Tere Bina (RajivAmna ff) last part updt! - Page 47

Part-34

Recap-
Rayan Saima ki diary padhta hai aur use Saima ke ateet ke bare mein sab kuch pata chalta hai,jise use kaafi takleef pohochti hai... Wo Rishabh se kehta hai ki wo Saima se alag hona chahta hai... Saima Aryan se milne khanna house jaati hai, jaha unhe Rayan dekh leta hai...

Story further...........
Rayan Aryan ko waha dekhkar hairaan rehta hai. Ab tak use sirf uss insaan ka naam pata tha per Aryan ko Saima
ko iss tarha se waha dekhkar wo aur bhi tut chuka tha. Aryan ke waha hone ki use umeed nahi thi... Wo gusse se
waha se chala jata hai... Saima is baat se anjaan thi ki Rayan ne use dekha tha..wo Aryan se milkar behad khush
thi... aur waha se ghar laut jaati hai.

Evening time...........
Garwewal mansion..
Saima continously Rayan ka cell try kar rahi thi...
Raina: are Saima, wo aa jayega, tum pareshan mat ho
Saima: per mama, wo kabhi bhi itne late nahi aate, phone bhi nahi utha rahe hai...
Raina: hmm..mujhe bhi iss waqt Mrs. Mehra ke ghar jana hai, unhone pooja per bulaya hai ab mana bhi nahi kar sakte
Saima: koi baat nahi mama, aap jayiye hum yehi rukte hai.
Raina: yeh thik rahega, main Adi ko le jaati hu
Saima: ji...
{saima ghar mein akeli thi, aur ab wo kaafi pareshan hoti hai. Sahil se puchti hai to wo batata hai ki Rayan Rishabh ke saath hai, to saima rishabh
ko phone karti hai}
Saima: helloo
Rishabh: ha Saima
Saima: kya Rayan aapke saath hai?
Rishabh: nahi to, meeting ke baad wo office se gaya, uske baad mila hi nahi, per baat kya hai?
Saima: wo ab tak ghar nahi laute hai, hume bahot fikr ho rahi hai...
Rishabh: main dekhta hu, aap pareshan na ho, aa jayega..
Saima: ji... {hangs down} pata nahi kaha honge ye..
{tabhi wo gadi ki awaaz sunti hai aur bahar aati hai, aakar dekhti hai to Rayan nashe mein tha, aur kisi tarha se chalne ki koshish kar raha tha...
Saima jhat se uske paas aati hai aur uska haath pakadti hai... Rayan uski taraf dekhta hai}
Rayan: tum.... chodo mujhe, im ok.... jao yaha se tum....
{and he somehow manages to walk in, while saima follows him}
Saima: ye sab kya hai Rayan? Aapne sharaab pi hai?
Rayan: ha wo aaj kuch jyada hi pi li...
Saima: ye sab kya hai Rayan? Mama papa aapko aise dekhenge to kya sochenge?
Rayan: kya sochenge? kuch bhi to nahi... dekho main to aisa hi hu, mujhe dikhava karna nahi aata... Per tum.... ha tumhe aata hai
Saima: ye kya keh raha hai aap?
Rayan: sach............ sach keh raha hu main..., pehle shikha meri zindagi mein aayi aur chali gayi.... phir tum aayi aur ab tum bhi chali jaogi...
Saima: aap iss waqt bahot nashe mein hai, chaliye hum apko kamre tak chod dete hai
Rayan: mat karo ye sab dikhava... tum jhoot ho, tumhara pyar jhoota hai... oopsss!!! {laughs} pyar to tumne mujhse kabhi kiya hi nahi hai... to kahe ka
jhoot? jao jao yaha se.. {aur wo saima ko dhakka de deta hai aur apne kamrei mein chala jata hai... Saima Rayan ki behviour se
hairaan hoti hai, uska dar aaj haqeeqat bankar uske saamne tha... }
Saima: {to herself} ye aaj Rayan ko ho kya gaya hai???
{wo kamrei mein jaati hai}
Saima: Rayan aakhir baat kya hai? aap itne pareshan kyun hai? Isse pehle aap kabhi bhi...
Rayan: isse pehle main sachchayi se anjaan tha, nahi samajh paya ki jo mere apne hai wahi mujhe dhoke mien rakhe hue hai...
Saima: yeh aap kya keh rahe hai? aakhir hua kya hai aisa?
{rayan bina kuch kahe bas wahi so jaata hai, aur saima wahi baithi rone lagti hi. Wo samajh nahi paa rahi thi kya akhir rayan aisa kyun kar rahe hai}

