Next Day Huda, Aditi bhi Office main aayi hai.Prem dono ko latest development ke baare main batata hai.
Huda- bapre yaha par to kaafi lafda ho gaya hai.main to kuch din ek khubsurat janani ka peecha karte karte kitne acche mood main tha.
Aditi- to kya?? wapas Ritu ke peecha karna shuru kar do Huda.waise Pritvi ko manna parega.bohut hi intelligent hai naa???
Huda- bilkul, kamal ka hai, maaza aayega uske saath kaam karke.
Aditi- par Huda tumhara to yaha par aakar mood kharab ho gaya hai,tum Ritu ke paas jao naa??
Huda- naa Aditi, main tum logo ko miss kar raha tha yaar,waise bhi woh janani to already hamare shak ke list main hai, to main uske kyun peeche jau, yeh Huda imandaar hai, aapne liye ladki bhi imaandar hi dhundega, koi aisi waisi nahin.
Alekh- tu fikar mat kar Huda, hum dhundenge tere liye ladki, woh bhi imaandar.poori jaanch parakh kar le aayenge.
Pritvi DCP Pathak ke cabin se kaam khatam karke Office main aata hai, aur sab ko aapne cabin main aane ke liye bolta hai.aaj Pritvi bohut hi serious lag raha tha.Kaya bhi ek file le kar andar aati hai.Huda Kaya se thoda distance maintain karta hai,pehle din se Kaya ke tebar se Huda kaafi dara hua hai.
Pritvi- okay, case ab jis mod par hai hamare liye kaafi muskil ki baat hai, humhe Bunty se bohut madad mil sakta tha, par afsos ab woh rasta bhi bandh hai.lekin humhe to clue dhundna hi parega, kisi bhi keemat par humhe iss case ki gutti suljani hogi, agar koi garbad hone jaa raha hai to usse rokna hoga.Finger Print Akram naam ki ek professional shooter ke saath match kar gaya hai,to ab humhe Akram hi batayega kiske kehne par usne Bunty ka murder kiya hai?
Kaya- ACP Sir, maine Akram ki poori file laayi hoon,ek informer ke through police ko info mila tha iske baare main,kaafi muskil se police ke haath aaya tha yeh, lekin jail main shift karne ke waqt yeh bhag nikalne main kamyaab raha.iske baad kabhi police ke haath yeh nahin laga, sharp shooter to yeh tha hi, par ab kaam karne ka andaaz badal gaya hai,supari dena padhta hai iske ek aadmi ko,Akram se supari denewala bhi nahin mil sakta, woh kaha hai iska koi bhi info kisike paas nahin hai. uske baare main yeh kaha jaata hai jisse marne ke liye Akram jaata hai, marne se pehle wohi Akram ko dekhta hai.
Alekh- matlab isse pakadne ke liye humhe kuch solid planning karni paregi,aisa kuch ki shikar khud jaal main aa kar phas jaaye.
Pritvi- jiske naam ki supari diya jaata hai wohi marne se pehle Akram ko dekhta hai.main dekhna chahta hoon isse, aur milna bhi, soo ek kaam karo mere naam ki supari do iss Akram ko.
Kaya, Alekh, Aditi, Prem, Huda( sab ek saath )- kya????
Pritvi- arre iss Akram naam ki chuhe ko pakadne ke liye trap bicha raha hoon, aur kya???
Kaya- par directly nahin mil sakte, hamare informer ne ek aadmi ke baare main bataya, usse milna parega, phir woh batayega kaise supari dena hai.
Pritvi- thik hai, Alekh tum jaa kar milo uss aadmi se.
Next day, Alekh ek choti se resturant main aata hai, uss informer ne kaha tha woh supari lenewala aadmi yahi milega.Alekh ek table main jaa kar bethta hai. kareeb aadhe ghante ke baad aur ek aadmi aa kar uske paas bethta hai.
The Man- kiska kaam tamam karna hai???
Alekh- tum karoge?????
The man- woh chinta tum mat karo,jiska kaam tamam karna hai uske baare main mujhe bata do.tumhara kaam ho jayega, par haa kaam hone se pehle aadha kimat advance main dena hoga.
