Chapter 29
Rishi aur Indira DM se nikal kar car me beth jate hain. Rishi bahot upset mind se car chalane lagta hain.
Indira : Rishi tum rehne do. Me drive karti hu.
Rishi : Nahi.. It's ok.. Me chala lunga.
Rishi apne aap ko control karke car chalane lagta hain. Lekin usse apni emotions bilkul control nahi hote aur usse Shekhar ne batayi hui sari bate yad aati hain. Kaise Shekhar ke karan accident hua aur usne apne parents kho diye. Iss bat se Rishi bahot gussa hota hain. Aur gusse me bahot speed se gadi chalane lagta hain.
Indira : Rishi... Rishi kya kar rahe ho? Speed kam karo Rishi... Lekin Rishi kuch nahi sunta. Aakhir kar Indira bahot jor se chillati hain. Rishi... Rishi apne hosh me aata hain aur gadi rok deta hain. Indira turant gadi se bahar aati hain. Pagal ho gaye ho kya? Aisi koi gadi chalata hain kya?
Rishi bhi gusse se bahar aata hain aur chillata hain. Haa...Haan me pagal hua hun. Puri tarah se pagal ho chuka hu me. Samjhi na tum. Indira uske pass aati hain aur uske kandhe pe hath rakhti hain. Rishi turant usse hug karta hain aur rone lagta hain. Aakhir kyun Indira? Kyun hua mere sath aisa kyun? Kyun kiya bhagwanne mere sath aise? Mujhe apne family ke sath rehne kyun nahi diya? Kya me itna bura hu jo mere sath usne yeh sab kiya?
Indira : Uske peeth par thap thapane lagti hain. Dekho Rishi tum shant ho jao. Aisi koi bat nahi hain Rishi. Tum bahot achhe insaan ho. Aur jo hua usse bhul jao Rishi.
Rishi :Hug todkar. Kaise bhul jau Indira? Unlogone mujhse itna bada sach kaise chupa liya? Maa, Dad, dono mujhse kitna pyar karte the aur Dadi...Dadi toh kabhi mujhse kuch nahi chupati thi fir... fir unhone mujhse itna bada sach kyun chupaya?
Indira : Lekin Rishi ab tum toh ghar chod chuke ho na. Ab tum in sab ka kyun soch rahe ho?
Rishi : Kya karu Indira pata nahi lekin har bar unka hi khayal aa raha hain dimag me. Sach kahu Indira. jab mujhe Mrs. Gupta ke ghar jakar yeh bat pata chalina tab me mere kano pe yakeen nahi kar paya. Jab maine unko sachhai puchi tabhi unhone yah sab bataya. Me wahi pe pura tut chuka tha Indira. Lekin socha aisi kya vajah hui jo mujhse itni badi bat chupayi gayi. Fir jab maine dad ke muh se sari sachhai suni tab mujhe bahot gussa aaya. Unke karan aaj mere maa papa is duniya me nahi hain. Agar yeh bat mujhe un logone pehlesehi bata di hoti toh shayad... shayad me unko maf bhi kar deta lekin mujhe yeh bat kisi aur se pata chali. Ab tumhi batao me unhe kaise maf kardu Indira?
Indira : Jo hua usse bhul jao Rishi. Ab aage ke bare me socho. Ab hum kaha jayenge? Kuch socha hain?
Rishi : Nahi... nahi pata... Kuch nahi pata mujhe Indira... Aur wo apna muh apne hathonse cover karta hain.
Indira : Rishi fikar mat karo. Me hu na tumhare sath. Chalo ab car me beth jao. Me drive karti hu. Aur wo kaise bhi karke Rishi ko car me baithne ko kehti hain.
Dono ek hotel me jate hain. Rishi kuch time ke liye so jata hain. Indira apne doston se phone pe ghar milne ka try karti hain lekin kuch nahi ho pata. Thori der bad Rishi uth jata hain. Indira un dono ke liye khana order karti hain. Khana khane ke bad Rishi fresh ho jata hain.
Indira : Rishi me yeh keh rahi thi ki... ab hume koi rent pe ghar dekhna hoga. Aise hotel me hum kitne din rahenge? Aur paise bhi jyada kharch honge.
