Bani is tarha leti hai..cigarette pee rahi hai..fan full speed me hai..

Jai(man hi man)--Arre..baap re..yeh toh aise leti hai..jaise Goa k beach par hai..My God.. but.. yaa..she has such a good figure..so nice curves..yaar....

Jai ki bolti bandh ho chuki thi..itni sardi..aur full speed me fan..fir bhi Jai ko paseena aa gaya tha..

Bani uth kar baithi...cigarette ko ash tray me feka..aur khadi hui...Jai saamne tha...

Bani--yeha kyon aaye ho?

Jai--main zara baahar ..balcony me boxing practise kar raha tha..tum kab aai..aur..kb tumne kapde utaar die..mujhe..sach me pata nahi chala..

Bani--Baaki k kapde bhi utaar doon..fir..abhi suhaag raat mana lenge..kyaa khayaal hai!!??

Jai-- I am sorry Bani..tum zara kapde pahen lo...main baahar jaa raha hoon..

Bani--rook..ab jaa ke kyaa karega?Almost bina kapdo k tune dekh lia mujhe..ab baahar jaa k kyaa karega?

Jai--tum..aisi International haalat me rahogi..mujhe idea hi nahi tha..

Bani--mera kamra hai..yeha par main...bra panty me rahoon..chaddhi baniyan me ghoomoo.. yaa toh nangi ban kar hi parade karoon..meri marzi..kisike baap ka kyaa jata hai be?

Jai--nahi..kisike baap ka kuchh nahi jata...seriously...achha tum kapde pehno..

Bani--nahi re Bahen k...mujhe abhi kapde dhone hai..3 din k kapde hain..dhona hai...but I am too tired..

Jai--main dhota hoon na...dho doon?

Jai ne socha tha..Bani bolegi.."arre nahi..aise kaise..?"..

Bani ne kaha,"Haan..sure..woh raha mera laundry bag..woh hai Detergent ka dabba..aur udhar hai bathroom..shuru ho jaa.."

Jai ka muh darr k maare sukh gaya...itne bade palace ka Kunwar..kapde dhoyega..woh bhi kisi aur k..??Bani usi adhnangi haalat me..TV dekh rahi hai..aur cigarette pee rahi hai..aur Jai kapde dho raha hai...washing machine hai..par fir bhi..Jai ne kabhi apne kapde khud nahi dhoye..Jai baahar aaya...bola,"dho lie kapde..."

Bani--Good..ab main nahane jaa rahi hoon..dhoole hue kapdo par isteeri maar dena..woh raha iron..

yeh keh kar Bani bathroom k andar chali gayi..

Jai ki zindagi ka sab se ghatia din raha yeh..aisa Jai ko lag raha hai..kyonki usually..Heroine ko is tarha jab Hero dekh leta hai..tab scene kuchh aur hi hota hai..par Jai k yeha..ulti ganga beh rahi hai..

Bani naha kar nikli...Jai ko dekha usne..

Bani--well..Dad ka kurta de rahi hoon..naha lo..

Jai--main naha kar aaya hoon..

Bani--nahi..shirt se badboo aa rahi hai..naha le tu...

Jai--Jo hukum...

Khana khaa kar..Jai chala gaya palace..par waha bhi shor gol..saare rishteydar aaye hain..aur Jai ka sar khaa rahe hain..Jai k cousins..Jai ka jeena haram kar rahe hain...Jai ki khopdi satak chuki hai already..aur bakwas sunne ki taakat nahi hai usme..kapde dhokar..aur iron kar k..Jai ki haalat bigad gayi thi.. kaisi shaadi ho rahi hai?Bani,.uske saath "tu tadaak " se baat karti hai...jaise honewala pati nahi hai Jai..khansama hai uska..

Raat ko..Bani ko fir se phone kia Jai ne..

Bani--Kaun hai be?

Jai--Tera honewala pati hoon be..

Bani--Ohh....bata..ab kyaa hai?

Jai--kuchh nahi..bas..tere saath baat karna chaahta tha..

Bani--bako...

Jai--khana achha banati hai tu..

Bani--agar pata hota ..k woh sab tu bhakosne wala hai...toh..kuchh aur hi intezam karti main..

Sangeet ki raat..Mahendi ki raat..jaise taise guzar gayi...finally woh din aa hi gaya,...

14th January..1998..

subha Ranjeet se baat hui Jai ki..

Ranjeet--Naya business kyaa karna hai..kuchh socha hai?Kaun sa business karna chaahoge?

Jai--Laundry ka..

Ranjeet--kyaa?

Jai--Jee..kuchh nahi...

Bani ne kaam usko dhobi ka karvaya.,..aur haalat bana di..dhobi k kutte ki...naa ghar ka ..naa ghaat ka..upar se Bhagat ne is tarha Jai ka brainwash kia hai..Jai fans chuka hai...Bani ki shakal batati hai..Jai ko pareshaan dekh kar bahut khush hai woh..

[END OF FLASHBACK]

Edited by yakkudimag - 16 years ago