| PART 10 Subah ki pehli kiran niharika ke chehre par padti hai, aur woh ahista-ahista apni aankhen kholti hai, use behad dard aur kamzori ka ehsaas hota hai, woh uthne ki koshish karti hai, ki tabhie use mehsoos hota hai ki kisi ne uska haath pakada hua hai, woh dheere se turn karti hai aur uski nazar aditya par padti hai, aditya ko dekhkar woh chaunk jaati hai, aur woh dobara uthne ki koshish karti hai, ki tabhie achanak se aditya ki aankh khul jaati hai. ADI-Aapko hosh aa gaya thank God! are aap uth kyun rahin hain? aap araam kijiye. NIHA-No it's ok, main thik hoon. ADI-(to himself)-woh toh nazar hi raha hai ki tum kitni thik ho. aditya, niharika ko sahara dekar uthate hue, piche ki deewar par tika kar baithata hai. NIHA-thanks. ADI-u r always welcome. niharika ki nazar achanak se aditya ke forehead par jaati hai, aur woh dekhti hai ki uske mathe se khoon beh raha hai. NIHA-are aapke mathe par toh bahut gehri choat lagi hai, aur kaafi khoon bhi beh raha hai. ADI-(apne mathe ko toch karke kehata hai)-are yeh kuch nahin hai, bas halka sa zakhm hai jald hi bhar jaayega, aap meri fikar mat kijiye aap araam kijiye. NIHA-(gusse se)-kaise bhar jayega, koi chamatkar hoga kya? ADI-(to himself)-mere liye toh yeh kisi chamatkar se kam nahin hai ki tumhe hosh aagaya. NIHA-kuch kaha aapne! ADI-aham......nahin toh. niharika apne dupatte se thoda sa kapda fadti hai. ADI-are yeh aap kya kar rahin hain? NIHA-aapke liye patti tyaayar kar rahin hoon, aur kya. ADI-patti........magar.... NIHA-agar-magar chodiye aur thoda sa paas aayiye. ADI-jiiiiii........... NIHA-are aapke sir par patti bandhni hai, ab dekhiye mere paas rumaal toh nahin hai, isliye filhaal toh isi se kaam chalana hoga. aditya niharika ke paas aata hai, aur niharika uske sir par patti bandh deti hai. ADI-(halke se muskuraate hue)-thanks. NIHA-(smile karte hue)-welcome, magar main yahan par kaise pahunchi, mujhe kuch yaad nahin aa raha hai..... haan bas itna yaad hai ki mere paon mein kuch nokili si cheez chubhi thi.........aur uske baad.......... ADI-aur uske baad aap behosh ho gayin, phir main aaya, aapko dekha, aur aapko uthakar yahan par le aaya. NIHA-jiiiii.......?magar aap mujhe yahan tak laaye kaise? ADI-aham......well, ab obvious si baat hai ki, itni toofaani raat mein, is ghane jungle mein mujhe koi car, taxi, plane ya phir helicopter toh nahin mila hoga, toh is bande ne apne in dono haathon ka istemal karna hi sahi samjha. NIHA-(chaunk kar)-iska matlab aap mujhe apni bahon mein...... ADI-(seriously)-ji haan, apne bilkul sahi samjha, aur isse pehle ki aap phir se mujhe galat samjhe, toh main aapko batadu, ki us waqt mere paas koi aur chara nahin tha, u were very critical at that time, and the rest is history. NIHA-thanks, ki aapne mere liye itna kuch kiya, & sorry ki aapko meri wajah se itni pareshaani hui. ADI-(smile karte hue)-it's ok senurita.........i mean niharika. niharika aditya ko dekhkar smile karti hai. ADI-shukar hai ki kam se kam meri wajah se hi sahi aapke chehre par muskaan toh aayi. itna kehkar aditya niharika ke paas se uthne lagta hai, tabhie niharika aditya se kehti hai. NIHA-are aap kahan jaa rahen hain? ADI-(smile karte hue)-jii zara bahar jaakar dekhta hoon ki kuch khane ko milta hai ya nahin. NIHA-lekin itne ghane jungle mein aap akele kahan jaayenge, main bhi aapke saath chalti hoon. ADI-kyun?...kahin aapko yeh darr toh nahin lag raha hai ki main wapas nahin aaonga, ya phir mujhe kuch ho jaayega. NIHA-aap