Saahir....Sujal&Kashish.....Last Part...11/29 - Page 16

Ab agli Subaah Kashish Kripa se milne mall jati hai...........Kripa pehle se hi Kashish ka intzar kar rahi hoti hai jab Kashish aati hai to woh Kripa ke gale lag ke rone lagti hai..............

Kripa: Kashish tu ro kyun rahi hai........bata kya hua............

Kashish: bhabhi woh swayam.......

Kripa: thik hai hum baat karte hai pehle tum chup ho jao aur yahan betho..........

Kashish aur Kripa mall ke coffee shop me bethte hai...........

Kripa: ab bata baat kya hai.......kal raat bhi tu aise hi rone lagi.........

Kashish: bhabhi aap janti hai Swayam meri zindagi me wapas kyun aaya............use meri zindagi me wapas lanewala aur koi nahi Sujal hai.........Sujal ne khud mujse kaha ki woh Swayam ko mere ristey ke bare me sabhi ko batayega taki use aasani se divorce mil jaye..............

Kripa: Kya.......baat divorce tak pahonch gayi aur tumne muje kuch bataya nahi..............yeh sab kya ho raha hai tumhari zindagi me........

Kashish: bhabhi aap to jante hi hai ki main aur Sujal ek dusre se kitni nafrat karte hai..........lekin maine kabhi nahi socha tha ki Sujal aisa mere saath kar sakta hai...........woh itna gir jayega maine kabhi nahi socha tha...........jabse maine swayam ko dekha hai main ek darr ke saath jee rahi hoon.............muje pata nahi kya honewala hai lekin muje bahot darr lag raha hai...........

Kripa: kis baat ka darr Sujal aur apne parivar ko kho dene kaa......

Kashish: nahi bhabhi.......muje yeh soch ke bura lagta hai ki Sujal apni patni ke saath aisa kaise kar sakta hai..........

Kripa: patni kaisi patni........kya tumne aaj tak ek bhi patni ke farz nibhaye hai...........nahi Kashish galti tumhari hi hai.......haa main manti hoon ki aaj jo kuch bhi ho raha hai woh Sujal ki galti hai lekin is kamzor rishtey me sabse badi galti tumhari hai.................Kashish ek patni ka farz hota hai ki apne pati ki nafrat ko woh pyaar me badle lekin tumne kya kiya........wahi nafrat ko aur gehra bana diya..........pati patni chahe to koi tisra unke rishtey ke beech nahi aa sakta.......lekin tum dono ne apne rishtey ko hi mazak bana diya hai........woh ab tutne ki kagar par hai kyunki woh to ek dhaage ki tarah kamzor hai........maff karna Kashish lekin sujal ke jitni hi galti tumhari hai...........kya kabhi tumne yeh janne ki koshish ki kyun Sujal tumse nafrat karta hai........kabhi tumne use sidhe muh baat ki.....Kashish woh tumhara pati hai aur uska khayal rakhna tumhari jimedari thi lekin muje lagta hai ki tum apni jimedari hi nibha nahi saki.........jab dosh khud me ho to dusro me nahi dhundha karte..........tum dono ne to shaadi jaise pavitra rishtey ko ek khel samaj ke rakha hai...........pehle muje lagta tha ki tum dono me pyaar ho sakta hai lekin ab kuch nahi ho sakta.........kyunki tum koshish nahi karna chahti.......aur aaj musibat aayi to tumhe ehsaas hua ki Sujal tumhara pati hai.........tumhe yaad hai ek din maine tumse kaha tha ki tumhari ini aankhoin me Sujal ke liye aanshu aur chehre pe muskurahat hogi.............lagta hai aaj unme se ek kaam ho gaya..........janti ho tum aaj ro kyun rahi ho kyunki tumhe darr lagta hai sujal se durr hone me..........kyunki tum Sujal ko pasand karne lagi ho..........tumhe Sujal se pyaar ho gaya hai.............

Kashish: bhabhi yeh sach nahi ho sakta..........

Kripa: yeh sach ho gaya hai..........tumhe apne pyaar ka ehsaas ab hua hai jab tumne Swayam ko dekha.........swayam ko dekhke tumhe yakeen ho gaya ki tumhara ek pati hai.........jise tum pyaar karti ho........Kashish man ko meri baat tum Sujal se pyaar karne lagi ho kyunki yeh aaj nahi hota to main tumhare aankhoin me Sujal ke khone ka darr nahi dekhti.........shayad tumhe meri baat pe yakeen na ho lekin yahi sach hai .......aur agar tumhe meri baat ko parkhna hai to ek bar Sujal ki aankh me zak ke dekhna tumhe tumhare sawaal ka jawaab mil jayega...........

tringg...........tringg...............

Kashish: hello.....

Dadi: kaha ho beta..........main kabse tumhara intzaar kar rahi hoon.........tumhe yaad hai na hume mandir jana hai........

Kashish: haa dadi main to bhool hi gayi bus abhi aati hoon.........

Kripa: kya hau........

Kashish; woh muje dadi ke saath mandir jana tha aur main is pareshani me bhool gayi........main chalti hoon........