Alekh- arre jitna paisa chahe utna le lo, bas tum mere buisness partner ka kaam tamam kar do.par yeh nahin puch sakte kyun???
The man- supari main kyun nahin puchte hum, bas kaam aur paise se matlab hai.
Alekh- lekin haa, ek baat ka khayal rakhna, mera naam isme kahin aana nahin chayiye, police mujhe tak naa paunch paaye.
The man- arre kisi ko kaano kaan khabar nahin hoga, hamare Akram bhai kaam hi aisa karte hai.
Alekh- kaha hai tumhara Akram bhai?? Jo mera itna badha kaam karega usse to milna hi parega.
The man- aap aam khao, gutlian mat gino, Akram bhai kisi se nahin milte, bakre ka photo aur woh milega kaha yeh mujhe bata do, kaam ho jayega.aur haa advance.
Alekh- uska naam Pritvi hai,( pocket se photo nikal kar)yeh raha uska tasveer, parsu yeh ek site dekhne jaa raha hai, phir ek hotel main rukhega, bas uska kaam tamam karo.(phir uss aadmi ko ek packet de kar) yeh raha advance, kaam ho jaaye, phir poora.
The man- fikar mat karo, aapka dost yeh trip se lautega nahin.
Phir Alekh resturant se nikal aata hai, aur aapna car start karta hai.Phir Pritvi ko phone karta hai
Alekh- de diya hai tere naam ka supari, gurantee bhi mil gaayi hai tum iss trip se nahin lautega.
Pritvi- fikar not Alekh, iss trip se to Akram nahin lautega, seedha jail jayega.
Alekh ke nikal jaane ke baad woh aadmi bhi resturant se bahar aata hai,aas paas dekhta hai, lekin uske peeche Prem khada tha, Prem uss aadmi ka peecha karne lag jaata hai, phir ek sunsaan jagah par aakar woh aadmi kisi se mobile main baat karta hai.
Prem( aapne mobile par Pritvi se baat se barta hai)- Pritvi Sir, yeh aadmi mobile par kisi se baat kar raha hai, mere bilkul samne hai, utha loon??
Pritvi- jo karna hai, karne do,bas uska peecha karte raho, humhe badi machali pakadni hai, jab main kahu tab usko uthana, lekin hamare haath se nikalna nahin chayiye.
Plan ke mutabik aaj ka din hi final hai, Akram ko aaj kisi bhi kimat par pakadna hai, Pritvi ek black colour ki shirt aur jeans pehna hai, Kaya bhi uske saath hai, black suit main,aaj Pritvi drive kar raha hai,Kaya uske saath bethi hui hai, Kaya aaj thoda nervous hai, Pritvi ka yeh khud ko supari denewala plan Kaya ko bilkul pasand nahin tha, agar koi garbad ho gaayi to???Kaya notice karti hai, Pritvi aaj kuch zyada hi alert hai, warna baat zyada nahin kar raha hai, saath hi extra unwanted baat nahin kar raha hai, yeh to kamaal ho gaya.As per plan, Pritvi ke car ke peeche thodi distance maintain karke Huda aur Aditi bhi aa rahe hai.Alekh pehle se hotel main majud hai.
Pritvi(phone par)- koi activity????
Aditi- no Pritvi, philhaal to sab normal hai.mujhe nahin lagta Akram hamara peecha kar raha hai.
Pritvi- okay, be careful both of u.
Kaya- ACP Sir, kya hamara plan kamyaab hoga??? Akram hamare haath aayega?? Abhi tak to koi bhi activity nahin hua hai, usse shak to nahin ho gaaya naa, ki hum log usse pakadne ke liye jaal bichaya hai.
Pritvi- aisa lagta to nahin, usse kuch pata chal gaya hai, yeh mat bhulo Kaya woh ek pakka Criminal hai, zaroor uski bhi koi solid planning hogi.
Kaya(in mind)- issi baat ka to darr hai, uska bhi koi solid planning hoga, khud ke naam ka supari dena, phir criminal pakadna , yeh kaisi baat hui??agar sach main koi garbaad ho gaayi to?? Oh God, plzz save Raj, mujhe to extra alert rehna parega.