aisa kyun bol rahen hain, mera woh matlab nahin tha. aditya ahista-ahista niharika ke paas aata hai, aur usse kehata hai. ADI-(softly)-toh phir aapka matlab kya tha? aditya ka itna kareeb aana niharika ke tan-mann mein wahi ehsaas jagata hai, jo use pehli baar mehsoos hua tha, jab woh uske kareeb aaya tha, aur kis tarah se uski dil ki dhadkane bhad gayi thi, aditya niharika ki aankhon mein aankhen daalkar uske jawaab ka intezaar kar raha hai, aur niharika aditya ko apne itne paas dekhkar apni palkein jhukha leti hai. NIHA-(in a slow voice)-woh main...... aditya halke se smile karte hue, niharika ke bagal se apna jacket utha leta hai, yeh dekhkar niharika thoda sa chaunk jaati hai, aur aditya dheere se uthkar khada ho jaata hai, aur niharika se kehta hai. ADI-ab aap toh koi jawaab de nahin rahin hain, toh maine socha ki aap ke liye is jacket ki jeb mein bhar kar kuch khane ko le aayun, tab shayad aap jawaab dede. itna kehkae aditya khandahar se bahar chala jaata hai, aur niharika aditya ki baat sunkar apne mann mein halke se muskuraati hai. cut to the dhaba, jahan par sagar, nihal aur rahil teena wahan par maujood kuch logose aditya aur niharika ke baare mein pooch tach karte hain, magar unhe kuch bhi jaankaari nahin milti hai, sagar lagataar aditya ka mobile try karta rehta hai, magar use bhi koi response nahin milta hai, aakhirkaar finally woh teeno jungle ke andar jaane ka faila karte hain, unke saath dhabe par maujood kuch sthaniya log aur kuch passengers bhi un teeno ki madad karne ke liye aage aate hain. Doosri taraf pooja aur kiran bhi kaafi tension se guzar rahin hoti hain, aur lagataar aditya aur niharika ki salamati ki dua kar rahin hain. cut to the khandahar, jahan par niharika aditya ka intezaar kar rahi hai, ki tabhie use apne aas-paas kisi cheez ki halki-halki si awaaz sunai deti hai, woh apne agal-bagal dekhti hai magar use kuch nazar nahin aata hai, tabhie uski nazar saamne ki taraf jaati hai, aur uske muh se ek bhayanak si cheekh nikalti hai, kyunki niharika ke saamne kuch hi doorie par ek kaala naag apna phan phailaye hue baitha rehta hai, use dekhkar niharika buri tarah se saham jaati hai, uske mathe par daar aur ghabrahat ke maare paseena aane lagta hai, aur isse pehle ki woh kuch soch pati ki tabhie uski nazar saamne aditya par padti hai, jo ki andar aa raha hota hai, aditya apna pehla kadam khandahar ke andar rakhta hai ki, niharika zor se chillakar use rokti hai. NIHA-aditya wahin ruk jaayo aage mat aana. aditya chaunkar niharika ki taraf dekhta hai. ADI-kyun?kya hua niharika? niharika apne haathon se ishaara karke aditya ko us kaale kaale naag ki taraf dekhne ko kehti hai, aditya jaise hi us naag ki taraf dekhta hai ki woh dheere se apne ghutne niche tikakar zameen par baith jaata hai, aur us naag ko dekhne lagata hai, phir woh dabe hue kadmon se dheere-dheere aage bhadne lagta hai, yeh dekhkar niharika kuch bolne hi jaati hai ki...... NIHA-yeh tum kya......? ADI-sshhh chup. aditya niharika ko ishaare se shant rehne ko kehta hai, aur chupke se aakar piche se us kaale naag ko dhad dabochta hai. NIHA-(darr ke maare)-aditya yeh tum kya kar rahe ho?use phek do plzzz. aditya us naag ko upar se niche tak niharte hue kehta hai. ADI-(smile karte hue)-beautiful. aditya ki yeh baat sunkar niharika aur bhi zyaada shock ho jaati hai. ADI-(in a thrilling manner)-indian cobra, black beauty, wow, jaanti ho niharika iske zehar ki ek boond sau insaano ko maut ki neend