Kripa: thik hai lekin ek bar jo maine kaha uske bare me sochna........aur haa galti se bhi swayam ki galti apne gharwalo ke aage mat khulne dena........

Kashish: jee........main chalti hoon....bye.....

Kripa: bye..........apna khayal rakhana.............

****************************************************************************************

ab sham ka waqt hota hai Kashish apne kamre me bethi samne apni shaadi ki tasvir ko dekh ke kuch soch rahi hoti hai jab Sujal office se wapas aata hai..........

Sujal: kya soch rahi ho......

Kashish: tum kab aaye muje to pata hi nahi chala.........

Sujal: main is darwaze se andar aaya lekin tum Swayam ke bare me soch rahi thi na...........

Kashish: muje koi jawab nahi dena .........

Sujal: tumhe jawab dene ki bhi koi zaroorat nahi kyunki hum dono bahar dinner pe ja rahe hai.........aur janti ho aaj ka special guest kaun hai ..........of course Swayam........

Kashish: muje kahi nahi jana...............

Sujal: tum zaroor chalogi warna main Mama aur Dadi ko sab sach bata dunga............

Kashish: tum muje blackmail kar rahe ho..........

Sujal agar ise blackmail kehte hai to haa main kar raha hoon.......ab jaldi se taiyaar ho jao kyunki tum janti ho muje dair se jane ki aadat nahi.........

yeh kehke Sujal wash room me fresh hone chala jata hai aur Kashish kuch soch ke Anjali ke kamre me aati hai.........

Anjali: Kashish tum........kuch kaam hai......

Kashish: nahi Bhabhi woh Sujal aur main dinner pe ja rahe hai to socha ki aap log bhi hamare saath chale........

Kavya: ab tum miya biwi me hum dono hadi nahi banna chahte.......

Kashish: nahi bhaiyaa baat yeh nahi........woh Swayam bhi aa raha hai aur aap to sujal ko jante hi hai ki woh waha pe bhi Business ki baat leke beth jayega......aur main waha pe bethi bethi bore ho jaungi is liye Bhabhi aur aap muje company denge.........aap chalenge na hamare saath.........

Anjali: Kavya.......hum nahi ja rahe hai.......Kashish hume le ja rahi hai agar sujal puche to........

Kashish: thank you bhabhi........ab aap jaldi se taiyaar hoke bhaiyaa ke saath neeche aa jaiye.............

thodi dair bad Kavya, Anjali aur Kashish Sujal ka intzar kar rahe the jab Sujal aata hai........

Sujal: aap dono bhi kahi bahar ja rahe hai.......

Kavya: haa.......tumhare saath ....tumne hi to kashish se kaha ki hum dinner pe aaye......

Sujal: maine.......

Anjali: haa taki Kashish akeli business dinner pe bore na ho.........ab yahi pe baatein karonge ki chale..........

Sujal: chalo......

sab log gadi me beth ke rasturant ki aur jane lagte hai lekin abhi bhi Sujal bahot gusse me hota hai..........kyunki Kashish ne uske pure plan ki wat laga di hoti hai................

****************************************************************************************

Woh log rasturant ke andar aate hai jaha pe Swayam unka intzaar kar raha hota hai.........Anjali aur Kavya ko dekh ke hi Swayam ko gussa aa jata hai...........

Swayam: bahot achcha hua aap log bhi hamare saath join karenge.........

Anjali: nahi woh to bas aise hi kashish zidd karne lagi.........

Swayam: achcha hai na warna aapse kis din baat hoti........aap log bethiye main aur Sujal sabke liye drinks leke aate hai........

Sujal aur Swayam bar ki aur jate hai.............

Swayam: tum Kashish ke saath apne Bhai aur Bhabhi ko kyun laye...........

Sujal: maine to sab plan kiya tha lekin Kashsih ne sab bigad diya to main kya karoon............main kuch sochta hoon jise tumhari Kashish se baat ho chalo chal ke dinner karte hai..........

sab log dinner ke table pe bethe huye hote hai.....

Swayam: aaj ka khana meri pasand ka aap sabko........

Swayam waiter ko order dene lagta hai.......

Kashish: nahi woh nahi......unme nuts hoge.........Sujal ko nuts se allergy hai.........

Sujal: tumhe yaad hai........

Kashish: kaise bhool sakti hoon.........

Swayam: bahot khub apne pati ko janti ho.........

Kashish: apne pati ki pasand napasand ka khayal nahi rakhungi to kiski rakhungi...........

Anjali: i am impressed Kashish...............muje nahi pata tha ki tum aur Sujal ek dusre ko itne kareeb se jante ho................

Kashish (looking at swayam): Bhabhi woh kya hai na kisi ko lagta hai ki hamara rishta bahot nazuk hai lekin utna bhi nazuk nahi ki koi baharwala aake hamare rishtey ko tod dale...........hum ladte hai zagadte hai lekin hum yakeen bhi to sabse jyada karte hai...........

Kavya: yeh tum log bhi na kaise baatein leke beth gaye ........lets dance.........aur waise bhi yeh mera favorite song hai...........

Anjali: haa chalo.......it is couple dance.............to chale Sujal.......Kashish.......