Next morning.........
Rayan ki ankh khulti hai aur wo dekhta hai ki saima wahi bed ki side mein baithi soyi hai, isiliye wo waha se dhere se
uth jaata aur kamrei se bahar jaata hai. Saima bhi uth jaati hai, aur kuch hi der mein Rayan kamrei mein aata hai aur
kisi kaam mein hone ko pretend karta hai.
Saima: Rayan, hum janna chahta hai ki akhir baat kya hai?
Rayan: kuch bhi to nahi
Saima: to bas u hi kal raat apne itni sharaab pi li thi ki apna hosh kho baithe the?
Rayan: uske liye im sorry. Wo kal raat mujhe bas..., anyways maine jo bhi kaha nashe mein kaha tha
Saima: kal raat sach keh rahe the ya ab sach pe parda dal rahe hai?
Rayan: {looks straight into her eyes} zindagi ki sachayi se to ab takraya hu, main bhala kisse kya chupaunga
Saima: aapko agar humse koi shikayat hai to kahiye, per please aise behave na kijiye....
Rayan: ha shikayat hai... tumhe kisne ye haq diya ki tum teen zindagiya barbaad karo
Saima: kya???
Rayan: ha... mujhse ek baar keh to diya hota Saima. Maine tumse pyar kiya tha aur badle mien sivaye pyar ke tumse kuch
nahi chaha tha... Jo pyar mere liye mera gurror tha tumne usiko ko rusva kar diya... Kyun? Maine tumse ek baar nahi kai baar pucha
tha ki kya tum hamare rishte se khush ho ya nahi, uss waqt main tumhari khamoshi ko ha samajh baitha...
mujhe laga ki shayad kahi na kahi tum bhi mujhse utna hi pyar karti ho jitna ki main tumse karta hu. Mera wajood ho tum Saima,
per aaj tumne sab kuch tod kar rakh diya... Kyun Saima, kyun? {bangs his fist on the mirror}
Saima: Rayannn.... {holds his hand} ye...ye
{rayan just looks at her and walks out of the room}
Saima: {to herself} hume maaf kar dijiye rayan...... {cries bitterly}
{kuch der baad rayan bina kisi se kuch kahe office chala jata hai}