sulane ke liye kaafi hai. NIHA-kya?kahin tum pagal toh nahin ho gaye ho. ADI-pagal, no ways. NIHA-(warning dete hue)-dekho tum is rengti hui zehreeli cheez ko mere paas mat laana. ADI-(chaunk kar)-rengti hui cheez! tum is black beauty ko rengti hui cheez keh rahi ho, jaanti ho ki iska zehar anti-dose banane ke kitne kaam aata hai. NIHA-(gusse se)-mujhe tumhari is black beauty ke baare mein kuch nahin jaanna hai, tum abhi ke abhi ise bahar lekar jaayo. ADI-ok, ok, just chill, main ise bahar jungle mein chodkar aata hoon, common beautiful let's go. NIHA-(irritatingly)-beautiful, yak. thodi der mein aditya wapas aa jaata hai. NIHA-chod aaye apni black beauty ko jungle mein. aditya niharika ke bagal mein baithte hue kehta hai. ADI-haan aur waise bhi yahan par toh uske saath parayo jaisa bartaaw ho rah tah, kam se kam uske ghar mein toh use apno ka pyar aur saath milega. niharika ajeeb tarah se aditya ki taraf dekhti hai. ADI-kya hua?aise kyun dekh rahi ho? NIHA-Jab maine tumhe pehli baar dekha tha toh mujhe shaq tha ki shayad tum aadhe pagal ho, lekin ab...... ADI-lekin ab kya? NIHA-lekin ab mujhe poora yakin ho gaya hai ki tum aadhe nahin balki poore pagal ho. ADI-(smile karete hue)-mujhe pata hai, kyunki main aisa hi hoon. NIHA-wow that's gr8. ADI-hmmm, balki main toh yahi kahunga ki tumhe bhi thodi bahut pagal panti karni chahyiye, yakin mano bahut mazaa aata hai. NIHA-no ways. ADI-what no ways, aur waise bhi, tumhe dekh kar mujhe koi shaq nahin, balki poora yakin hai ki tumne toh aajtak apni zindagi mein kam se kam koi bhi exciting kaam nahin kiya hoga. NIHA-haan, kyunki mujhe in sab chichoripanti ki cheezo ko karne mein koi dilchspi nahin hai. ADI-dilchaspi nahin hai ya phir tumhe darr lagta hai. NIHA-tumhe joh samajhna hai tum samajh sakte ho. ADI-(in a whisper)-aur waise bhi tum jaisi boring ladki se umeed bhi kya ki jaa sakti hai. NIHA-kyu kaha tumne? ADI-kuch nahin, achcha yeh sab chodo, yeh lo kuch kha lo. NIHA-(angrily)-mujhe bhookh nahin hai. ADI-(softly)-dekho ab tum mera gussa kam se kam khane par toh mat nikalo. NIHA-(gusse se)-maine kaha na ki mujhe bhookh nahin hai, tumhe khana hai toh kha lo. ADI-(softly)-dekho agar tum kuch khaogi nahin toh phir se behosh ho jaogi, aur waise bhi tumhare paon se kaafi khoon bhi beh chuka hai. NIHA-(gusse se)-main chahe behosh ho jaayun ya phir mar jaayun, tumhe isse kya? itna kehkar niharika apna chehra doosri taraf turn kar leti hai.Aditya use dekhkar gusse se khada ho jaata hai. ADI-(gusse se)-sahi kaha tumne tum maro ya jiyo mujhe isse kya farak padta hai, are mujhe toh tab bhi farak nahin pada tha jab main betahasha pagalon ki tarah tumhe idhar-udhar dhoond raha tha jungle mein, mujhe toh tab bhi farak nahin pada tha jab lakh koshishon ke baad bhi main tumhe hosh mein nahin la paa raha tha, aur mujhe toh tab bhi darad nahin ho raha tha jab main tumhare paon se us kaante ko nikaal raha tha, sahi kaha tumne, bilkul sahi kaha mujhe kuch farak nahin padta. aditya ki baatein sunkar niharika ka gussa ek dum shant ho jaata hai, aur uski aankhon mein aansoon bhar aate hain, woh bas ek tak aditya ko hi dekhti rehti hai, doosri taraf aditya bhi yeh sab kehte hue kaafi emotional ho jaata hai, aur uski palkein bhi nam ho jaati hain, aur woh khandahar se bahar chala jaata hai.Udhar niharika ko apne bartaaw par kaafi pachtawaa ho raha hota hai, woh kisi tarah se apne piche ki deewar ke sahare khadi hoti hai, halaki use bahut dard aur kamzori