Sujal: jee bhabhi............

****************************************************************************************

sab log dance floor pe aate hai...........

Jab koi baat bigad jaaye jab koi mushkil pad jaaye

****************************************************************************************

ab sab log wapas table pe bethe huye hote hai.........

Anjali: maine aaj se pehle Sujal ko kabhi aise romantic dance nahi karte dekha kya baat hai Sujal........

Kavya: come on Anjali.........aaj se pehle uske pass itni khubsurat patni jo nahi thi.......yeh sab Kashish ka jadoo hai................kyun Kashish..........

Kashish (sharmake): aisi koi baat nahi........

Anjali: kavya tumne dekha.........Kashish ko sharma bhi aata hai........

Kashish: bhabhi aap bhi na kaise baatein leke beth gayi..........

Anjali; thik hai yeh sab chod kal kya kar rahi hai..........agar kuch nahi to tumhe mere saath Ved ki school jana hai............

Kashish: i am sorry bhabhi..........agar muje Old Age House nahi jana hota to main zaroor aati..........lekin aap to janti hai ki muje abhi bahot si taiyariyaan karni hai..........

Sujal: kis baat ki.........

Kashish: woh Old Age House ko kal pure Dus saal ho gaye hai.....usi khushi me ek chota sa function hai .........bas usi ki taiyariyaan............

Anjali; thik hai kal Ved ke school ke bad main bhi wahi aa juangi Kripa ke saath tumhari madad karne..........

Kashish: thank u so much bhabhi........muje bhi bahot madad ki zaroorat hai..........

Kavya: to Sujal se keh naa.........woh tumhari madad karega.......

Kashish: nahi woh to pura waqt office me honge.......it is ok main manage kar lungi..........lekin aap sabko parso zaroor aana hai........

Anjali: of course hum aayenge..........woh din tumahre liye bahot bada hai aur hamare liye tumhari khushiyaan........is liye hum sab aayenge......kyun Sujal.......

Sujal: haa .......hum sab jayenge........main aur Bhaiyaa office se jaldi lautne ki koshish karenge..........

Kashish: tum bhi aaoge.........

Sujal: haa.........

Kavya: Patni ko hosla dene ki liye pati ka hona bahot zaroori hai............

Sujal: waise Swayam tum bhi aa rahe ho na........

Swayam: haa bhai ab muje kaun se Kashish ke invitation ki zaroorat hai.........main to bin bulaye kisi ke ghar aur kisi ki zindagi me chala aata hoon.............kyun Kashish........

Kashish: bhabhi ab dinner ho gaya ho to hum ghar chale..............muje kal ki bahot si taiyariyaan karni hai...........

Anjali: haa haa chalo..........

sab log apni apni car me ghar jane lagte hai..........

****************************************************************************************

Sujal aur Kashish apni car me ghar ja rahe hote hai.............

Kashish: Sujal tumse kuch baat karni hai.......

Sujal: muje pata hai tum yahi puchogi na ki maine function me aane ke liye kyun haa kar di to sirf apne gharwalo ke liye..........agar tumhe yeh galatfemi ho ki maine tumhare liye haa ki hai to tum galat soch rahi ho......

Kashish: nahi main kuch aur baat karna chahti hoon.......

Sujal: haa pucho........

Kashish: main tumhari zindagi se bahot jald hamesha ke liye chali jaungi lekin us din tak kya hum dost nahi ban sakte..............

Sujal: dost........

Kashish: haa hamare rishtey ko koi to naam mil jayega................aur phir main tumhari zindagi se jab chali jaungi tab yeh to yaad kar sakti hoon ki mere kal me mera ek dost tha..........

Sujal: is dosti ke piche tumhara kya maksad hai........

Kashish: kuch nahi sirf itna ki tum muje swayam ke saath samne nahi laoge........tumse juda hokar main bahot durr chali jaungi jaha pe Swayam naam ka durr durr tak koi wasta na ho.......Sujal Swayam ke saath mera ek gujra hua kal hai jo bahot hi bura hai.......main isse aage kuch nahi kahungi lekin itna yaad rakhna ki tum jo karoge uski saza sirf aur sirf muje hi milegi.........aur tumhe lagta hai ki main Swayam se pyaar karti hoon to yeh tumhari galatfemi hai kyunki jitni nafrat me tumse karti hoon usse kayi jyada main nafrat Swayam se karti hoon.........main tumhe pura sach to nahi bata sakti kyunki use batane ke liye muje himmat chahiye jo mujme nahi...............maine apni aur se tumhari aur dosti ka kadam uthaya hai aage tumhari marzi.........

Sujal: muje kuch waqt chahiye sochne ke liye..........

Kashish: tum apna pura waqt le sakte ho lekin itna bhi mat lena ki waqt hi dhoka de jaye............

Sujal: baatoin baatoin me kab ghar aa gaya pata hi nahi chala...............

Kashish: thanks.......

Sujal; kis liye.........

Kashish: meri baat ko puri sunne ke liye.............

yeh kehke Kashish gadi se utarke apne kamre ki aur jane lagti hai aur Sujal uske piche piche jata hai.............