Pritvi aur Kaya hotel paunchta hai, aas paas aur bhi kaafi building hai, Pritvi aur Kaya reception main jaate hai, aur seedhe keys le kar aapne kamre main jaate hai.thodi der baad Aditi aur Huda bhi paunchte hai,Huda car park karne chala jaata hai,Aditi hotel main aakar seedha Alekh ke paas jaati hai. Hotel main kahin jagah CCTV camera lagaya gaaya hai, Alekh monitor ke samne betha nazar rakh raha hai. Huda hotel ke amdar nahin jaata, par aas paas bilkul casually ghumne lag jaata hai.
Room main aakar Pritvi pehle Alekh ko contact karta hai,
Pritvi- Alekh ready???
Alekh- of course Pritvi, hum poori tarah se ready hai, sab jagah camera laga hua hai, hum barabar nazar rakh rahe hai, Akram bach ke nahin jaa payega, bahar Huda bhi aapni position main hai.
Pritvi- dhyan se, woh purana paapi hai, huliya badal kar aa sakta hai.
Alekh- don't worry Pritvi, Akram kaise bhi aaye, bach kar nahin jayega.
Pritvi- good, be alert.
Pritvi phone disconnect karke dekhta hai, Kaya AC on karne ki kohsish kar rahi hai."shit, iss kamre ka to AC kharab hai, uffs, aaj weather bohut hi garam hai."
Pritvi- yaa, kamra kitna suffocating ho gaaya hai, AC bhi kaam nahin kar raha hai.reception main inform karna thik nahin hoga, plan garbaad ho sakta hai,khidki khol dete hai, bahar se thoda hawa to aayega.
Kaya jaa kar window khol deti hai, phir aa kar bed main beth jaati hai, "abhi tak koi bhi activity nahin hai, mujhe lagta hai, kuch to garbaad hai, hum kuch miss kar rahe hai ACP Sir"
Pritvi- plan ke mutabik ab tak sab ho raha hai, risk to lena parega naa?? Hamara job hi aisa hai.
Pritvi pasina pochne ke liye aapne pocket se rumaal nikalne jaata hai, par rumaal gir jaata hai, Pritvi achanak jhukta hai rumaal uthane ke liye,aur peeche table par rakha hua flower vast tut jaata hai.Dono chauk jaate hai, goli chali hai, woh bhi Pritvi ko target karke, matlab Akram yaha paunch chuka hai, par goli aayi hai khidki se,matlab bahar kisi building se goli chali hai,achanak jhukne se target miss ho gaaya. Kaya was stunned."oh my God".Alekh aur Aditi bhi alert ho gaya hai, Pritvi bahar daudta hai, lift ke paas aakar dekhta hai, lift uss floor par nahin hai.Pritvi phone karke Huda ko inform karta hai." Huda samne ke kisi building se goli chali hai, bhagna ki kohsish karega, roko usse." Kaya bhi tab tak life ke paas aayi hai,Pritvi siriyon se neeche utharne lag jaata hai, Kaya usse follow karti hai. Huda building ke taraf jaata hai, lift ground floor par naa dekh kar siriyan chadne lag jaata hai.Thodi der main lift Ground floor par aata hai, darwaja khol kar ek aadmi bahar nikalta hai, jisne bhi police record par Akram ki tasveer dekhi hai, woh bina kisi jhijak ke keh sakta hai yeh aadmi Akram hi hai.