ka ehsaas hota hai, aur uske paon ka zakhm bhi kaafi taaza rehta hai, magar phir bhi woh apne dard ko sehte hue kisi tarah se aage bhadne ki koshish karti hai taki woh khandahar se bahar nikalkar aditya se maafi maang sake. cut to aditya, jo ki bahar ek ped se tek lagakar khada hai aur apne mann mein soch raha hai. ADI-(to himself)-yeh mujhe kya ho gaya tha?maine is tarah se kyun react kiya?pata nahin kyun?magar mujhse uska dard, uski takleef bardaasht nahin ho rahi thi, shayad isiliye main......lekin mujhe usse is tarah se baat nahin karni chahyiye thi, waise bhi uski tabiyat thik nahin hai, i think i should say sorry to her. itna sochkar aditya jaise hi turn karta hai ki use saamne se niharika bahar ki taraf aati hui dikhti hai, woh dekhta hai ki niharika bahut mushkil se chal rahi hai, achanak se aditya ki nazar niharika ke paon ki taraf jaati hai, aur woh dekhta hai ki uske pair se khoon nikal raha hai, yeh dekhkar aditya daud kar niharika ke paas jaata hai. ADI-are tum yahan par kya kar rahi ho?aur tum andar se chal kar yahan par kyun aayi?tum jaanti ho na ki tumhare paon ka zakhm abhi bhi taaza hai, aur dekho kitna khoon bhi nikal raha hai, tum kyun......? NIHA-(masoomiyat se)-i am sorry. ADI-kya?tum wahan se yahan tak chal kar mujhse maafi maangne aayi ho. NIHA-(softly apni palkein jhukha kar)-haan. ADI-niharika tum bhi na...kya zaroorat thi tumhe...anyways andar chalo. aditya niharika ko shoulder se hold karke sahara dene ki koshish karta hai. NIHA-it's ok, i am fine main khud chal sakti hoon. itna kehkar niharika chalne ki koshish karti hai ki achanak se woh dard ke maare ladkhadane lagti hai lagti hai.Yeh dekhkar aditya fauran aage aakar niharika ko dobara sahara dekar samhaalta hai, aur isse pehle ki niharika usse kuch keh pati ki aditya use apni bahon mein utha leta hai, aur usse kehta hai. ADI-main jaanta hoon ki tum kitni fine ho, ab chalein. itna kehakar woh use lekar khandahar ke andar chala jaata hai. Cut to the interior of the jungle, jahan par sagar, nihal aur rahil teeno kuch aur logo ke saath aditya aur niharika ki talaash mein jute hue hain, tabhie achanak se sagar ka mobile uske haathon se jungle ki jhadiyon ke beech mein gir jaata hai aur woh use dhoondne ki koshish karne lagta hai, ki tabhie uske haath mein uske mobile ke saath-saath kisi aur ka mobile bhi aata hai, woh dono sets ko bahar nikaalta hai, aur dekhta hai ki woh doosra set kisi aur ka nahin balki aditya ka hi hota hai, yeh dekhkar sagar fauran nihal aur rahil ko awaaz deta hai. NIH&RS-kya hua sagar? SAG-Yeh dekho mujhe yahan jhadiyon mein se 'AB', ka mobile mila hai. NIH-kya? iska matlab ki adi bhi yahin-kahin par hoga. SAG-haan. tabhie unke paas do log aur aate hain aur unke haath mein ek jodi sandle rehti hai. LOG-humein yeh wahan par ek pathar ke paas gira hua mila. rahil fauran us sandle ko apne haath mein lekar dekhta hai aur kehta hai. RS-are yeh toh niharika ki sandle hai, iska matlab woh bhi yahin-kahin par hai. SAG-kahin 'AB', aur niharika saath mein ton nahin hain. NIH-may be, aur agar aisa hai toh shayad woh dono yahin jungle ke andar hi kisi safe jagah par ho. SAG-i hope so. LOG-are haan sahab yaad aaya is jungle ke thoda aur bheetar ek khandahar hai, shayad weh dono wahin par ho. RS-ho sakta hai, common let's go. SAG&NIH-haan chalo aur andar chalkar dekhte hain. itna kehkar woh sab log aage bhadh jaate hain. END OF PART 10. PLZZZ DO COMMENT. | 
Ghum Hai Kisikey Pyaar Meiin
193