Rishi : Haa tum sahi keh rahi ho. Me abhi apne doston ko puchta hu. Shayad kuch kam ho jaye. Aur wo apne doston ko phone karta hain. Kuch time bad... Rehne ka intezam ho gaya Indira.
Indira : Sach me?? Yeh toh bahot achhi bat hain.
Rishi : Haan. Wo mera ek dost hain. Wo abhi London me hain. Lekin uska ghar hain yaha. Uss ghar me koi nahi rehta hain. Ab hum wahi rahenge.
Indira : Toh thik hain. Me saman pack karti hu.
Rishi : Ok. Me thoda bahar jakar aata hu. Aur Rishi bahar jata hain.
AT DM
Simmi ko dekhne ko doctor aate hain. Wo usse neend ka injection dete han. Aur kuch medicines likh kar dete hain. Doctor ke jane ke bad Dadi Shekhar ke pass aati hain.
Dadi : Shekhar, Sambhalo beta apne aap ko. Dekhna sab thik ho jayega.
Shekhar : Yeh sab sirf aur sirf mere vajah se hua hain Maa. Iss sab ke liye me hi jimmedar hu.
Dadi : Nahi beta, aise mat bolo. Jo hona tha woh ho chuka hain. Ab humme Simmi ko jyada sambhalna hain.
Shekhar : Hmm... Pata nahi Maa me usse kaise sambhalunga?
Dadi : Hum sab hain na. Maine Sameer ko bhi bata diya hain aur Payal ko bhi. Sameer Chennai se nikal chuka hain. aur Payal kal aa jayegi.
Shekhar : Achha hua Maa. Aapne undono ko bol diya. Ab shayad Sam, Priya, Payal hi kuch kar sakte hain.
Dadi : Haan. Chalo ab tum bhi fresh ho kar thoda aaram kar lo beta. Aur haan bhagwan pe bharosa rakho. Sab thik ho jayega. Shekhar wahase room me chala jata hain.
Sham ko Indira aur Rishi apne naye ghar me jate hain. Rishi padosi ke yaha keys collect karne jata hain. Indira car se saman nikalne lagti hain. Dono ghar ke andar jate hain.
Rishi : Ufff...oh... Woh lagta hain ghar kuch samay se band tha na toh bahot dhul jam gayi hain. Hume pura ghar saf karna hoga.
Indira : Koi bat nahi. Hum kar lenge. Chalo pehle hum room me saman toh rakh dete hain.
Rishi : Haa chalo... Yeh rahi tumhari room aur woh rahi meri.
Indira aur Rishi apna apna saman lekar apne apne room me jate hain. Fresh hone ke bad dono bahar dinner karne jate hain. Ghar wapas aane ke bad Indira saf safai ke bare me sochti hain. Chalo Rishi abhi thoda ghar saf kar lete hain.
Rishi : Indira abhi?? Abhi toh bahot rat ho chuki hain na. Hum kal subah jaldi uthkar karte hain na.
Indira : Tum aur jaldi uthoge? Subah 8 baje se pehle toh tumhari neend khulti kaha hain?
Rishi : Are baba uth jaunga jaldi. Agar nahi utha na toh tum mere kano pe alarm ki ghadi baja dena.
Indira : Alarm???? Alarm bajta rehta hain Rishi... Fir bhi tumhari neend nahi khulti. Aise so jate ho jaise kumbhakaran ke chate aulad ho.
Rishi : Are fir tumhara tarika apna lo. Jaise ek din tumne mujh pe thanda pani dala tha waise hi kal bhi dal kar utha do... Lekin please abhi sote hain na.
Indira : Thik hain. Lekin yad rakhna agar tum jaldi nahi uthe na toh sach mien me thanda pani dalungi tumhare upar...
Rishi : Haa uth jaunga meri Maa...
Indira : That's like a good boy.. Chalo ab sone chalte hain. Bye.. Good night.
Rishi : Bye.. Good night... Indira waha se chali jati hain. Rishi usse dekh kar... Sach me Hitler nam suit karta hain isko.. Uff.. Hitler kahiki... Chalo Rishi beta ab jaldi so jao varna kal muft me hi aadha nahana ho jayega aur wo bhi Hitler ke dat ke sath... Aur wo sone jata hain.
Shiv Shakti