Akram uss building ke bahar aata hai, tab tak Pritvi aur Kaya bhi siriyon se utar kar neeche aa gaye hai, Pritvi aur Akram bilkul aamne samne aa jaate hai.Pritvi turant Akram ko identify kar leta hai,aur usse pakadne ke liye uske peeche daudta hai, peeche Kaya bhi hai, par Pritvi jis speed se daud raha hai, uss speed ko match karna Kaya ke liye thoda muskil hai, kaafi der aise bhagne ke baad achanak Pritvi rasta change karta hai, aur ek rasta pakad leta hai,par Kaya ko ishara karta hai, Akram ke peeche bhagne ke liye. Kaya aapna speed thoda badati hai, achanak Pritvi samne ke ek sadak se nikalta hai, ab Pritvi aur Akram ke beech distance bohut hi kam ho gaayi hai, Kaya bhi Pritvi ke bilkul peeche hai,Achanak Pritvi ruk jaata hai, usne raste par padha hua ek lakdi ka tukara utha leta hai, aur Akram ke taraf phekta hai, Lakdi ka tukra aapni target ko hit karta hai, aur Akram disbalance ho kar gir padhta hai.Kaya uske paas pauchti hai, par achanak Akram aapne socks ke andar chupa chaku nikal leti hai, aur Kaya ke upar attack karta hai, achanak hamle se Kaya khud ko nahin bacha paati, aur uske haath par ek deep cut ho jaata hai, "aaahhh", Ab Akram khada hota hai, aur Kaya ke taraf dubara chaku le kar attack karne se pehle ek goli chalne ki awaz aati hai, goli seedha Akram ke haath main lagta hai, Chaku dur jaa kar girta hai,goli Pritvi ne chalaya tha, phir Akram ke muh par ek zor daar punch padhta hai, aur pet par ek kick, Akram zameen par tha, Alekh aur Aditi bhi woha pauchti hai, Kaya ke haath se khun nikal raha tha.
Aditi- arre Kaya, tujhe to chot laagi hai??
Pritvi- Alekh, Akram ko arrest karo, aur seedhe H.Q le kar jau, Aditi tum bhi Alekh ke saath jao, aur Prem ko bolo, uss aadmi ko bhi utha le, main Kaya ko hospital le kar jaa raha hoon.
Pritvi ne jis haq ke saath Kaya ko hospital le jaane ki baat ki, Aditi,Alekh dono hairan reh gaaye.Aditi to muh khol kar dono ko dekh rahi thi.Pritvi Kaya ki chot ko dekhta hai, "bohut khun beh raha hai", phir aapna rumaal nikal kar Kaya ki chot par badh deta hai, taki khun zyada naa nikle, Kaya bina palak jhapkaye Pritvi ke taraf dekh rahi hai, uske andar to jaise dard ka ehsaas bhi nahin ho raha tha, Pritvi ne jab rumaal badha, tab Kaya ne bilkul protest nahin kiya.Pritvi Kaya ko le kar car ke paas jaata hai.
Alekh- kuch kuch ho raha hai naa Aditi??
Aditi- lagta hai, hamare team main koi special love story shuru hone wala hai.
Alekh- lekin philhaal iss villain ka intezaam karte hai ( Akram zameen par hi padha hua tha, uske bhi haath se khun nikal raha tha) arre Pritvi ki ek punch aur kick se yeh to poora patak gaaya??
In Hospital, cabin ke andar doctor Kaya ko bandage kar rahe hai, bahar Pritvi khada idhar udhar kar raha hai,Pritvi ne jis speed se drive kiya hai, Kaya ko lag raha tha Pritvi car nahin helicaptor chala raha tha.Kaya ko bilkul dard nahin ho raha tha, uske dil main bas ek hi khayal tha uske "RAJ" uske liye care karta hai.shayad iss duniya main koi to hai jo uski itni parwah karta hai, Kaya ko aaj aisa lag raha tha jaise usse zindagi bhar ke liye kuch bohut hi keemti chiz mil gaaya hai, jo sirf uska hai.
Bandage hone ke baad doctor prescription likh dete hai, Pritvi turant jaa kar medicines laata hai, aur unn main se ek pain killer Kaya ko khila deta hai.jisse Kaya ko pain se thoda relief mile.
Pritvi aur Kaya dono wapas car main bethte hai, " Kaya aapne ghar jaane ka rasta batao, main tumhe ghar chod deta hoon, jaa kar medicines le kar rest lo."
Kaya- arre nahin nahin ACP Sir, main chali jaungi.aapko bohut kaam hoga naa
Pritvi- Kaya philhaal sirf aapne ghar ka rasta bolo, main koi bahes sunna nahin chahta.
Kaya direction deti hai, Pritvi Kaya ko ghar ke bahar chodta hai,"andar jao, jaa kar jaise doctor ne kaha, pehle khana khao, phir medicine le kar complete rest, & yes, main kal tumhara chutti sanction kar dunga, so kal no office, complete rest, now go.
Kaya (thoda muskurakar) – bye Sir.
Pritvi- bye, & take care.
Real Estate
Book Talk
293