Garewal office.......
Rishabh aur sahil rayan ka intezar kar rahe the.
{rayan enters the cabin}
Rishabh: Rayannnn.. kaha the tum?
{rayan just walks in without saying anything}
Sahil: ha sir, kal bhabhi aapke liye kitne pareshan the... unka phone aaya tha
Rishabh: kaha the tum?
Rayan: bas zara kisi dost ke yaha tha
Rishabh: oh samjha... fine, tumhe jo karna hai karo... Sahil ise kuch bhi kehne ya samjhana ka koi matlab nahi
hai. Yeh wahi karega jo ise sahi lagta hai... Bas ek shak ke binaah per ye apni hasti khelti duniya ujaadna chahta hai..
Rayan: shak nahi hai Rishabh. Jaante ho wo insaan kaun hai? Aryan Kapoor. Jin logo per sabse jyada bharosa kiya unhone hi
mujhe andhere mein rakha...
Rishabh: what???? main nahi maanta
Rayan: tumhare manne ya na manne se haqeqat badal to nahi jayegi na? Ab main bhi wahi karunga jo mujhe karna hai.. Sabne meri
zindagi ko bas khilona banakar rakha hai. Ek ne apne ego, apne so called kaam ke liye chod diya, to dusri ne apne farz ke khatir...
agar yehi hai to ab main bhi wahi karunga jo mujhe thik lagta hai... Aur main nahi chahunga ki koi bhi meri zindagi mein
dakhal de.....
{rishabh aur sahil bas rayan ki taraf dekhte hai}
Rishabh: Sahil, mera kaam ho gaya hai.. baki jo bhi kaam ho please files office bhijwana... mujhe nahi lagta ab mera
yaha aana thik hoga....
{aur rishabh waha se gusse se nikal jata hai aur seedhe Aryan ke ghar jaata hai}
Rishabh: Aryannn.... Aryannn...
Aryan: Rishabh... kya baat hai? itne pareshan kyun ho?
Rishabh: yeh sab kya hai Aryan? Tum achi tarah se jaante ho ki ab Saima ki duniya bas chuki hai phir ab tum kyun uski duniya mein
laut aaye ho? Kya tumne kabhi Rayan ke baare mein nahi socha?
Aryan: ye... yeh tum kya keh rahe ho? Bhala Saima ka Rayan se kya waasta? Aur jaha tak mujhe pata hai wo bas business associates hai
Rishabh: kya waasta hai? wahi waasta hai jo ek pati ka apni patni se hota hai
Aryan: whaaattttt?????????? Saimaa. aur..
Rishabh: ha, unki shadi ho chuki hai aur ab tumhari hi wajah se unka rishta iss mod per aaya hai
Aryan: kya matlab?
Rishabh: oh please ab u anjaan banne ka natak to mat karo
Aryan: main nahi jaanta tha ki Saima ki shaadi rayan se hui hai, per tum kis baare mein baat kar rahe ho? Meri wajah se kya hua hai?
Rishabh: Rayan tumhe lekar Saima pe shak kar raha hai aur isiliye aaj wo Saima se alagh hona chahta hai
Aryan: what? per hamare beech to aisa kuch bhi nahi hai, Saima to bas meri dost hai
Rishabh: Rayan ne Saima ki wo diary padhi jis mein saima ne likha hai ki wo tumse pyar karti hai aur majboori mein aakar
usne Rayan se shaadi ki
{aryan ye sunkar hairaan hota hai. Usne kabhi nahi socha tha ki Saima kabhi uske baare mein aisa soch sakti hai. Wo kuch keh nahi paata aur
rishabh uski khaamoshi ko kuch aur hi samajhta hai}
Rishabh: main nahi jaanta ki pehle kya hua tha, per ab jo ho raha hai wo bahot galat hai. Sab tut raha hai.. wo rayan jise apne pyar per apne aapse bhi
jyada yakeen tha aaj usi ka yakeen kahi dhunla pad raha hai... Isse pehle ki sab kuch bikhar jaye tum yaha se kahi dur chale jao. Tum dono mere dost ho,
ek ne mera hamesha mera saath diya to ek ne mujhe parivaar aur rishto ka matlab samjhaya, aur main nahi chahta ki tum dono mein se kisi ko bhi
takleef ho. Beheter yehi hoga ki tum Saima ki duniya se dur chale jao... tum chaho to teen zindagiya barbaad ho sakti hai aur chaho to abaad ho sakti hai...
{rishabh waha se chala jaata hai, aur aryan ab tak usi shock mein waha khada rehta hai...}

.....End of part -34.........

Comments awaited!!!

luv,
ruksaar

Gr8 part 👏👏👏i really hope k rayan & saima k beech sab jaldi se theek hojaye.

thanks for all the comments. They mean a lot to me 😳

Originally posted by: **-**Guriya**-*

lovely part.... 👏

thanks a ton dear!!! 😳